Hi,
I am going to Sabah in July 07.  May I have any questions?  Pls.  We will stay 8 days? Is it too long?  Are we booking the Pacific Wing or Magellan wing either, we can enjoy the both wing facilities? Thanks 

Day 3 ~ 14 Mar 2004

琴日去完島玩, 勁累, 十一點就訓o左, 今日七點就起身, 之後就食早餐。跟住就沿住海方行過去Magellan Club, 沿途o係碼頭影相, 碼頭泊o左好多大大小小o既遊艇, 原來個碼頭都有好多魚, 不過又係o個d間條魚因為主。行到去Pacific Wing, 原來個沙灘就o係個泳池側邊, 不過都係好細, 又唔多靚, 冇人游水…

之後就o係Pacific Wing搭shuttle bus出去, 去到KK Plaza落車, KK Plaza又係一個商場, 不過冇入到去, KK Plaza後面就係Central Market, Central Market其實真係一個market, 就好似香港d街市咁, 入面又黑又迫咁, 所以我地只係o係門口經過。Central Market隔離就係Filipino Market, 係由一排木屋組成, 入面賣o既全部都係工藝品, 可以o係o個o度搵到好多手信, 非常值得一去, 不過o個o度好多菲律賓人, 據聞佢地唔鍾意華人, 我地去o個陣都覺好似成人望住我地咁, 但係總算冇咩事發生, 我覺得自己小心d, 睇實d貴重物品就ok, 況且好多遊客都會去o個o度行。

o係Filipino Market買o左小小o野之後就又去o左Centre Point supermarket, 買o左d白咖啡, o個o度d白咖啡幾好味, 可以買o黎做手信。跟住就行去一間叫”味雅”o既舖頭食海南雞飯, 個個去完沙巴都話o個o度d海南雞飯超正喎, 咁當然要去試o下啦, 間舖幾細, 好多當地人o係o度食飯, 我地叫o左兩碟海南雞飯, 一杯竹庶水同一杯拉茶, 個飯真係幾好食, d雞又幾滑, 雖然好多地方都有禽流感, 不過既然個個都話好食, 點都要一試, 況且馬來西亞暫時未有禽流感。而杯竹庶水都幾好, 不過都唔夠杯拉茶正, 仲好記得上次去馬來西亞食tea o個個拉茶又係好正~~可借今次冇食到o個d印度薄餅。o黎餐好滿意, 最正係埋單$9.xRM, 十蚊唔使, 真係 抵到爛!!!

食完飯就行o左去Wisma Merdeka, Wisma Merdeka又係一個幾層o既shopping mall, 入面d店舖感覺上好似新過Centre Point, 由於時間關係, 所以我地只係走馬看花咁行o左一層, 之後就o係Wisma Merdeka門口搭shuttle bus返Resort。返房前又再去報local tour, 今次報o左第二日玩激流<$190/head>。

返房休息o左一陣之後, 2:20就到lobby集合去睇長鼻馬騮/螢火蟲, o個o度離Resort好遠, 要搭個幾兩個鐘車先到, 沿途有時如果你同街上d人揮手, 佢地會揮手回應番你, 這大概不會在香港發生吧……到達後o個o度係一條好似村莊o既o野, 周圍有人居住, 我地o係岸邊一間屋入面食o左個low tea, 有d地道小食, 幾好味。食過tea後就上船出發了, o個o度係一條幾污濁o既河, 感覺有d恐怖, 好似人地拍戲o個d咁~~~個導遊o係河兩邊d樹o度搵o左一陣就搵到第一隻馬騮, 導遊話佢叫”碧咸” 馬騮喎, 因為佢個頭d毛似碧咸, 因為好遠, 所以睇得唔清楚。之後導遊搵o左好耐, 終於搵到長鼻馬騮喇, 雖然又係好遠, 不過用望遠鏡睇, 又真係見到佢地個鼻好長, 成個巫婆咁, 佢o地係沙巴<婆羅洲>獨有的…之後又見多幾隻馬騮, 六點零, 個天開始黑lu, 見到個天又紫又紅, 好靚~~~之後個導遊拎o左支燈出o黎照兩邊d草叢, 初時唔知佢做乜……原來佢o係o度搵緊鱷魚, 原來鱷魚眼會反光的, 所以導遊一見到草叢中有o野反光就知係鱷魚, 可惜我地只係見到佢反光o既眼, 見唔到佢地o既真身, d鱷魚似乎驚人呢~

當全個天黑透之後, 全晚o既高潮到喇---睇螢火蟲, 當隻船駛o左埋其中一棵樹之後, 全船人不禁”嘩”一聲, 因為o係我地眼前o既正是一棵掛滿螢火蟲o既”聖誕樹”, 樹上有數之不盡o既螢火蟲o係o度閃o下閃o下, 其中會有d o係樹中飛來飛去, 當時o既情景實在非常壯觀, 好靚, 難怪d人稱之為” Christmas Tree In Summer”。 導遊仲捉o左幾隻螢火蟲放o係我地o既手上, 原來佢地好細隻<螢火蟲有幾萬種, 唔知係咪全部都咁細隻呢!?>, 見佢地o係手上閃o下閃o下, 之後就從手上飛走, o個一刻實在非常難忘~~~之後導遊帶我地去多幾棵”聖誕樹”之稱, 就回到之前食tea o既地方食dinner喇。

餐飯都係普通啦, 食緊o既時間, o個o度有好多貓等d人餵佢地食o野。食完之後, 就由原路返Resort喇, 返到Resort大約十點, 見到lounge有人唱歌, 自彈自唱, 仲有d唔知韓國定日本o既亞叔飲醉o左o係o度跳舞, 好搞笑, 但係個氣氛好正~~~睇o左一陣亞叔跳舞之後就返房休息。