|
|
|
|
Album: 2-6-2008 Monday
今晚好開心，因和一個很久不見的朋友見面食飯，她叫Snow佢係我的中學同學，我地中一已經認識呢!我地好耐都無見了，我想了很久我地係咪自從Sylvia Wedding當日見過之後就無見面，講真要約齊幾個一起出來真的比較難，因她們都有自己的家和小孩，要約真係好難，雖然今日只有我和你，但我都覺得好開心，在談論間能回憶當初我們讀書時的感覺，以前的同學/老師/學校等一切都變了很多，這足以證明時間真係過得好快，身邊的人結婚呀生仔呀!很多都做人爸爸媽媽了，不是當日天真幼稚的學生，你我他各人有各人生活，能與你仍是朋友係一份緣。
希望下次能約到Sylvia & 儀啦! Sylvia 生左咁耐都未曾有機會見下佢個仔，呀儀今年又生，唔知今年能否見到她們的孩子呢!
朋友要維繫真係幾困難，見得多又唔得，見得太少又唔得，要談到心的朋友真係無幾多個，始終你我雖然是在同一個世界，但生活不同，最重要你還記得我嗎?
Changed: Jun 03, 2008.
Contains:
5 items.
Viewed: 68 times.
|
| Album: 6-6-2008 Friday
今日超黑仔啦!又落咁大雨仲要無啦啦比人罵，本來今日幫個客影Studio，點知到夠鐘未見人咪打比佢，一打到比佢..佢第一句就話:[都唔知你0個到係邊到0離，找了半個鐘都找唔到]。之後不停駡 xxxxxxxxxxxx ，第一我之前一早send email 給你比了地圖話你知在那兒，第二點解你找了半個鐘都唔打比我問下路呢!第三0的路好難找，係路政署的問題，第四好多building無名，我都控制唔到架喎!我唔係政府，第五留下太多車泊唔到，我都唔想，唔通我趕佢地走嗎?第六你隻狗濕左，我都唔想，你估我想落雨架咩!我唔明你點解要發咁大脾氣羅，你緊張隻狗係正常，但係咪全部野都係我錯呢!我好聲好氣同你講野，你有無必要咁激氣，我全部客都是這樣來，都無人向過我投訴這些野，如果有錢我就去中環開店啦!
你一邊罵一邊話唔想影，我當然要尊重你，我會退回Deposit給你，無謂為了小事傷和氣 ，多謝你今日的教訓，令我上了一生寶貴的一課。
Changed: Jun 06, 2008.
Contains:
1 item.
Viewed: 69 times.
|
| Album: 7-6-2008 Saturday
今朝起身知道又黑雨又紅雨又黃雨真係落過不停，又琴晚開始已經不停咁落，仲要攪到周圍都山泥傾瀉，看到新聞真係幾嚴重下。
今日有一位可愛的狗狗上來影相，這主角係北京狗佢叫樽毛毛，未上來前佢主人已經叮囑我佢可能會咬人，叫我要小心，但接觸過佢又無事，唔覺佢有什麼特別，只係樣子可愛貪食的小狗，佢其實係一隻仔仔來架!不過佢主人比較喜歡佢扮女仔，所以就幫佢著裙仔扮靚靚留倩影。
Changed: Jun 07, 2008.
Contains:
1 item.
Viewed: 73 times.
|
|
|
|
|
|
Album: 8-6-2008 Sunday
今日本來要影Outdoor，但因前一日落雨落得太勁，草地應該都仍然係濕，所以都係要改期再影。
人到最難過的時候會流淚，人到最傷心的時候會心痛。現時所有的人類都為了自己的夢想而努力，但在當中為了實現自己的夢想往往會做出一些自私行為，因每個人都會有心中想要的事，其實你我她都一定曾自私過。你身邊會否有人無條件地幫你照顧你呢!最容易領會的應該係你的父母吧!你的兄弟姊妹定還是你身邊的另一半呢!
一對情侶很多分手時的理由是因性格不合為理由，很多人都覺得只係一個藉口，為何相處了這麼久才覺得唔夾呢!大家雖然一起成長一起相處，但始終每個人的經歷和心想的未來未必都是一致，亦可能有一方無條件地獻出一切去愛時，但得不到對方任何的回報時，心淡了心灰了心死了就想放棄。
Changed: Jun 09, 2008.
Contains:
1 item.
Viewed: 76 times.
|
| Album: 9-6-2008 Monday
今日終於陽光普照，仲要熱到死....好彩今日的工作係在室內影相。
今日主力係為一對新人拍攝他們的婚禮，這對新人好可愛架!點解用可愛來形容，因佢地係一對Toy poodle，今日是牠們的大喜日子，很多朋友來為牠們祝賀，真的非常之熱鬧。除了為一對可愛的狗狗祝賀外，原來當天亦是牠們的主人生日，喜事真係一浪接一浪，唔知幾時會見到牠們的BB呢!
雖然係一個狗的婚禮，但所有儀式都是做足，牠們不是交換ring，而改為交換頸鏈，互相簽名改為打手印，招呼來賓都不錯，除了給人食的食物外，亦為各位狗狗客人準備了食物，唔好以為係狗糧，有pizza/通粉/燒雞等...最勁係有糉...ha ha..合曬今日的節日。
Changed: Jun 09, 2008.
Contains:
8 items.
Viewed: 90 times.
|
| Album: 15-6-2008 Sunday
近日都比較多野做，所以都無時間去整理個Blog，這幾日又要影相/執相/整相簿/油畫/簽名布等....好多野都未攪好，差不多樣樣都急，尤其是一些結婚的事，要預先做定好，因個客婚期定左，所有野都要預期地做好呢!
今日係影studio together，者係絕大部份的相都要一家人一起影的，一家人當然係爸爸媽媽和狗狗啦!他的狗狗又係一隻為食狗狗呢!無時無刻都有個開心的樣子，但當一著起衫時，他就會好唔高興，個樣係180度轉變，超攪笑，還有樣野就係我第一眼見到佢媽媽就覺得佢好似一位藝員的樣子，當然我唔知係唔係，只覺得真係好似羅。hee hee....
Changed: Jun 16, 2008.
Contains:
2 items.
Viewed: 70 times.
|
|
|
|
|
|
Album: 18-6-2008 Wednesday
今日行程非常之忙碌，首先又要帶仔番學，者係帶Water去小學上堂，同些小朋友一起上英文堂，然後在太子行過對面馬路去男友家姐花店，因她的員工話好想見下佢，佢去到就發達啦!姐姐走去街市買新鮮牛肉比佢，真巴閉啦! 當日跟住仲要約左Carol，首先要call taxi 送water番屋企先，然後先出得去，攪到當日遲左好多，真的唔好意思，當然要請你食飯保番數啦!
Changed: Jun 20, 2008.
Contains:
5 items.
Viewed: 55 times.
|
| | Album: 22-6-2008 Sunday
三十四度的高温加上超級靚藍天真係好耐無見，今日應該不少人會去Swimming，入到石澳真係周圍都係人，難得咁好天氣加藍天當然不可以放過影相機會，真係辛苦曬，累到個個都滿頭大汗，所以我通常都同每位客人講，要影到靚相係要有所付出，辛苦曬係在所難免，因現實係要有太陽相先會特別好，一心要求影靚相，就要有所心理準備呢!
Changed: Jun 23, 2008.
Contains:
1 item.
Viewed: 91 times.
|
|
|
|
|
|
Album: 23-6-2008 Monday
估唔到琴日咁好天，今日就差咁遠....@.@滿天白濛濛一片又無雲，日落變左一片過咁，可能因為風神來臨的問題，令到天氣急轉。
差不多臨近黑曬時都將近八點了，剛準備離開時，突然有二隻狗跑出來Wu我們，我地只好慢慢向番後行，當時都不知點算好，好彩剛巧有班人正準備離開，我地人多時佢地就不敢再行近，之後我地跟著他們後面一起離開，真係嚇親Carol，我知道你是比較驚狗，況且在這情況下你一定好驚，希望唔好嚇親你。
Changed: Jun 24, 2008.
Contains:
1 item.
Viewed: 77 times.
|
| Album: 27-6-2008 Friday
今日係Blondy & Patrick 的大喜日子當然要一大清早去準備，我當日五點幾已經起左身，因怕自己太遲，又可以早些去留下食個早餐先，去到Blondy媽媽家先發現原來我係最早來的一個，Blondy媽媽仲以為我係化妝先，hee hee... 可能看我個樣唔似攝影師，似化妝師啦!因當天落雨所以無緣再見到你的三隻狗狗出現，如果牠們出現一定搶鏡不少。
在宣告誓言時，你哭到講不出說話，這刻真的感受到你是多麼的喜悅，同時亦感受到Patrick是多麼的愛你和關懷你，這刻真的感染到全場呢!
雖然今日的行程比較急，同時又落大雨，但都一切順利完成，希望你們幸福快樂。
Changed: Jun 28, 2008.
Contains:
1 item.
Viewed: 80 times.
|
| Album: 30-6-2008 Monday
今日的工作係幫香港馬術總會去雙魚河影二隻馬，這對馬係美國送給香港慶祝舉辦奧運馬術的禮物，牠們還是好年輕所以幾頑皮下，全啡色這隻馬叫FMF Imagination，而啡白色這隻叫PC's Karmel Kid，牠們都是從不同的美國牧場過來，所以對好多事情都覺得好奇，牠們會見到地下的坑渠唔敢過，因佢可能覺得係咪要jump呢!見到垃圾又立即向後又驚，證明外國和香港生活習慣幾不同，真佢要佢地見多些物件先得。聽教練講佢地係住在同一間Room，在裡面仲時常會打架，真係同小朋友一樣，還有有不少馬伕比佢地玩咬佢地petpet，ha ha...... 10/7沙田馬場再見你。
這兩隻馬將會有個比賽，係給香港人幫牠們改一個中文名字，參加者可以得到一些特別禮物呢!
今晚和Ray的朋友去食日本自助餐，這間野叫金田，這兒係可以不停落單地點食物，食了很多刺身，我覺得最好味係羊肉鞍，仲有好特別的芝士年糕，放到成台都係食物，ha ha....真係食得好飽。多謝曬weyon請我和Ray食咁豐富的一餐。
Changed: Jul 01, 2008.
Contains:
14 items.
Viewed: 64 times.
|
|
|
|
GOLDENWATER PHOTO GALLERY
