By pigfong & darkside

今日就要返香港了, 朝早七點就起身, 由於前幾日都抽唔到時間去游水, 所以今日就趁臨走之前享用下酒店o既設施…今日天氣岩岩好,唔會太凍又唔會太熱, 酒店泳池都幾正丫, 周圍都有d植物圍住, 好有resort feel呢<見CIMG2772 & CIMG2773>, 不過我地只係游o左一陣水, 九點幾就返房沖身同收拾行李, 準就Check-out走人lu。

Check-out時要等d職員check完房至拎得返d按金, 襯有時間, 我地無無聊聊咁周圍行下影下, 我地坐o左o係lounge出面d椅o度影相, 點知無啦啦有個職員走埋o黎, 初時仲以為d椅唔坐得o既添, 原來唔係, 係因為佢見我地對間lounge咁有興趣, 於是就邀請我地入去影相呢, 其實我係對佢入面d波波椅有興趣o者, 好多旅遊書都有介紹的<見DSC06734 ~ DSC06751>。 明知我地冇幫親都請我地入去參觀, 又幾好bor。

取回按金同寄存行李後就再次沿泳池後面o既捷徑出去Central喇。由於package只包兩日早餐, 所以今日o既早餐要自己攪掂。我地o係Central Food Hall買左Mister Donut o既三文治包餐<98 baht, 見DSC06756>, 另外又o係另一檔買o左個布甸<45 baht, 見DSC06758>, Mister Donut d三文治包都幾好味丫, 不過跟餐個氣水就好唔掂law, 完全係藥水味, 攪到要另外買多個雀巢咖啡飲<見DSC06759>…至於個布甸, 普普通通啦, 唔夠滑~~

今日基本上冇咩節目, 因為一點幾就要起程去機場了。食完早餐之後我地首先響Central o既supermarket度行o下, 買左包白咖啡, 不過係馬來西亞出產的…唔知有冇沙巴果d咁好味呢!? 另外尋晚買左d女人o野, 諗諗下都係唔夠喉,於是又響Central o既女士部掃貨, 真係好滿足呢<見DSC06760>。

行完Central, 跟住就再去Amarin Plaza o既林真香入多少少手信喇<見DSC06763 >。o個間林真香真係香港人必到o既checkpoint, 次次去都遇到好多香港人買緊o既。林真香之後又繼續最後沖刺, 行o左陣Big C, Erawan Bangkok等等<見DSC06764 ~ DSC06769>。直到12點零, 行到”支力””支力”地, 於是又去搵o野食喇, o係World Trade Center兜o左一陣, 最終去左好多人推介o既 Fuji度食lunch。Fuji又係食日本o野的, 其實我都唔係好知點解泰國會有咁多日本餐廳, 短短4日就食o左兩餐, 質素都ok丫! o係Fuji我地叫左滑豬扒飯同牛肉定食, 味道算係咁啦, 唔係話好驚喜果隻law, 牛肉定食好味d~~今餐埋單277 bahts, 都唔算貴 <見DSC06773 ~ DSC06787>。

食完飯見仲有d時間, 於是就o係zen度閒逛, 影下d無聊相<見DSC06793 ~ DSC06795>, 1點零就步行返酒店取回行李了。跟住就搭的士去機場lu, 仲記得第一日由機場去酒店o既時間明明係過o左兩條highway的, 250bahts, 不過今次回程去機場只係過o左一條highway , 時間差唔多, 仲要只係160 bahts…唔明。

差唔多2:30就去到機場喇, 唔使好耐就check-in完了, 之後當然係o係機場入面周圍行啦。平時去旅行買package時多數都會包晒所有稅項, 但泰國就比較特別,要響走o既時候自己去俾機場稅, 好彩都幾方便, 只需要響機場d售票機度買”飛”就得嫁喇<見DSC06812>, 每位盛惠500 bahts, 張飛仔入閘o既時候有會有人收架喇, 點shopping都好, 一定要留返d錢交稅…

舊o既泰國機場…真係好舊, 出面冇咩好行, 只有少少食肆手信舖咁。其實我地仲有一個task未完成, 就係買Bailey喇。奈何行勻成個禁區外圍都只係得1間免稅店有得賣, 初時又驚入左閘之後無得賣喎, 唯有就犯啦, 點知俾完錢之後佢只係俾張單我叫我響禁區入面取貨, 入到閘至發覺我地大錯特錯呢, 入面好似天堂一樣, 大把野買呀<見DSC06813>, 當然唔少得我枝Bailey啦, 仲有贈品送添呀, 真係激死我呀, 死死地氣去拎左支Bailey, 由於仲有少少散紙剩, 所以就求其買左d冬陰公/青咖喱湯料做手信, 差唔多4點就上機lu。

我地搭o個班係TG606, 4點起飛, 實際起飛時間遲o左幾個字…。回程o既時候天色都幾好丫<見DSC06844 ~ DSC06851>, 仲有日落睇添<見DSC06868  ~ DSC06872>。飛機餐方面, 已經唔記得o左食咩lu, 不過記得係好味過由香港去泰國個餐好多的=P<見DSC06852 ~ DSC06855>。

飛o左2個幾鐘, 香港時間大約7:30就返到香港了。4天o既泰國自悠行就咁就完結lu, 好似好唔實在咁, 乜咁快就打回原狀返回現實架!!! 下次都唔知幾時先有得再去旅行了~~完。