萬事得323(BJ) | 1498cc | MT | 出廠2000年10月 | 首次登記2000年11月 | 0手 | 已過了21萬公里

在一般香港汽車用家的眼中，買車當然是首選本田，或者豐田，又或者三菱，又或者日產，定還是掃把佬才配得起你？
萬事得？唔係嘛？你係新牌仔？地盤車？你冇錢？唔識車？定係傻架？

有好多人話萬記既車冇力，鋼水差，容易壞，冇野改，就連正廠既師傅都話佢虛不受保，問你怕未？

咁我就唔明，我部車已經跑了超過21萬公里，依然好精神！

其實我覺得，車同人一樣，只要有定期保養，有運動，俾應有既心機去打理，咩車都一樣可以保持最好狀態。
323只係一部家庭房車，雖然只係1498cc，但在同一個車架上，外地還有1600，1800，甚至有高性能版2000cc，美國也有turbo版，只是香港代理沒有引入。
他其實有一身鮮為人知既強健骨架，配合一套手動波箱，加上調教過的下盤，他的彎路操控性能實在是個驚喜，直接提升了駕駛安全性。

他是一部經濟，舒適，慳油，設備整，安全，可靠又好玩的家庭車。