2005年12月1日 (星期四)
今日請左一日假約左旦爸旦媽去Disney玩~ 初初都冇諗住咁快去, 因為又未起好晒, 又怕多人, 又貴, 又劣評如潮, 不過為左平$50蚊, 所以就去左一天遊 !
去到Disney玩完晒, 比我既感覺唔係出面講得咁差, 而且仲好好玩添 ! 玩遊戲又唔多駛排隊, 食野又易搵位, 又唔迫人, 又好易就同到d Characters影相 ! 不過最可惜就係一入場時, 慌死冇時間玩, 所以就冇同Goofy & Pluto影相, 真係一大遺憾 !
而且撞岩12月1日, 岩岩Disney為左慶祝聖誕, 有個聖誕樹亮燈儀式, 又有人造雪落, 氣氛好好, 直到走果一刻既節目都非常之精彩~