因為有coupon, 所以試埋Regala.  果度既甜品款式唔太行貨, 賣相靚, 味道無外觀咁好, 但都ok.  環境麻麻, 坐得幾迫.  服務係非常唔掂. 
一入門口就等人埋黎招呼啦, 企左好耐都無人理.  d姐姐仔唔係睇唔到我地, 只不過係唔理0者.  可能忙掛, 算啦, 截住其中一個話兩位, 佢招呼左我地坐低, 但又唔比menu喎, 又係等到唔耐煩要自己出聲.  落完order一排先埋黎話果樣無, 問佢要兩杯水又係無左件事.
佢地又唔係無禮貌喎, 而係好似無service呢個概念, 咁至大件事.  我坐個位見到open kitchen, 睇住佢地成班響入面做野或者傾計, 無一個係會抬高頭望下出面既客.  唯一可以截住佢地落order/問野/埋單既機會, 就係廚房有食物出爐要送出去既時候.
岩岩睇到openrice其他人既食評, 似乎我既遭遇唔係個別事件, 短期內都唔會再幫趁.