今日我放棄左做星媽既機會, 冇同到亞妹佢地去大棠行山影相, 跟左力高ee去左行西貢三星灣 ! 今次係第二次行三星灣, 初初起步時有d阻滯, 行左去個唔知咩地方, 但感覺好得意, 好有探險Feel, 好好玩呀 (不過只限短程, 如果成程咁樣, 會好辛苦架 !) 但見到d狗狗就玩得好開心, 佢地好似回歸返去一個屬於佢地既地方咁 !

去到三星灣, 個衰仔又攪事啦 ... 初初諗住過左泳季果度會冇人, 點知原來小食亭係仲開架, 個衰仔仲帶埋Brandon上左去, 仲打爛左人地d碗, 好在人地好人, 冇追究 !  不過佢自己就界損左個心口囉~

行完山, 我就跟左力高去左個金毛會員岩岩頂手做果間Pet Shop度Hea左陣 !  果度有3隻狗我好鐘意架 !  第一隻就係Whippet, 好似迷利fyfy咁架 !  第二隻就係Bozoi, 佢個主人寄養住, 不過佢話如果搵到人要就會比左人 !  第三隻就係隻同Goofy一樣大細既唐唐, 佢好可愛架, 不過之前比車撞過, 之前隻手做過手術, 遲下就會做埋隻腳 !