費用 <一人>

安運package:
Air Ticket + TWINPALMS PHUKET x 2晚 : $3859
Airport Tax & Fuel Surcharge : $559
BANTHAI BEACH RESORT & SPA x 2晚 : $590

保險 : $190
其他費用<包括Local Tour, 手信, etc> : $2500

Total : ~$7698

By darkside & pigfong
今日8點起身,快快梳洗完就出去食早餐lu。 我地琴日坐露天位,所以今日就試下坐餐廳入面, 野食同尋日差唔多, 我乎都係咩都試o下咁啦, 總括o黎講都幾好味啦!

今日基本上冇咩特別活動, 因為我地2:00就要搭車去機場了。 所以食完早餐之後差唔多10:00就決定o係酒店附近周圍行下, 影o下相咁喇。

由Twinpalms一出門口轉左就見到個幾別緻o既門口, 原來係間酒店o黎嫁, 叫Manathai, 我地老實不客氣咁入去參觀, 果度d職員都用好奇怪o既眼神望住我地呢, 不過佢地都無截查我地…間酒店細細間咁, 係好新派o既泰式裝修, 都幾別緻丫, 不過見佢冇咩客咁o既, 唔通係新開o既<見IMG_3526 ~ IMG_3530>!?

過o左酒店之後就有一個好細o既商場, 有幾間靚餐廳, 如果夜間唔o係酒店食, o黎o度我諗都係一個幾好o既選擇<見IMG_3532>。過埋個商場之後轉右一直行就出返沙灘喇, 即係Surin Beach, 個沙灘好長嫁, 我地橫豎有時間, 所以就o黎個沙灘漫步<見IMG_3534 ~ DSC02015>。

今日似乎無琴日咁好天, 不過都靚啦, 我地響行行下見到有幾個泰國小朋友響沙灘玩, 佢地應該係三姐弟o黎嫁, 我地一用相機對住佢地, 佢地就好興奮咁擺pose俾我地影, 個妹妹眼大大肥o都o都,又主動請我食香蕉, 真係好得意嫁, 佢仲玩到唔捨得走添呀, 真係好好笑<見IMG_3560 ~ IMG_3593>。

同完小朋友玩, 跟住見呢幾日都好少幫大王影相, 於是就響沙灘幫佢影返d相補數~~哈哈<見DSC02026 ~ DSC02034>, 玩到11點左右就返房洗腳喇, 見仲有時間, 於是就睇左半齣”天使愛美麗”, 特登山長水遠o係香港帶o黎的…點都要睇o下o既<見IMG_3617>, 直至12點幾就執野走人lu。

琴晚問過酒店, 佢地話最多俾我地extend到1點先check-out, 但係我地約o左Mr Chai 2點至o係酒店出發去機場, 於是check-out之後又番返落沙灘, 去沙灘間餐廳度hea喇, 前兩日經過已經覺得間餐廳好正<對住海灘>,  家陣終於可以坐響度食野喇, 真係開心呀。 間餐廳o既裝修好型, 有新加坡間Gallary Hotel o既味道, 感覺好relax, 有好多外國人響度hea呢, 連好得意o個個BB女都響度呀<見IMG_3684 ~ IMG_3685>。 我地叫左菠蘿汁同芒果白糯米, 味道唔錯丫<見IMG_3671 ~ IMG_3677>。 hea到約2:00就返去拎返d行李同等Mr Chai o黎接我地喇, 點知…等o左好一陣子都冇人o黎接我地, 直至2:20見唔對路於是就打俾佢喇, 佢竟然完全忘記o左我地個booking law!!! 第一日佢已經好心急咁叫我地book埋回程o既接送, 我地見佢架車都幾靚咪book埋law, 點知佢miss o左我地個order, 真係激死人呀!!! 最終, 雖然佢已經即刻趕o黎, 但我地響山卡啦地方, 所以佢都要2:40先到….對佢有d失望, 有機會再去布吉o既話應該都唔會再搵佢…

最終3點到機場, 拿拿聲check-in就入閘喇, 閘外無咩好行同買<見IMG_3708 ~ IMG_3709>, 仲諗住入閘後會有好多o野賣, 點知原來入面都係無o野好行的, 只係得幾間手信舖同快餐店咁<見IMG_3714 ~ IMG_3720>, 我地o係入面一間快餐店食左個又貴又細o既魚柳包, 不過味道都唔錯<見IMG_3717>。 之後用埋剩低d泰幣買o左d零食, 直至4點零就上機返香港了, 4:30準時起飛, 食o左個一般o既飛機餐, 話咁快, 香港時間8點幾就返到香港了。

想去好耐o既布吉之旅就此結束, 我地都覺得非常好玩, d沙灘好靚, d水好清, 又有好多美食, 仲有咁靚o既酒店, 我相信一定會再去!!