Viewed:3585
|
|||||||||||||||||||||||||||||||||
|
|||||||||||||||||||||||||||||||||
| |||||||||||
| [leave message] [e-card] | 
|
From: darkside (Nov 11, 2004 17:45 HKT) Plan了一個多月o既日本東京之旅, 終於都可以如期出發喇, 出發前其實都幾擔心, 原因有好多: 1. 驚Agent方面會臨時有問題 2. 日本今年狂打風, 前前後後打o左超過十個颱風, 直至出發前幾日都仍然有颱風威脅, 不過個風吹o左去台灣（出發當日去台灣o既航班就係因為打風cancel o左） 3. 出發前兩日日本新潟地震, 東京都感受到震盪, 都有d擔心安全問題, 不過其實又有d想感受一下地震係咩一回事, 哈~（當然係輕微o個種啦） 4. 今次都係第一次真真正正全部自己plan行程, 雖然之前去沙巴都係自由行, 不過沙巴細嘛, 去到都係join local tour…但係今次唔同嘛, 全部都要自己plan, 行程啦, 食宿啦, 交通啦…等等等等, 又唔識日文, 仲要去七日, 之前去沙巴都係5日咋嘛。好在上網有大量o既資料可以參考, 於是出發前o既一個月就狂睇newsgroup呀, forum呀, 網頁咁, 務求清楚晒每一日o既行程, 景點, 注意事項等等, o黎個正係自由行其中一個好玩o既地方, 你會o係搜集資料o既過程中慢慢清楚你將會去o既地方, 景點, 仲有道路交通等, 到你知道d資料真係用得著o既時候, 會好有成功感~~ 其實好耐之前已經想去日本, 不過係想去北海道而唔係東京, 今次都唔知點解神推鬼擁之下會去o左東京~哈哈!! 今日係10月25日, 朝早五點幾就要起身, 六點幾搭巴士, 七點幾就去到機埸。一早就要起身, 眼訓到傻…check-in過後, 例牌去食早餐, 之後就入閘上機喇, 今日搭o既係港龍KA360班機, 09:15起飛, 直飛東京。今次架機雖然大過上次去沙巴o個架, 不過好似都係細機o黎架咋, 感覺都係差唔多, 個飛機餐都係唔多好食, 可能早餐食得太飽喇。 由香港飛去東京雖時四個鐘（回程仲耐, 四個半鐘）, o係飛機上都幾悶, 訓又訓唔到, 佢播套戲又睇過o既（成龍o個套80日環遊世界, 唔好睇的）。就係咁過o左三個幾鐘之後, 終於都見到陸地喇, 日本好多平地咁, 周圍都好多田野, 唯一見到o既山就係富士山, 天氣幾好, 竟然見到富士山, 不過好似同我印象中o個個山頂長期積雪, 白色o既富士山有d出入喎~=）。再過一陣, 飛機就降落在東京o既成田機場上, 成田機場感覺上都幾新, 幾靚, 亦都幾大（因為落機後要搭無人駕駛列車去辨入境手續）, 不過好似係香港o個個靚d!!! 攪完晒d入境手續, 拎埋行李之後, 就正式展開七日o既行程喇~第一站梗係去酒店擺抵d行李先啦!!我地頭三晚住o既係池袋o既Sunshine City Prince Hotel, 由機場去東京都（e.g. 池袋, 新宿…etc） 有幾種方法, 可以搭機場巴士啦（Airport Limousine Bus）, 可以搭JR o既直通火車啦（Narita Express）, 不過o黎兩個方法都勁貴（~3000yen）, 除o左o黎兩種方法, 仲可以搭”京成電鐵” o既”Skyliner”或者特急列車, 其實”Skyliner”同特急列車o既分別在於”Skyliner”有劃位同快d, 而特急列車就好似香港搭地鐵咁law, 當然”Skykline” 貴d啦（~2000yen）, 而我地就揀o左後者, 搭普通地鐵, 因為平好多（1160yen去到池袋）, 時間又唔係慢好多。基本上機埸o既指示好充足, 我地o係Terminal 2一出去就有賣飛o既counter, 不過可以唔使o係o個o度買, 我地就落o左一層, 去到”Skyliner”o既counter先買, 因為”Skyliner”同普通列車都係”京成電鐵”o既, 所以”Skyliner”o既counter都可以買到普通列車o既飛, 我地指o下要去邊同個價錢（1160yen）, 佢就知我地想點喇, 佢俾o左一張過o既飛我地, 拎住o黎張飛就可以搭地鐵去日暮里站轉JR山手線去池袋喇 （其實自己去o個o度d售票機買飛都可以, 不過好似冇得一張飛過, 去到日暮里要另外買山手線o個程）, 日本d鐵路複雜過香港好多, 就好似去日暮里o黎程車咁, Skyliner同普通列車都係同一個月台上車o既（唔同位置）, 而普通o既列車又分好多種, 咩”普通”呀, “急行”呀, “特急”咁, 最快o既當然係特急啦, 因為skip o左好多個站嘛, 不過要睇清楚停唔停你想去o既地方law, 真係幾易會搭錯車, 所以要好好留意月台電子板上o既車資料。仲有日本d列車真係準時得離奇, 話幾多分鐘有車就真係有車, 唔似香港d 騙人o既電子板~哈。 等o左幾個字終於有特急列車喇, 好彩有位坐, 一路搭, 一路望著車外o既風景, 沿途經過好多大大小小o既房屋, 街道, 好多都好有特式, o黎o度就係日本喇, 我終於都o黎到喇~嘻嘻!!!搭o左個零鐘之後就到達日暮里站喇, 落車之後又係有好清晰o既指示點去山手線o既月台, JR山手線係一條循環線, 其本上淨係山手線已經可以去到好多旅遊景點, 感覺上山手線d車好似新淨過地鐵o個d咁, 車上又有電視播d即時o既資訊（e.g.天氣）/廣告。搭o左幾個字之後就到達池袋喇, 去到o既時候已經五點幾, 都差唔多天黑lu…..池袋站勁大, 有好多條線都會經過池袋。我地從東口走出車站, 跟住地圖行o左大約十分鐘, 沿途一帶都好旺, 好多夾公仔舖頭, 彈珠機舖頭同食店, 之就到達Sunshine City喇, Sunshine City係一個大型商場, 又有office, 仲有我地住o既Prince Hotel, 估唔到酒店個入口都幾隱蔽, 都搵o左一陣, 仲差d行錯路添~~ 一入房, 嘩!!!好細law, 一個廁所, 一張床, 一個茶几, 一張梳妝桌, 之後已經冇咩空間喇, 放埋行李真係爭d冇地方企添呀, 其實日本好多酒店都係咁, 又貴又細, 要住好d就要貴d, 或者貴好多… 放低d行李之後又出去喇, 由此時間都唔早喇, 第一日冇咩好做, 都只係o係池袋行o下街, 食o下o野咁, 間酒店o既location都唔錯, 幾近車站, 又近d食店, 附近又有間24小時營業o既SEIYU（即係香港o既西田）, o係西田賣o左d o野飲之後就慢慢向車站方向行, 去返之前o個條好旺o既街, o個o度有間幾大o既SEGA, 有得打機同夾公仔, 同一條街又有間Hotel Theatre, 唔知掂唔掂呢!? 途中見到間賣公仔燒餅（日本叫大判燒）o既舖頭, 叫”角扇”, 好似都有人推介過, 買o左一個南瓜味o既” 大判燒”, 120yen, 又真係好好味喎, 熱辣辣, 可能因為肚餓啦, 加上咁o既天氣食（日本而家o既天氣就好似香港凍天咁, 十幾度）, 正=） 跟住就行返去車站東口, 東口側面就係西武, 一路沿住大馬路旁, 經過西武, 就會見到一間細細間, 食拉麵o既舖頭, 叫”無敵家”（都幾遠車站架）, 間o野都幾多人食, 我地七點未夠去到都已經要排隊, 好在排o左一陣就有位喇, o個o度有個識講國語o既waitress架, 又有英文menu, 其實唔係好多選擇架咋, 有拉麵啦, 拉麵同埋拉麵…我地叫o左一人一個拉麵（佢唔可以share架）, 其中一個叫”豪快”, 即係咩都有d, 有蛋, 有蝦, 有叉燒, 有紫菜同其他唔知咩, 賣相相當唔錯, 不過咁多”食送”, 當然貴d啦, 另外一個就係叉燒拉麵, 有好大舊叉燒o既, 兩個拉麵都好好味, 特別係佢d叉燒, 又”林”又入味!!!埋單1610 yen, 食得非常飽, 好滿意, 不過日本d拉麵其實都幾咸, 食完都幾口渴, 唔知係咪落o左好多味精呢!? 食完拉麵之後就去之前經過o既西武行街, 行o左入面o既超級市場, 入面又有間Loft, 賣d生活用品呀, 玩具呀咁, 我地就o係o個o度買o左d煙花, 諗住去民宿住o個幾日玩, 之前睇newsgroup d人話好多地方都有得賣, 我又唔係好覺喎, 都係o係d大型百貨公司先見到有, 試過去d便利店都搵唔到o既。此外, 西武入面又有間Disney Store （好似Sunshine City都有）, 如果會去DisneyLand / DisneySea, 可以o係o個o度買定飛, 不過冇平~ 去完西武之後就慢慢行返過去Sunshine City o個邊, 去返Sega o個條街, 其中一條橫街, 望入去就會見到一間叫” Mister Donut” o既o野, 好多地方都有分店, 係食Donut o既, 佢d Donut好好味架, 推介”Custard Cream”, 都係115 yen一個。跟住又去o左Sega夾公仔, 你睇中o左隻公仔之後可以叫d職員幫你放個靚位先俾你夾, 不過即使係咁, 我地都用o左成千yen先夾到一隻小木偶-_-“ 夾完公仔再去西田賣o左d o野食, o野飲（for tomorrow）, 跟住就返酒店想息喇。 |
|||||||||
|
|||||||||||||||||||||||||||||||||||||||