對上一次去旅行已是上年九月了, 目的地都係泰國。 今年原本冇咩打算去旅行的, 一來剛轉工, 假期不多, 二來要返學, 時間亦相對難安排…不過這些原因其實只係借口而已, 要去玩o既, 點都會抽到d時間去o既!!! 哈哈

今次目的地 - 泰國布吉。 布吉其實幾年前已經想去, 不過自從海嘯之後一直都對o黎個地方有點戒心, 偶然都會聽到一些不利旅行的新聞, 所以總是覺得布吉有點不太安全。 另一個候選地點係菲律賓的宿霧, 都係陽光海灘, 不過似乎今年菲律賓的登革熱非常利害, 加上有朋友剛剛去完, 感覺一般。 因此對比之下, 一於去布吉啦!!!

好景不常, 出發前數星期布吉機場發生空難, 多人傷亡, 唔多唔少都有d影響今次旅行的心情。其實這亦不是第一次了, 之前試過去日本出發前幾日地震, 去台灣遇著打風, 仲有上年去曼谷前幾天泰國竟然發生政變…好似成日出發前都總會有一些不利消息咁…

十月十日, 7點幾起身, 8點幾搭車, 9點幾就到機場check-in了。今次又係搭泰航…去三次泰國, 三次都係泰航…冇計啦, 國泰/港龍/泰航之中, 得泰航有位。 由十月開始, 泰航check-in counter已經搬o左去T2喇, 都好, 有得試o下o係T2 check-in。check-in完之後指定動作當然係去食早餐啦, T2開o左好多新o既食肆, 揀o左一輪最終去o左間叫”阿瑪港澳門餐廳”, 點知係極之後悔, 炒蛋火腿是凍的, 叫佢換過咩就叮返俾你算數…雞扒超咸, 其他亦十分麻麻, 所以冇食晒就埋單走人了<見IMG_2651 ~ IMG_2658>, 去檀島食多個蛋撻補數<見IMG_2663 ~ IMG_2665>。

食過早餐後便起程去閘口登機了, T2人流極少, 完全唔使排隊就攪點晒d出境手續。跟住就要搭無人駕駛列車返去T1那邊閘口登機了<見IMG_2669 ~ IMG_2675>。 我地所乘搭的TG609準時11:20起飛, 直飛布吉。 機上沒有一人一電視…而飛機餐方面, 同以往坐泰航一樣, 味道一般…<見IMG_2707 ~ IMG_2708>。

好不容易, 三小時之後終於都到達布吉機場喇。布吉機場好細, 有點簡陋, 好像比沙巴那個還小…

攪點晒d手續, 拎埋行李, 約2:00一步出機場, 就已經見到有司機拎著寫有我名字的牌等候著了。機場接送係經Mr. Chai book的, 相信有睇過o下d 旅遊forum o既人都會知道Mr. Chai係邊個~~由機場去酒店 一程500b, 比的士貴一點, 不過勝在夠方便。 接送我們的是一架van仔, 好新淨, 感覺舒適<見DSC01151>。 由機場去巴東大約40mins, 首先司機會車埋我地去Mr. Chai o既counter俾錢, 順便book埋之後o既local tour。

Local tour 方面, 我地book o左第三日去Raya Island + Coral Island o既one day trip, 1000b一位<原來想day 4 先去, 不過佢話Raya Island只有星期一, 三, 五先有團>。另外見個Airport Pick-up都幾舒適, 於是就book埋最後一天由Twinpalms去機場, 都係500b, 所以總共俾o左3000b <2程pick-up+one day trip for 2>。

俾完錢之後司機就車我地去酒店了, 頭兩晚我地會住巴東o既Banthai Beach Resort & Spa, 貪佢地點方便, o係正巴東灘隔離, 附近一帶亦十分熱鬧。而之後兩晚就會住Surin Beach o個邊o既Twinpalms, o黎間貴d, 亦都靚d。 其實最開頭o既時候唔係揀o黎兩間的, 最初頭睇過一間叫Aleenta, 環境超靚, 不過太”隔涉”了, 又冇電視…所以之後就揀o左另一間叫Pavilions, o係Bang Tao Beach o個邊, 不過o黎間太受歡迎, 房間一早已經full晒。一向喜歡住靚酒店o既我死心不惜, 最終睇中o左Twinpalms, 見d相都幾靚丫, 不過住晒4晚又似孚太貴, 加上第一次去布吉, 好多人都建議住巴東好d, 因此最終就有o黎個idea, 兩晚Banthai加兩晚Twinpalms。

大約3:30到達Banthai, check-in之後就返房了, 酒店雖然只有3層, 不過面積都幾大, 有三個泳池, 泳池旁係一d pool access o既房<見IMG_2741>。酒店格調簡約, 環境尚算舒適, 雖然位於熱鬧o既巴東地帶, 不過由於所有房間係向內設計的, 所以夜晚都唔覺得嘈, 十分寧靜。我地住o既房係最普通o既Superior Room, o係2樓, 面積都ok啦, 有露台<泳池view>, 有浴缸, 最特別係個洗手盤位置同廁所係分開的…所以去完廁所要出o黎先洗手...哈<見IMG_2723 ~ IMG_2738>!

好喇, 放低晒d行李, 準備好一切行裝之後就出發喇!! 首先第一個task係要去William <普吉偉林> o度交local tour錢。冇錯, 又有係local tour, 之前Mr. Chai的係Raya Island + Coral Island, 而William的是Phi Phi Island + Egg Island…分開兩間報tour的原因係因為兩間都未試過, 見網上o既comment又好壞參半, 所以不如分開報, 減低風險…哈哈, 懶係有理論咁…-_-

我地由Banthai出發, 諗住沿返之前司機去酒店o既路線倒轉行返入一條街<即一出酒店轉左>, 沿途有好多賣精品, T-shirt, 手信o既舖頭<基本上成條街都係…>, 至於一馬路之隔o既巴東海灘, 睇落冇咩特別, 水唔清, 浪大, 冇咩人游水, 只有人玩水上電單車, 降傘等等<見IMG_2763 ~ IMG_2769>。

行o左好一段時間時先出返一條街, 亦即係Jungceylon o個條街, 沿途經過第三日會去o既let’s relax<見IMG_2774>, 但係唔知點解行極都未見到Jungceylon…最終行o左差唔多半小時, 終於都見到Jungceylon喇, 不過另一個難題又來了, 明明資料指示William間舖o係Jungceylon附近, 點解冇o既!? 擾攘o左一陣子, 又問人, 最後終於都搵到William間舖喇, 大大個黃色招牌其實都幾易認<見IMG_2778>, 不過原來o係Jungceylon行去都要行幾個街口的, o係個咩咩water world附近, 換句話說我地行去Jungceylon o既時候應該見到的…-_-“, 同埋之後發覺原來由Banthai去Jungceylon, 一出酒店轉右經酒吧街去係快好多的…我地行多o左好多路…=<

去到William o度, 快快手俾埋錢 , 之後就走人了, 順帶一提, William o既職員係識講廣東話/國語的, 而Mr. Chai就只識少少英文, 你講咩佢都係用個招牌笑容對住你, 所以有時都唔知佢係咪真係明我講咩…

俾完錢, 5點零就有d肚餓了, 於是就去返Jungceylon搵Banzaan Fresh Market 食飯喇。 Jungceylon係一個大型商場, 上年先開業, 入面真係好大, 分開5個zone, 舖頭方面有Boots, StarBucks, Fuji, Swensen’s, Carrefour, Robinson等等等等。不過我地要搵o既Banzaan Fresh Market並唔o係Jungceylon入面, 而係o係Jungceylon後面…由Carrefour隔離o既出口出返Jungceylon, 斜對面就係Banzaan Fresh Market喇 <或者穿過Sino Phuket亦可到達, 見IMG_2784>

Banzaan Fresh Market完完全全係一個街市, 入面賣o既當然係街市賣o既o野, 海鮮, 水果, 蔬菜, 香料等等<見IMG_2785 ~ IMG_2801>, 而買o野o既亦主要係當地人…咁我地去做咩呢!? 經網友指點, 原來Banzaan Fresh Market上面有個foodcourt, 大家可以o係街市買o左d海鮮之後俾佢煮, 鍾意食咩自己去街市揀, 價錢仲好平添, 咁樣食法都係第一次, 幾特別丫!!! 除o左foodcourt, Banzaan Fresh Market門口側面仲有間叫Hemingway's o既餐廳,都可以俾d海鮮佢加工的, 我地今晚就係幫襯o黎間喇<見IMG_2837>。

o係街市行o左陣, 只係買o左約半kg老虎蝦<4隻, 460b>同埋1kg唔知咩蜆<30b>, 仲有少少水果<70b>,之後就去Hemingway's俾佢加工喇。Hemingway's環境幾好, 裝潢幾靚, 不過冇咩客…<見IMG_2805 ~ IMG_2816>。我地跟據佢o既加工menu<見IMG_2835>, 老虎蝦用整龍蝦o既方法整, 叫”Thearmador”, 而d蜆就用”Shallow cooked with Thai sauce”, 另外再叫多o左個金邊粉, 蒜蓉包同o野飲。

等o左一陣就有得食喇, 首先個蜆, d汁似係冬陰公汁, 辣辣地, 唔錯<見IMG_2821>。 而個金邊粉 亦都好好味, 今次旅程食o左幾次Pad Thai <見IMG_2824>, Hemingway's的是最好味的! 不過最好味都係個老虎蝦 <見IMG_2828 ~ IMG_2829>, 用芝士整, d汁好creamy, 好好味, 不過兩個人食4隻老虎蝦似乎太多了, 食食o下有d”漏 “~~~食飽後便埋單了, 600b, 其中360b係加工費, 計埋材料即1060b, 滿足的一餐…

離開Banzaan Fresh Market只係差唔多7:00, 跟住就返Jungceylon行街喇, 首先去噴水池o度睇個水幕show, 原本仲以為好好睇添, 點知原來係講d歷史o野, 所以冇睇晒就走人了<見IMG_2842 ~ IMG_2857>。然後就去嘉樂福行o左陣, 嘉樂福係一個大型超級市場, 真係好大, 賣o既o野包羅萬有, 不過對我地o黎講好似冇咩好買…

再之後就Robinson, Robinson係一個department store, 就好似sogo o個d咁。 兜o左一陣, 女友買o左d女人o野, 跟住再掃埋Jungceylon地低o個層o既”That’s Siam” zone, 主要係搵林真香, 不過見佢只係一個檔口仔, 種類唔多, 所以冇買到就走了<之後有d後侮>。

8點幾就行完Jungceylon喇, 臨走前當然係要去試o下Swensen’s啦<見IMG_2876 ~ IMG_2890>。 上網見個個都推介9球雪糕朱古力火鍋, 可是我們太飽了, 所以只係食4球<見IMG_2886 ~ IMG_2887>, 雪糕味道自己揀, 我就覺得有隻紅莓蘋果味好正!!!

食埋甜品, 跟住就起程返酒店了。 Jungceylon對就係酒吧街, 夜晚會封o左做行人專用區, 全條街有大大小小的酒吧, 有好多當地女子, 甚至人妖拉客, 不過幫襯的以外國人居多, 雖然我地對o黎d酒吧冇咩興趣, 不過都被夜晚熱鬧o既氣氛所吸引, 行o下見識o下都係好丫<見IMG_2894 ~ IMG_2901>!

穿過酒吧街之後就出返巴東海灘了, 之後轉左, 沿途亦非常熱鬧, 大大小小o既餐廳同舖頭, 仲有滿街都係等客o既tuk tuk車, 估唔到布吉夜晚係咁熱鬧的!

行o左大約5mins, 9點幾就返到酒店了, 雖然今日冇咩勞動節目, 不過都已經好累了…返房沖涼刷牙便睡了。