一輯見步行步,事前跟本無諗過影到既相。原本諗住拍一輯時代感重,城市feel既相。結果影出來既係一輯開心,moody同cool 既相,一輯自己好喜歡既相!

連續3次外影都無陽光,估無到第4次都係!影相嗰日天氣好差,有霧,能見度好低,所有野都係灰色既,包括我影相既心。之前睇咗別人既作品做參考都忘記啦,因為無光跟本影唔到!12點半約埋朋友去接化妝師晶晶,跟住去接Model,入到科學園已2點幾。Set完頭,化完妝己經3點半!我地開始影相啦,嗰天都開始暗啦!邊行邊搵位,主要用建築物既暗位去搵光,估唔到出來既效果都好好!原來光永遠响你身邊,只係無用心去搵或者唔識用!更加體會到Shun師夫講既光係要從暗既地方搵!

Kinki,第一次响Shun師夫相簿見到佢,好靚又有氣質。今次合作後,佢真係一個好Professional既Model。佢用咗3日去搵我地想要既衫。辛苦晒辛苦晒!為咗影相效果好,由朝早開始就唔食野,直到影完相後再食 (睇住我地食麵又食Tea,係咪覺得好肚餓呢!哈哈哈)。 十六七度既天氣,又大風,又肚餓,著往又薄又露背既衫响室外走來走去真係好凍,同好辛苦。(點解每次都係咁樣?) 今次既私影,Kinki比我留下一個好深刻既回憶同印象(唔係佢有潔癖,中意响科學園抹欄扞。雖然呢樣野印象都好深！)。佢既訓身演出,我真係要好認真講聲多謝多謝再多謝, Kinki !

今次影相既時候完全無諗過係咩相,無諗過主題,只係盡力張Kinki靚既一面拍底!諗咗幾日,終於決定用'Loneliness in Blues'呢個主題!雖然好多相同嗰theme都好似唔Match。不過唔緊要,作為業餘攝影師,只要自己有呢種感覺己OK (一個無人可以搏到既籍口)。希望大家喜歡呢輯相!

PS.

1. Kinki 聽到唔想聽既野當無聽個算啦... he..he....

2. 特別嗚謝Yan做我地司機,希望下次再一齊玩過!

Please turn on your speaker and set to slideshow with 5 seconds delay.