« February 2019 »
MoTuWeThFrSaSu
 123
45678910
11121314151617
18192021222324
25262728 
Tuesday 04th July 2006 12:06:52 AM
7月1日~~超慢~~[ 0 messages] 
無分類

有個客有份大野要出...100套A4四色...要勞煩我今日返公司一條友搞掂晒佢~~~我十點半返到去啦...抄碟都抄咗成個幾鐘...跟住set野都唔洗set好耐...不過啲野排隊print落RIP都print到兩點幾...由十二點開始出菲林出到七點半先出得晒...中途壞機兩次加兩次換菲林夾埋用咗一個鐘時間~~~

本來諗住三個鐘搞得掂嘅野就搞足九個鐘...仲連晏都唔得閒食...激死...真係唔可以睇少100套A4嘅威力~~~

成日喺度煩緊去邊度睇英格蘭場波...點知咁好彩...今晚CCTV1會播埋頭場...好野~~~

頭場英格蘭vs葡萄牙...下半場碧咸又腳傷...朗尼又踩人男人最痛紅牌出場...之後又換個廢柴高治出黎...一路死守打9.0.0等踼十二碼...點知又失咗三粒~~~英格蘭死得好慘呀~~~

尾場巴西vs法蘭西...訓著咗...到咗下半場廿幾分鐘醒咗見到1:0...仲要係法蘭西領先~~~見住班巴西佬係咁搶攻都唔掂...直到完場(又大把人俾錢鋪草皮囉)~~~

Saturday 01st July 2006 05:26:04 PM
6月30日~~八強~~[ 0 messages] 
無分類

尋晚send咗封email俾毅行...lunch前有回音...話批咗cancel咗個balck list...太好喇...正正式式有得玩喇~~~

頭場阿根廷落咗apm睇...真係未試過咁多人...插針都插唔入...完咗半場先搵到個好位企~~~上半場阿根廷入一粒...下半場德國又入番一粒...打埋加時都唔得...踢埋12碼4:2德國win...唉吔...一眾賭仔陰公囉~~~(悶波一場...)

尾場返屋企睇啦...不過訓著咗...老母反而睇足全場~~~(佢話飲咗奶茶訓唔著喎)

Friday 30th June 2006 09:25:45 PM
6月29日~~我真係認真架~~[ 0 messages] 
無分類

今日上毅行網搞轉名...點知真係black list咗我...咁我就打去同佢地講番啦~~~佢聽完我講都話應該ok...不過要我send番封email俾佢地同上司講睇吓批唔批~~~

之前我暗示過咁多次都唔知你真唔知定假唔知...次次都話咪玩啦~~~今次講到咁明都仲係咁覆我...唉...俾你激死~~~我認真架~~~

Wednesday 28th June 2006 11:25:30 PM
6月28日~~謝主隆恩~~[ 0 messages] 
無分類

夜晚上sshh睇野...班友係咁講抽唔抽得中呀...我先記得今晚九點公佈毅行抽籤結果啦~~~謝主隆恩...中咗呀我地...興奮到爆~~~上次又係...今次又係...四分一機會嘅野都一籤即中~~~

Wednesday 28th June 2006 10:25:09 PM
6月27日~~與珠常在~~[ 0 messages] 
無分類

今晚頭場係珠珠最愛嘅巴西啦...咁就同佢一齊出MK睇...本來諗住搵間茶餐廳睇...點知又搵唔到喎...行吓行吓行咗去太平道鷷ar度睇啦~~~場波...肥哨有番些少表現咁啦~~~兩條友埋單差唔多三百啦...都算係咁啦...起碼冇上次去旺角差館咁迫先丫~~~送完佢返屋企...返到屋企睇埋第二場...一路睇一路做其他野...未完場就訓咗囉~~~

Monday 26th June 2006 02:24:54 AM
6月25日~~洗唔洗咁多人呀~~[ 0 messages] 
無分類

喺阿土度訓到六點起身返屋企...沖涼同埋拎樽Blak同你試吓啦~~~嘩...真係可樂溝咖啡呀...完全係飲得出兩種味呀(你洗唔洗怕甜到飲咗一啖就唔飲呀)~~~

黃昏去咗紅香爐峰影日落同夜景啦...因為尋日先組團...所以得我同赤子去啦(姓藍嗰位傻佬又掛住陪隻乸...阿叉燒哥又...)因為得兩條友...諗佔唔洗咁早上去啦(我五點集合)...我地六點先上去啦...點知上到去見到有十個八個已經到咗...我好難先搵到個位落腳架~~~到咗八點...竟然有幻彩詠香江嘅煙花睇喎...仲因為個天好清嘅關係...連迪士尼煙花都見到(雖然好遠)~~~

影嘅時候發現...竟然支鏡影遠野會out focus...要搵日搞搞佢先~~~走個時原路走啦...竟然路中心無啦啦多咗個大蜘蛛網...食到正...激死~~~

之後又去apm睇頭場英格蘭啦...同埋阿藍生~~~九點去到入面已經坐滿晒人...要企出面~~~傳聞話啲人下晝已經排隊入去...洗唔洗咁癲呀...星期日冇野做都唔係咁呀嘛~~~

Monday 26th June 2006 02:24:35 AM
6月24日~~豪華房~~[ 0 messages] 
無分類

見咁好天...又諗住返工前上山頂影相...結果都係唔知醒...已經唔係第一次係咁~~~放工去阿土屋企開組...跟住睇埋波同打Winning啦...我完全打唔掂呀...對上一次打已經係四年前去gary屋企睇波嗰時打...死未~~~

n年冇上過阿土屋企...間房好似又唔同咗...又豪咗喇...絕對可以喺入面自生自滅呀我覺得...張床仲可以夠我同佢一齊訓都唔算迫...強~~~

講吓場波...其實係冇睇...因為佢係上網用p2p黎睇...超矇超窒...仲要喺德國入第二粒嗰時窒到過埋重播先有得睇番...好唔掂呀~~~

Wednesday 21st June 2006 11:40:34 PM
6月21日~~Blak~~[ 0 messages] 
無分類

話說Coca-Cola喺外國出咗隻可樂溝咖啡...個朵叫做Blak...citysuper個幾月前返咗一次貨(法蘭西鋁樽版)...點知買唔到~~~呢幾日聽到話又有貨返...咁我放工去睇睇啦~~~我一走到入去就去咗擺飲品嗰度搵...搵極都唔見...咁唯有走啦~~~走到出門口...先見到佢喺門口放咗張枱擺晒喺度...勁多~~~不過啲樽啲油幾易甩...好多都花晒...我搵咗個幾字先搵到三樽靚仔嘅...一樽自己...一樽志爺...一樽留番黎同你試吓味嘅~~~

講番價錢...廿三蚊樽...對於citysuper黎講平啦算係...間死人魷魚舖索價198添呀...變態...我死都唔幫襯佢啦~~~

Friday 16th June 2006 02:21:04 AM
6月16日~~垃圾球員~~[ 0 messages] 
無分類

如果有得選最冇價值球員...一定係英格蘭高治...人如其名...得個高字...乜都唔掂...喺個門前面射波頂波都可以大炒~~~咁嘅人都可以做正選...艾力臣係咪老到矇咗呀~~~

Tuesday 13th June 2006 01:23:52 AM
6月12日~~竟然我屋企有得睇?~~[ 0 messages] 
無分類

放咗工去咗太源街...諗住買新嗰set keroro扭蛋啦(33蚊...超抵)...點知俾我見到keroro爆炸頭模型...又話月尾先出...估唔到咁快有...45蚊咋...又係超抵~~~太源街第一批貨嘅最後一盒咁就落咗喺我手上喇...haha~~~

返到觀塘又同班傻佬睇波...日本對澳洲...澳洲佬喺臨完場前...班架仔冇晒氣嗰時連入你三粒反超前...冇仇報...haha~~~

返到屋企食完飯沖埋涼出廳...見老母係咁搞部電視係咁轉台...竟然...cctv1有直播~~~好野...雖然要十二點打後嘅先有得睇...又係普通話講波...都好過冇啦~~~

Sunday 11th June 2006 06:23:27 PM
6月11日~~唔洗答喇嘛~~[ 0 messages] 
無分類

下晝去咗石硤尾影相啦...點知一落車就落雨...影得幾張~~~走嗰時收到細佬SMS黎問我野...我預咗你會問架喇一早...我講得呢句我諗都唔洗我講個答案出黎喇掛~~~

Sunday 11th June 2006 06:23:10 PM
6月10日~~開波~~[ 0 messages] 
無分類

世界杯終於開波喇...因為咁嘅關係...約書亞小組活動變咗落bar睇波~~~

去之前...我去咗鐳射買咗支新玩具...sigma 10-20~~~分十二期月供三百...都幾好啦...又有新野玩~~~同時見到canon 800is機仔分廿四個月供125...竟然仲平過一筆過...不過呢個當然係DBS嘅優惠啦...好心動吓喎~~~

去到旺角差館嗰邊...去咗一間茶餐廳食野...跟住落bar睇英格蘭...入場費百二包兩樣野飲...都幾~~~唉...得粒烏龍波~~~

睇完食埋甜品返屋企啦...之後兩點半落apm同班傻佬睇埋阿根廷...結果我係有大半場時間訓咗嘅~~~

Thursday 08th June 2006 09:22:55 PM
6月8日~~抽籤~~[ 0 messages] 
無分類

今日係毅行抽籤last day...難得夠人組隊...緊係去馬啦~~~因為我都唔知自己有冇俾人black list咗...咁就唯有搵兩個frd嘅資料去頂住檔先啦(至於點解用兩個frd嘅名喇喎...因為我未問阿Ed拎佢id No.)

希望抽中啦~~~

Wednesday 07th June 2006 11:29:51 PM
6月7日~~真係返黎喎~~[ 0 messages] 
無分類

今日蔡爺打長途黎...點知我feel唔到部機振(咁啱set咗振機)...咁飛咗落遺言啦~~~佢話...8月9號返...9月25號走...話返到黎首先要做乜要做物...我都唔記得佢講過啲乜...only記得有一樣係拎身份證咁囉~~~到咗佢講完遺言send個sms通知我嗰時我先知...激死~~~

Sunday 04th June 2006 11:22:31 PM
6月4日~~六四~~[ 0 messages] 
無分類

今日返教會做緊司事嘅時候...條死老野係咁打黎...振到我~~~之後問番佢咩野事啦...佢話成班友仔去荃灣唱K...問我去唔去~~~唓...之前佢地又話上大帽山...得個講字~~~

下晝三點先去到啦我...結果唱得嗰個幾鐘~~~跟住成班人一齊出灣仔...去六四晚會~~~不過出到去仲大把時間...條死老野就話要去太源街睇keroro...正一老而不~~~

hea到六點就去咗鵝頸大牌檔食野啦又...食完仲有時間就去咗吉之島十蚊店啦...竟然見到大佬mac~~~

個晚會...都係咁啦...最抵死佢地話:「六四...未解決」...笑死~~~

Thursday 25th May 2006 02:30:34 AM
5月24日~~收到貨喇~~[ 0 messages] 
無分類

話說廣州書城話13號包好嗰三隻北回歸線俾我啦...咁我計番七個工作日...今日都差唔多喇喎...就早啲出門口落東九開箱啦...真係到咗喎~~~睇番...原來佢十五號寄...十八號下晝就到咗東九...竟然咁快?早知一早打電話問阿棟我件野到咗未啦~~~(書城又俾個我一睇就知錯嘅掛號No.俾我喎...叫我點上網睇件野到咗未呢)

返到公司開黎聽...冇而家咁rock...柔好多~~~仲有兩隻歌其實係海嘯嘅曲...不過編曲同詞就唔同(一隻國語一隻英語...順帶一提呢隻係國語碟)

Thursday 25th May 2006 02:04:18 AM
5月22日~~又有錢收~~[ 0 messages] 
無分類

終於...唔係長毛~~~

話說雞爺問我借野啦...咁我順手問吓佢有冇野俾我喇...佢就話俾錢我喇~~~我喺度諗...仲有錢喺你度咩?再睇睇數簿...有真係有五百喎~~~再睇埋銀行條數...真係有錢收喎...haha~~~呢期有錢洗...慢慢俾啦...haha

Wednesday 24th May 2006 02:04:35 AM
5月23日~~未解決~~[ 0 messages] 
無分類

全成熱話:巴士阿叔問候四眼仔...今日下晝881何良何亨喺度講啦...挑起事頭婆條隱...叫我搵條片出黎啦~~~跟住全公司人(都係得四個)圍住部腦黎睇...笑死~~~(喺屋企一個人睇冇咁好笑架喎...唔知點解)

Monday 22nd May 2006 02:04:02 AM
5月21日~~有遮冇雨,冇遮好大雨~~[ 0 messages] 
無分類

好好彩咁冇遲到...仲夠時間買早餐~~~因為把梁蘇記太大把...咁我放咗去珠珠度啦...點知食完lunch勁大雨...搞乜鬼呀~~~著哥踢屎嗰時又唔見又雨...著波鞋嗰時又鬼咁大雨~~~

冇瓦遮頭...喺雨中係咁跑...跑到去巴士站唔見你喎...好在你喺前面冇幾遠等埋我...唔係真係唔知點死~~~去咗你度hea咗個下晝...孤男寡女共處一室...澤洗實有損失~~~

五點半出去沙田...我地成家人食飯啦...去咗食日本野~~~食咗好多野...不過又唔貴喎...$710埋單(簽咭唔記得俾貼士呀我...第一次食野簽咭咋)...跟住又去食甜品同埋去黃亭hea啦(細細細細細妹好重...揹死我)~~~今日...好開心~~~

Monday 22nd May 2006 02:03:41 AM
5月20日~~漫漫長夜~~[ 0 messages] 
無分類

五點半就去到沙角等開組...點知班女子組開到六點半先完...仲諗住同你行一陣街添~~~

開完組...本來諗住影吓條瀝源橋啦...點知落雨~~~跟住死老野佢地仲喺石硤尾影緊相...咁我就坐車出去...點知出到去又落雨喎...舊雲係咪跟住我呀~~~咁我地成棚人去食甜品跟住走人喇...帶啲野出黎都未用過~~~

返到屋企...同你講電話講到咁夜添...聽朝又要你叫醒我喇...haha~~~(呢季唔可以再遲到添...)

Thursday 18th May 2006 10:03:12 PM
5月17日~~清~~[ 0 messages] 
無分類

打風唔成...雨都冇乜...不過都算幾大風~~~因為大風嘅關係...香港嘅夜景從未試過咁清...真係好想出去影相~~~

返屋企食自己(老母去咗飲)...訓咗一陣起身睇波啦...諗住睇完波天光出去影日景...點知風停晒...開始多雲...都係訓吓好過~~~

(爸爸...我知你錫我...不過唔知點解...唉~~~)

Wednesday 17th May 2006 02:02:52 AM
5月16日~~返來囉~~[ 0 messages] 
無分類

唉...做乜越吹越歪架~~~冇假放喇~~~

Tuesday 16th May 2006 02:02:20 AM
5月15日~~梁蘇記~~~[ 0 messages] 
無分類

見就黎打風...放工去咗西九龍買番把梁蘇記黎用啦...盛惠二百八十蚊~~~好一個遮骨永久保用~~~

原來沙田嗰間搬咗去沙田廣場(定係沙田中心呢)

Friday 12th May 2006 12:26:06 PM
5月12日~~I LOVE 珠珠~~[ 0 messages] 
無分類

吹正啲...吹勁啲...吹正啲...吹勁啲...(落咒中)
係時候買番把梁蘇記

Monday 01st May 2006 11:13:33 AM
4月30日~~大掃貨~~[ 0 messages] 
無分類

夜晚阿媽返到黎...同我講...吉之島有日本可樂賣喎~~~咁啱上咗可樂newsgroup度睇到話有得賣350ml套罐啦...咁就即刻仆落apm買啦~~~

佢擺得好亂...搵咗好耐...開埋佢未開嗰幾箱先至搵齊兩套(有套志爺嘅)~~~又有膠樽連小裝飾啦...話就話有24款...不過都係見得五種...殺晒~~~夾埋買咗$266.6...拎埋佢兩個原裝紙箱黎載...重到呢~~~

Sunday 30th April 2006 01:35:41 AM
4月29日~~09年的大計~~[ 0 messages] 
無分類

諗咗好耐...今日又睇咗少少資料...講住少少先~~~

09年7月...將會返大陸去三個月旅行做背囊友...首要目的係呢個~~~



行程...嗰日去上海/蘇州/杭州睇日全蝕...玩幾日先~~~之後先係正式行程...先去雲南...玩茶馬古道上西藏拉薩...再去西藏新彊內蒙青海啲農村苦行吓啦~~~

一切有待從詳計矣~~~

Sunday 30th April 2006 01:04:51 AM
4月26日~~No Where Man~~[ 0 messages] 
無分類

珠珠尋晚叫我幫佢買snoopy布簾啦...咁我返工前去買...好在仲有...大吉啦你~~~放工同你講電話嘅時候...喺灣仔四圍行啦...行咗去太源街喎又...咁好彩軍曹基地返咗貨...$129...即買(雖然聽過話新出頭嗰幾日喺零食物語曾經75蚊都買到...因為半價)~~~

返到觀塘...忽然諗起hunter都差唔多出新書啦...咁就去咗觀廣行個轉喇...點知真係出咗喎...幾日前嘅事...即買~~~跟住又諗起...呢度啲CD舖會唔會有我想要嘅舊碟呢又(恭碩良同埋swing/snowman)(又要講吓古...呢度呢兩間CD舖有得租碟...按金相等於隻碟嘅二手價...一日租大約五蚊~~~當年屋企未有寛頻...用winMX dl mp3鬼咁慢...我就索性黎租碟番屋企轉做mp3)~~~搵咗成粒鐘...擺咗出黎嘅新碟就冇喇(反而見到有隻達明90年出嘅碟...$150)...租碟就搵到恭碩良隻No Where Man...仲keep得好好~~~問老細有冇新貨...預咗佢話冇...咁問佢可唔可以買呢隻啦...佢話ok...咁就$74成交(上yahoo bid底價都唔知百二定百五呀)~~~

睇黎其他我想要嘅碟都要再諗方法搞搞佢喇(連信和二手舖都冇)~~~

Sunday 30th April 2006 01:04:23 AM
4月25日~~一個月一次紅館~~[ 0 messages] 
無分類

返工前去咗郵局匯錢...搞一大輪...煩~~~

今晚soler紅館開show...咁我當然好準時咁放工啦...去到火車站老麥食飯包啦...等埋小花先至入場...遲咗一個字不過都未開show(咁先正常)~~~好似上次咁...搵堆新人打頭陣...賈立怡同埋sam仔許懷欣(算唔算新人呢又)...孖仔差唔多九點先蒲頭~~~全場最high都係阿Paul出黎嗰吓...十一點正完場冇encore...唔係呀嘛...不過又冇唱晒全部歌喎~~~唱失魂嗰時...我用DC錄低諗住俾條死老野睇啦...錄到大半有工作人員走黎叫停我喎...激死~~~

睇番個場...都有九成full...之但係內部認購嗰大大半呢...好多人都唔似係fans喎...都唔知係咪周圍送飛...連師奶大叔公公婆婆都有(唔係話呢啲人唔會鍾意聽soler)...仲聽人講山頂位有人訓埋~~~送咁多飛出去俾啲唔識聽嘅人...咁不如only買400蚊全企位仲好~~~睇band show都係喺啲細場全企好玩啲(即係咁講...上次九展有95分...今次俾盡都係75)~~~

Sunday 30th April 2006 01:04:05 AM
4月24日~~掃貨~~[ 0 messages] 
無分類

今日唔見條新仔返工...睇黎佢都兇多吉少...hahaha

下晝收到email...UNIQLO間野有批新返嘅限量T...個樣都幾得...又唔係貴喎...咁放工去尖咀掃貨啦~~~點知八點幾先放工啦...去到已經好多靚嘅款都冇晒大碼...中碼就一大堆...結果買咗4件咁大把喇~~~

Sunday 23rd April 2006 04:03:23 AM
4月22日~~蔡爺回歸?~~[ 0 messages] 
無分類

今日放工終於拎咗部300D入廠...清番菱鏡啲塵...仲指定唔要上次個師父...唔通仲等佢整一次衰一次咩...過咗保養架喇家吓~~~

之後去沙角食飯同開組啦...感覺尚算幾好咁啦...太耐冇入組囉~~~

返到屋企上網...半夜見到蔡爺冇away咁online...咁我就問佢寄咗啲會費俾我咪啦...佢話未寄...咁仲好呀~~~咁我叫佢同我睇吓搵唔搵到嗰邊啲玉泉同埋新出嘅咖啡可樂俾我啦...連埋郵費喺啲錢度扣~~~咁佢就覆咗句:我可能暑假返黎喎...你想唔想我黎拎俾你丫~~~眼都凸埋...估唔到條死仔終於捨得返吓黎啦...不過佢竟然答我話...都係九、十月嘅事囉...咁都仲叫暑假...頂~~~

Sunday 23rd April 2006 03:52:20 AM
4月21日~~郵匯~~[ 0 messages] 
無分類

一早去中西區議會拎本書...順手去gpo睇吓郵匯點玩啦~~~睇完之後絕對出神入化...先將港紙換做美金...再換做人仔~~~有排計...好在 yahoo有得計...變咗咁:HKD117>USD15>YMB120~~~另外仲要俾40蚊+匯款0.5%手續費...咁嘅價錢返大陸即場買七隻都得 喇~~~都係問吓死肥柴條骨精呢個week會唔會北上尋歡好啲~~~

Friday 21st April 2006 11:23:12 PM
4月20日~~北回歸線~~[ 0 messages] 
無分類

今日上soler網...見到有人講孖仔喺香港出道之前...04年喺大陸出過一隻碟叫"北回歸線"~~~咁我即刻上網search啦...搵到幾個大陸嘅網上買CD啦...不過睇落唔多安全咁喎~~~跟住見到廣州書城個網都有喎...又可以用郵匯俾錢喎...咁就用佢黎訂喇~~~一次過訂咗三隻...連埋郵寄要$116.25人仔...聽日去郵局打聽吓郵匯點用喇~~~

Friday 21st April 2006 11:08:54 PM
4月19日~~尋找箱箱的故事~~[ 0 messages] 
無分類

今日終於記得帶埋啲首日封返工...要黎度吓啲盒啱唔啱size啦~~~放工先去吉之島睇佢啲紙皮盒啦...得一款睇落好似得(因為全部未摺而又包起晒...所以"好似")...不過睇落又好似太過薄咁喎~~~再去實惠睇啦...膠櫃筒又一係太大一係太細...不過都睇到一隻簿膠摺盒...二十蚊個...放個封入去迫得好緊~~~最後去宜家...見到有個厚紙皮包白布拉練頂摺盒(好長)...剛好有少少空位多...盛惠三十蚊...買咗五個成交~~~

Wednesday 19th April 2006 02:42:22 AM
4月17日~~大作戰-第四天~~[ 0 messages] 
無分類

最後一日假...十二點起身食完野後去左會展睇展覽啦...都冇乜野睇...其實都預咗架喇...呢個係業界展覽嘛...上年都睇過...maybe我只係想出黎行吓唔想對住堆執極唔完嘅雜物掛~~~跟住去咗電腦城...買iPod襪啦...因為唔想成set買啦...咁就黎睇吓有冇散賣得黎又平啦...結果$45搞掂~~~

又去咗太原街啦...點知已經冇晒keroro基地玩具喇...問佢會唔會返貨又話唔知...好後悔做乜清明嗰日我唔買而走去買嗰set共鳴發聲器囉(嗰時我見個共鳴平過出面嘛...個基地又好似貴咗啲咁...諗住會遲吓平啲...點知出面一係好貴一係貨都冇)

之後又去咗銅鑼灣啦...去吉之島十蚊店睇吓有冇野啱我擺啲野啦...見到有啲紙箱...好似幾啱...不過又唔肯定喎...咁唯有過幾日放工再黎睇啦(不過都買咗啲A4盒仔放啲newsletter)~~~又去埋宜家同實惠...都係搵唔到我想要嘅野...點算~~~

七點幾返到屋企食完飯又開始執野...終算可以將床上面啲野清咗四份三...跟住又將床上面啲野放番去書枱...結果張書枱同執之前差唔多...不過我身後面啲櫃就清空咗啲喇~~~

今晚終於有床訓囉...不過仲未換新床褥...聽日放工返黎繼續~~~

Wednesday 19th April 2006 02:14:12 AM
4月16日~~大作戰-第三天~~[ 0 messages] 
無分類

星期日上晝都係返教會啦...一返到去kityee媽就同我講我又多咗個妹...我又要睇咗個細路喇...做人大佬甚艱難~~~之後又約咗下個月成家出黎食野啦...for我加人工啦...全家係得隻大不列顛竹升妹冇得黎...佢真係不幸 :p

食完lunch返觀塘啦...買咗張兩舊水嘅床褥...返到屋企又訓到天黑喇~~~食完dinner又執到朝早六點先訓...繼續都係要訓地蓆嘅~~~

執野嘅時候通常都會搵到啲收得好埋...好有記念性嘅野~~~搵到一個放晒朋友俾我嘅書信...生日咭...聖誕咭...紀念冊~~~睇番真係好開心...雖然有啲好多好多年冇見嘅...出到街就算撞到都應該唔會認得~~~(不過都有唔少唔熟嘅...又就咁寫句聖誕快槳嗰啲...好多年前執野嘅時候拎咗去灰飛煙滅...當時冇位放咁多野~~~而家亦都順手換咗個新啲大啲嘅盒去擺)

之後又搵番初中時玩四驅車嘅工具箱...話說當年我成個車隊有五架車啦...又買埋跑道呀呢樣嗰樣啦(仲呃咗老豆好多錢去買)~~~而家得番三架我最鐘意嘅車(第一架車啦...仲有兩架係當年新車架底盤設計嘅車)...一個最勁嘅摩打啦...一個測速器啦...加埋啲小零件啦(其他嗰兩架車連埋摩打同跑道都拎晒返大陸俾班細路仔玩...都有六七年囉...唔知俾佢地玩到散咗未呢)~~~拎咗出黎摸吓...聽吓佢啲聲...又再放番去櫃嘅深處喇~~~

Wednesday 19th April 2006 01:25:06 AM
4月15日~~大作戰-第二天~~[ 0 messages] 
無分類

雖然朝早八點先訓...不過我set咗十一點鬧鐘啦...醒就醒咗喇...不過都要十一點九先正式起身...食完野就出街啦~~~

原本今日嘅行程:
中央圖書館睇郵展>會展睇IT展(佢寄得入場證黎...咪去吓囉)>太原街買keroro基地玩具>中環春回堂食龜(if有時間+佢有開的話)>朗豪坊睇SOLER>焗桑拿>買新戰鞋>鴨記買電筒&頭燈

因為一點先出門口嘅關係...行程倒轉+縮短>.<~~~飛紅頂去買完頭燈同埋電筒之後...就已經差唔多夠鐘去MK睇SOLER喇~~~三點開show...點知過咗三點半先到佢地出場...等足個幾鐘呀真係(死老野條白痴以為四點先開show...So佢用咗半個鐘喺屋企過黎喇)~~~佢地真係好癲...好癲..好癲...不過做乜次次都係唱失魂+海嘯+直覺架...我想聽風的終點呀(呢期佢地喺roadshow個節目唱咗幾句葡語版...好正...次次都專登stop咗個iPod去聽~~~

散場後上咗無印買咗本B5深灰色鐵圏簿...記住啲重要野...如果我有啲乜野冬瓜豆腐呢...你地就拎出黎睇啦(即係傳說中嘅澤洗遺書啦...不過都未寫完)~~~之後再去波鞋街啦...點知Rider 9個代理又冇返到全紅色嗰隻喎...所以就有收鑊喇(不過都唔知會唔會好似日本咁全紅only去到28.5...冇我碼呢)~~~

行完都六點幾囉...咁就唯有返屋企啦(對面海啲展覽都收晒囉)...不過都冇乜點執過野...所以都係冇床訓..就開咗張喺屋企用多過去camp用嘅充氣地蓆喇(好似曾幾何時都講過呢句野)~~~

Wednesday 19th April 2006 01:07:25 AM
4月14日~~大作戰-第一天~~[ 0 messages] 
無分類

好耐冇試過訓到咁晏...點幾兩點先起身...開始執房大作戰~~~首先執晒啲衫啦...搞咗兩三個鐘...跟住又眼訓喇...訓到食dinner~~~食完dinner就將書枱啲野搬上床分類啦...分完又要搵番舊時pack好咗嘅嗰類野出黎擺番埋...又丟咗好多野啦...執到第朝八點先訓~~~因為張床放滿晒野嘅關係...我要訓梳化>.<

Wednesday 12th April 2006 01:38:51 AM
4月11日~~好唔掂~~[ 0 messages] 
無分類

呢條新仔連用photoshop同埋ai一啲基本野都唔熟...完全唔似讀過design...我讀印刷嗰時學過少少都好過佢啦~~~

我決定咗喇...我俾到盡下個星期五...佢都冇乜進步咁我就唔鬼理佢喇~~~

個事頭婆又係...星期六in完佢下晝就話請...睇多一兩個先都得姐(不過又係嘅...佢set個價咁低...邊有人黎in丫)~~~今日有份我一睇output form就知係難嘅野...係都要我俾佢做...佢而家邊做得黎丫...學做啲簡單野先仲好啦...一時之間邊記得咁多野丫條新仔~~~結果搞到我兩日都遲咗大半個鐘放工...玩我咩~~~

Tuesday 11th April 2006 12:28:25 AM
4月10日~~一年一度~~[ 0 messages] 
無分類

本來星期六已經知...不過太多野做事頭婆都唔得閒同我講...又加咗五百蚊喇~~~好明顯封信係同上年一樣...除左個日字同人工之外...懶得佢~~~

今日黎咗個新仔做學師...要我幫手教...仲慘過叫我去死~~~條o靚仔好似話讀過吓design...不過未做過output咁話喎...不過睇落就好似未用過mac機咁喇...夠膽死諗住噤右上角個掣close window...又當正close window會好似pc咁會close埋software...死未~~~睇黎都有排教 >.<"

Monday 10th April 2006 01:06:40 AM
4月9日~~博覽館~~[ 0 messages] 
無分類

今日返完教會...下晝去咗機場博覽館睇印刷展...喺紅磡有免費車去呀...去到都冇乜野睇咋喎...行咗陣就走囉~~~

返到屋企都八點左右啦...食完野先記起要買報紙...keep番起尋日炸彈單新聞啦...話晒都係乜乜會嘅所謂會長丫~~~行咗好多檔都賣晒apple...結果去到街市附近嗰檔先有...好采...如果佢都冇嘅我就要買mp喇~~~買到返屋企...抽起嗰兩版...其餘嗰啲我睇都冇睇過...邊有咁多時間睇丫~~~

Saturday 08th April 2006 12:43:11 AM
4月7日~~win@mac~~[ 0 messages] 
無分類

今朝睇新聞...話apple出咗個新software...可以正正式式咁喺intel mac度裝windows xp...正呀...可以一機兩用~~~

詳細資料

下次換機真係要買mac機囉...慳番唔少位~~~不過有少少煩囉~~~

1.keyboard啲掣有啲唔同
2.打倉頡有啲字會唔同碼
3.冇floppy機
4.有啲野冇得用...好似TV card
5.仲有~~~

用mac都係方便自己姐...鬼叫自己入咗呢行咩~~~不過到時都要留番而家呢部機喺度...放喺廳俾兩老用吓啦...同埋俾自己錄電視啦~~~

呢個計劃...最快下年啦...出埋Windows Vista先啦(不過而家都未有用intel嘅G5後繼機...得notebook同埋睇落好化學嘅iMac同埋Mac mini...睇黎都要到第三季出OS X 10.5先有囉)

Thursday 06th April 2006 01:17:08 AM
4月5日~~聚舊~~[ 0 messages] 
無分類

火媽帶埋兩條豆丁喺UK返黎玩...約咗出黎聚吓舊啦...又係去咗龍門(佢個妹話喎...帶住兩個細路去大排檔唔方便喎)~~~啲購物狂呀...返親黎香港都買勁多野...千千聲萬萬聲咁...仲要超晒磅咁上機...聽到我眼都凸埋~~~

食完送佢地返屋企啦(都係附近啦)...經過日本城佢就話:我返黎都仲未行過掃平野喎~~~咁我地就話...去銅鑼灣吉之島十蚊店仲好啦...咁成班人一齊去喇(孝哥帶住兩個細路返屋企訓啦...frankie喺我地唔察覺嘅時間閃咗...免去揪仔之難)

去到門口9:58...佢10:00 close...運吉~~~

Monday 03rd April 2006 01:54:51 AM
4月1日~~復活節大計~~[ 0 messages] 
無分類

下晝喺公司無所事事...諗吓諗吓...不如諗吓呢個月嗰幾日假有乜好做到好喎~~~

第一個plan:夜上吊燈籠影相...本來想清明...不過見個月光得一半...不如等復活節月圓之夜上去...影呢個印洲塘之月夜越美麗啦...再加埋個日出...正晒~~~好天成團...開爐大休...四星碎路...自生自滅~~~

跟住嗰幾日如果冇乜特別事...都係要留喺屋企執房啦...除非日日個天都咁靚啦~~~

Tuesday 28th March 2006 09:45:52 PM
3月28日~~騷拿@紅館前傳~~[ 0 messages] 
無分類

講咗成個月咁濟...今日終於公開發售~~~tom lee一開門...我排第二啦...睇見張坐位表就眼都凸...東亞洗唔洗留咁多位呀...又冇優先訂票~~~400蚊台前位得番左右兩邊第六行打後同埋中間最尾幾行...咁我就買咗AA1&2號位啦(電腦選位)...希望觀感OK啦(我隔離坐邊個都未定架)~~~

4月25...快啲黎啦~~~(希望嗰日都仲係要返早...唔洗請假啦)

Saturday 25th March 2006 11:37:41 PM
3月25日~~長江後浪推前浪~~[ 0 messages] 
無分類

下句係...阿妹食量勁過我~~~(細佬同阿源話架咋...我保持箴默...不過佢地兩條衰仔成日咁講法會唔會搞到我嗰三個嬌肖可人嘅妹妹冇人要呢又=_="...)

話說阿ben請食pizza...for答謝班C事喎~~~啲人啦...又唔早啲打俾我...等我上咗火車先打黎...我去晒我知嘅報紙檔都賣晒囉...喺灣仔都機會大啲丫~~~

因為最遲黎嘅關係...坐最邊邊...冇啖好食...不過都係hehehaha又一餐嘅姐...有乜所謂~~~

Sunday 19th March 2006 10:13:40 PM
3月18日~~度假天堂~~[ 0 messages] 
無分類

放工去咗大澳同sshh班友仔燒野食啦...去愛麗B間棚屋度燒啦~~~七點入到去...本來上晝好多雲好大霧...點知入到黎個天勁清...見到勁多星星(雖然冇我N年前喺白沙澳camp見到咁多)~~~勁多野食啦...佢屋企人又網咗好多see food返黎啦...超大隻蝦呀~~~

食到咁上吓就出去踩單車啦...仲拎埋對面屋架三輪車黎玩(燒燒吓有人話"大澳"[一個sshh網友嘅名]喺對面屋同班frd燒緊野食...間屋係佢個frd嘅)...呢架車勁囉...勁難踩...個前轆壞壞哋西埋一邊...勁易炒...仲要冇brake~~~本來架車都係坐兩個嘅姐...我地就一個司機兩個後坐一個企車尾...真係成架藍的咁(唔係講笑...架車真係藍色喎)

到咗半夜...又鋤大D又UNO...玩到五點幾同隻雀坐頭班車走人啦~~~返到屋企沖完涼見仲有時間上陣網...點知上到過晒鐘...遲到返教會做C事 >.<~~~

Monday 13th March 2006 12:48:41 AM
3月12日~~明~~[ 0 messages] 
無分類

返完教會下晝冇野好做...夜晚又要同雞爺伉儷再+1個frd去睇港樂明哥演唱會啦...所以無所事事...由MK行到落尖咀(本來唔想去MK架...尋日先去完)~~~

喺MK...好耐冇咁樣閒遊信和啦...估唔到咁多keroro~~~跟住再落到油麻地...經過一間我中學嗰時成日幫襯嘅模型舖啦...兩個老細老咗好多...佢地都唔認得我囉我諗~~~行到落佐敦...見到架全黑色寶記電單車...個樣好古老...仲要有多個車卡坐位喺隔離嗰啲呢...超型啦我覺得~~~

六點同雞爺佢地去重慶食curry chicken啦(想去好耐喇)...都算ok啦...啲印度米都幾特別...雞爺話佢喺大不列顛做格拉斯雞嗰時...冇中國米食就係食佢喇~~~之後去到紅館...三面台都係得三份二人啦...又好少唱番佢自己啲歌...有啲悶~~~不過睇基bird嗰啲古靈精怪嘅電子樂器都幾頂引~~~

Saturday 11th March 2006 10:28:12 PM
3月11日~~唔好望番轉頭~~[ 0 messages] 
無分類

今朝一早起身...去咗中環域多利監獄參觀啦...可能係星期六上晝...人唔算多~~~啲倉都好迫吓...轉個身都難...不過鬼叫你犯咗事咩~~~

影咗好多相啦都...當然如果唔係咁多人同埋一陣要返工嘅話會好啲~~~影吓影吓...影到唔知時間...去到11:20公司條肥婆打黎問我喺邊我先記得夠鐘返工=_="...

走嗰時...門口個職員姐姐講漏咗樣好重要嘅野(定係佢講得太細聲我聽唔到呢)...就係標題嗰句~~~放監最驟忌望番轉頭嘛...haha...不過我竟然望番轉頭影相~~~出口原來係大館入面中間個空地...又忍唔到手係咁依影咗幾張啦...結果飛的返公司...遲咗10min~~~

返到公司...事頭婆宣佈一樣野...因為間新公司搞唔掂嘅關係...搞到呢邊嘅返工時間都要執執佢...我要返早...大約會維持一個月...直至另行通告...哀哉>.<~~~

放工去咗MK加記cut咗個會籍啦...咁就一年喇...都唔知有冇去過三十次...唉~~~

Friday 10th March 2006 02:45:18 AM
3月9日~~第二任大婆?~~[ 0 messages] 
無分類


CANON 30D...body售價$9880...第二任老婆最佳選擇(不過我都唔想咁快換...都係嗰句...現任壽終正寢先啦)

計計條數...成哥24個月供...$9880 x 1.05 / 24...$432.25...絕對超值~~~供完之日...保養到期之時...再一兩年後又是換機時~~~毒海無涯...三三不盡...六六無窮...啊彌陀佛...善哉善哉~~~(好明顯係中毒中到傻咗)

Friday 10th March 2006 01:59:55 AM
3月4日~~霉菜屎凸瓶痔~~[ 0 messages] 
無分類

今日返工前去咗淺水灣...唔係睇三點式...而係睇呢個古董BENZ車展~~~本來係諗住上個星期五去完消防比賽影消防車之後去埋...點知影完就冇電...索性唔去住~~~BENZ喺德國運咗六架古董過黎展覽...真係勁靚...影咗好多相啦又~~~

放工出咗MK睇鞋啦...mizuno出咗幾隻新跑鞋...去睇睇乜野價位啦~~~(以下價錢為公價...全條波鞋街都有八折)


Wave Creation 7
$730...370g(太重...我只會for行街用)...另有全黑(決擇中)~~~


Wave Rider 9
香港未返貨(約六百幾)...310g...練跑首選(如果第時試過200g嗰啲薄底超輕鞋唔啱我著嘅話...我就要著佢出戰)...呢款全紅色日本冇我碼...其他色先有...希望唔好咁啦~~~


Wave Elixir
$500...290g...我覺得吸震冇上面嗰對咁好(因為而家著緊呢對嘅上一代)



Wave Sub Three RX2(即係第二版)
香港未返貨(約七百幾)...210g...不過而家賣緊嘅舊版冇我碼...日本都係冇...睇黎都唔洗指意~~~



Wave Idaten
$560...210g...都係同上面一樣...冇我碼(兩對都係...我著JP29...佢就出到JP28.5)~~~

咁搞法...都係要等吓佢返齊貨...同埋仲會唔會出新款先買~~~

Monday 27th February 2006 02:35:17 AM
2月26日~~中咗青蛙毒~~[ 0 messages] 
無分類

話說上個星期日冇乜野做...又見班friend睇KERORO軍曹睇得咁過引...咁我又download黎睇吓啦~~~唔睇由自可...一睇...真係好好笑喎~~~咁我呢排就成日喺度睇啦~~~星期五仲去咗太源街買咗一set公仔啦...仲可以轉四隻眼神架...另外又買咗一盒DORORO模型啦~~~

講吓尋日...夜晚見啲傷風好番啲(其實由初四到而家一路都未好過...傷風咳喉嚨痛無間斷輪住黎)...走咗入去水浪窩...sshh班friend入咗去camp...夜晚喺嗰度打邊爐~~~我出門口去到巴士站先記得冇帶食具...咁我就去到馬鞍山千色十蚊店買啦...日式碗&杯$10...不袗筷子$10...仲要好靚添喎~~~坐299入到去再行上營地行到死呀...我之前經過記得好似冇咁高架喎...一條友電筒都冇帶行上去...好在電話個mon夠光姐~~~食到十一點半...仲有薑汁撞奶食...飽死囉~~~

Monday 20th February 2006 02:34:19 AM
2月17日~~一個月的留醫~~[ 0 messages] 
無分類

部相機終於拎得番喇...機能試過晒冇事...不過菱鏡勁多塵~~~不過趕住用...遲吓先再拎黎叫佢清清佢~~~

話說我部機喺2月9號已經過咗保養...咁我問佢部機仲有事點先...咁佢話免check機費...如果check到係同今次有關就免費整~~~再問佢續保幾錢啦...body一千...連鏡再加一百~~~頂...咁我不如等佢壞咗買過部仲好(不過千祈唔好咁快)~~~

Tuesday 14th February 2006 02:25:36 AM
2月12日~~1:59:18 X 向醫神狂呼~~[ 0 messages] 
無分類

話就話想訓到四點姐...邊有咁易呀...大日子之前~~~(即係好似小學去旅行之前嗰晚咁...所以有幾次小學旅行嗰日係病咗嘅)

十二點就醒咗喇...跟住喺床度轆到兩點幾...起身上網...沖涼~~~點知搞到晏咗...要拎埋啲包出去食...六點九先去到尖咀...又未穿晶片同號碼布~~~等埋羅展黎我先走黎做呢啲野...搞到我地架行李車都走埋...唯有放去第二架度先啦~~~跟住我又掛住搵廁所(流動嗰啲在太...快餐店連男廁都大排長龍...結果行到去中間道公廁...竟然冇乜人喎)連拉根同熱身都冇乜點做...仲遲咗五分鐘起跑~~~

一開閘我就係咁左穿右插扒頭...上到公路闊咗先好啲...大約去到南昌站俾羅展過咗...唔知去到邊度我過咗佢(鬼叫佢著大會件衫咩...鬼認到佢...我著橙色背心好易認嘛)過咗u turn之後開始慢咗...又俾羅展過咗喇~~~幾經辛苦...終於跑到去終點喇...睇睇個錶(其實係電話)好似唔過兩粒喎(出發係07:31...過終點係09:30)喺終點見到羅展...慢過佢添~~~

行完去灣仔運動場拎行李同交晶片...佢就撘船轉火車返教會啦...我就去GPO搞埋啲郵票先...好在唔多人...好快搞掂...返到教會未過十二點...唔洗當冇到...hahaha~~~

下晝成班去咗mandy屋企hea...隻腳開始發作喇...痛痛痛痛痛~~~hea完我地就出MK...同kityee媽食開年飯啦(年十五先黎食開年飯 =_=")去咗別府食日本野啦...多謝媽媽~~~

之後八點去到紅館...join埋雞爺雞嫂睇eason演唱會啦...正所謂先苦後甜...上紅館對於今日嘅我黎講係一件苦事...嗰條又直又長嘅樓梯...足以令我死十萬次~~~一開場...eason升上黎唱浮誇...正呀~~~佢全場冇停過咁濟係咁唱絕無冷場...又冇吹水位廁所位嘉賓涉時間位~~~去到其中一段...升咗架炒車咁款嘅mini上黎...我就知係乜事喇...我最愛嘅「送院途中」呀...興奮到爆呀~~~佢唱咗好多冇派上台好少人識又好好聽嘅歌呀...大約有一半係咁呀...第時終於去唱K有得唱喇~~~encore咗兩隻之後十一點半散場啦...又一辛苦之事...痛痛痛痛痛~~~行過尖東坐巴士走啦...返到屋企都十二點半囉~~~

後補...半馬個人時間...1:59:18...yea...真係唔洗兩個鐘...不過慢過方力申 >.<

下年向全馬進發~~~

Saturday 11th February 2006 09:28:33 PM
2月11日~~大戰前夕~~[ 0 messages] 
無分類

大戰前夕...放工去咗MK...買戰衣~~~因為冇美津濃短袖衫賣...咁我就買咗件長袖+背心...件長袖緊係要黎跑之前著喺面同埋跑完要黎替換啦...另外再買咗條頭帶啦~~~

而家九點幾...係時候訓喇...希望可以一覺訓到四點啦~~~(尋晚都冇乜點訓)

Saturday 04th February 2006 09:23:09 PM
2月4日~~最後一星期~~[ 0 messages] 
無分類

仲未病好...前日除咗去睇醫生就冇出街喇...尋日又要去中環西記郵展拎書仔...今日更加非出不可~~~

下晝去咗維園個馬拉松嘉年華...拎號碼布啦...因為今年跑半馬嘅關係...唔洗排好耐就有得拎喇~~~(話說大會係將10K半馬全馬分開三條隊拎...唔洗講10K條隊一定最長啦~~~仲有唔知做乜咁唔好彩...定係咁啱得咁橋...上年馬拉松嘉年華我又係病咗...嗰晚又係西記郵展dinner...今年又係)

之後去中記交會費啦...仲要幫蔡爺交埋(完全唔知佢做乜無啦啦入番晒兩個會...不過個人仲喺花旗國喎...問佢幾時會返吓黎又話唔知喎)...家吓一年都冇乜一兩次去...唔洗返工咩~~~交完會費就去西記郵展搵雞爺俾野佢啦...同班友仔睇吓野吹吓水咁啦...睇到六點散場閃人囉...今次dinner又冇我份喇~~~(連續三次喇...上年年頭上面講咗話病啦...上年年尾就送kaki機啦)

因為距離跑半馬得番一個星期...而呢個星期又唔可以操(就算冇病都唔操得)...所以呢次跑半馬可以話係接近冇操過咁...希望可以兩粒鐘內啦~~~

Wednesday 01st February 2006 08:21:58 PM
2月1日~~放假先黎病~~[ 0 messages] 
無分類

今日開始扣大假嘅放假日子喇...不過好不幸...因為尋日行山之前半夜跑咗兩個鐘(好日都唔練...一練就停唔到腳)...行山又比預計中甘(練跑前冇諗過自己會改線)~~~結果...大病~~~

不過病都要去中環...去GPO買啲野先得...差唔多佢臨收工先去到~~~

Tuesday 31st January 2006 10:21:11 PM
1月31日~~三星半~~[ 0 messages] 
無分類

今日行山啦...本來有kityee阿珠羅展阿源mandy慧玲同埋班中三小朋友啦...不過kityee病咗啦...mandy同班中三女又冇黎啦...咁就...hehehe~~~

本來諗住行啲易啲啦...大灘去海下啦...不過既然最唔行得嘅人冇黎...咁就改線喇~~~同佢地食緊早餐嘅時候就諗喺北潭涌行沿海小徑去白腊啦... 去到撘車嘅時候因為94號車太多人...咁就改去搭小巴啦...分開兩邊排兩條線啦~~~結果上咗去海下嗰架...不過因為俾十蚊搭半程心有不甘...再 改線...海下上牛過路落荔枝莊過深涌坐大飛閃人~~~

去到海下...搵上牛過路條路入口搵咗好耐(問過士多老闆...佢話向嗰邊行入森林就係喇)...結果連我都估唔到...鏟林上山...上到三分一見到有 路喇...不過喺度諗條路喺邊通上黎架~~~上到頂有兩三個位係林入面嘅小空地...好似古裝片嗰啲決鬥場地咁...入咗去都幾難搵出口...都好彩搵到 ~~~過咗牛耳石落山又另一回甘喇...好滑嘅沙泥路(對佢地黎講)

落到去就係明愛小塘營...不過過年放假冇人喺度...廁所鎖咗...得部汽水機~~~跟住行去荔枝莊食晏啦飲青島啦(不過都好晏吓)...嗰度啲走地雞走地鵝幾大隻幾肥美呀~~~

食完行再行去深涌啦...坐咗一陣又再飲咗支青島啦...跟住就call大飛出三杯酒轉小巴出馬鞍山喇~~~

Sunday 29th January 2006 02:20:07 PM
1月28日~~團年~~[ 0 messages] 
無分類

今日搞咗個尋找維多利亞城界石團啦...不過天雨關係一個二個放飛機...得番我啦...philip兩公婆啦...同埋尋晚先話黎嘅孝哥哥喇~~~身為 領隊嘅我...遲咗起身...遲到25min~~~去到灣仔坐車上去寶雲道啦...見孝哥死吓死吓咁...行到去灣仔硤道口...佢話尋晚玩通頂好眼 訓...頂唔順落番去訓(之所以話落番去...因為佢係住灣仔囉)...結果變成三人行喇~~~

傳說中行呢條路會經過一段稱為「張保仔古道」嘅路...話行到有幾個位係要扒嘅~~~我初頭以為係灣仔硤道頂右轉嗰條去馬己仙硤道嘅小路...點知呢條完全有驚喜...不過一出到去就係新發現嗰舊界石...勁方便~~~

之後上咗山頂食野啦...唔知係唔係除夕嘅關係...食店得番老麥~~~之後行舊山頂道落山啦...跟住左轉小路...呢條就有睇頭喇...咁先似行山架嘛~~~呢條係一條又窄又爛又密林嘅路...加埋落雨就更難行啦~~~我睇地圖係接近係直路唔洗轉彎嘅...不過行咗一陣就有一大舊巨石...隔離有條石砌樓梯仔上去...咁唯有行上去啦...沿路有好多古靈精怪設施~~~跟住又去到一個落山嘅雨水渠位...前無去路...又冇路落山...上山就得一條粗麻繩...不過呢個位置好似係差唔多落山嘅位喇喎地圖話...不過咁樣唯有扒繩上去睇吓乜野環境啦~~~上到去係一條小經...沿住行終於出咗林喇...去到一大塊護土牆嘅地方...有樓梯落番去下面馬路...原來呢度就係想當年寶珊道塌山泥沖塌棟樓嗰度~~~(返屋企查過先知呢條先至係張保仔古道)

之後再行上龍虎山落薄扶林道再落西環啦...跟住坐巴士去跑馬地影埋最後一塊...竟然四點咋喎...我初頭仲諗住要行到天黑~~~

之後我地再坐車去MK同死老野食tea吹水(好好味嘅炒丁麵)~~~六點返屋企食團年飯啦...不過食咗tea嘅關係...食咗好少野咋~~~沖完涼入大圍同kityee佢地食糖水啦(kityee's family團年也)又行去沙田行街啦~~~

Friday 27th January 2006 10:33:07 PM
1月27日~~毒~~[ 0 messages] 
無分類

今日年廿八...返工返日頭~~~放工去咗紅磡拎番部機啦...佢話同我換過塊閃燈嘅底板喎...我試過有事就走啦...落到去火車站影個新郵筒發覺唔對路...做乜影出黎側埋一邊架~~~再影多次...唉吔...俾佢整到菱鏡移位呀...又要上番去整過喇...過年去玩冇機用喇~~~

之後去MK啦...約咗雞爺去買相機啦...今日係canon回贈最後一日喇嘛~~~買咗部350D再加支100mm macro啦(個回贈係買350D or 20D再另外買支over $1500嘅鏡...就有$1000回贈喇)兩樣夾埋萬幾蚊啦...試過晒冇一張咭可以俾晒全數喎...徬徨之際俾我諗到...機同鏡可以分開兩張單俾錢架嘛...咁咪搞掂囉...hahaha~~~

臨俾錢之際...我更係覺得差緊啲野咁...係咁四圍睇...係佢喇...filter呀...好彩諗得切~~~結果喺成哥度玩咗應該唔只一個鐘啦...我又買咗個自閉耳筒啦...nano跟機嗰個實在唔掂呀~~~

Sunday 22nd January 2006 10:15:41 PM
1月21-22~~會慶~~[ 0 messages] 
無分類

一年一度山海會慶又黎喇...今次喺深涌搞camp啦...難得咁多人一齊camp~~~

上晝照要返工啦...一返到去就同事頭婆鬧交啦...話說有份Job星期五去咗會展裝個展板啦...Job紙寫住包裝包拆啦...不過冇寫幾時拆...但係我睇過個展去到星期日...心知不妙...不過冇人一早同我講就理得佢~~~咁星期六返到公司事頭婆就叫我星期日返黎拆咗佢啦...咁我照直同佢講我要去camp啦...佢就即刻鬧話:上個禮拜已經就咗你唔洗星期日去裝野啦...咁你個個禮拜日都話唔得閒都得架啦(本來上個星期六入馬場裝野係星期日裝...不過講真得嗰一個上晝裝得黎人地都開咗場啦...裝衰咗想補都補唔切添)~~~咁我就串番佢話:咁我係唔係個個禮拜日乜都唔做等你隨時叫我返工就返呀~~~真係把幾火...家陣好似老奉咁...係唔係我每分每秒都要隨時stand by要返工呀...我要攞假要一個星期通知仲要未必批...做乜你叫我假日返工就得嗰一日通知仲要一定要返呀...人工又唔係多...要求就多多...你有冇諗過員工嘅感受呀...俾你係我你會乜感受呀~~~

下晝放工趕入西貢啦...諗住四點半入到去...點知五點先到~~~跟住成班約埋撘的士入去啦...都唔係貴喎...五十蚊咋~~~入到去差唔多天黑囉...嘭嘭聲起咗個營就趕去士多食盤菜啦...其實都冇乜點食...成班喺度VV嘩嘩...又隊咗兩支青島啦~~~玩完返營區吹水啦...另一邊班friend煮宵夜...不過風向唔啱...佢地煮完食埋我都唔知...仲要煮咗食咗幾轉添喇(其實佢煮緊嗰時我有行過去話食架...不過懶得等佢煮又走番去吹水)...結果半夜食咗大雄半個公仔麵喇~~~

兩三點訓啦...不過我乜都冇帶...凍到訓吓醒吓啦~~~第朝又玩飛碟又玩掟手巾又玩麻鷹捉雞仔又周圍行吓咁又一日啦~~~食完餐晏就開始執野走啦...坐大飛出三杯酒再轉小巴出馬鞍山...又抵過又快過又方便過等大船去馬尿水~~~

Sunday 15th January 2006 08:15:24 PM
1月15日~~伍長vs麥嘜~~[ 0 messages] 
無分類

上晝趕去GPO搞郵票...差啲趕唔切...搞到差唔多十一點...又要趕去堅城跟隊行摩星嶺啦...結果遲咗幾個字...好在佢地等埋我~~~行到上去炮台周圍影相啦...FA同馬沙拎咗隻伍長同埋麥嘜黎做model俾我地影啦...笑死人呀(遲吓睇相你就知)

因為冇乜點食野嘅關係...我地行完就坐車去龍門食飯啦(連三點三都過埋...食完已經開始係晚市時間)都唔知叫咗幾多碟飯...係咁搶食呀...殺呀~~~食完過灣仔腦場買USB 2.0咭啦...盛惠九十大元...返到屋企裝好...得咗...用得~~~

Sunday 15th January 2006 08:15:02 PM
1月14日~~壞咗?~~[ 0 messages] 
無分類

本來諗住返工前去上環睇中記郵展...不過遲咗出門口所以趕唔切...直接返工司(都唔知做乜仲拎埋部相機)~~~下晝入沙田馬場幫公司裝野啦...嗰邊個唔負責任嘅負責人又唔出黎接我地帶路喎...一入到去第一個門口...架Lift又唔上六樓喎(不過我好似記得上年黎係撘呢架喎)...咁周圍搵Lift搵咗半個鐘啦...本來可以上到去嘅Lift又冇開喎(因為唔係賽馬日呀)...結果入咗廚房禁地用佢地部Lift上去喇~~~裝好要影低個Job啦...一開內閃就死機(唔用就冇事)...一係自己喺度狂閃...一係hand機...死囉又要入廠>.<

夜晚去日航酒店公司annual dinner...抽奬諗住抽部iPod mini啦...點知抽到部垃圾不知名DC...激死人喇~~~咁就食完去買部nano啦...返到屋企發覺佢一定要駁USB 2.0...我部機得1.1咋(我買腦嗰時都未有2.0...買咗冇耐之後先至出現)...咁又要買張咭先用得喇...唉~~~

Monday 02nd January 2006 10:12:38 PM
1月2日~~單車攻略~~[ 0 messages] 
無分類

因為尋晚用部手機聽吒咤...今朝又用佢做鬧鐘...搞到出咗門口無耐就冇電...身為搞手冇咗部電話你話點死~~~去到東涌遲咗三個字...好在佢地都冇走開...而因為連個報名表都入埋落手機度...所以連名都冇得點...結果等多一個字都冇人黎就行去租車喇~~~

十六條友四圍踩...上晝去東涌炮台玩大炮...馬灣涌沖落大斜路...入機場訓馬路~~~結果踩到tea time先返到東涌放低架車去飲茶...係咁搶野食...haha~~~食完再遠征陰澳...本來諗住租隻船仔出去木排度玩&踩入敵恩湖啦...不過去到陰澳都開始日落囉...咁玩咗一陣就踩番東涌喇~~

Monday 02nd January 2006 10:12:12 PM
1月1日~~吒咤~~[ 0 messages] 
無分類

因為又幾晚唔夠訓...而聽日又要晨早去東涌搞單車團嘅關係...本來諗住八點幾食完晚飯就訓啦(所以四點返到屋企都冇訓...免得一陣訓唔著)點知食完飯先記得今晚做吒咤頒獎...咁就開個電話黎聽啦(我間房冇收音機...上網聽903又成日斷)~~~SOLER好野...新人都可以拎組合銅獎(新力軍奬更加唔洗講啦...金呀)...好感動呀嗰時...覺得有去睇佢地演唱會係榮幸~~~Eason仲勁...係咁拎奬~~~Endy真係估佢唔到可以拎唱作金奬~~~

聽完收音機仲要睇埋電視轉播先肯訓...睇見Julio走埋落台行去觀眾度唱...冇乜邊個歌手會玩到咁癲...哈~~~

Saturday 31st December 2005 11:11:55 PM
12月31日~~破財的十二月~~[ 0 messages] 
無分類

呢個月真係又忙又破財...三單搬局...再加埋WTO Temp Post Office...又兩場演唱會飛...洗咗勁多錢...結果好多想買嘅野都買唔到喇(本來想買冷帽...點知冚世界都戴...學側田喎...咁我都係留番下年冇咁多人跟風先再買囉)

今日放工去咗GPO寄postcard...旅遊事務署嗰張郵資已付...寄咗去馬交~~~本來要過完年親自過大海拎...不過好在昌仔公司要佢清晒啲假...過年唔知放到初幾...過大海順手幫我拎埋...幾好(反正都破財到冇錢過大海)~~~

之後過咗尖東...同班渣一齊坐船仔...最後一程(都好耐冇見過班渣囉)~~~跟住過海去龍門食野(唔係我提議呀...咪搞到我好似真係龍門常客咁)...竟然食咗一舊水?早知order打邊爐好過啦~~~

Wednesday 28th December 2005 12:10:54 AM
12月27日~~騷拿~~[ 0 messages] 
無分類

今朝一早入咗東涌...租單車四圍踩...為咗過幾日個單車團pretrip啦~~~因為前日行山行得太甘...所以未踩到一半已經腳痛喇...不過都要踩埋佢~~~四點半踩完返屋企放低啲野...又要出動~~~

七點去到九展...排隊入場睇SOLER(全部企位不設劃位)...好在都企得幾前...前面得三四個人姐~~~八點入場...不過等到八點半先有人出黎...點解係佢...竟然係王浩信...我唔想聽佢唱歌呀>.<~~~佢唱完兩首之後...孖仔出黎喇...YEA YEA WO WO...全場大合唱...好high~~~去到中段candy出黎做嘉賓...三個人一齊唱咗隻我未聽過嘅英文歌喎...唔知係唔係孖仔黎香港之前出過嗰隻碟啲歌呢?唱到十點半完場...都仲係好high...呢啲就叫做繞樑三日喇...haha~~~

Monday 26th December 2005 04:52:23 PM
12月25日~~預計之外~~[ 0 messages] 
無分類

今日晨早返教會開司事會&同tracy & mandy慶祝生日啦...完左崇拜本來要即走去帶行山隊...不過凱宜送咗盒朱古力俾我話係for幫佢影畢業相喎...不過我又拎唔到...咁就即時開咗佢一齊食啦~~~

之後飛去灣仔龍門...食左個叉飯...再喺門口集合~~~今次由黃泥涌峽行到去鰂魚涌(本來諗住行到落柴灣...不過唔夠時間)...睇番啲二戰遺跡(六十四年前嘅今日...港英政府向日軍投降)~~~本來諗住唔係好難姐...行引水道...點知中間有一段路係要扒亂石(因為我喺sshh搞親團都係去啲未去過嘅路...個個見到叫晒救命...不過其實又唔係好難咋喎)...園丁叔叔又講古講咗好耐啦...咁去到大風坳都差唔多天黑喇...本來諗住cut短落大潭都唔得...要直落鰂魚涌走人~~~

Tuesday 20th December 2005 12:33:28 PM
12月20日~~E神~~[ 0 messages] 
無分類

話說上個week無啦啦睇娛樂版(我好日都唔睇)先知eason演唱會剛過咗優先賣飛...估佢唔到咁快賣~~~今日第一公開賣...一早起身去九龍灣tom lee買啦...買左第二場26行(第一場係跑渣打之前嗰晚...睇完實冇精神跑...呢場係跑完嗰晚)...同雞爺去睇呀...hahaha(買咗三張飛呀...因為未知雞嫂去唔去喎)

Tuesday 20th December 2005 01:33:11 AM
12月18日~~胡椒水炮催淚彈--後記~~[ 0 messages] 
無分類

鬧-警方:
1.話咗唔用水炮又用...反口覆舌...言而無信...可恥!
2.將水炮同催淚彈有目的地射向記者同市民...這是除暴安良的表現咩?
3.當年回歸示威有能力播音樂遮蓋示威者聲音...點解今次射催淚彈同清場廣播弱到冇人聽到?
4.就咁喺告士打道包圍示威者就可以話係"扣留咗九百幾個示威者"?咁膚淺嘅?
5.和平清場都可以用成十一個鐘...效率底唔底啲呀?
6.點解要用啲全無裝備嘅女警員守最前?美人計乎?

贊-警方(只限前線人員...班坐住個腦嘅高層不配得被贊):
1.守咗三四十個鐘都不離崗位...有傷在身都等清完場先去醫
2.武力未至於令人重傷
3.封鎖灣仔超快...全個灣仔只見一架巴士喺內街...全條電車路一架電車都冇~~~相對平時有預先通知嘅大遊行...周街都停滿走唔甩嘅巴士電車

鬧-示威者:
1.喺灣仔亂咁沖...冇注意自身及其他道路
2.拎記者鋁梯黎掟...拆鐵馬黎打警察(我唔會鬧佢地一般嘅沖擊...因為根本係一場show)

贊-示威者:
1.冇對市民及商舖做成破壞...有專一目標
2.公民意識好...完場會自行執走所有垃圾
3.除咗沖擊警察時...其餘時間都好乖...連清場都可以自動排隊上車...手扣都唔洗用

鬧-圍觀者:
喺啲咁危險嘅情況...仲帶埋小朋友甚至BB去睇熱鬧...唔顧自己都顧吓個細丫!

多謝關心我安危嘅人...大佬...媽媽...我唔會俾自己有事架~~~

Sunday 18th December 2005 09:32:45 PM
12月17日~~胡椒水炮催淚彈~~[ 0 messages] 
無分類

今朝晨早因為要拎野去葵盛俾個客...所以早咗放工...兩點半~~~本來約咗阿輝去維園影WTO...不過我行到去馬師道就見到啲遊行隊伍黎到...咁就跟咗佢地喇~~~去到示威區...初頭韓國農民只係送吓花俾警察咁啦...過咗一段時間冇晒動靜...我就行番出去啦~~~過咗一陣佢地就沖擊班警察喇...今次唔只用胡椒噴霧...仲用埋水炮...唔只係射示威者...仲射埋記者同圍觀市民~~~之前邊個話過唔會借水炮車俾警方?邊個話過唔會用水炮射人?警方消防保安局反口在先...就算之後班農民幾咁暴力都好...我都係會企喺支持農民嗰邊(當然唔會贊成佢地用暴力啦)...而且有傳媒報導話因為用咗水炮...而激發第二隊示威隊喺灣仔出面嘅沖擊~~~

俾啲水炮射完...又係咁咳...皮膚又灼痛...好大機會係啲水溝咗胡椒噴霧...過份呀~~~仲有好多記者啲相機都死晒...部部都係貴野黎架(好在我收機收得快)~~~五點半出番灣仔出面...第二批嘅沖擊已經一早走晒去菲林明嗰邊...我就去左加記沖個涼先啦(成條電車路除咗警車就乜車都冇...人都少...不過行到入時代就同平時咁喎)...不過出番黎時因為件衫仲未乾(之前諗住買過件衫又搵唔啱我想買嘅)...好凍好冰冷...好似就黎死得咁~~~因為加記收唔到電話...大佬打俾我打唔通...就send左個sms俾我叫我走啦(當時係七點幾...李少光已經叫人離開灣仔)...我覆咗佢之後見到又有班防暴沖去灣仔個邊啦...我又跟住去睇吓乜野事啦~~~嘩...完全未見過一個咁嘅灣仔...所有道路都俾防暴包圍晒...所有舖頭close晒...連七仔都close埋~~~我就周圍行去影相啦...九點幾去到菲林明天橋...左手邊一大班示威者...右手邊得幾個防暴一字排開...心諗得咁少防暴守呢度得唔得架?同時有十幾個示威者沖過去...防暴就射咗幾個催淚彈...因為吹大北風...啲煙吹晒去我呢邊...食到正...眼痛喉嚨痛勁想嘔(又要鬧吓班警察...示威者喺東行車線...記者喺西行車線...佢地射完示威者之後又射多粒去記者嗰邊...而家你要對付示威者定記者呀)~~~

之後搵斯人一齊上去檸檬屋企休息陣啦...係咁睇新聞啦...睇到十二點先返屋企...繼續睇新聞睇到四五點先訓~~~

Sunday 11th December 2005 10:32:12 PM
12月10日~~仲搵你唔到?~~[ 0 messages] 
無分類

今個week去咗GPO好多次...都係去搵阿光啦...諗住俾啲野俾佢拎入去WTO Temp Post Office度做啦...不過次次都唔見佢~~~今日放工去埋呢次...都見佢唔到就冇機囉...好在終於見到佢~~~不過佢話老細交帶落...話唔準接人地啲野拎入去做...咁我唯有叫小江拎入去俾佢啦~~~結果今日又要買三百幾蚊郵票...又要清晒快郵條數...下個月信用咭條數就真係勁勁勁囉~~~

之後同條死老野同赤子姐姐去MK...我諗住去研究吓啲高質素fleece係點啦...跟住又去咗食煲仔飯...又係等位同等飯到等咗好耐啦...仲要煲得唔夠耐冇乜飯焦~~~跟住又去咗好耐冇去嘅茶檔喇...sunny妹妹做到個樣殘晒囉~~~

Monday 05th December 2005 01:31:50 AM
12月4日~~十萬人十萬步~~[ 0 messages] 
無分類

下晝同sshh班frd去維園...為民主行出一步啦~~~估唔到有咁多人喎...如果有錢嘅話...同何生賭一舖...等佢話得五萬人丫拿~~~全程左手拎腳架...右手舉旗...手都跛~~~(藍生兩公婆好白痴呀...維園塞人嗰時又喺度玩小明...到夜晚食野時又玩包剪磓...仲細咩 =_="...)

完咗諗住去士丹利街大排檔食野啦...勁多人...跟住就行去蓮香啦...點知都係咁多人(差唔多個個都係遊行完去食野)...結果都係去番大排檔~~~等位等咗勁耐...等野食等得仲耐...搞到十點幾先食得完~~~

Saturday 03rd December 2005 10:31:30 PM
12月3日~~SOLER~~[ 0 messages] 
無分類

尋晚撘車返屋企嗰時...望到街外面張poster...睇見SOLER兩兄弟啦...初頭諗住係出碟姐...睇真啲...演唱會喎~~~咁今朝返工前就即刻去公司隔離間tom lee買飛啦...竟然去tom lee買飛都要俾service fee(快達票呀...唔係城市電腦售票網)...咁去邊度買先唔洗俾呀~~~

Sunday 27th November 2005 11:31:07 PM
11月27日~~做死~~[ 0 messages] 
無分類

死人CUHK...成日唔遲唔俾file黎...星期五晚先至黎file...星期六又改file...搞到我星期六做到九點半先走得...星期日仲要我晨早幫佢裝埋(上年我已經親自去過CU教佢地點裝啦...咁都要我出手)...黑人憎呀~~~

一點先返到顯徑啦...同佢地食完飯...就一齊去HKU同凱宜影畢業相啦...仲俾我發現咗啲好野...得閒要搵日去HKU發掘吓先~~~

因為連續兩個week冇喺教會執野...班細路就話執得好辛苦~~~唉...咁我死咗嗰時點呀?~~~

Monday 21st November 2005 01:30:48 AM
11月20日~~嘩...GFS~~[ 0 messages] 
無分類

今日係飛行服務隊開放日...一完咗教會就飛車入東涌諗住去睇啦...點知去到東涌...等巴士條龍長到呢(巴士已經開得好密喇喎)...唔敢諗入到去會點~~~好在sshh咁啱下晝有團東涌出發(係啲弟兄姊妹搞嘅...本來我都話見到就見)...咁就順勢過檔啦~~~由東涌行去大澳...咁啱沿路有個位係望晒成個機場...同時間GFS又有飛行表演...咁我就係咁影喇...個角度仲好過喺GFS總部睇呀...正呀~~~

幾經辛苦行到去深屈...即刻走入去士多食野(頭先趕住入東涌...野到未食)...食咗個丁麵...唔夠...再黎個多士...咁先至有少少飽 >.< ~~~行到天黑先去到大澳...就坐車走啦...去咗深水埗大排檔~~~有啲路盲呀...傻吓傻吓咁喺黃金落咗車又唔識行過黎...叫佢直行去太子方向佢就行咗上去石硤尾...白痴~~~

Sunday 20th November 2005 12:30:20 AM
11月19日~~決戰龍門客棧~~[ 0 messages] 
無分類

講咗十世...今晚終於去咗龍門酒樓打邊爐喇...成三十人一齊打(雖然要分檯)...V嘩鬼叫嚇死街坊~~~

死仔昌哥寫野食嗰時發神經囉...美國牛四碟...本地牛四碟...烏冬四碟...公仔麵四碟~~~再加埋陳生寫埋其他野...黎到嗰時食都食唔晒...想死~~~結果搞到我呢檯最少人坐...又食得最貴囉...百四蚊呀~~~

Wednesday 09th November 2005 04:38:01 AM
11月8日~~好憎娛記~~[ 3 messages] 
無分類

好憎娛記∼好憎娛記∼好憎娛記∼好憎娛記∼好憎娛記∼
好憎娛記∼好憎娛記∼好憎娛記∼好憎娛記∼好憎娛記∼
好憎娛記∼好憎娛記∼好憎娛記∼好憎娛記∼好憎娛記∼
好憎娛記∼好憎娛記∼好憎娛記∼好憎娛記∼好憎娛記∼
好憎娛記∼好憎娛記∼好憎娛記∼好憎娛記∼好憎娛記∼
好憎娛記∼好憎娛記∼好憎娛記∼好憎娛記∼好憎娛記∼
好憎娛記∼好憎娛記∼好憎娛記∼好憎娛記∼好憎娛記∼
好憎娛記∼好憎娛記∼好憎娛記∼好憎娛記∼好憎娛記∼
好憎娛記∼好憎娛記∼好憎娛記∼好憎娛記∼好憎娛記∼
好憎娛記∼好憎娛記∼好憎娛記∼好憎娛記∼好憎娛記∼

Sunday 06th November 2005 10:37:44 PM
11月6日~~尚在人間~~[ 0 messages] 
無分類

今日返完教會...去做一樣要做好耐嘅事...上世界花園睇吓個「老鼠箱石屎筒」(郵筒一個)仲喺唔喺度啦(話說原本全港有兩個...另一個喺大澳...點知前幾年換鬼...咁我就要上去睇吓呢個有冇俾蔣生KO埋喇)~~~上到去...仲見佢喺度...太好喇...謝主隆恩~~~

跟住唔知返屋企好定係去MK好...又用咗個最慣常嘅做法...邊架車黎先上邊架...結果去咗MK~~~睇支sigma 18-125諗住方便唔洗成日換鏡嘛...又有IF可以玩CPL...cash千九有找...供就要二千~~~又去旺角場諗住買啲雙直格folder放due lable孖條(而家就咁放落郵票簿...拎出黎睇嗰時fing吓fing吓...好似好易會摺埋咁)...不過一包甘蚊得五塊全透明仲要只可放單面(平時嗰啲係廿蚊十塊雙面...係呢隻款係咁衰)~~~諗住遲吓先買啦...點知經過商務見佢大減價最後今日...諗住入去睇吓有冇得買啦(佢係香港代理)點知MK呢間太細...結果我就行咗落去佐敦買喇...不過都係得番三包...好似唔多夠用(不過我都唔記得我有幾多due lable孖條)~~~

Saturday 05th November 2005 10:37:21 PM
11月5日~~別了-南古臺~~[ 0 messages] 
無分類

放工屈咗雞爺出黎灣仔...諗住入南古臺影相啦...點知而家搵木板封死晒...無從入手...冇一個位可以徒手扒入去...白行一趟~~~之後同佢去買行山map同埋睇美津濃啦(死喇...我又有新目標...要忍吓手先得)~~~之後講起...我地幾時識同埋幾時開始咁熟呢...直得考究~~~

Tuesday 01st November 2005 02:36:58 AM
10月31日~~續-零食速遞~~[ 4 messages] 
無分類

尋日搵咗kityee媽陪我買零食啦...買咗勁多...返到屋企發覺放唔落...結果啲薯片蝦條粟一燒就放晒落我個肚喇~~~今日返工前拎去寄...重量剛好4.8幾Kg...希望走私成功啦(因為入面有牛肉乾同豬肉鬆...話說大不列顛禁止肉類入境)~~~

Saturday 29th October 2005 09:35:49 PM
10月29日~~掌門狗~~[ 0 messages] 
無分類

上回講到...諗住今日去睇賊船啦...一早九點鐘去尖咀諗住攞飛...點知佢今日得下晝兩點幾兩場...吹脹~~~之後去咗今日新開嘅文物探知館睇吓啦...睇吓有乜好野正野俾我發掘吓啦...點知佢個圖書館冇乜料到...佢啲書一係我都有...一係一早喺出面睇過晒(當然係講我有興趣研究嘅)~~~而個出土文物嘅展覽我又冇乜興趣喎...反而有興趣想知棟野有冇秘道通落下面防空洞囉~~~

之後去咗金鐘UA買飛放工睇掌門狗英文版啦...本來一早諗住睇...又抽唔到時間...有時間又約唔到人去睇~~~見佢仲有幾日落畫就拿拿聲去睇啦~~~放工去到...遲咗些少...不過都好在睇到荒失失企鵝開場(差唔多落畫...都勁多人睇...除咗前排之外差唔多爆晒)~~~

Friday 28th October 2005 03:39:57 AM
10月27日~~賊船前傳~~[ 0 messages] 
無分類

睇報紙話有隻仿製麥哲倫木船黎咗香港...泊喺海運俾人參觀啦~~~咁我一點去到...點知佢九點派飛...十點就派晒喇...又冇得拎第二日嘅飛喎...激死~~~咁唯有星期六返工前再黎啦...放咗工再去維園拉丁嘉年華...yea~~~

Thursday 27th October 2005 03:39:41 AM
10月26日~~零食速遞~~[ 0 messages] 
無分類

奉大不列顛黎kaki小妹妹之命...要買堆零食俾佢食咁話喎(去咗都唔夠一個月就...咁搞法下年佢返到黎隨時重過我~~~)仲要話要啲「traditional chinese food」(洗譯:傳統中式食品)...真係諗爆頭(見字幫手諗諗...唔該)~~~

咁我今日去咗超市掃咗啲零食啦...不過分量睇黎都只夠佢食一兩個月...個箱都係半滿都冇...重量己經差唔多2kg...死未~~~諗緊好唔好買夠5kg(因為睇黎要入爆箱都要3-4kg...而4kg同5kg差四蚊咁大把<不過都要四百五>...一不做二不休...買夠佢一年食量)...再叫火媽喺london寄堆罐頭俾佢...大功告成~~~

星期日捉人陪我買野食先...不過下個月我就呵呵呵~~~

Sunday 23rd October 2005 02:39:24 AM
10月22日~~飲食男女~~[ 0 messages] 
無分類

今日下晝絕對係港九新界一日遊...先黎三點幾喺公司出發...先去柴灣...再去荃灣(諗起eric kwow隻「當荃灣愛上柴灣」)...跟住再返公司...最後放工再去油尖旺~~~

一路上都幾順利...一去到巴士站就有車去柴灣...坐巴士時昌仔打黎吹水啦...俾佢點醒去荃灣嗰程可以坐官柴紅頂轉官荃紅頂(本來我真係諗住要坐地鐵架...完全冇諗過經觀塘)雖然咁好彩唔洗點等車...不過都唔係快好多咋喎...都要50min(地鐵要55min...仲未計地鐵站行去工廠區嗰兩個字喎)最後坐灣荃紅頂返到公司都要六點...激死~~~

之後坐星艇過尖咀啦...約咗阿珠七點半去基督教書展...不過見仲有咁多時間就周圍行吓喇~~~到咗七點半啦...約咗喺老麥門口等...點知我去到望入去見到潘叔叔啦(一個好耐有見...我第一批識嘅郵票friend)同佢吹兩句...佢話佢阿媽而家老人痴呆症...要照顧佢搞到有覺好訓...係咁同我呻咗半個鐘~~~我喺度諗...如果一個唔好彩第時我老豆老母都係咁...我都唔知點算(雖則大佬係大國手姐...不過指意晒佢又好似好衰仔咁)

同阿珠去到書展啦...買咗五本書for聽日浸禮...我又買咗本古靈精怪(其實係牛仔布面)拉鍊聖經送俾細佬啦(竟然冇啲外國進口嘅中文聖經...我嗰本係from馬來西亞...喺香港超少見)~~~之後我地去咗官涌食米線啦...再行去旺角食木糠布甸啦...又陪佢去買衫啦...雖然買唔到~~~行吓行吓行到十一點囉...玩得好開心呀...hehe~~~

Thursday 20th October 2005 03:38:54 AM
10月19日~~點解要搞成咁呢~~[ 0 messages] 
無分類

尋晚返到屋企...寫靈修文章啦...寫到一半太眼訓諗唔到野...咁就出咗廳訓喇(未沖涼嘛...而且諗住訓一陣再寫過)一訓就訓到十點...俾hoho chan個電話噪醒~~~

hoho:喂...唔該李生丫~~~(竟然咁樣稱呼我~~~)
澤洗:我係...
hoho:我係hoho呀~~~(絕對冇諗過佢會搵我)
澤洗:哦...乜野事呀~~~
hoho:我地諗住今晚出post爆晒方向明啲衰野出黎...迫老細ban佢acc...到時你幫吓口啦~~~
澤洗:哦~~~

其實我都唔係咁想...尤其是經過尋日嘅靈修...我更加想金盤洗手乜都唔理(早幾日我先至出post叫死肥仔咪成日同我講佢啲野...聽到厭~~~我知得太多...唔想理)~~~到咗夜晚hoho出post嗰時...我都廢事鬧埋一份...只係講幾句笑...又講咗句「作為一個基督徙...請為呢位人兄代禱...求天父醫治呢個失喪靈魂啦...」(話晒十幾年前佢都叫做返過吓堅恩一段日子...雖然佢唔信主)~~~但係佢竟然反話番我轉頭...話我假仁假義之類(佢之後改咗post...原句就搵唔番喇)~~~雖然我平時把口唔收成日講衰野姐...都不至於此掛~~~

至於點解佢搞到今時今日咁犯眾憎呢...說來話長~~~

先由三年半前講起...佢鍾意咗一個新加入sshh嘅女仔...不過個女仔只係當佢普通朋友啦~~~呢個唔係問題...問題係佢之後嘅行為...又閙番個女仔轉頭...又喺sshh係咁講啲好不知所謂嘅野啦(個女仔同其他男仔玩得好埋...就話睇到好唔開心呢樣嗰樣...仲搞到我都變埋其中一個男主角>.<)...亦都有好多怪異行為數之不盡~~~因為咁...佢就開始犯眾憎喇~~~

過咗一排...佢終於溝到另一條女...咁佢先開始平靜落黎~~~不過到咗近呢一年佢地散咗...隻方向明又重蹈覆徹...係咁以pm(forum嘅私人訊息)、icq同埋電話煩住多位女仔(同時間十幾個...唔理好醜)...仲要全部目標都係新人黎嘅...驚到有啲女仔話唔敢再join活動~~~佢不只做番晒三年半前所做嘅行為...繼續喺sshh吵吵鬧鬧...班女仔暗示晒話唔會鍾意佢都繼續纏住啲女...到衰咗嗰時仲夠膽話係個女仔鍾意佢但佢唔受~~~

到咗今晚hoho出post爆呢單野出黎...佢都仲可以唔知醜死口唔認~~~你話呢啲乜野人黎先得架...真係想研究吓佢十幾年前係一個乜野人~~~

Wednesday 19th October 2005 03:52:46 AM
10月18日~~成了~~[ 0 messages] 
無分類

今日出票...諗住又係九點搞show啦...點知今次十一點半...又唔通知我...激死人喇~~~等我訓多個鐘都好丫...又搞到我入唔到大澳~~~貼好晒啲票都仲有個幾鐘先開show...咁就鼠咗去大會堂閉目養神喇(多得雞爺打黎點醒)...開show嗰時返去GPO...之後又去大會堂啦...靈修(最後通牒...阿媽...個牒字咁寫呀)...終於諗到編野寫乜喇~~~

lunch去咗士丹利街大牌檔食野啦(想喺度食好耐喇)...個feel幾好呀...個坐喺條街度好休閒咁食粥粉麵飯嘅感覺~~~食咗碟四寶飯啦...幾好食...係唔多夠飽姐~~~食完行咗陣啦...行入啲仲有檔生滾粥檔同埋奶茶公仔麵檔...下次又食吓影吓先~~~

Sunday 16th October 2005 10:52:24 PM
10月16日~~晨操~~[ 1 messages] 
無分類

對住部腦坐天光...不過又冇去靈修同寫埋編文喎...因為個腦太疲倦喇~~~六點半出咗去晨操啦(勁大煙呀出面...觀塘都望唔到咁濟...不過唔落去跑又冇野好做喎)...喺波地跑咗四個字...休兩個字...再跑上中秀四個字~~~返到落黎...見波地有班大叔喺度猜波...咁我又猜埋一份啦...咁又消磨咗半個鐘喇~~~

返完教會食完飯...去咗阿珠屋企...幫佢裝anti-virus啦...又吹咗陣水啦...搞到四點先走人喇(黎小姐絕對係一件好好玩嘅玩具)

Sunday 16th October 2005 03:52:08 AM
10月15日~~飛奔的寶馬~~[ 0 messages] 
無分類

話說肥仔威廉(公司個客)尋日叫我印四百張首映戲飛(拿...唔好問我拎飛...我都拎唔到...因為佢會返佢公司打個印先派出街...仲要唔俾番啲黎益我地...幾衰~~~)佢問我幾時搞掂啦...咁我就話今日啦...不過講完先諗起今日係星期六...上晝冇人拎啲野返黎(我印完要拎去柴灣切)...咁我就改口同佢講最好星期一啦~~~點知今朝一早就話想下晝要啦...即係要我去完柴灣拎完再返公司俾佢啦...冇so~~~

咁啱呢...下晝公司又有野要做...咁就同威廉講數啦...叫佢車我去柴灣...搞掂...hehe~~~一上車...佢問我:有有高血壓心臟病...咁我同佢講:你盡情咁踩恆佢啦...haha~~~結果喺東廊踩百二...爽呀(不過玩到東隧口咋...喺太古城有兩個白鴿籠等緊你...點玩)~~~

返到屋企上咗陣網諗住訓啦...點知老母話落街食dinner...結果搞到十點半先有得訓~~~訓到十二點幾一點又彈醒咗訓唔番...咁就唯有坐天光啦~~~

細佬呀...唔好俾咁大壓力自己啦...我唔想晚晚半夜三更online都仲見到你仲未訓得著呀~~~

Thursday 13th October 2005 03:26:55 AM
10月12日~~感動-dream car編~~[ 0 messages] 
無分類

今晚返到屋企...o靚仔豪 icq 問我係唔係真係想要架麵包車...話要搵實幫我搵到咁話~~~真係感動...我上個月中問佢仲買唔買到...估唔到佢仲記住~~~佢係我而家friend list入面識得最耐嘅一位...亦係唯一一位仲有keep住聯絡嘅中學同學(我又唔會主動搵人嘅...所以好多同學friend都斷晒聯絡囉)

雖然而家冇錢買(上ebay睇過都要大約五萬)...又未有車牌(不過老豆尋日無啦啦話...if我去學車佢俾一半錢...不過我點搵埋另外嗰半呢)...暫時得個諗字~~~真係好認真咁諗o架...首先換過副engine(環保偈...最好係用石油氣啦)...後倉放個L型五人梳化床(後坐... if前面仲冇位就背住司機位放多排梳化)+迷你雪櫃+儲物櫃(最緊要放個營&帆布摺櫈啦)+茶几...全部窗加裝活動式蚊紗(架車冇冷氣o架...六七十年代老爺車)...前坐只要坐得舒服就得(睇個款就知係用黎同班friend去玩去歎世界嘅車啦...平時出街要咁大架做乜)~~~我諗夾夾埋埋車價連裝修都要十萬囉~~~

都係發吓夢先囉∼∼∼

Tuesday 11th October 2005 10:52:18 PM
10月11日~~廢墟~~[ 0 messages] 
無分類

本來諗住去睇掌門狗啦...不過冇人去睇唔成...結果去咗新蒲崗啲七層工廠大廈影吓相咁啦...都好耐冇試過為影相而出去影相囉~~~聽聞呢度就快拆...不過冇諗過咁快...啲舖都封得七七八八...好在冇封到棟樓仲入得去影...又有啲廠今日都仲有開工~~~影咗廿幾張相...得閒先執完再放上黎啦~~~

又去咗地鐵站換紀念飛啦...點知冇晒貨要十一二月先有得拎...好過冇啦~~~(話說星期日我俾咗一張mandy用啦...佢要去東涌諗住幫佢慳番程車錢啦...跟住成班女見到發晒癲咁話想要喇~~~遲吓呢兩張野...邊個乖就俾邊個啦...haha~~~)

Sunday 09th October 2005 04:53:46 AM
10月8日~~輕輕的佢走了~~[ 0 messages] 
無分類

kaki今日要飛去york喇...咁就一年囉~~~(一個雞爺話...仲有個城牆圍住嘅古老城鎮...仲要有條"見到有身穿傳統蘇格蘭戰士服o既人o係城牆外可以KO佢"嘅法律...)

今日第一日返1130(本來想請假...不過又唔批喎...家陣真係冇一次假係好完滿咁請得成囉)...不過1200先返到喎...遲咗兩個字出門口再加塞車(都唔知做乜呢啲鐘數都會塞)...三點例牌又要拎野去柴灣喇~~~之後去咗顯徑滋心堂食野啦(未食lunch呀)...差咗呀啲野食~~~慢慢食到六點...再出新城市啦~~~去到新城市...本來諗唔到有乜好做啦...點知一上到去見到有條友拎住個canon袋...先記起佢喺度擺roadshow...咁我就落去吸吓毒啦...玩咗5仔啦(好大個LCD)...1DN啦(堅)...同埋20Da啦(乜原來個LCD view係咁用架咋...車)差唔多玩完嘅時候羅展同樂C先至黎到啦...就去咗天道買野同埋kfc食野啦(低B王話:肯德雞家鄉基)

之後去博物館巴士站join kaki啦...五大pack野...仲重過佢呀真係...if得佢一個都唔知佢點死~~~去到check in啦...over咗啦...要拎番啲野走...咁我屋企就多咗十幾廿罐罐頭喇 =_="~~~之後食完許留山影埋相就踢佢入禁佢喇~~~

過到去比心機喇...都唔知講乜好...在心中啦(我最鍾意講呢四隻字...haha)

Friday 07th October 2005 02:49:50 AM
10月6日~~重光~~[ 4 messages] 
無分類

上個星期四開始...返工對住個死人PageMaker...係咁執稿...今日終於搞掂晒...可喜可賀~~~其實可以尋日搞掂晒...不過點知其中一個file喺我做晒double check嘅時候死咗...天呀...又要由頭搞過呀~~~結果用咗成個full day先執番好晒...執完都好似死死哋喎...今日double check佢又係咁hand機...救命~~~

禍不單行...尋晚見到雞爺個mail box就黎爆啦...咁就用outlook download晒落黎封存晒佢啦~~~點知做嗰時做錯咗一樣野...又唔記得用outlook express做個copy...而家個封存檔雖然都仲係有四十幾mb(即係嗰成千封貓都喺度啦)...不過全部爆唔番開...點算呀...wowowo~~~(等待救援中)

呢幾日都唔知做乜...唔理幾點訓都好...都會九點幾十點彈醒...雖然過咗一陣又可以訓番...不過咁搞法都死啦~~~

話說份靈修分享文章要五號交貨...不過到而家寫都未寫...if星期六都未出到貨...俾隻鴿生吞都有份~~~(問題係我嘅靈修接近等於零修...仲要睇完唔洗5min就完全唔記得晒)

呢幾日終於似番個秋天喇...有好涼好涼o既風...好想出山...好想踩車(仲好想唱K...雖然季節冇關)~~~不過...過咗下個星期二重陽之後就要到聖誕先至有紅假...咁做得幾多樣呢~~~

Wednesday 05th October 2005 02:05:21 AM
10月4日~~due lable攻略~~[ 0 messages] 
無分類

上個星期四send咗封貓俾集郵組經理啦...噪鬼佢冇貨俾我買啦~~~結果尋日上晝有個staff打黎:

staff:我地安排咗一套全版喺PB俾你買喇
澤洗:得一套咋?我要幫埋啲friend買喎
staff:冇喎...得一套咋
澤洗:>.<"~~~咁我聽日黎買啦

唉...絕對係陷我於不義啦...幫唔到雞爺買...得自己有好似好衰仔咁~~~今日去到PB啦...個staff(唔係尋日嗰個...)拎咗袋票出黎啦...有五套全版...好野~~~咁就買咗一set孖條俾自己...一套四方連俾雞爺...一套單粒俾志爺啦~~~大功告成...謝主隆恩~~~

講吓返工野啦...連續兩日ot...前後夾埋四粒鐘...做中大嘅board(話說中大都大半年冇order黎...對上個week隨口up講開...點知一係唔講一講親就成大堆咁黎)尋日做十幾塊今日做六七塊...做到死呀~~~

Saturday 01st October 2005 03:51:04 AM
9月30日~~萬壽無彊~~[ 0 messages] 
無分類

今日皇額娘十一妹嘅大壽啦...朕就call晒班灣仔幫去龍門客棧賀吓佢啦...haha~~~今次專登叫咗碟叉燒拼盤黎食啦...好食到正呀(其實上次都同十一妹食過...不過上次係連飯...啲飯吸晒啲汁...冇咁好食)~~~呢班蝗蟲食得鬼咁快...搞到朕食得兩三舊叉燒...如果唔係皇額娘大壽...朕一定治你地死罪....haha~~~結果食完走人我都未飽囉...慘~~~

返到公司又要繼續做嗰份page maker稿啦...對咗佢三日...做到天昏地暗~~~下個禮拜仲要對住佢成個week...真係人都癲~~~講開份稿...係醫療保險嘅診所list...人地公司分晒區咁拎黎要排番做本書~~~睇住佢份list就真係吹脹...又多錯字要同佢執啦...地址又錯啦(最經典係牛頭角彩虹道囉~~~)分區又份錯晒(觀塘秀記大溝亂囉...翠屏歸咗秀記...有啲寫住"觀塘秀茂坪"嘅又掟咗落觀塘喎~~~不過見佢咁近就當睇唔到啦~~~)今日見到呢個先吹脹..."馬鞍山鐵路沙田圍站xxx舖"歸咗落馬鞍山...睇到眼都凸~~~做乜香港仲有啲咁low b白痴無能嘅人架...再係咁落去就真係"香港一定得"啦~~~

Saturday 01st October 2005 03:46:57 AM
9月29日~~kill TSUI~~[ 0 messages] 
無分類

郵局竟然粒聲唔出...出咗DA版due lable都唔出聲...真係五行欠打~~~

諗住出去搵貨啦...點知間間局都俾人買晒No.位...頂~~~一問之下...原來係嗰條姓徐嘅賤人所為...仲要only買嗰一個位...搞到郵局積住晒o的貨冇得攞新貨~~~

講起呢條賤人...佢以前喺郵局做...而家做隱形郵棍(郵棍者...郵商也~~~隱形郵棍即冇出黎開檔嘅郵棍...靠寄賣/賣俾圍內熟人/e-bay為生)佢啲罪狀多到呢~~~

1.佢似住同某幾個高層熟...成日唔跟正規做野~~~上次去king's road做封...用個唔可以用黎銷票嘅戳銷票(紅印)...仲要攤晒出黎驚死人唔知佢有得咁玩~~~之後有人睇唔過眼投訴啦...個局長咁就俾人KO咗喇(不過局長係完全唔知情喎...係個銷票郵差俾佢亂咁黎...呢位郵差嘅結局就唔知點喇)

2.話說我地呢班玩家有個規矩...就係讓俾街客(真正郵局用家)同埋做一兩個嘅人做先(if自己做好多...郵棍為甚)~~~不過多年前喺另一間局...佢喺櫃位搞咗好耐(又係佢啲唔啱規矩嘅野)...後面啲客喺度噪佢...佢唔讓不特只...仲駡返人地轉頭~~~

3.因為佢同班高層熟嘅關係...經常攞到內幕消息...呢個冇問題~~~不過佢透過呢啲內幕消息...去各郵局掃貨...好似今次咁~~~如果局長唔肯俾貨佢...佢就打俾佢啲高層friend...班局長收到高層order...唯有乖乖就範~~~就係咁...至今出咗街嘅DA due就差唔多俾佢籠斷晒喇~~~

呢啲賤人...殺佢都整污自己隻手呀...睇佢同埋佢班高層friend幾時衰收尾啦~~~

其實以前...我好想入郵局做野...不過玩得越耐...聽班郵差師兄講啲內部人事野...再加埋呢啲賤人嘅所作所為...真係慶幸當年考唔到入去做~~~而家就算佢走埋黎請我入去做我都啋佢有味...當然做一個可以治到呢班賤人嘅post就另計啦...hahaha(發吓夢好喇~~~)

Monday 26th September 2005 03:12:25 AM
9月25日~~玩謝...藍牙~~[ 0 messages] 
無分類

尋晚貪過引...開咗張吹氣波波(其實係去camp用嘅吹氣地蓆)訓廳...四點幾先訓~~~至於點解咁夜訓呢...原來英國郵筒會一直都有send email黎...不過我之前set錯野...變咗唔係順住日期排...等我以為冇件到~~~結果睇晒堆email都用咗個幾鐘(其實都係睇相姐...我邊會睇佢啲番文丫)...有一set相好正...係幾十年前做郵筒嘅程序...N年後去大不列顛嗰時真係要去見識吓~~~

今朝返教會...臨出門口嗰時落好大好大雨呀...啲陣風仲好勁...連我把七仔大傘都拗咗柴...好在冇斷骨...拗得番直(返到屋企先知...原來個風增強咗做颱風...上到黎南海北部打橫行都仲可以係咁增強嗰吓先至估你唔到)~~~返到教會都十點十囉...而且又落雨...唔裝poster住...完晒聚會先搞~~~

下晝去咗ssp...買咗個usb bluetooth(今晚惡夢嘅開始)~~~然後去長沙灣啲舊樓"視察環境"啦(幾時先拆得呀...我要拎塊T牌返屋企呀)...再去咗mk...買hunter啦~~~

六點半返到屋企裝usb bluetooth啦...裝咗driver之後...諗住install埋nokia個software啦...點知裝完佢都認唔到usb bluetooth啦...搞咗成晚都舞唔掂佢~~~唯有用跟usb bluetooth嗰個software去send野啦...總算成功將啲相掟落部腦...又掟file落手機啦~~~

又到咗"話說"講廢話嘅時間喇~~~話說黎緊星期六國慶日...教會搞鴨仔團啦~~~上晝去迪士尼...門口(十一黃金周...實俾班自由淫搞到遍地黃金...到時跳上架地鐵影吓相仲好玩...咁就真係去迪士尼做足準備喇)...之後去流浮山食seafood(我想影相多啲...流浮山啲seafood少食為妙)...再去嘉道理農場啦(睇吓貝貝啦...影吓舊GPO嗰四條柱啦)~~~行程唔係一個問題...最大嘅問題係八點半集合...即係我又有得振冇得訓...如果咁唔好彩班自由淫仲早過我地入到迪士尼...門口...咁我就真係訓直喇~~~吹水完畢~~~

Sunday 25th September 2005 02:52:15 AM
9月24日~~昏迷~~[ 3 messages] 
無分類

尋晚四點半先訓...set咗個電話七點半響啦...點知醒唔到...結果事頭婆十點打黎~~~

睇見個鐘係十點...公司打黎~~~
澤洗:喂...
ming:你喺邊呀?
澤洗:屋企囉...
ming:唔洗返工呀?
澤洗:呀~~~
ming:快啲返黎呀~~~

結果十一點返到公司...入佢房...鵝咗幾句~~~下個月開始...閒日返兩點半...星期六返十一點半...哈哈~~~不過佢當我今日請咗半日假囉...計埋十二號嗰半日...扣一日假~~~算...反正之前兩次都冇扣...計落有so~~~

下晝執相退地搞到五點先至搞掂...退到死咁...仲要送搞去柴灣...囉命~~~之後去尖咀搵Rayman...俾o的十世嘅野佢啦~~~之後返屋企煮大餐...蟹柳磨菇意粉+牛尾湯...飽死+肥死囉~~~呢個week真係肥囉...餐餐煮到大魚大肉...如果我日日都係咁食呀...成份糧冇晒都得囉(俾得嗰一千家用...用晒黎買餸都唔夠餵飽我啦)~~~

之後睇十世前download落嘅National Geographic啦...睇到一半訓著咗囉...唔係kityee媽打黎我都唔識醒...不過訓唔番囉~~~過左一陣...收到個sms...奉命行事...你唔好唔開心啦~~~

話說尋晚download咗舊時軟硬啲電台節目啦...笑死人囉~~~佢地仲播咗南華球會以前隻會歌...好好笑呀...要轉做ringtone先...hehe~~~

細佬終於報咗半馬喇...我地一齊向呢個目標進發啦~~~

Friday 23rd September 2005 03:40:11 AM
9月22日~~下一站中環~~[ 0 messages] 
無分類

話說星期日同kaki坐車去燒野食嗰時...約咗今日食lunch啦~~~去之前去咗MK拎野啦俾佢啦...比想像中大好多...點拎呀~~~

又話說佢今晚去食buffet啦...我又食咗早餐喎(我閒日食得嘅早餐都唔早得去邊)...咁我地就變咗行街喇~~~又去咗睇XD咭啦...同埋睇電話啦...不過又唔見之前講嗰部喎~~~跟住就去擺花街街邊大排檔飲野啦...咁就hea咗一個鐘喇~~~

夜晚返到屋企...終於有一個涼爽嘅日子喇...終於似打風喇~~~不過睇個勢都冇八號喇...冇得放假添~~~

跟住得閒無事去睇雞爺個email acc啦...無啦啦英國郵筒會又send番啲email黎喎...明明冇續會...之前又成個月冇再收到佢地啲email喎...咁神奇?

Monday 19th September 2005 10:09:48 PM
9月18-19日~~月黑風高~~[ 2 messages] 
無分類

星期日返教會啦...kityee媽本來叫我十點三返到去裝張poster出門口個燈箱度啦...不過我十點七先返到囉...hehe~~~我同阿Ed出去整啦...個燈箱仲大過A1...張poster得張A3咁細...蚊比同牛比~~~個燈箱仲要扭廿粒螺絲...仲要鬼咁高喎(我咁高都覺得佢高呀)...都係留番下個week等阿Ed拎個電批黎...同埋等kityee俾個file我返公司印張大poster先至再整啦~~~

下晝同佢地去Town Center買燒野食嘅野啦...買到四點佢地入西貢霸爐啦...我就周圍行等到六點去第一城食飯喇~~~阿嫂剛喺英國返黎啦...喺飛機度拎咗三罐汽水俾我啦...好野(一罐可樂一罐Diet Coke一罐雪璧...不過冇忌廉喎...都唔知點解西人唔飲)~~~

食完大佬車我去馬鞍山啦...我一路去買野一路等kaki黎join埋一齊入啦(我喺沙田做節時佢又去藍田做...倒轉晒...haha)~~~入到去都冇點燒野食呀...喺度鋤大D啦...俾kaki威迫唔出得pair囉...咁佢又連嬴幾舖喇喎(話說嬴咗洗牌...都係變咗我洗...激死 =_="...)~~~又同Roger喺度一路鋤一路"唉吔也唉吔也吔"(十個救火的少年)...hahaha~~~

一路燒到六點天光先走呀...好眼訓呀...不過返到屋企都要八點幾先訓囉...等個頭乾嘛...又唔鍾意用風筒...一路等一路上網~~~跟住無啦啦十二點醒咗...又上咗陣網兩點再訓過...到咗四點又醒咗喇~~~啲人好眼訓都仲要被迫抺地囉...報應呀...haha~~~

Sunday 18th September 2005 12:41:35 AM
9月17日~~頭條新聞~~[ 0 messages] 
無分類

星期四晚跑咗轉去秀記...都係衰橫隔膜老抽...上到堅樂小學就要停啦...都唔知點死~~~

尋日知道咗頭條新聞做埋尋晚嗰集之後又要停喇...要下年年頭先至有得再睇~~~雖然港台高層話到時最少連做廿三集(聽住先啦)...不過都難解相思之苦呀~~~

話說尋晚要out一份19個page嘅A3...條做稿嘅又唔知做乜set咗啲字做四色黑喎...不過又唔係隻隻字都係咁喎~~~我冇為意啦...到我收工之後老細幫我跟埋後面啲野啦...佢就睇見有問題喇~~~今朝返到公司又要同佢改番晒啲file...又要cut走晒film啲字喎...做死呀~~~

下晝放工去咗MK...諗住等raymond得閒俾啲十世前嘅野佢啦...點知到咗七點都未得閒...激死呀~~~而話說雞爺去完AMC開會...黎咗join我行旺角場啦~~~喺佢黎之前...我得閒冇野做就終於第一次去行朗豪喇...唔係講笑...真係第一次(佢開嗰時我驚迫就諗住過完今年農曆年先至去啦...一直到而家都冇上過去)~~~行完朗豪之後...感覺係...上面啲舖仔...我行潮特好過啦~~~下面嗰啲...我行apm唔好?

喺朗豪間80M見到福士麵包車嘅模型啦...好正呀...仲要五十蚊有找~~~實在太可愛喇...好想要架真車呀...邊度有得買呀仲~~~

Thursday 15th September 2005 01:15:11 AM
9月14日~~作戰半馬~~[ 0 messages] 
無分類

下年嘅渣打馬拉松有得報名喇...咁我就上網報咗半馬啦~~~21Km...到時都唔知點死...不過為咗完成廿五歲前完成全馬呢個目標...咁就唯有頂硬上啦~~~不過話說跑嗰日出郵票...理論上我要九點去到GPO...不過半馬七點半先起跑...我點勁都唔可以粒半埋單啦...兩粒可以埋單都偷笑喇...死喇真係~~~

不過話時話...唔知可唔可以喺廿五歲前搞掂埋毅行者呢?要行晒對於我黎講唔難...搵夠四隻腳難(我想喺教會搵呀)...抽得中更難 >_<"

又再話時話...想喺跑之前買番部iPod nano添...不過要供晒支燈先...儲錢去流浪嘅目標又遠咗喇~~~

Tuesday 13th September 2005 01:40:59 AM
9月12日~~八年難得一見~~[ 0 messages] 
無分類

今日原本攞咗假...不過又係例牌又要返公司搞埋啲手尾先喎...做乜次次都係咁呀(不過次次都冇扣我大假喎...到而家都只係扣咗過年放嗰兩日咋)~~~九點返到公司啦...拎野去太古城裝啦...一啲好簡單嘅野因為唔俾打釘唔俾貼膠紙嘅關係(話驚整爛幅牆喎)...搞到一點先搞得完~~~

話說今日"跌死你"開幕(呢個譯名正呀...haha)出郵票啦...絕對係八年冇見過嘅景象呀(係八年...回歸後嘅八年)~~~好耐冇見過 GPO 條人龍長到咁囉...好耐冇見過啲貴價郵品咁快賣晒囉(竟然金郵票全城斷貨...散票都未賣晒...做乜啲人咁富貴呀)~~~等我拎兩張金票上網放咗佢先(訂多咗...本來諗住落局退貨添...真係估佢唔到~~~)

Monday 12th September 2005 01:39:06 AM
9月11日~~一波三節節最終回~~[ 0 messages] 
無分類

今朝起身返教會啦...遲咗一兩分鐘出門口啦...諗住:死喇...趕唔到班車喎~~~跟住我急步行落巴士站啦(冇跑喎竟然)...咁都可以趕得切...架車兩分鐘後先至到...謝主隆恩~~~架車去到彩虹交匯處...俾差佬封晒來回線...原來兩位姓曾嘅大人物去牛頭角探長者啦~~~大佬呀...家陣我坐嗰架車又唔係同你同路...只係喺你上面條天橋行過姐...唔洗咁都要封呀嘛...你驚架車跌落橋擇死你咩~~~呢啲唔係叫親民...係擾民~~~

下晝去新城市啦...諗住去 royal sporting house 買 nike free 啦...點知都係冇~~~我問佢邊間有貨啦...佢就話 part lane 同埋又一城啦...咁我就去又一城喇~~~去之前諗住去 city super 行個圈啦...不過多人到呢...我未入門口已經返轉頭囉...絕對接受唔到 city super 咁多人咁迫囉~~~

去到又一城...見到得番一隻款...問 staff 仲要話得 8 & 8.5...玩咩...十年前嘅我都未必著得落啦~~~咁唯有買衫啦...睇中幾件...又冇我碼喎~~~ choice 咗成粒鐘...終於買咗兩件 adidas 啦...戰衣...補 $90~~~

咁最後我點都要買番隻新戰鞋啦...咁就出 MK 買 mizuno 喇~~~咁啱佢做八折喎...正呀~~~不過呢...靚樣嗰啲又冇出我碼喎...啲日本蘿蔔頭隻腳又邊會有咁大丫~~~咁唯有喺有我碼嘅入面搵番隻見得吓人啦...結果唔洗四舊水成交呀~~~

adidas 衫同 mizuno 鞋夾埋嘅價錢都只係比 nike free 多幾十蚊...而呢兩樣野都好滿足到我(1. 著咗 mizuno 年幾...絕對係好啱我嘅鞋... if 俾對 NB 我嘅話實 pk 死;2. 我之前買落嘅排汗衫個樣一般...功能亦都係一般;3. 如果買咗 nike free...出賽前都要再買多對 mizuno 出戰...因為我覺得佢用黎訓練就得...真係落場跑就未必咁好受)而且唔止 royal sporting house 冇晒 nike free...連波鞋街都絕跡...廣售就全條街都係...唔係真係咁好賣呀嘛~~~人何必為一對鞋...一件事而執著呢...神一早已為你安排好一切...在最合適嘅時候出其不意咁放喺你面前啦~~~又謝主隆恩~~~

不過又要鬧吓 royal sporting house 啦~~~咁大間舖得嗰幾個 staff 啦...我想搵 staff 等咗幾耐先有人得閒過黎~~~啲貨亂晒冇人執...搞到我都唔知點 choice 衫好~~~身為一間大公司...連問代理攞貨都攞唔到~~~真係摺咗佢好過啦~~~

Monday 12th September 2005 01:38:11 AM
9月10日~~大功告成~~[ 0 messages] 
無分類

話說前幾個 week 喺 sshh 同個 friend 講開換 7-11 啲野啦(今次唔關我事啦...又唔係貓)...佢話佢仲有我冇嗰隻貓嘅特別版有多啦...緊係即刻打劫啦...hehe~~~今日終於拎到手喇...大功告成...聽日俾埋 kaki 就收工~~~

因為之前嗰晚冇乜點訓...五點返到屋企上陣網七點就死去訓喇~~~因為老豆老母北上去飲...所以我就有一個好寧靜安詳嘅晚上喇(又要寫番個做人宗旨去飲編先)~~~不過訓到十一二點又醒咗囉...諗住係餓醒啦...食完麵都係訓唔到~~~咁就靈修啦...又好耐冇做喇...結果睇完兩章就訓得喇...haha~~~(我好認真咁睇呀...不過訓醒之後都係唔記得晒囉)

Friday 09th September 2005 04:09:17 AM
9月8日~~一波三節~~[ 0 messages] 
無分類

話說星期二收到 royal sporting house 兩百蚊券啦...諗住用黎買對 nike free 黎練跑啦...點知想買隻鞋都咁難~~~尋日去 time square 買啦...點知佢就裝修喎~~~今日去太古嗰間啦...佢又冇貨喎~~~咁唯有星期日去新城市買啦...破戒囉~~~(話說自從上次七月自己一條友去完新城市發毛之後...我同自己講...佢未裝修完唔會主動去新城市)

再講吓其他野...電腦野~~~話說呢幾日...終於得閒試吓 iTunes 個 Podcase 啦...果然有新發現~~~先黎一個講電腦嘅節目啦...講到話美國時間七號 apple 會有新 iPod 公佈...唔知有乜新搞作呢?熱切祈待~~~另一個...林海峰個節目...搵咗 Jason 做嘉賓呀...太耐冇聽佢把聲喇...太正太好笑喇...聽完再聽呀...希望佢遲啲會出番黎做 DJ 啦(當然要搵埋 Martin 啦)

跟住到手機野...得閒冇野做喺 nokia 網頁搵到個叫"動態日曆"嘅 software...可以自動入晒啲公眾假期落去手機入面嘅日曆度...勁好呀~~~就係呢兩樣野...搞到五點先訓...九點又要起身去GPO做採訪喎...眼訓到爆呀~~~

繼續電腦野...黃昏時間喺公司冇野做...諗起上面講嘅新 iPod 啦...就上 apple 網睇睇...真係有料到喎~~~iPod nano 呀(要黎取代 iPod mini)...又薄又細又有彩 mon...仲有好型嘅黑色呀~~~不過 4GB 都要一千尾...咁我不如加多幾百蚊買 iPod 唔好?(如果係貪佢細細部咁就另計啦)~~~同時...亦都出咗 iTunes 5.0 啦...版面改咗啲啦...亦都多咗啲新功能啦...不過我又唔係 IT 人...呢啲野留番俾班 IT 發掘發掘喇~~~

報時訊號一响...嘟...零晨四點~~~聽日又要十一點起身做採訪...都唔知點死~~~成個 week 練都未練過隻腳...都唔知點死~~~遲吓又要俾錢訂郵票...又要俾錢報馬拉松...今個月又得番一舊水 cash 洗...都唔知點死~~~願主佑我...阿門~~~

Wednesday 07th September 2005 12:50:57 PM
9月5日~~好靚嘅眼呀~~[ 0 messages] 
無分類

講多無謂...睇片最實際~~~(唉吔...唔貼得gif添...咁唯有貼圖啦...)

ps.點解唔吹黎香港呀~~~

Saturday 03rd September 2005 11:48:13 PM
9月3日~~最好的...就黎來臨~~[ 4 messages] 
無分類

尋晚返到屋企...見到bt有得download人神鬥...緊係即睇啦...超正呀...最衰冇飛睇現場啦~~~希望E神遲吓真係搞concert啦...到時要入場睇呀...要好前呀~~~

因為睇完人神鬥...再睇埋頭條新聞...天光囉~~~訓咗個半鐘又要返工喇...返到公司訓咗兩個鐘...事頭婆走黎同我講啦(佢放完產假喇終於...尋日...)諗吓度吓有冇得星期六返晏啲啦~~~好野...坐咗成年終於等到呢日喇...不過我諗平日實要返早半粒鐘啦~~~

返到屋企...見到HSBC送嗰部相機到咗啦...緊係玩吓先啦~~~嘩...完全係一部傻瓜中嘅傻瓜~~~聽日帶出街試先~~~

另外...又一驚嚇...收到郵局封信喇...下年郵票發行list~~~絕對無謂呀...
狗年郵票:仲唔輪到我?haha
民間燈彩:花燈乎?
新普票:嘩...講真架真係...三至五年換一次...家吓第四年就換~~~(志爺把衰口...開口中~~~)
兒童郵票:預料之中
泰山:冇嘢好講 =_="...
華盛頓郵展:預料之中
成語故事:會唔會有熊貓博士同YY呢...haha
十八區特色:吓?唔係呀嘛...咁咪要十八隻票?(實係嗰位"冇偷懶"嘅肥老何局長嘅所作所為啦)
煙花:好似幾好咁喎...
國際和平日:和平者,白鴿也...意即將kityee印落啲郵票也...
政府運輸工具:即係乜呀...垃圾車乎?
孫中山誕生一百四十年:最好畫番支民國旗落去隻票度啦...
心思心意2:又黎?

今次又訂夠唔知幾多錢又送個snoopy郵票...當然同上次唔同啦~~~上次俾咗阿珠...今次俾嗰位可愛到爆(=_="..)嘅tracy妹妹啦...haha~~~(如果拎到三份返黎...緊係佢地兩個都有份啦...不過有先算~~~)

Friday 02nd September 2005 01:47:23 AM
9月1日~~時間呀...你在哪~~[ 0 messages] 
無分類

九月喇...好多要做o既野做都未做過呀...年頭到而家連續三期稿未寫啦...七月到而家o既相未執啦...本靈修書十世都未睇完啦...話幫蔡爺晒相到而家都未晒...N年前o係阿奶(即係我奶媽)度拎番黎o既我細個o既相又未scan...要人地問我先至走黎update日記~~~唯一應該要成日做...不過又冇諗住做o既野...反而做o左囉...backup部腦囉~~~天呀...我o的時間去晒邊呀~~~

今晚臨夜先黎幾十張poster要我印...點做呀~~~一於唔理...聽日返黎先至再做~~~

呀...仲有呀...今日o係加記跟o左個教練學o左兩部練腳機呀~~~五個月內...極速訓練隻腳...半馬我黎喇~~~

Thursday 01st September 2005 04:55:08 AM
8月31日~~可口?可樂!~~[ 0 messages] 
無分類

今日完全係可樂玩晒呀~~~返工之前去換野啦...先去七仔換最後兩款復刻迷你可樂...再去樓下士多換一尺高可樂樽錢罌啦~~~要破o既財終於破完喇~~~

之後返工o既時候...見到巴士個可樂廣告...Coca-Cola Lemon呀...香港終於出喇(不過點解仲未有o個隻不知所謂o既C2 o既?)...過幾日試o下先(今日買o左太多可樂喇...忍o下手先...不過點解我之前換野o個時唔覺眼o既?)~~~

Wednesday 31st August 2005 03:11:14 AM
8月30日~~我們的凸手(記者編)~~[ 0 messages] 
無分類

話說今日係hongkong post營運基金十周年紀念...夜晚o係GPO搞o左個酒會啦...呀西九龍皇帝SIR. Donald TSANG都黎埋一份~~~話說o係開始之前...新聞官話唔會做訪問啦...不過個個都放個咪落個mic stand度囉~~~結果完o左之後...呀西九龍皇帝真係拍拍屁股一支箭咁走o左去喇...真係絕~~~

Monday 29th August 2005 01:07:57 AM
8月28日~~到了最危險的時侯(後記)~~[ 0 messages] 
無分類

今次係我身邊o既人入面...第二個接近死忙o既人...人幾咁緲小呢~~~人何時要走...與神何時再臨一樣...who know...所以要將每一日當作最後一日~~~

遲o的寫番編"李澤遺書"先...hehe

Monday 29th August 2005 12:01:28 AM
8月27-28日~~到了最危險的時侯~~[ 0 messages] 
無分類

話說星期五晚做野做到半夜兩點...咁我星期六就遲番兩個鐘返工啦...十一點先返到公司...hoho~~~

夜晚去ACM concert啦...同潔怡佢地~~~今次覺得幾好呀...不過我成日掛住睇個鼓手打鼓呀...唔留心呀(冇專主為大o既例子...好在冇帶相機...如果唔係仲大獲)~~~

完場之後決定去MK食野啦...o係巴士度潔怡講o左一個壞消息~~~kaki食錯野...食物敏感...搞到眼朣面朣~~~咁都未算...仲要氣管收縮...氣都抖唔到...可能隨時窒息死呀...搞到成晚唔訓得...免得佢訓訓o下返天家~~~聽完真係呆o左~~~

食完野...去花茶舖啦...join埋死老野佢地...散散心~~~上到去...死老野話我上個week冇黎...sunny妹妹(花茶舖個waitress)係咁問我做乜唔黎...好似好掛住我咁喎~~~信條死死野先奇呀真係...咪癲啦真係=_="...(雖然由生日之後都未見過佢)

三點返到屋企...邊會訓得著丫...靈修&祈禱啦...係臨返教會前訓o左一個鐘啦~~~返到教會...group埋一齊祈禱啦(仲諗住潔怡有新料添...仲問番我轉頭)

下晝教會活動...我就訓o左陣啦...大會攝影o既任務交俾阿輝喇(我一早話o左唔想再影呢o的野...住)~~~四點準備坐車去BBQ時...收到kaki個SMS啦...知佢好番o的...放心晒...謝主隆恩~~~

夜晚食完甜品返屋企啦...眼訓到訓著o左...遲o左落車...行餐死~~~

Saturday 20th August 2005 01:37:22 AM
8月19日~~好人~~[ 0 messages] 
無分類

呢排呀...真係好多好人o係我身邊...當然係指o的唔識o既人啦~~~

1.尋日去california...飲水濁親啦...咁o岩有個私人教練經過問我有冇事啦~~~

2.今日去青年協會拎postcard啦...原本聯絡我o既姐姐仔又冇俾底contact我喎~~~咁我好準時咁去到啦...見到地下o個層close o左喎...咁我就上o左樓上department 啦(個姐姐仔俾我o既地址係話地下o既...不過我見係同一棟野..即管上去打探o下啦)咁樓上department個姐姐(冇個仔字)好好咁幫我四圍打聽啦...搞o左好耐...最後先知係地下department食晏食遲o左未返啦~~~(地下department原來好多姐姐仔o架...仲幾靚添呀...haha)

3.前排送份稿去pccw...因為保安森嚴...要打電話俾個負責人出黎拎野...點知打極唔通~~~咁o岩有個職員經過...問我搵邊個啦...佢就指俾我睇喇喎~~~我睇極唔明佢指邊...咁佢就索性帶我去佢張檯度喇~~~

香港仲有好人o架...

Saturday 20th August 2005 01:18:54 AM
8月19日~~happy b-day to kityee~~[ 0 messages] 
無分類

今日潔怡生日啦...成班弟兄姐妹夜晚去拾o下拾o下啦夜晚...咁我就請o左半日假同佢地食啦~~~

六點幾o係公司走人...勁大雨呀...搞到等車等o左半個鐘...塞車又塞o左半個鐘...算點呀...搞到七點半先去到囉~~~食o左好耐...食o左好多野...之後仲有生日蛋糕呀...飽死呀(我打邊爐o個時係咁食...完全唔記得o左有個蛋糕o係度)

之後周圍行啦...去到近住snoopy land o個度影相啦(商場入面呀...出面落雨呀...)個天花板仲有o的公仔伸個頭出黎囉...阿tracy妹妹睇見之後開心到癲o左係咁叫囉...我o的妹妹真係可愛喇 =_="...

Sunday 14th August 2005 10:40:49 PM
8月14日~~六十年~~[ 0 messages] 
無分類

上晝返教會啦...連續三個week做司事啦(有o的人好"不幸"咁要連做四個week呀...haha)今次好唔掂呀...好耐冇試過打膠片打得咁差呀...劣呀~~~

lunch過後...kaki同阿珠又唔出黎玩啦...咁我本來諗住出新城市買埋兩份生日禮物啦...一上車睇見部roadshow播二戰o的片啦...先記起今日反日遊行(原本我諗住如果冇得去玩就去啦)咁我就即刻去維園啦~~~去到見到得好少人囉...中國人呀...你在何處呀?~~~

全程o係隊頭...不過我似係攝記多過似黎遊行囉我覺得~~~行o左全程...有o的野唔多順眼~~~有個組織拎住民國旗出黎行啦...原本冇乜野啦(我反而想掛民國旗多過五星旗o架)不過佢地由原本o係中隊追上前隊仲要前過大會(一個劣)之後退番去大會後面...有條抯旗人行o左去五星旗後面...佢o的同志同佢講"點可以後過佢o架"(兩個劣)佢地仲要高擧住o個位掛住打共產黨唔打日本仔o既"光頭蔣"張相喎(三個劣)~~~另外o係維園見到長毛o個架流動議員辦事處啦...不過只見其車不見其影喎...直至去到交易廣場先見到佢企o左o係我隔離喎...唔通佢又訓晏o左唔知醒?~~~

Saturday 13th August 2005 11:40:25 PM
8月13日~~行雷閃電會出事~~[ 0 messages] 
無分類

珊瑚叔叔真係衰呀...又弱喎...又越吹越歪喎...唔好話八號風球...連三號風球都掛唔到...失敗呀~~~

今日好鬼多野做呀...想訓o下都唔得(其實有段時間得閒o架...不過事頭婆又返o左黎...拎o的薑醋番黎...不過都唔食o既...覺得好臭)臨放工o個時成個天黑晒...跟住落狗屎...行雷閃電~~~因為要去尖咀跑步啦...咁就去坐星艇啦...o係隻船度望去青洲o個邊...嘩...o的閃電靚到呢...好難形容~~~雖然影唔到...不過...在心中啦...謝主隆恩~~~

今日跑得好差...跑o左10min就痛喇...夾硬頂到廿幾min停低啦~~~之後去o左MK...買生日禮物俾阿珠啦...又買o左個相架俾一個就黎出世o既小朋友啦...又買o左幾件衫啦...返到屋企都十點囉(時間過得真係快)~~~

Sunday 07th August 2005 11:54:22 PM
8月7日~~良音發現~~[ 0 messages] 
無分類

返完教會食完飯...出MK同死老野搞三搞四啦~~~先去二樓書舖搵書啦...搵番本香港今昔舊版呀...因為書展o個時出o個本新版改得太多野喇...新版有o既相舊版冇就好正常姐...不過連舊版有o既相新版冇o左咁就大問題喇~~~買呢o的書係為o左佢o的舊相o既姐...咁就要買番喇...好在搵得番...仲有八折~~~

之後再去信和啦...好多年冇上去喇...覺得佢污煙障氣~~~不過今次非上不可...因為要買恭碩良隻新EP...o係街舖冇得買~~~個包裝就咁睇落成隻老翻咁...一個四四方方o既公文袋就咁載住隻碟...得三隻歌冇歌詞(不過有都冇用...今次唱英文...而且我都係聽佢o既音樂姐...)

之後又去花茶舖飲野啦...事頭婆阿sa去o左帶團未返...靚女sunny又放假...搞到上到去冇個女識得o既...得番個哥哥仔o係度~~~飲完野吹完水再去睇o下有乜野好買黎俾人做生日禮物啦...睇o左個幾鐘都冇收獲喎...唯有收隊啦~~~

返到屋企聽恭碩良啦...正呀!!!三隻曲(其實可以話係四隻...第一隻跟本可以當係兩隻...前後兩個唔同節奏o既八分幾鐘曲目)歌與歌之間o既完美配合...絕對係唔可以就咁聽其中一隻or唔順序聽呀~~~

跟住又上sshh玩o下條衰佬斯人同埋隻檸檬啦...笑到我死呀~~~斯人呀斯人...快o的同人地表示啦...快o的搞掂隻野一天光晒啦...hahaha~~~

Saturday 06th August 2005 01:49:42 AM
8月5日~~龍門客棧~~[ 0 messages] 
無分類

尋日收到旅遊署o既email...話可以上去佢地度拎postcard喇~~~十二點去到啦...中環政府合署...因為平時去開西座...所以都係死o左去西座先...諗住都o個頭近啦~~~點知實蕉姑姑話要上炮台里再轉上去啦...轉到上去個實蕉叔叔又話呢度係政府總部...又要經教堂再行上去下亞厘畢~~~因為驚死佢地放食晏啦...所以全程係跑o既~~~

而家呢度真係越黎越嚴呀...以前政府合署只係要填表再貼張訪客證o係身...而家又要俾張證俾你過機入閘~~~政府總部仲衰...之前都係搵個實蕉睇住門口...我都可以照用黎當short cut...而家拉晒閘...爭在未放狗~~~

拎完兩張野...佢話一套得呢兩張咋...又出o左咁耐查唔番o的資料喎~~~我一睇個設計就知係四張啦...而且資料永遠唔會查唔到...只有肯唔肯查o既姐~~~咁我又要另搵門路收料拎咭喇~~~

之後同班灣仔幫去龍門客棧飲茶啦...又係咁講件藍色人o既野啦...又係咁玩斯人條衰佬啦...笑爆肚呀~~~十一妹呀十一妹...你再唔出黎同我地浦多o的...又唔出山呢...又唔上去sshh呢...睇o下幾時肥死你呀...hahaha~~~

Thursday 04th August 2005 04:48:05 AM
8月3日~~死性不改~~[ 0 messages] 
無分類

今日返工前...去o左七仔換迷你可樂...夾埋差唔多成舊水...囉命~~~之後返工o個時志爺打電話黎...話個迷你樽蓋好花...佢唔講我都唔知...又要拎去換喇~~~(講開志爺...都未多謝佢o係泰國帶番黎俾我o既樽裝玉泉添)

夜晚有樣激氣野...o個條咁o既死肥John...又o係我個場亂咁講我壞話(好在雞爺通知聲...如果唔係我都唔知幾時先睇到)~~~想當年佢o係我個舊場又講埋o的咁o既野...以為改o左名我會唔知...但係條人頭豬腦唔知我有方法查...俾我斷正冇聲出~~~今年年頭我開番個新場...見佢返黎吹兩咀...見佢好似聽聽話話咁啦...點知今日又唔聲唔聲反咬一啖~~~(至於呢條pk做乜咁憎我喇喎...咪就係五六年前我阻住佢溝女囉...至於條女係邊個?有興趣咪問o下我囉...只要我知你識呢條女o既話...haha~~~)(講開又講...我都玩過唔少呢o的人...當然我知個女仔擺到明唔鍾意佢...而佢份人本身又犯眾憎o既情況下先會咁玩啦...所以我o係出面都幾多仇家~~~)

呢條咁o既人頭豬腦...做野唔經大腦...求求其其讀完個政治系靠人事走去馬交做政策研究所...見得多高官就以為自己o係馬交好巴閉做乜都得...夠膽死成日話"你過親黎馬交我就拉你入路環坐番十日八日"...你當自己邊個呀...樺哥都冇權咁做呀...你?收皮啦~~~隨口up當秘笈...我去完馬交玩完幾日你都懵盛盛乜都唔知呀~~~

呢o的咁o既人...想唔ban你acc都唔得啦~~~至於五年前o個一千蚊...本來年頭見你聽聽話話...我有閒錢就俾番你啦...而家慳番~~~

Tuesday 02nd August 2005 11:10:12 PM
8月2日~~又破財~~[ 0 messages] 
無分類

睇睇呢幅圖...足以令我死無全屍...

Tuesday 02nd August 2005 07:50:11 PM
廿三吉祥ソ特別鳴謝[ 0 messages] 
無分類

先講第一場:
死老野:咁忙都幫我擺大壽...感動...
娜娜:整蛋糕整到半夜三更...多謝晒...
小曹:病o左都黎...仲要陪我地玩到咁夜...下次唔好咁喇...擔心o架...
(排名不分先後左右忠奸)馬沙,大雄,斯人,檸檬ee,赤子,rita,philip & philip嫂:多謝俾面出席

再講第二場:
媽媽:好開心呀...你幫我安排好晒~~~
阿珠:多謝你個蛋糕...好得意~~~(你唔係真係又整親隻腳呀嘛...)
細佬:在心中啦...
kaki:可惜呀...你冇得黎...
(排名不分先後左右忠奸)阿ben,慧玲,tracy,mandy,雞雞,阿頭,阿輝,阿源,樂詩,劉劉:

Tuesday 02nd August 2005 06:04:39 PM
7月30-8月1日~~挑戰六十小時~~[ 0 messages] 
無分類

星期五放工返到屋企...冇得訓...download完頭條新聞黎睇...又要貼定o的郵票for美孚局用...又執o左少少野...咁就搞到天光喇~~~

之後去美孚啦...混亂呀...又多人喎...局長又唔肯拎o的印出黎喎...算點呀~~~結果要打俾o的高層先搞得掂...激死~~~仲有條死叔父...我o係度影相佢o係度喊打喊殺...不知所謂~~~我要做野有邊個可以阻到我呀...你要鬥串我就同你玩大佢...你自問夠我黎先好同我玩野!!!(仲要o係我唔夠訓o既時候玩野...呢o的時候我o既戰鬥力係over 100%啦...)

搞掂晒就返公司啦...冇野做...又o係度訓...訓到連十一妹打俾我都唔知~~~放工返屋企放低o的野再去花茶舖啦...幾好呀...一落樓就有小巴...仲要剛好得番一個位...謝主隆恩~~~

去到又玩到癲啦...娜娜又親自整o左個生日蛋糕俾我同味王啦...第一次有人整呢o的俾我食呀...好感動~~~玩到十二點就去唱k啦...唱到死咁呀~~~唱到五點小曹條衰婆唔舒服走o左...仲要粒聲唔出喎...擔心死我地呀~~~

返到屋企上網沖涼...又要出門口喇...約o左阿媽佢地飲早茶(去到之前我完全唔知邊個會去喎)~~~點知落到巴士站先發覺冇帶銀包...又要返屋企拎...結果又要行番上去拎...遲到半個鐘~~~去到結果係食大家樂...因為酒樓冇位~~~好快咁食完野後就要返上去教會做司事啦...不過能量值日開始下跌喇~~~今次要用power point打歌詞啦...打得唔多好...但總算未死得~~~

下晝食完野同kaki出新城市啦...join埋樂詩&劉劉去打機啦...玩到四點幾kaki走o左...咁我就要揪住呢兩個小妹妹週圍行啦...等阿媽佢地開完會啦(去o的男人禁地女人性地...唯有行埋一邊啦)~~~hea到五點半佢地先至開完會...咁就約o左六點九去佐敦食越南野啦(都係o個句...去到先知有邊個黎o左喎)~~~不過實在太眼訓...食完之後又釣o左幾次魚啦>_<

返到屋企...搞埋o的手尾...上陣網...兩點終於有得訓喇~~~埋單計數...唔計釣魚...總共連續六十一個鐘冇訓...仲未死得都算神蹟~~~

本來要七點起身去美孚啦...不過完全醒唔到...鬧鐘鬧唔醒...老母係咁打電話黎都唔醒...結果兩點半先醒(如果唔係老母係咁打黎o既話...我實訓足廿幾個鐘)之後野都唔食飛去美孚啦...好在去到o的郵棍走晒...唔洗排隊...不過都搞o左大半個鐘~~~

Monday 25th July 2005 10:26:38 PM
7月24日~~擺大壽--前傳2~~[ 0 messages] 
無分類

今日返教會啦...呢段經文o岩我呢排呀... "知識是叫人自高自大,惟有愛心能造就人。若有人以為自己知道什麼,按他所當知道的,他仍是不知道。" (不過同阿ben編道冇關係喎)

睇睇程序表...唔多對路...成班友仔7月中過晒馬交...司事team數o下數o下得番三個o係度...包括我~~~再睇睇個日字...即係話我同阿珠要連做三個week司事...破晒紀錄~~~

又去o左食飯啦(金城o的炒飯越黎越唔掂)...阿媽同我地講下個星期日點玩啦...晨早去飲茶啦...夜晚又去佢屋企玩啦...真係好喇...有個咁好o既阿媽...hehe

之後同細佬雞雞kaki去玩啦...去打太鼓打到手痛...跟住又去tom lee玩啦...kaki彈o左好多歌...搞到我好想去唱k~~~

夜晚出左MK...同死老野,味王,小曹同埋馬沙食dinner啦~~~本來諗住去茶檔試菜啦(都係為o左黎緊星期六擺大壽)...點知冇開...都唔知做乜~~~跟住改o左去雅蘭地底食野啦...一去到門口覺得唔多對路...係一間我覺得要好靜好靜o既餐廳...不過我地呢班嘩鬼唔嘈唔得o架喎~~~結果都係照玩到咁嘈...hahaha~~~

Sunday 24th July 2005 03:07:07 AM
7月23日~~打回原形~~[ 0 messages] 
無分類

朝早諗住打俾雞爺...問佢搵到o的封未啦...點知部電話死o左system...乜野記錄都開唔到喎~~~咁我拎去整啦(反正咁近公司)...佢話要format過部機...仲backup唔到o的data...即係電話簿啦...記事簿啦...sms啦...全部冇晒~~~電話簿還可以o係sim咭抄番出黎(前排backup過),記事簿可以再入過(反正都想del舊o個o的data),最傷心係冇晒o的sms...一o的好開心o既回憶咁冇晒~~~

下晝四點曼聯vs港隊...因為有份稿趕住送...四點半返到公司...入老細房...睇波~~~不過場波都幾悶o下...冇乜精彩場面...失望~~~

睇完返屋企啦...又睇另一場波...皇馬vs北京現代...呢場好睇o的喇...不過o個邊落大雨...踼唔出表現~~~呢場波原本其中一個賣點係搵o左阿叔+伍晃榮講波...平時睇阿盲報體育好好笑啦...不過佢講現場波就真係好唔掂喇...又冇乜出聲...講親都係問其他人對場波o既意見~~~

因為要重新set過晒電話入面o的野啦...咁就好順手咁入多兩隻歌仔入去啦...一隻頭條新聞啦...一隻黑武士啦~~~

Thursday 21st July 2005 07:05:52 PM
7月20-21日~~大戰連場~~[ 0 messages] 
無分類

又係一年一度o既書展喇...十二點入去行啦~~~本來諗住忍o下手唔買書...一黎上年買o左o既書都未睇晒...二黎書櫃冇位放...三黎冇乜錢洗~~~不過結果買o左千二蚊...破產~~~

講o下買o左乜書啦:
香港的早期電車路風光∼$160
香港大學的歷史面貌∼$160
通用街道圖∼$48
地政署街道圖∼$90
香港日佔時期∼$73.5
香港今昔(新版)∼$73.5
新界滄桑話鄉情∼$29.25
新界風物與民情∼$27
香港中區街道故事∼$36.75
香港民間風土記憶1∼$40
香港民間風土記憶2∼$44
吾土吾情1∼$40
吾土吾情2∼$40
集體回憶之中區警署∼$43.2
集體回憶之穿梭古今中、上環∼$47.2
趣談香港街道∼$47.2
趣談九龍街道∼$47.2
明燈∼$48(講油麻地小輪太子爺廿幾年前做中共信鴿o既事)
硬皮現代中文譯本聖經∼$52.8(以前中學o個本薄皮殘晒喇)
數碼雙周四期∼$30
挪亞方舟DVD∼$60

上年都冇買咁多呀...不過有幾本係上年忍o左手唔買今次買番囉~~~行o左三個鐘...四肢都冇晒力...救命~~~

返到公司...o的file黎晒...可以開工喇~~~不過由原本星期五交貨變o左星期四...即係要OT做晒佢喇~~~因為部機好慢o既關係...OT到七點先走...不過都仲未做完喎...我計過要下晝四點先出得晒囉~~~成晚只係睇實部機...唔洗點做...咁就睇o下o的戰利品啦...又上o下網啦(不過唔知係唔係行雷打中個機樓...搞到上網超慢)七點三閃人...飛番屋企...拎齊架生...再過去GPO搞搞振~~~坐車去o個時先死...去到藍田又塞車(東隧口回旋處抄車封慢線)去到東廊近城市花園又塞(對面東行炒車全封...呢邊西行都封埋快線...泊o左N架消防o係度...睇黎都幾甘大枝)

好在趕得切九點前去到開工...影完相...同班高層吹兩咀...又要貼票做封喇~~~不過因為冇訓覺...精神錯亂...貼錯晒囉...好在有得換~~~搞掂晒都要十一點九先返到屋企...再上網沖涼食飯...差唔多兩點先有得訓~~~到o左三點半...旅遊事務署打電話黎...同我講明信片o的野...睇黎都幾大機會拎到手...興奮都訓唔番~~~都好...唔洗等到今晚訓唔著~~~

之後同kaki sms啦...佢話今朝o係中環見到我o係GPO...斷正晒...咁都俾你見到o既~~~唉...難得我閒日夜晚唔洗返工...佢地又約好晒聽晚出黎玩今晚唔出黎...細佬又要上堂上到鬼咁夜喎...咁就浪費o左一個美好o既晚上喇...唯有留o係屋企玩手指啦>_<...

Tuesday 19th July 2005 01:12:17 PM
7月19日~~搬屋~~[ 0 messages] 
無分類

唔係搬真o個間屋...係日記...搬晒過黎呢邊...又有得post相...又可以set番date...補寫都冇人覺...hehehe

不過衰在冇得睇o下有幾多人入過黎睇囉~~~

Sunday 17th July 2005 10:57:53 PM
7月17日~~爛~~[ 0 messages] 
無分類

返o左教會...終於俾晒o的貓俾kaki...完成任務~~~下晝一支公去新城市...因為今晚o係呢度同屋企人食飯...費事返屋企又走番入黎~~~去o左商務同大眾諗住搵本新出o既政治書...唔知係唔係未出...搵極唔見喎~~~之後周圍行啦...變o左好多...四圍都裝修緊~~~冇目的咁行...行到個人爛晒...好不容易涯到七點~~~有樣野要講講...試o左日本新出o既Coca-Cola Lemon...完全有檸味o既...日本仔擺明唔知檸樂o既真諦~~~

Saturday 16th July 2005 01:57:00 AM
7月15日~~一反常態~~[ 0 messages] 
無分類

朝早去o左尖咀新o個間加記"過隔離玩"啦...真係正...地方又大喎~~~最正都係新o個部跑步機...有埋風機吹住個頭...爽呀~~~玩完坐星艇過中環同kaki去kfc食野啦...叫o左個飯...格格脆...葡撻啦~~~竟然食唔晒o的飯...好難得o係kfc可以食飽仲有淨...平時一係唔飽一係濟...少有~~~

Sunday 10th July 2005 02:56:22 AM
7月9日~~擺大壽--前傳~~[ 0 messages] 
無分類

之前約o左細佬同kaki夜晚9點出mk玩...咁我放工就去o左加記"過隔離玩"啦~~~跑完5k焗埋桑拿沖埋涼都仲有勁多時間淨喎...個肚又勁空虛喎...咁就問o下死老野出唔出黎食野啦...原來佢同味王&小曹又去o左英昌買野...真富貴~~~join o左佢地之後...買完野之後...去食野啦~~~

食到九點...走o左去搵細佬啦...kaki又唔出得黎喇喎~~~結果我地兩個去o的影相舖搵相機電啦...for佢老豆部DC仔~~~行o左幾轉結果都係冇買到...太貴~~~最吹脹o既係o係誠哥度問價...第一次問百二...第二次問百六(第一次係報錯價)

行o左一個鐘之後細佬返歸啦...我又走番去死老野o個邊...向花茶舖進發~~~話說我同味王都係七月尾生日(佢28我31)...前排我就口痕痕叫o左死老野同我地30號o係花茶舖擺大壽啦...點知佢真係黎真喎~~~上到花茶舖同theresa講o個日book位o的野...真開心有o的咁o既friend~~~

Wednesday 29th June 2005 02:21:05 AM
6月28日~~一萬~~[ 0 messages] 
無分類

為紀念有紀綠以來我大老婆個口開合o左第一萬次(即係部相機o既快門開合o左一萬次)...post呢編日記...以茲紀念...阿門~~~

ps. 不過要得o既...keep起o左o既相得一半多少少咋喎

Sunday 26th June 2005 02:55:31 AM
6月25日~~馬灣之死~~[ 1 messages] 
無分類

搞o左個馬灣攝影團...放工趕入去青衣集合...好在趕得切~~~一入到馬灣...眼都凸埋...變晒...成個舊墟拆晒~~~冇黎一年就搞成咁...以前o係舊碼頭對住個海食麵睇日落o既日子冇晒~~~

一落車...原本條路封o左...搵路都搵o左好耐~~~入到舊墟又要搵番早團班友...點知佢地好去唔去...去o左橋底個亭度...我之前又未去過o個邊...結果又搞o左好耐~~~行到八點出番葵芳食野...相都冇乜點影~~~

之後有人o係後記講o左o的好難聽o既野...大佬呀...你掛住同條女影相跟甩隊...叫o左後隊轉入小路你地又唔聽...咁你仲想點丫~~~

Sunday 19th June 2005 06:54:55 PM
6月19日~~堂慶~~[ 0 messages] 
無分類

今日教會十五周年堂慶...又例牌搞o下活動咁啦(不過好似同平時福音主日差唔多)又無啦啦調o左今日做司事喎...而本來大會攝影俾o左阿輝做o既...點知佢又臨時要做音響控制喎...結果又係我做番~~~

活動就冇乜野好講喇...不過有其他野想講~~~做o左咁多次大會攝影...而家簡直係有心無力呀~~~次次都係咁o既活動...次次都係咁樣影...就算第日拎住事旦一張相...唔睇日期一定估唔到係邊次活動影o既~~~有弟兄提意我可以影得放o的...不過可以咁樣做先得o架~~~

完晒活動後...同阿珠慧玲去食甜品...好好好好好好好好好好食呀~~~

Saturday 11th June 2005 09:54:00 PM
6月11日~~遊樂荒島~~[ 0 messages] 
無分類

端午節...叉燒搞遊河團去索罟群島(唔知o既人都以為係南丫島o個邊...其實係長洲以南接近邊境o既一堆荒島)咁難得有得去o的咁o既地方...緊係報名啦~~~

因為十二點放工...八點又要o係香港仔集合...又一定唔遲得(平時行山都可以追隊姐...今次包船出海喎)所以冇訓到...成晚o係度pack袋同埋執番之前幾團o的相啦~~~

成村人好準時咁去到香港仔碼頭啦...不過o個度又搞扒龍舟喎...搞o左成個鐘先有位俾隻船埋黎上客~~~程船坐o左個幾鐘...o係船度係咁玩又係咁影相...完全唔覺眼訓~~~原本聽死老野講要涉水搶灘上島...不過我又冇咁o既準備喎...if咁玩法我部老婆唔洗要囉~~~不過好在大潮漲...隻駁艇可以埋到碼頭...唔洗濕身...謝主隆恩~~~

o係小鴉洲玩o左個幾兩個鐘...影o左好多靚相...食埋lunch...又上船去大鴉洲~~~o係大鴉洲反而冇乜點行又冇乜點影相喎...因為太熱喇...成班友仔o係個亭度食野吹水訓覺...咁又過o左幾個鐘喇~~~

五點幾返到去香港仔散隊...佢地仲有精力去食dinner...我就頂唔順返歸大覺訓喇~~~

Sunday 05th June 2005 10:52:21 PM
6月5日~~士打窩時~~[ 0 messages] 
無分類

唔知醒返教會...下晝得閒冇野做...跟o左條賤友o個團去赤柱影o下相咁啦~~~我影到六點閃人...走去數碼港睇star wars o既數碼版啦(全港得數碼港播數碼版...其他戲院都係播菲林版咋)

講番呢幾個week 有關star wars o既野...兩個week前bt download o左之前五集黎睇啦...點知冇字幕...點睇呀~~~之後好好彩呢個week又搵到有字幕o既黎download...雖然o的譯名有o的唔同...總算睇得明佢講乜啦~~~(唔好鬧我做乜download...我要等佢出晒六集box set dvd先買)

Saturday 04th June 2005 11:50:41 PM
6月4日~~一年一次感動~~[ 0 messages] 
無分類

一年一度...坐o係維園點臘燭~~~事前約埋成班上山下海會友一齊去,有o的當年驚o左中共送個仔出國,有o的當年得幾歲乜都唔知,大家風雨不改黎到,第一個感動。

呢幾日天氣唔多好,係咁落雨,我心諗:「當年班學生連死都唔驚,而家淋小小雨又算得係o的乜野丫」...不過好在成個下晝都冇落雨,黎集會o既人都唔少。集會去到九點左右,開始落大雨,不過好多人都冇離開,留到完晒先走,第二個感動。

因為落大雨關係,提早半個鐘結束,大會呼籲年青人幫手搬走鐵馬,一呼百應。我仲見到唔少後生仔女(蒲街look)都有黎集會,第三個感動。

事後食甜品,屈o左小白請,不過搵野食搵到去炮台山,囉命~~~

Sunday 22nd May 2005 08:30:19 PM
5月22日~~又大病?~~[ 0 messages] 
無分類

事源食o左包熱浪...再加唔訓覺搞三搞四...19號下晝起身o個時已經覺得冇乜力~~~返到公司暈o下暈o下咁...耐何新紅雞夜晚會黎份廣告稿...出完要送報館(次次都唔夜唔黎,有遲冇早)阿head見我死o下死o下咁...叫o左我去送...送完返屋企~~~結果又係港九新界一晚遊...打的去完將軍澳去大埔再去九龍灣順便車埋返屋企...八折後都要差唔多五舊水~~~個司機狼到呢...o係吐露港踩百幾咪...極速飛行~~~

一返到屋企即訓...訓到兩點幾先醒...一黎實遲到返工...二黎病況冇進展...請o左病假~~~黃昏落觀塘排街症(咁o既身世唔通仲山長水遠去搵師父咩)落去o個時停o左雨...點知睇完o個時落狗屎>_

Monday 16th May 2005 11:30:00 PM
5月16日~~東北閒遊~~[ 0 messages] 
無分類

好耐冇搞過團喇...今次搞團去東北...對上一次去都已經係四年前o既事...今次去主要係想影o下相咁啦~~~出發前o個晚落狗屎咁...不過本住信者得救...結果緊係謝主隆恩啦(個天靚到呢...hohoho)~~~

集合o既時間...o的人 遲到囉...一個德叔公(算佢好彩...我地等小巴等得耐)...一個死肥仔(等緊小巴o個時仲o係床上面...佢話追隊...結果仲快過我地去到三椏村...乜野人黎o架)

全程好多次大休囉...不過都可以日落前行完...勁呀~~~又影o左好多靚相啦...收獲豐富~~~之後又叫o左十一妹過黎粉嶺 dinner 啦...真俾面~~~呢餐飯真係正呀...好好食...仲要每位三十蚊落樓...o係邊度搵呀~~~

Sunday 01st May 2005 08:00:00 PM
4月30日-5月1日~~東龍閣桑拿~~[ 0 messages] 
無分類

死老野搞camp去東龍島...本來唔關我事...不過郵局又壞心做好事...o係正呢日搬英皇道...咁我就請假去晒兩場喇...hehe(不過上晝都返o左三個鐘工...結果冇扣到我假...正呀)

先黎上半場...十二點o係公司走人...點知塞車...差o的趕唔切~~~入到去...六鋼六膠...大失預算~~~又要另外再買票做封...激死~~~(已經時間無多o架啦)

兩點半終於搞掂晒...飛番屋企 pack 袋...再飛紅頂去三家村碼頭趕尾船...好在趕得切~~~(條死老野仲遲囉...)

入到去...起營...煮野食(我負責食)...食飯吹水飲紅酒...咁就玩到兩點幾喇~~~(本來想影星星...不過唔好天乜都睇唔到~~~結果玩拍蚊...我一晚拍死幾十隻)

第二朝一早起身...諗住坐頭班船(九點)返教會啦~~~船就坐到喇,不過返到屋企沖完涼再返到教會都十二點囉...都唔知返黎做乜...之後死老野知道o左仲俾佢串 =_="...

Monday 18th April 2005 03:01:06 AM
4月17日~~錯誤決定~~[ 0 messages] 
無分類

返完教會下晝落o左MK...o係一個唔多清醒唔多精神o既情況下...中o左計上o左當~~~破埋大財...悔不當初...點解o個時我唔識走呢...咁就要涯一年喇~~~

夜晚同阿媽細佬 kaki 食日本野啦...上次加人工又係呢間...今次加人工都係呢間...兩次黎之前都係有單咁o既大鑊野發生...整定~~~之後又去打機同影貼紙相啦...又返沙田影相啦~~~唉...又要過多三個月先可以再見喇(不過佢o係o個邊同佢聯絡得密過o係香港好多喎

Friday 15th April 2005 02:03:06 AM
4月14日~~三個幾月後~~[ 0 messages] 
無分類

事隔三個幾月...我o既決定變o左...都唔知想點~~~雖然時日無多...不過講得出先算啦...定係又留待下回分解呢~~~

Tuesday 12th April 2005 02:04:02 AM
4月11日~~邊條賤人...~~[ 0 messages] 
無分類

今朝去山頂之前落東九開箱啦...嘩...我o的快郵俾班大帝摺到體無完膚...真係聞者傷心見者流淚 ~~~邊條賤人見到封擺明係要黎儲o既野都夠膽死搞成咁...係咪未死過 ~~~好在之後o係山頂見到熟人...同我補得番...不過我都有排搞...要將張label起底再貼過...幾大工程呀~~~

Sunday 10th April 2005 02:06:10 AM
4月9日~~大排檔~~[ 0 messages] 
無分類

尋晚志爺兩點幾打黎...同我講o左一個突發消息...呢真係大檸樂...都唔知點死~~~

下晝搞完野返屋企...又要出去同班賤男美女唱K同影大排檔~~~去o左深水步耀東街食囉...間野一般...o的炒蜆仲掍晒水...又冇大排檔 feel 喎 ~~~食完周圍行...睇o下有冇o的好o的o既大排檔啦~~~行o左成個鐘...又去食糖水...最後o係石硤尾街搵到啦...不過已經過o左最旺o既時間~~~我係咁依影幾張啦...就俾條死仔 jacky 拎o左部機黎玩...係咁影太后(我又走埋去同太后合照喎...hehe)...多過大排檔相成個開...算點呀你~~~

影到一點先散場...各自返歸~~~真係多謝太后呀...陪我地玩到咁夜...真係俾面 ~~~

Friday 08th April 2005 02:07:10 AM
4月7日~~準備~~[ 0 messages] 
無分類

俾人拖o左落水...唔做唔得~~~決定今個星期六晚...成班賤男美女一齊去...唱K食野開工影相...又可以見到靚靚太后娘娘喇~~~

最搞笑都係婆婆 call 賤 ken 出黎o個o下...笑鬼死我~~~
婆:太后會黎...咁你黎唔黎丫
ken:黎黎黎...一定要預我
婆:澤洗話你聽到佢黎你一定到...hahaha
ken:頂~~~

Tuesday 05th April 2005 09:09:09 PM
4月5日~~十個救火的少年~~[ 0 messages] 
無分類

唉...都唔知而家o的後生仔諗乜o既...到底係為朋友而活定係為自己而活呢~~~呢個社會咁大...做乜要鎖住自已...唔去接觸o下其他o既群體呢~~~

今日同班衰仔行山...帶埋小龍同德叔公黎...不過我掛住同班賤精玩冇理佢地兩個喎~~~閒閒遊遊又一日...又有美唇影...又有奶食(係食...薑汁撞奶)~~~最後出番荃灣食檬粉(嘩...有小強~~~)

0.756067991257
無分類(144)

5月12日~~I LOVE 珠珠~~9月30日~~萬壽無彊~~9月17日~~頭條新聞~~9月8日~~一波三節~~9月5日~~好靚嘅眼呀~~8月31日~~可口?可樂!~~8月30日~~我們的凸手(記者編)~~8月7日~~良音發現~~8月2日~~又破財~~7月20-21日~~大戰連場~~7月17日~~爛~~6月11日~~遊樂荒島~~6月4日~~一年一次感動~~5月16日~~東北閒遊~~4月30日-5月1日~~東龍閣桑拿~~4月9日~~大排檔~~