是我!打擾你啦!唔記得問你,你有個好的local guide介紹呀?我要去啦!唔該晒!
Day 5 ~ 16 Mar 2004
朝早6:30起身, 琴日玩完激流, 今日起身成日酸痛, 好鬼累……最後一日冇咩好做, 因為朝早9:45就要去check-out。食過早餐之後, 又再一次沿住海旁行去碼頭, 食早餐o個陣拎o左d麵包, 去到碼頭就用d麵包o黎餵魚, 餵餵o下魚又餵埋蟹仔同麻雀~~之後o係Magellan Club出去正門, 沿住正門對出o既馬路行番返去Magellan Wing, 沿途又繼續影相留念, o依幾日實在影o左好多相。之後返房執行李, 休息o左一陣之後就去lobby check–out喇, check-out 之後, 有旅遊車接我地去機場包o既>, 前一日同導遊Amy訂o左幾合雪條, 去到機場就有人俾d雪條我地, 不過我覺得o係機場先買可能會好d, 因為之前Amy話佢係向廠直接訂, 唔會咁快溶, 點知返到屋企d雪條都係溶溶地, 有d變形。寄o左d行李之後, 就o係機場周圍逛, 用埋d馬幣, 當然唔少得把握最後機會食雪條啦!!!之後乘12:05班機返香港喇, 三個小時後就到達香港國際機場。今次o既沙巴之旅玩得非常開心, 原來五日真係唔係好夠玩, 亦好好彩五日天氣都好好, 玩o既時候都冇落雨, 沙巴係一個好靚o既地方, d人好友善, 食o野又平, 我相信我一定會再去o個o度, 享受o個o度o既陽光海灘, 仲有咁靚o既Resort同日落。~完~