今日由朝早10點玩到8點半先散Band歸家, 好攰呀~ 

【亞直請早餐】今朝既早餐亞直請架, 多謝亞直 !!  表妹仲要食完晒先醒先我地既早餐仲未影相 ... 食完早餐我地就去沙田既香港歷史博物館行 !

【表哥請入博物館】多謝表哥, 又幫我慳返$10去泰國買多條狗帶啦 kaka !!  原來入面都幾大, 仲有好多個展覽館, 我覺得都幾多野睇, 不過要認真睇晒既, 我諗要行足半日, 如果好似我地淨係想影果d展品既, 都要兩個幾鐘 !  表妹最慘, 因為佢睇到好悶, 不停打晒呵欠~

【大八方午餐】去完博物館, 我地就去左青龍頭度食Lunch, 雖然話係食lunch, 不過都已經係下午茶既時間啦, 餓C人 !  雖然係餓 ... 不過表哥發辦叫餸就真係好大鑊, 5個人, 叫左18碟野, 其中3籠係小籠飽, 一碟係一大窩既麵, 真係捧住個肚走 !

【廸士尼及欣澳】初時大家都諗住去廸欣湖, 不過唔知點解, 渣車不准進入, 攪到去唔成, 之後就去左欣澳海邊度影下相咁 ! 果度都幾令幾舒服 !  影完相, 我地就入左Disney ... 個門口度影相 !  泊車好貴呀 ... 因為得日泊, 冇時鐘, 要$120一日!   要多謝Aunt Wat比車場錢, 如果唔係, 我地都冇得入去影相 !

岩岩好影完相, KS就打比Agnes啦, 就係咁, 原本諗住早D返屋企既我, 就去埋食晚飯, 不過都好彩, 食完返屋企都仲趕得切睇電視 !