真係好耐未試過係屋企一日, 但又冇咩野好做, 又冇街出啦~~ 之前一晚都成3點幾先訓, 因為返到屋企, Goofy已經因為我唔係度攪到倒瀉尿尿，攪到一身都係，　又咬斷左老豆個抽濕機既電線攪到我到而家都仲未知點交代好　！　最後當然要抹地啦，　仲要同個死仔半夜洗白白～　攪到我死咁滯先輪到我有得沖涼訓覺　！　雖然夜訓，　不過第二朝都一早就起左身啦，　都唔係幾訓到～　Check番之前一日既Message，　原來Mimi誤會左我想要多張飛去Halloween, 仲話希望我搵到張飛一齊去玩喎　！　　多謝Mimi咁關心呀　．．．　但其實要搵多張飛既係KS同埋表弟呀～　我都覺奇架啦，　果晚奶奶走左冇耐mimi就打比我話我知仲有咩方法搵飛～　原來係一個誤會　！　　不過到左尋日其實都好想去架，　但一早就比左張飛人地咯，　冇法子啦　．．．　有時ｄ野整定既　．．．　初時怕人地嬲，　就想去都唔敢去，　估都估唔到今時今日容許自己去到，　但已經冇飛！

成日流流長係屋企，　最後都係執下屋，　同埋掉下野咁　．．．攪到下畫５點，　執到ｄ野放得晒入櫃，　就停晒手冇掉野啦～　其實仲有掉野既空間既，　但就已經攰到唔想郁　！　而高飛小朋友，　佢就由朝返到晚，　霸住我張床唔肯走　．．．　到左老豆返黎時先肯落下床，　之後見冇人同佢玩，　佢又再訓過，　仲要比老豆話佢咁鬼醒，　一早上訓霸定位先　．．．　哈哈～～　　咁就一日囉！