<< 反轉Disneyland >> 29-12-2005

朝九晚九＋ 周旋的策略＋迅速的腳步, 咱們一行六人（有老有幼）一天內已玩盡迪士尼內所有玩意（除了小飛象）及欣賞所有室內室外的表演. 還有時間中午在廣場酒樓飲茶及晚上在大街餐廳吃西餐. 一個字：「勁！」

以下同大家分享行程及心得:

1. 唔想排隊,就一定要攞fastpass, 還要留意下一次可以攞的時間. 不過唔係個個遊戲都設有fastpass,所以有時都要睇形勢走位.

2. 飲食方面:迪士尼有多間餐廳. 唔想食fastfood的話,就要學我們一早(10am)預;訂午餐及晚餐的檯. 廣場餐廳是飲茶的理想之選,裝飾得好靚,不過價錢比外面貴,例如蝦餃燒賣各＄３８一籠. 大街餐廳有西餐供應,價錢合理,∼＄７０/dinner set.

3. 必玩的遊戲：飛越大空山(室內過山車,全場最刺激的玩意),退构饽晷请H歷險,森林河流之旅,瘋帽子旋轉杯,迪斯尼火車.

4. 必睇的靚ｓｈｏｗ：獅子王慶典,米奇幻想曲,迪士尼巡遊表演,星夢奇緣煙花表演.

5. 謹記帶水,因為場內的水要＄１０/樽,汽水＄１５,果汁＄２０.

6. 場內有ｄ好特別的汽球. 汽球會發光,還會變色呢！價錢當然高,＄１００/汽球！不過,不難見到家長買給仔女,後生的男仔買給女朋友.