今日上MO1, 上完半小時既Theory, 就出去練習場度熱身先 !  兜左十幾分鐘既圈, 就開始練8字, 不過真係仲未得, 完全唔順, 之後導師叫試練鈄路打, 不過我都仲係唔得, 所以自己返落平地度練 !  考強制之前, 我直頭打都打唔到架, 但唔知係咪練習多左轉彎, 所以今次一試打8字時, 我自己都唔相信會論論盡盡都叫打到個8字 !  所以我諗自己再勤力d, 練多d, 應該會打到 !

練完8字就係Break, 我地要去Counter拎個學牌, 等Break後就出街 !  一Break時, 就發現個人濕到滴水咁滯, 真係好辛苦, 可能先前集中練習, 已經唔記得左係好熱, 返到屋企先知原來今日有酷熱警告~  到正式出街, 我行第一跟住亞Sir, 所以問題不大, 不過跟我後面既就慘d, 可能因為我毫無先兆就停車, 所以成日都Break唔切車~  不過都算無驚無險, 順利行晒兩條考牌路線 !   初時一落堂就應該要Book考期架啦, 不過我一聽到係8月30日就要考, 心諗應該練唔切8字, 而且呢個月仲係成日落雨又熱, 所以冇book到考期, 等聽多d人意見同埋等遲d考期先再Book !  而家就煩緊d課堂點Book好 !

漏左冇講到添 ... 我尋日人生第一次衝燈呀 ... 因為事源突然轉燈, 亞sir又過埋, 但我又冇預過停車, 好驚我一停, 後面既同學仔停唔到, 所以就衡左

MO1 :

11:30 - 12:00 Theory

12:00 - 13:30 場內練習 + 8字

13:30 - 14:00 Break + 拎學牌

14:00 - 15:00 出街練習

15:00 - 15:30 檢討

學完車返左屋企煮Dinner, 尋晚食日式冷麵 , 不過買左支冷麵豉油返屋企, 諗住抖陣先煮, 點知支豉油離奇地跌左落地下, 爆晒, 最後要去買過支 !