5cm :: Portraits
Visits: 157910 times
Last changed: Apr 01, 2018
204 items in this album
5CM_7830
5CM_6595
5CM_5308
5CM_4719
5CM_4055
5CM_4833
Album: 林攸攸

第3次 台灣拍攝之旅
並不是特別喜歡台灣 只係緣份
帶著一班好朋友 連續3次都是同一組合 沒什麼特別約定發誓 走在一起

好高興認識 台MD林攸攸
看看她FB ig 滿都是可愛風格 相信對遊玩街拍並不難配合
短短2-3小時拍攝 好快就過
而我都影到想要的畫面
謝謝大家配合 和 攸攸邀約拍攝
我也拍得後隨便 希望不會覺得影得太HEA吧

謝謝大家



Changed: Apr 01, 2018.
Contains: 13 items.
Album: 如來神掌


Changed: Nov 14, 2017.
Contains: 18 items.
Album: 灰色的回憶


「灰色的回憶」

第9輯 Carol作品集

幾經辛苦 又話8號風球 一陣又話影樓冇電
拍攝期一改再改 比原先延遲了一個月至可一齊拍攝

首先多謝 化妝師 Natalie
遠道而來火炭studio幫手化妝拉
真係好難至約到時間
今次完成速度比我預期仲要快 多左好多時間拍攝
很讚吧

第二個 就緊係唔知點解 成日都可以合作既Carol女神
好耐冇見了 感覺越黎越瘦
一如以往 認真拍攝 專業態度 一D都沒變
又要set燈 又要搞擺設 時間都係岩岩好
其實拍攝後第二日 大部份後制已完成
揀相都好快 只係工作太忙 連最後果20%功夫都未有時間處理
總括黎講 同我想要既畫面係極度接近
係成功的一輯相

謝謝大家付出汗水同努力
Model:Carol Ying
MUA:Natalie Tai
Studio:He Art Studio



Changed: Sep 22, 2017.
Contains: 11 items.
Album: Cynthia

第二次同"仙弟牙"影相

記得上次 Cynthia話鋪頭是賣時裝 近排主打泳裝
敢我就口多多問拉 不如下次影水水
卒之一約再約 終於今年夏天第一輯水水相

感覺她 真係cool+moody型
下次再約你夜影深夜街頭feel果d拉
謝謝你 今次既準備

我真係好耐冇羅支燈架周圍走 感覺好似以前學完DL堂後
出去係唔係都要飛一飛 壓一壓 補一補至安樂



Changed: Aug 23, 2017.
Contains: 14 items.
Album: Tiny限定


Changed: Apr 21, 2017.
Contains: 26 items.
Album: 房間秘密


Changed: Apr 18, 2017.
Contains: 21 items.
5CM_1804
5CM_1173
5CM_3879
5CM_1447
5CM_3141
5CM_3659a
Album: 如果我們不曾相遇

話說有一日
5: DayDay 今年想要什麼禮物?
D: 給我拍一輯大肚相 陽光與海灘果種 (她很快地回答)

其實很早前 我已拒絕一次 我怕 拍得不好 誤左大事
前之幫人拍婚禮奶過野 唔好口輕輕 隨隨便便 就說好
所以 都係諗過先
我心知 我是不合適拍這類型作品
其實到最後出世前幾個禮拜 終於都拍了

總覺得 她對我期望係有d唔同 不會太過介意作品多與少
籌備時 她仲話去到浪茄咁遠地方 仲仲仲話唔俾人知去咁遠影
我眼都突埋 小弟體能有限 有咩事 我咩唔起二件落山
揀左好耐 終於揀個難度2粒星好刺
D 5星留番等妳生完至去拉

首先 要謝謝 Natalie Tai幫手化妝
恭喜妳 生左對孖仔女
百忙之中 抽時間過來幫DayDay化妝
因為果朝突然有公事在身 最後都趕唔設過來道謝
....謝謝一直以來幫忙

拍攝當日 陽光好好 加上爸爸 明明 幫手打下板
好容易 就拍到目標畫面
拍攝中途 毛端端俾個龍系朋友問 我係咪私影ing
呆.......



Changed: Apr 13, 2017.
Contains: 23 items.
Album: Noel

印象中

同 Noel影相已是第四次 太耐沒見

外型同樣子都有dd改變

謝謝 找我外出影相 令一部鋪滿塵既相機可以外出曬曬太陽

相片不多 希望妳會喜歡



Changed: Apr 11, 2017.
Contains: 13 items.
Album: 初夏 流星

第9輯 Carol作品集

『初夏.流星』

又再一次同 Carol合作
呢輯係我2017年第一輯作品 都算係plan左好耐而沒有實際行動既其中一輯
可能技術問題要解決好多 所以諗下諗下又過左幾個月 掉低埋一邊
有planning 總好過冇planning去影
有目標去影 成個拍攝過程 非常順利
這輯算是成功 起碼影到我想要既畫面
返到屋企 好快好快就簡好相 好快好快就執到要既色

最近我問左一位唔係太相熟既一位model
我問她 妳覺得 我fotop d作品如何?
她諗左一陣 打字回答說 「我覺得你影既model做什麼 你就拍什麼」
我大約明白 「沒有主見的拍攝手法」
我並不是想活在別人想法之下而去影 只是好奇 如果第三者去睇 會有什麼感覺
因為我想找她拍攝一些主題 但又想不起合適的
所以才打開一些話題吧
到最後 我都沒有提起 合作一事
因為我仲未Ready

說得太遠
謝謝Carol全力配合 短短幾個鐘拍攝時間 好快就過去
雖然太耐冇見 大家默契 不用解說太多預期畫面
埋位就經已做到想要既動作感覺
如果要說今年 我倆攝影路上有什麼目標期望
我希望嘗試更多不同主題 有故事性主題 係我喜歡的
能夠找到信賴 同有熱誠的 係我福氣
Thank you so much.



Changed: Mar 22, 2017.
Contains: 14 items.
Album: ALL for NOTHING

ALL for NOTHING 「Cynthia」

場地是不我知不覺在一個APPS找到
很喜歡
Cynthia 第一次合作
感覺她很多話題 很多野講 對比下
完全顯得我 宅仔遇女神一樣
我還是專心拍攝
總覺得 她善於拍時裝雜誌果種cool
希望下一次再合作
拍攝其他
謝謝 Cynthia



Changed: Jan 05, 2017.
Contains: 30 items.
Album: REBUILD

Rebuild 「小式」

Rebuild係 同場中 另一個場景
沒什麼原因 只係租左個場
唔執輸心態 影埋

的確好特別的一個人造景
感覺走進電影世界一樣

\希望以後多合作去創作
謝謝 小式



Changed: Dec 26, 2016.
Contains: 11 items.
Album: 妖怪村

妖怪村 「小式」

幾位師兄弟 好耐耐都冇出黎搞下攝攝團
好不容易至找到大家想拍既景 同 女model
為左拍攝順利 突意到場視察下燈光情況
再決定帶什麼道具上來

基本上 同我想要既畫面好接近
場地我十分喜歡 小式亦非常認真去演出
謝謝 小式



Changed: Dec 14, 2016.
Contains: 11 items.
5CM_0735
5CM_0422
5CM_4332
5CM_3956
5CM_0510
5CM_0392
Album: Night Beauty

第8輯 Carol作品集

《 Night Beauty 》

馬拉松式拍攝 食過晚飯後 又影過
晚上影人像 感覺會比較易處理d光
不過我有點生疏 好耐冇飛燈了
有幾張 我都好喜歡

終於都執好曬 當天所拍的
好不容易工作後 還有時間去處理
可能年尾工作特別忙 有時做到不知不覺已天光
睡幾小時後 又工作去 有時都會諗
有必要這樣忙嗎? 制度裡盲目去蹉跎

好似講得太多 同輯相無關話題
點都好 無論幾忙 都不忘拿起相機
影一些想要既感覺

謝謝 Carol很有耐性的等



Changed: Dec 13, 2016.
Contains: 7 items.
Album: 夏色

第7輯 Carol作品集

『夏色』

今次找來Carol相熟化妝師 Veron 幫手
如我所料有化妝師 係會再加分
再有要求的話 造型師 髮型師都要
曾經有個model話我 :「你(5cm)成日單打獨鬥,好難有什麼大作出現」
其實佢講得冇錯 我總不可能樣樣都要照顧齊全
燈童 助手 化妝師 造型師 髮型師 攝影師 到最後監制
每人都有一個崗位 專注同一目標而去做 相信總比一個做得更好

資源有限 總不可能每個角色 都用$請反來
可能我知名度甚低 好難請到興趣行先大師合作 在現實社會 我絕對理解
如果唔走商業之路 一隊Team 其實離我好遠

謝謝Carol高溫下演出 其實仲有晚shot
好耐冇試過 一日影8xx張 超曬標
如果前一輯相未執好的話 我係唔會約影下一個主題
我怕好似碌卡一樣 找數無期
謝謝妳從沒給我任何時間壓力去執相
希望下次再影多d靚畫面返黎



Changed: Oct 26, 2016.
Contains: 39 items.
Album: 五曜日

整合第五同第六輯 『五曜日』

數數手指都執左兩個月
又不是後期處理太複集 只是小弟實在太忙
回到家都冇咩精神去處理 又不想太求其去完左佢
所以拖到呢家

拍攝當日 辛苦曬 Carol又熱又曬
大生圍人像 我都係第一次黎 幾好 重點係冇咩人
唔同南生圍 假日好似去左旺角一樣

相信呢輯係D800最後一輯 黎緊將會鏡頭Body全面升級
可能5字對我黎講 好緊要
係我每次去影相既動力
話說呢輯都未執好 佢就plan緊下輯影d咩 同下一輯又影d咩
我不敢去得太快 敢感好似碌卡一樣 要找數
諗清楚點影先去影 就不會太離題
謝謝妳的熱血付出 汗水換返來的作品



Changed: Jul 11, 2016.
Contains: 41 items.
Album: 水陸試驗機

台灣拍攝特輯 第二回

鯊魚墳場 係一個好想親身去看看既一個地方
網上有好多好心人 留低GPS位置同攻略 等你易d搵
在火車站接過Tiny後 就乘的士出發
簡單介紹自己同同伴後 就老點著師機去 (同樣師機係唔識去 需要Tiny流利台國語協助)
Tiny給我感覺好地道台灣人 她完全聽不懂我地少少廣東話
而我地就說出最正宗港式台語 大概明白少少.....
當天好曬 在草原上朝煎一小時多
如果你問我 我會喜歡晚上的鯊魚墳場多 並不是好熱關系 感覺氣氛會配合些
點都好 一場來到 盡情發揮

謝謝 Tiny應約, 其實影呢d主題 係好難約
仲要國外人 謝謝妳花心機 時間 同 耐性為這輯相安排

送上 『水陸試驗機』



Changed: Jun 02, 2016.
Contains: 19 items.
Album: 夜之寫真

夜之寫真

Model:Tiffany Li

一輯都幾即興既相
由plan 約 影 都係幾日內完成
一個熟悉既地方 但又未創作過
我好似好耐好耐......耐 冇夜影過
爭D連個引閃都唔知放左係邊度
今年 感覺自己有少少想去影既衝動
可能平時工作太忙 工時太長 當你份工佔你時間太多既時候
你就會好自然 不想浪費工餘時間 去做一d喜歡既事
不會白白hea走一個假日

Tiffany係我初次合作
沒有介紹 沒有特別挑選過 就約她
唔知點解 佢成晚都問著同一個問題 點解要選擇我
其實只係直覺覺得 你會發揮到 我想要既畫面......

多謝妳凌晨時份出黎癡線
我諗 香港都好少數咁癲 半夜出黎影相



Changed: May 02, 2016.
Contains: 18 items.
Album: 光合作用

光合作用

Model:日日

一輯都幾即興既相
話說上次元州村影唔到好紅既花花路 太多人 花亦不是好密
臨急臨忙 走左去坪輋 諗住有.....點知 出事
事隔一個禮拜 無意間睇到人地鋪花海相
拿拿林 人類補影計劃 開動

好在 DayDay 提議一早去 如果唔係又好似去左旺角一樣
好耐都冇為左輯相 晨咁早起身
謝謝 DayDay 為輯相(嚴格黎講係幾張)去準備
影出黎都好接近 我想要 加上誇張既後執色
成輯相只係想著紅色 去執
好快就執好了

謝謝妳話左個好消息給我知
回家開車途中 只係回顧往事 比起妳結婚 更令人感動
很開心 我經已擺脫「攝影師」既角色
無所不談 沒有包袱 去影每一輯相
謝謝妳 5年的朋友



Changed: Apr 13, 2016.
Contains: 13 items.
5CM_2042b
5CM_7865
5CM_3542
5CM_6647
5CM_6176
5CM_3777
Album: 星夢

星夢
Model:日日

一輯影完之後差不多半年都未執好上架既一輯
其實呢個版本 經已係我電腦上第三版
之前果兩個版本 執到2-30%就覺得唔對路 硬係爭d野
就敢擺埋一邊 又執其他先
其實呢一種係壞習慣 好難改 如果你再冇靈感執落去
出來成品 都不是你想要的 結果就懶有藝術敢
靈感到果晚 至開個file再執過

首先多謝 DayDay出黎影相相拉
好耐好耐 冇見既南南 幫手化妝
還有 Shirley Sin既靚靚studio cafe場地

【星夢】 係 【My Galaxy】既一個延續
兩者地方其實好相似 無論燈光 場景 道具都差不多
唯一唔同就是演繹 同 拍攝手法
有時類似既主題 我不會介意重蹈又重覆去拍多次
我不會帶著上一次感覺去面對
每一次都會不一樣 將成品帶回來

2016年3月 工作忙忙的我 很快就過了一年既四份一
今年攝影project好像還是空白一片......

 

Take Me Somewhere Nice

Ghosts in the photograph
Never lie'd to me

I'd be all of that
I'd be all of that

A false memory
Would be everything
A denial my eliminent

What was that for?
What was that for?

What would you do
If you saw spaceships
Over glasgow?
Would you fear them?

Every aircraft
Every camera
Is a wish that
Wasn't granted

What was that for?
What was that for?

Try to be bad
Try to be bad


Mogwai



Changed: Mar 21, 2016.
Contains: 21 items.
Album: 籠之鳥

其實都沒什麼準備下 就影左呢一輯相
好接近新年 都係冇咩做之下就約拍一下
佢應該係我 2015年影得最既一位model 可能我份人太懶

又其實拍攝呢輯之前 己經plan好曬一個我想拍既主題
只不過 外拍太冷凍 要等天氣合適先開拍
敢相機擺得耐 電子野好快壞 唯有去影樓影住先拉
All About Carol Collection Series 4 【籠之鳥】

原先木馬主題房已沒有了 好急趕之下至找到另一間
多謝 Carol一齊幫手找場地 找服裝
我終於請教左師兄 同上CS check機
相片張張唔同色原因係因為場地既光管影響
我仲以為部機有問題 搞到我成輯失準
成日左set右set
我經已盡曬我後制能力出圖
希望下個主題有好表現
謝謝



Changed: Mar 02, 2016.
Contains: 24 items.
Album: 台灣 2015


Changed: Dec 21, 2015.
Contains: 49 items.
Album: dayday4

大東山之旅 今次係行得最遠最高的一次
亦都係有靚光既一次 秋冬行山 通常都白果收場
原本打算 Full Gear上陣 不過 "日日"話輕鬆就可以
不用太刻意去創作, 敢 3鏡1機 算拉今次
其實又唔係太難行嘰, 只不過抽左兩次根, 比對面鳳凰山易好多了
對住一件過度活躍症 同另一件無限體力 既弱質女子
我唯有說 如果冇器材 晨早攻頂拉

多謝DayDay 同 Step 帶埋小弟上山
慢慢行由朝行到晚 感受山上氣氛
有機會的話 上黎扎營過一晚 影埋星雲 timelapse 航拍
記得下次再預埋小弟行另一個山呀

Taste the Atmosphere



Changed: Dec 15, 2015.
Contains: 37 items.
Album: 秋色

一個被攝者 面對輯相有幾多準備
其實好容易看得出
拍攝前 有沒有同你商量 衣著 道具 地點 當天陽光位置...
拍攝中途 有沒有給予意見 點樣去演繹 一種心情
拍攝後 有沒有需要改善地方
並不是 只是問一句幾時有相睇咁簡單

這些年來 我沒有收埋自己放棄人像 (有人問復出嗎?)
只是影得比人慢 出相仲慢 慢到是以年計
如果我好重視一輯相 我只會一對一(隻抽)進行
就算有助手 被攝者可能會分心 又或發揮得不夠全面
一輯相 出黎張數多定少 根本不在乎
我不是進行一次商業交易
出黎影幾多個鐘 就要交幾多張相 我絕對不是專業攝影師
只能說 我喜歡人像攝影吧
有時 遲遲都未找合適人選時
我就會join下D影會活動 同師兄吹下水 hea影幾個鐘 完
SD卡 save左d咩 心中有數

好記得年頭 年初六 無咩做 又咁岩有影會活動 又咁岩有位
就敢就認識左 Carol
影完之後 其實我知 都影到d我預期既畫面
邊影邊del相 已成我習慣 這樣會加快我回家後對住部腦
揀相執既速度
很罕有地揀左五十幾張黎執 而重點係分幾晚就執好了
可能這只是巧合 只是我太耐冇影 影多左姐

直到第二輯 『如果有一天我選擇流浪,你會陪我一起嗎?』
我就知道 佢 其實對每輯相都好有誠意去演出
城市裡 商業社會 時間並唔係每個人都肯願意付出 是有理由 要回報
謝謝妳 這幾輯的付出同努力

All About Carol Collection Series 3
『秋色』



Changed: Dec 07, 2015.
Contains: 51 items.
Album: 簡拉娜的森

台灣 第二次為拍攝而來
同上次一樣四人組合 好不容易 夾好大家能請假的日子
人大左 不能太任性 豪不考慮自己 或 對方 放下手頭工作 話去就去
經過一兩個月計劃 開會...最大難處 已不是找合適景點
而是久未社交網絡露面的我 沒有作品 難以吸引合作機會
前前後後打左二十幾封邀請私信 90%以上都沒有回覆
就算到出發前一星期 我都仍在打
寧缺莫濫
總會找到 一個有熱誠 願意付出 不會計較太多的人
簡拉娜

放縱的生活使人們像失去了一切的賭徒般落魄
習慣了紙醉金迷的生活,卻發現現實中沒有屬於自己的一片落足之處
喝著香檳跳著舞,不小心摔倒在地,在墮落的幫助下,疼痛也變成了一種歡樂
這些人把自己包裹起來,讓他人看著好似羽扇綸巾,實則是對現實的逃避
而浮躁的靈魂早已飄飄然,忘卻了該如何腳踏實地的做人。

如果我們習慣了沒有自然光的新世界
習慣了那一次次就仿佛單曲循環的娛樂
習慣了那些消極而華麗的存在......還能變回純樸嗎?
即使能,又有多少人願意放棄現狀

"簡拉娜的森"



Changed: Nov 08, 2015.
Contains: 33 items.
5CM_4716
5CM_2685
5CM_0086b
5CM_8648
5CM_9367
5CM_8299
Album: 如果有一天我選擇流浪,你會陪我一起嗎?

這輯相出現, 首先要多謝 Carol(今次冇串錯)
其實淨不是妳想影呢個主題
如果不是當晚在Facebook看見
或者我 到現在都未有機會去拍
謝謝妳為這輯相去準備
我好耐都未遇到有心想去創作既人

這輯不算什麼大作
邊行邊拍 似記錄 半創作
大約是講述一個流浪生活在香港的人
當然很多實際生活上會遇到既問題 沒有拍攝
要拍的話 短短幾小時 都拍不完
就當作我一個小嘗試
謝謝妳的付出
希望下次再影過

相多 請耐心等..候....



Changed: Nov 01, 2015.
Contains: 84 items.
Album: My Galaxy

同小山合作都一段日子
基本上 都好合拍 沒什麼需要顧慮
我份人比較慢熱 傾好一個主題
買齊道具 服妝 book場 約化妝 都搞成半年
大家都忙 要返學既忙學業 要返工既要加班
實際靜下來 慢慢諗 傾點樣實行既時間 少之有少
不過有充足時間去準備 總好過炒相收場

新認識朋友 化妝師 細Jo
如果妳話點解要找妳化 其實...係夾開果個唔得閒
所以找妳
平時懶 沒有bookmark定d化妝師專頁 臨拍至黎搵
有一晚正當我search合適之時 又咁岩見到妳想化妝合作
敢 不如俾次機會大家
好多謝妳突意為這輯相準備
出黎效果 我好滿意

謝謝大家俾機會我發揮
影我想要既畫面
希望黎緊再一齊合作



Changed: Oct 04, 2015.
Contains: 12 items.
Album: Carol 部屋

好耐冇去影樓影下相 今日年初六 仲未返工
難得有時間 而咁岩又有相影 唯有一去
通常第一次去我從來未去過既地方
我都會帶多2支唔同焦段鏡 以防萬一

第一次同 Carol合作
感覺好易影 好上鏡 按一按快門同就功課交
同場師兄都好認真 不會多魚既吹水講是非時間
就敢 簡簡單單 完成我今年第一輯 甜甜

多謝 Carol悉心安排打扮
一個女仔買住兩大袋服裝 化妝品
很有誠意
辛苦曬
約定下次再影其他主題



Changed: Feb 26, 2015.
Contains: 44 items.
Album: 暮光

多得朋友帶埋小弟出去影相 至有機會認識 Hebe
熟悉地方 新面孔
新買支舊鏡 50 1.2 ais 終於開光
對焦對我黎講 真係非常吃力 可能以往只靠自動
我對支鏡影出黎既畫面 是非常like
85 50 同 35, 我最like就係50
逆光好靚
 



Changed: Feb 23, 2015.
Contains: 18 items.
Album: christybbb

Christy x BB

摺埋左一段時間 極被動的我 冇人叫 我就唔識去約拍 果D人
多得 "斯文"介紹, 部D800鐘於解封

答應影BB是有d原因的, 佢極似已回天國的 Woody
可能只是同種吧.
拍攝當天BB好似下下食完仙豆一樣
跑呀跑 走呀走 成個下午
多謝大家 有幸相遇



Changed: Feb 23, 2015.
Contains: 18 items.
Album: 星火

星火 南丁格爾

星星花係我一直想影既花, 加埋阿ken陳年煙火, 炒埋又一碟
都好耐冇拿起部D800 好在未發霉
影得疏 技術也疏 感覺 都不再太執著

多謝 謝西嘉 為影花火 陪我地影到咁夜
原來晚上都幾多怪獸

多謝Ken大悉心安排周到
如果唔係你叫 部機應該同個人一樣 開始發霉



Changed: Nov 05, 2014.
Contains: 36 items.
5CM_4936b
5CM_7028
5CM_7578
5CM_5773
5CM_5150
5CM_3227b
Album: lemon

突然想找架車影一影
好即興下 就找左Lemon個老婆影下
我出曬名影得慢 執相仲慢
終於簡左幾張出黎執執
同我預期爭少少 下次再影過

多謝曬Lemon, Cat & Ken一齊出黎癲番晚



Changed: Sep 05, 2014.
Contains: 4 items.
Album: 惑星軌跡

惑星軌跡

多得朋友介紹 再上高高map survery一下
好快就鎖定想去既地方
約人影相 呢樣 我越黎越弱 唔肯氹女 唔主動
係近排小出品既 理由
喜歡去d山卡拉咁遠 神神秘秘既地方拍攝
經已係我最基本要求 好在果日冇咩蚊

多謝兩位同行癡線的 一齊去影相
估唔到成件事會商業左 所以...我認我是 有點失準

"誰都不想擁有一些遺憾 無奈人生本帶著了不甘"

可能我會再來一次 影我想要的畫面
多謝 曾付出過的



Changed: Sep 05, 2014.
Contains: 28 items.
Album: 複制人

複制人「Y-TMT」

這是一次難忘既拍攝機會
同Ken大做好資料搜集之後 約好一個下午
帶埋相機去現場視察 過程總算順利
但準備離開時 差一點被看守員發現
所有能發聲物體都要靜音 等一個最好時機逃脫

事隔兩星期後 按原定計劃 再一次進入
之前記下看守員 巡邏時間路線
按次序進行拍攝
對我來說 這是不可多得的機會 不能放棄

這裡沒有冷氣的 外面三十幾度 滿頭大汗
廢墟的環境 是污穢的
很靜 呼吸聲會聽到
Miss Y, 她其實係一個超班的一個演繹者
沒有她 輯相就欠缺 一個靈魂
同我影相 要求高 很辛苦吧
可能別人眼中 我只是一個 為左自己 折磨別人
我希望別人看見 我真正想要既畫面

多謝大家同行創作 得來不易的作品
複制人「Y-TMT」



Changed: Aug 25, 2014.
Contains: 98 items.
Album: Rabbit2

再一次同兔仔合作 今次搞手 不是我
我經已好少主動聯系model約拍 不是不想拍 只是難約吧
『 寧缺勿濫 』

大家都知我喜歡去埋曬d 正常人唔會去既地方拍攝
今次拍攝地點 由我話事
我決定要去既地方 總會帶給別人一種新鮮感吧

兔仔係我心目中 係一個極高分既一個Model
目鏡內 我只會顧慮其他技術問題
對她表現 我絕對有信心 三言兩語就會明白我想要d咩

多謝Ken大預我一齊玩, 仲有Kenny大 同行拍攝
有機會再一齊約拍吧



Changed: Jul 21, 2014.
Contains: 28 items.
Album: 五月天 晴

曾經有個年代,情書是寫在紙上的。


曾經有個年代,歌是放在錄音帶裡。


曾經有個年代,照片是夾在相本裡。

這是第3輯同Chloe合作 作品
今次她想拍一些 甜甜地既相
開拍前 拍攝中 感覺係carry到的
但睇完相 又好似爭d 可能我太耐冇影過甜甜
 
回到家好快就挑選左 十幾張出黎整色整水
前前後搞左兩個幾月 今日終於完成
Chloe 好了解我出相 喜歡慢慢黎
只要同我有機會合作第二次的話 就自然唔會問幾時有相睇
遲d睇到 早d睇到 一點都不重要
重點係 你睇完 會唔會再番睇 再回味

好多謝妳會找我影相 我要求實在太高
又唔sell下自己 好難係呢個圈找機會

這年頭 都過了一半 再努力吧
影自己相要既畫面



Changed: Jul 13, 2014.
Contains: 22 items.
Album: 林萱瑜


Changed: May 22, 2014.
Contains: 4 items.
5CM_4540
5CM_4009
5CM_2390
5CM_3579
5CM_4222
5CM_0932
Album: Stay At Night

再一次同 Zooey 合作
今次採用第三度改良LED燈配合拍攝
感覺幾好 有我想要既畫面

我認識既 Zooey係一個 有主見 肯說話的人
有時我影到 唔知影咩好時
佢都會話不如試下點影點影
我絕對喜歡這種拍攝模式
我並不是創意無限 總有Dead Air時間
有一個幫手諗諗點影既對手 冇咁悶吧

多謝妳的準備 終於不用再改期下 完成拍攝
希望下次 大家都有一個共同想影的一個主題創作下
Thanks



Changed: Apr 24, 2014.
Contains: 23 items.
Album: Dear Whitney

認識 Whitney 好耐
對上一次影妳 已是6年前既事 很難得呢
多謝妳再找我影相 同妳每一次合作
我都希望特別的 有發揮的 會記得的

多謝 Miss N 幫 Whitney化妝set頭
我其實好有信心 妳一定化到我想要的

希望第時會有更多創作式合作
看見一個不一樣既自己

"Dear Whitney, I doesnt care."



Changed: Apr 23, 2014.
Contains: 19 items.
Album: 春之瞳

第一次同 傳說中既 水晶公主合作
雖然冇咩陽光 目鏡內 她總會散發一種清新感覺
好活潑 好開朗
在下 很少機會遇上了

多謝 Ken大師策劃籌備
預上一個百份百開朗公主
希望下次再找妳影輯 開心的

多謝大家
小弟執相慢 就出曬名
好在冇壓力下完成



Changed: Apr 14, 2014.
Contains: 29 items.
Album: 蔓延 的愛

繼 "Secret Gril" 後第三步曲作品


【蔓延 的愛】

Noel 認識左好耐
凡同我合作過的 下一次都會再加難度
希望大家都看見一個不一樣的自己
對自己交代 也對 被攝者 帶來一種新鮮感

我好喜歡拍一些有故事性既 創作
看見別人拍到 自己又想試下 其實這不是第一輯同類作品
感覺手法 都有所改變 希望內容豐富一點

Noel對於我倆之間每一次合作 都好認真
佢主動解決左 我拍攝上好多難題
如果冇佢投入積極 條件不足下 我可能又將主題放埋一邊
多謝一直以來信賴
少數人能看到我極度認真的一面
Thanks



Changed: Apr 14, 2014.
Contains: 37 items.
Album: TOXIC PSYCHOSIS

中毒性精神病(toxic psychosis)
是由某些毒物進入體內引起腦功能失調而產生的一種精神障礙

一個我好喜歡既地方
一個我喜歡既中毒妝

原本人選 並不是她 又如果 是正選那位
我相信 我後制未必是這樣
多得一班同伴 急忙下轉用Dummy機
亦是相中那位主角
希望不會嚴我要求太荷刻 看到我認真執著的一面
開拍前 影象經已深刻記錄在腦海
最後只要 Dummy機配合就可以

多謝 Patrick Wong 勞心勞力安排
化妝 KaKa Cheung
同行參與 祥大 Marcus大



Changed: Apr 01, 2014.
Contains: 8 items.
Album: 冬日情

男生圍 成日都去
但日出加人像 就好似未影過
我喜歡早上既陽光 多過日落光
可能拍攝時間 多左 冇咁急趕

自己追尋理想時間 拍攝想要畫面 當然可以
但當多過一個以上變數的話 情況就會變得復習
沒想到 今時今日仲有人同我地一齊癡線
4:00點鐘集合 互相whatsapp morning call 一個都不能少
幾度寒冬下 帶著小暖包
一齊出發去 影想要畫面

這輯男生圍 我非常喜歡
終於都完成 未必完美 但總算做過

多謝 Ken Yung 安排打點
多謝 情情 賣力演出 攝影路上 總會碰上我呢種癡線既影C

第6張 是我最喜歡的



Changed: Mar 18, 2014.
Contains: 30 items.
5CM_2733
5CM_1601
5CM_1781
DSC_0104
45390034
DSC_0057
Album: 雨多田光

農曆年過後 第一輯
好友阿Ken 找來model Yoku 拍輯演出
物色女角 我好睇佢過往表現 參與過什麼主題製作 作品出來感覺如何
對我來說 她拍攝經驗不多 底分並不高
商量好主題同拍攝地點後 大家到深水步 購買所需道具
搵左大半日 終於找到合適的

到拍攝當日 大家都好準時到達
其實都幾凍下 她二話不說就可以投入狀態
頭幾張 經已達到預期畫面 同步率簡直另眼相看
因為要行上山 HP值直線下落 休息一陣 就可以再起動
這是我極少遇見
講真 呢輯相 我算收貨
如果要挑剔既話 只怪我公太耐沒有拿起相機
生手了

希望下次會再一次大家合作 拍d好主題玩玩
多謝大家俾小弟拉衫尾同行
Thanks



Changed: Feb 19, 2014.
Contains: 35 items.
Album: 秋之瞳

再一次同 Cherry影相, 又再一次同 Miss B化妝C合作
都算是一輯籌備左好耐既一輯
大家商量好後 買衫由CCT負責 我負責小小道具
出黎效果 我覺得都非常好
90%影到我想要既畫面 收貨了

有時大家睇我d相 同真實環境相差太遠
因為我當時看的 不是實際景象 而是能否做到我想要既畫面
嚴格黎講 不是相 是在出圖吧
一個我喜歡的圖畫

多謝大家一齊出黎玩玩又一個下午
工作關系 有點遲到 再加上出發中途 有點塞車
陽光不等人 盡我能力吧
Thanks



Changed: Feb 03, 2014.
Contains: 25 items.
Album: 輕度失眠

近排幾個月內 唔知點解 幾年前影過既朋友
又會同一時間內 相約再一齊影過
我對有誠意去為輯相去付出的人 無論model, 化妝, 造型 or 一個幫手
我都會盡量諗多d去處理 去發揮
多謝 Chloe C有睇我d sample相 研究點去演繹出黎
多謝 Miss N幫 Chloe化個 我想要既妝

其實拍攝前中後期 我都冇向 Chloe 交代我想要什麼什麼情感去表達
佢有留意sample相內主角的話 就自然記起 代入角色
有好多張 都中曬 我想要既畫面
而我亦都當晚完成 80%後期處理 第三晚 就可以放上相薄

如果影到我想要既畫面 好自然當晚會快快手copy落電腦度
開PS試光試色 連訓覺 都唔想訓 好想留住呢種感覺情緒
怕訓醒明天以後就不會再有這種感覺 又會變質成另一個色Tone
相反 如果我當晚 連抄相落電腦睇 既動力都冇
証明輯相 我已心中有數 再點後制 都浪費時間

所以幾時影 不是我重要考慮因素
而是我準備是否足夠
我不希望大家出來 就當相聚 食餐飯 影輯相 咁簡單
我希望這裡能記錄 我們的創作品
多謝妳讓我看見2年後的妳



Changed: Jan 14, 2014.
Contains: 35 items.
Album: 秋天說

好耐都冇一大班 出黎影相
今次仲請來台灣毛豆 Zooey一起創作下
原以為風和日麗 影d逆光相相 但......

老實講 喜歡的就只有一張
係我發揮得好慢 有人會覺得我太hea 只係冇光 一時接受唔到再去點影
如果可以的話 我會再黎影過

Zooey是個札札跳既女孩 全程感覺是被引導
佢係有睇 有記 我俾佢d sample相 這是我最開心的一面
我相信下一輯會發揮到 我想要既畫面



Changed: Jan 06, 2014.
Contains: 12 items.
Album: 秋色

近排執房 發現部F80完全被塵封印住
其實買之前都話過會 會用佢影一輯 菲林作品
可能怕失手 冇得check相 所以我通常一輯影幾張菲林 過下手癮 就算
望住部封曬塵既相機 終於 的起心肝 清潔下 換番舊電池
安排一輯 屬於佢既作品

Kat認識左好耐 2年前曾經有幸 合作影一個主題
個主題 其實要去一個好遠 要行山既地方 去取景
諗到呢度 就主動找了她 影芒草
其實肯為左輯相去行山既女仔 我會加分

結果 在微暖陽光配合下 影到我想要既畫面
後制色放面 我沒有特別調較過 只是光暗加減
開始對Negative Film有好感 其實我喜歡正片多d
只不過正片太貴 買少見少
黎緊都會試 唔同牌子既菲林
希望不會中毒太深 沖印費實在太貴



Changed: Dec 16, 2013.
Contains: 24 items.
Album:

從好友得知 這個地方
大草原 香港買少見少 只不過仲未發展 唔係留俾你用
同我影相都知 我只會喜歡去山卡拉地方影相

Irene 係我facebook睇中想影的
只因她相薄內有一張相 拍到佢最自然既一面
近排我見人造人實在太多 平衡番自己
她是個健談女仔 對住我呢種只會顧住影 又唔多出聲既人
成輯相唔會dead air
有講有笑 好快就到日落靚光

我Facebook model相唔多
好少人唔問我羅相薄睇 就一口應成拍攝
希望下次再去其他地方 再影過
Thanks



Changed: Dec 04, 2013.
Contains: 15 items.
DSC_9317
DSC_0182
DSC_0096
DSC_0018
DSC_0003
DSC_3404
Album: Alice West Wedding

以前 我總會同friend面前話自己識影相 可以影到幾靚幾靚
一有朋友想影 就懶醒走去認頭 受過教訓 現在的我 一定不會

婚攝 我真係好怕 大家都到適婚年紀 身邊朋友 總是喜歡找我問我
對於我不懂去拒絕別人既人 真係難以開口 仲要早兩三個月就問定
唯獨是佢 佢一開口叫我幫 我諗都冇諗 就說 沒問題

佢 知我不喜歡記錄 不喜歡做主攝
不喜歡被人控制幾時 就必須按下快門 去影低
如果真的一定要我拍的話 就必須要有當我沒影過既心態

最後我都順利完成 沒包袱 沒顧慮
攝影只是我興趣 不是職業 喜歡自在

再次恭喜Alice 同我細佬 West
有幸參與同見證



Changed: Nov 19, 2013.
Contains: 78 items.
Album: Miki

忘了幾多年冇見Miki
有一日 手機傳來FB短訊 短訊內容 我第一時諗到又是廣告
感覺不對路 再番查電話薄 原來是妳
多年冇見 完全唔同曬

今次再請來Miss N 幫手化妝set頭
今次佢小有地自己都化埋妝過來
差點認不出

我係咪好耐冇蒲頭呢 3個相遇 話題講不完
多謝大家一齊參與
妳好似仲未日影過呢



Changed: Nov 19, 2013.
Contains: 12 items.
Album: 搏擊會
一部電影 一斷對白
 
『 去到我呢個年紀 仲需要人地去明咩
      我仲有野輸咩 唔緊要拉
     我都係想為自己做番一件事 』
 
當時熱血滿腔 問自己成日話呢樣難搞 果樣影唔到
差d咩 差d咩… 到頭來 咪又係咩都冇做過
 
上次去完影會 對呢間拳館印象深刻 所以主動聯絡了師父幫手準備
我朋友中 有條件 合適呢個題材既不多
所以第一時間就諗起佢, 亦找來2位相熟朋友幫手
機本上 大家都識左十幾年 冇咩合作上問題
佢地亦都知我出名慢慢黎 重點不在張數
能影出好作品既朋友有好多 只係我不想搞到好似去影會一樣模式
 
再次多謝大家參與, 同我預期一樣
我收貨的 就只有一 兩張, 主要都係試燈為主
下次 我會計劃影動態d既效果
希望令到睇完輯相既人 會有落街跑兩個圈 既熱血衝動


Changed: Oct 23, 2013.
Contains: 15 items.
Album: Another Alone
呢輯相既出現 主要都有幾個原因
買左新LED燈 同大型柔光罩未用過, 太耐冇夜影想set下燈
西九太耐冇去影相, 太喜歡阿Sir果輯 以為自己都得
最後選擇了Miss S, 作為今次試影課題
 
拍攝前 Miss S俾我感覺是 認真 專業, 問左好多相關拍攝既問題
大家都有各自準備去拍 目標畫面 亦都清晰
開拍第一兩個shot 其實有點驚訝 經已中我想要既畫面
她配合得好好, 第二次改良LED補光 亦都好接近我想要既光源效果

如開拍第三次改良LED補光試影時
亦都首要指名有妳參與
送上 【Another Alone】 演出 Stacy Li


Changed: Sep 24, 2013.
Contains: 23 items.
Album: 盛夏映畫 拾光
近排風和日麗 諗住影d自然系 陽光氣息 同帶點空氣感既相
其實拍攝當日 都仲好熱 但感覺到日照時間係短左
接近黃昏既靚光 只能維持半個鐘
 
呢度 係我一個十分喜歡既地方 對比上一次來
大部份村民都搬走了 留低…只係廢棄 空置
我係一個 極度喜歡唔遠唔去影既人 就算公車唔會到 亦想辦法去到
有時 我都分唔清 究竟你係想黎探下個地方
定話果度 適合影呢個主題 而去
 
要求高 難找人合作 行行企企 3個鐘好快過
你對別人有要求 人地自然對你成果有期望 但我又不想別人對我有所期望
因為沒了解我為什麼而拍的話 錯覺 合作3-4個鐘 就自自然然會有靚相
往往當邀請別人合作時 順帶相薄連結 寄出 通常都影唔到我想要的
還是選擇 保留一份神秘感
初次合作 不要強求 別人花時間了解你幾多 想影什麼
能合作 總算是一種緣份 看待
 
好高興阿Ken 跟埋一齊玩
你終於見到我 喜歡行到老遠去影 同不喜歡model擺pose去表達
既拍攝手法
唔知你係咪就我 你全程都只用85 仲要打全身
其實你唔洗就我 如果輯相對我極為重要
為自己想要畫面而影的話 拍攝者 就只有我一個
不容許任何人界入
 
層幾何時 有個model問我 點解仲要去影會相
我當時 沒有正經地回答個問題
去影會影相 唔洗煩去邊度影 影d咩主題
唔洗準備道具配合 唔洗考慮model著咩衫
唔洗買衫給model
請邊個化妝師合適 附近邊度化妝會方便
冇人會理你影幾多張 唔洗擔心d相點執 幾時執
甚至你有冇影過 都冇人知
 
如果以上通通都沒有提出詢問同安排的話
這表示 我對呢輯相 沒要求


Changed: Sep 23, 2013.
Contains: 16 items.
Album: Resident Evil
Resident Evil
 
呢輯算是拍攝以來最大陣容的一次
今次多得"叔叔"安排吹雞, 集合左一班有誠意喜歡創作人事一齊玩
安排食飯 分批化妝 場地要求 拍攝次序 都好好
化妝要有技巧,至能提高真實度, 演出要認真投入 步行失平衡 關節不協調 都是常識
聞說內有海馬公園的專業演員
 
因為大場面 我比較少見 走位捕足 比較慢 不過都有一 兩張我十分喜歡的
希望今年 再有機會一齊參與
再擦出新花火


Changed: Sep 07, 2013.
Contains: 48 items.
[leave message] [email album]



58 0.347067117691 0.525500059128