今日係咁二叫做執一執過個相簿喇, 其實都冇咩野變到, 只係個相簿封面有d唔同左咁啦 !  原本真係好想大執架, 不過個相簿入面實在太多小相冊, 好多野要掉過新位, 重新整理, 實在要太多時間啦, 所以攪攪下都決定放棄唔攪啦, 大家睇到相, 搵到路入去算罷啦 ... kaka~~

睇返今年, Goofy既戶外活動好似靜左落黎咁, 主要都係去游水, 不過黎緊星期日, 應該會有行山既機會啦, 佢一定會好開心, 有得勁走~  而我自己既相簿, 就發覺呢頭半年既相, 已經多過晒早幾年加埋 !  我似乎出得太多街啦 ... 越黎越唔黐家, 儲錢就更加唔洗講, 可以話係儲唔到 !  不過呢半年亦都好開心, 因為多左一班好好 ... 好到一家人咁既比高朋友添~

至於讀書時識既朋友, 一個又一個咁嫁左去, 做呢行既, 個個又會好忙 ... 冇乜幾多個好似我咁閒, 所以一到放假, 大家都只顧住同屋企人男朋友女朋友一齊 ... 雖然少左出黎玩, 不過大家都仲會講下電話既~

有開心, 自然有唔開心, 舊年一個朋友打比我話想離婚, 但唔知好唔好, 因為有對女係度, 所以唔想離婚 !  不過, 到左今年, 佢岩岩終於決定左啦 ... 不過好在佢仲後生, 一切對佢黎講, 影響不大 ! 希望佢以後既生活, 仍然精彩~

另外, 亦有朋友因為一D事而有磨擦, 到而家都仲未明朗化, 但希望大家都快d冇事啦 ... 其實朋友之間少不免真係會有磨擦, 關係越Close, 傷得就更深, 但我相信時間可以令大家都沖淡呢d裂痕既 !