車禍喪子母責警狂追
【本報訊】上周四在落馬洲被警方追捕時撞車死亡的男子何家樂，一生坎坷，他年少喪父被迫輟學養家，還遭內地妻子拋夫棄女。慘逢白頭人送黑頭人的死者母親未平復傷痛，昨在殮房認屍時老淚縱橫，將怨氣向協助辦手續的交通警員發洩：「我個仔傾電話，又唔係殺人放火，使唔使追佢九條街？害到我家破人亡。」 「傾電話又唔係殺人」廿六歲的何家樂在東莞出生，十二歲移居來港讀中一，家境貧困，他中五會考後原可升讀預科，卻不幸遭逢喪父噩耗，一家頓失依靠，幸得親友接濟在上環居住，但他為養家決意輟學，當維修電腦學徒，至近年自立門戶，在深水埗一帶電腦熱點掛單做生意。
何母憶述愛兒七年前返內地娶妻，無奈媳婦產下現年五歲的孫女後離家出走，愛子惟有寄情工作，惜收入不穩，要常駕車返內地傾生意，才未能抽空為行車證續期。他原已計劃續期，但在準備辦手續前一周發生今次事件，車毀人亡。
---------------------------------------
係咪忽嫁宜家D人！？自己又唔識教仔。個仔做錯野，犯左法唔係去停車，而係逃走，自己炒車仲要話警察！？以後係咪有賊唔可以追，襲警唔可以自衛唔可以開鎗！？天呀…咩黑白不分的世界呀！？
