Viewed:1523
|
|||||||||||||||||||||||||||||||||
|
|||||||||||||||||||||||||||||||||
| |||||||||||
| [leave message] [e-card] | 
|
From: darkside (Oct 27, 2005 10:15 HKT) 係網上相簿o黎架bor, 要俾年費的
|
From: MM (Oct 26, 2005 22:43 HKT) Dear Sir
|
From: darkside (Nov 21, 2004 00:54 HKT) 今日係日本之旅o既最後一日, 朝早照舊7:30起身, 梳洗完執齊d行李之後check-out喇, 走o個陣林小姐仲未訓醒添, 唯有嘈醒佢交返條鎖匙俾佢~今朝個地下仲係濕架, 琴晚都應該落o左好耐雨, 不過好彩走o左時候冇落咋, 否則d行李實濕晒。 今日第一樣要做o既事就係去上野站放低d行李, 我地再次搭[JR山手線]到達上野站, 之後出o左閘, 過o左去京城上野站先放d行李o係o個o度o既locker。其實JR上野站都有locker, 不過避免我地之後可能會遲o左先搭車去機場, 所以都係放o係京城上野站方便d。d locker有分幾個size架, 最細o個d好似300yen, 我地就用o左600yen o個d中型箱, 兩個細o急加兩個旅行袋都方得入, 仲有位淨添。 放完d行李入locker之後就去o左JR上野站搵早餐食, 上野站好大, 有好多舖頭同食店, 我地揀o左間叫Doutor o既café, 一人叫o左一個熱狗做早餐, o黎間Doutor有無數o既分店, 真係去到都見到佢, 更有一間o係左近, o黎餐食o左690yen。其實今日都冇咩好做<因為搭3:30機>, 亦都冇乜點plan, 本來都係諗住o係上野行o下咁。見佢好似幾好天, 都有諗過再去原宿, 去明治神宮同代代木公園, 不過原宿離上野都唔近, 我又冇咩時間, 於是就冇去到lu, 之後睇返本旅遊書, 見秋葉原好近上野, 又幾出名, 於是就決定去秋葉原行o下喇。 由上野搭[JR山手線]去秋葉原都只係兩個站, 所以好快就到喇。秋葉原出名賣AV產品, 有好多大大小小o既商店, 售賣好多新出o既影音產品, 好似DC呀, DV呀, 電話呀, 電視…etc。大多數舖頭十點零就開架喇, 所以我地去到o既時候好多舖頭都係o岩o岩開門。 除o左影音產品之外, 秋葉原仲有好多玩具店, DVD, CD舖咁, 因為我地對AV產品冇咩興趣, 咁唯有行玩具店啦~~哈哈, 又係睇玩具精品。秋葉原d玩具舖都好正喎, 好多都有幾層, 新迎舊舊, 大大小小咩都有, 我地行o左一間幾層高o既, 佢有好多扭蛋, 果子玩具<一盒盒要抽o個d>都係拆開晒散賣o既, 儲開又未齊o既大可去o個o度補完。我地o係秋葉原都係得個行字, 周圍睇o下, 兜o左個圈, 其間又去o左一間夾公仔舖頭, 夾o左隻細細隻o既sony貓, 另外又o係車站附近見到有部夾公仔, 佢夾o既唔係公仔, 而竟然係中國o既麻雀<打o個d呀>, 一隻一隻咁夾, 幾時先夠一副~~哈哈, 就係好攪笑!!!o係秋葉原行到十一點, 之後就返去車站搭車返返去上野喇, 臨走時仲見到有一班類似cosplay o既女仔o係車站出面派傳單, 哈, 冇去代代木公園都見到d cosplayer<雖然佢地只係派傳單>。 搭[JR山手線]返返去上野之後, 首先又去o左琴日o個間玩具店Yamashiroya, 諗住再買d阿Jack o既o野。點知一去到, 就見到有好多人圍住個門口, 原來有兩隻真人扮o既Monchichi o係 o度跳舞, 好攪笑, 除o左兩隻monchichi之外仲有一班好咖喱o既人一齊唱歌同跳舞, 街上又有人派d monchichi o既紀念品, 大概係一個monchichi o既promotion o瓜, 重之好攪笑, 仲影o左d相添, 不過其實我覺得o個隻o野都唔靚o既, 都唔明點解咁多人鍾意o既!? 之後入o左去, 買完o野之後就走喇。跟住又去返亞美橫丁作最後沖廁喇, 我地見琴日o係丸安買d手信好似唔係好夠, 於是今日又去買多少少。跟住經過”Ameya燒”o既檔口又買o左個o黎食, 一樣咁好味呀~~食完”Ameya燒”之後都差唔多夠鐘喇, 於是再一次經中央路去京城車站。沿途經過間pancake舖又買o左個藍莓pancake o黎食, 都幾好味啦, 不過貴o左d, 360yen。就係咁食完”Ameya燒”同藍莓pancake之後就唔使食飯喇<亦都冇時間食啦>。 去到京城上野站, 極速拎返d行李出o黎之後就趕上車喇。我地搭12:38 o個班特急列車, 未夠兩點就已經到達成田機場o既terminal 2喇。到達後第一時間check-in, 之後入閘前就o係機場行o左一陣, 機場有好多食店同買紀念品o既店舖, 又有之前食過好好味o既和幸添, 如果未用晒d日圓都仲可以o係o個o度洗埋佢。我地再買o左少少手信, 之後就入閘喇。飛機準時3:30p.m.就起飛喇, 亦意味住今次o既東京七日之旅就此結束。 仲記得去日本o既時候飛o左四個鐘, 回程o既時候則需要四個半小時, 點解呢?因為風向關係?回程o既飛機餐好食o既喎, 分別有”日式豬扒飯及鮮蔬”同”香草紅酒汁燴雞胸意大利麵”~~一路望住窗外面o既雲層慢慢由白色變成橙色, 之後再過冇耐就天黑lu, 其間仲經過台灣上空添, 台灣夜晚都幾繁榮架喎, 好多燈, 唔知幾時會再去台灣玩呢?就係咁四個半鐘之後飛機就降落香港國際機場喇, 落機後拎返d寄倉行李, 攪掂晒d手續之後就搭車返屋企lu, 返到屋企八點幾接近九點, 好累…第二日仲要返工… 今次都係第一次去日本, 亦係第一次由頭到尾自己plan一個咁多日o既自由行, 我發覺我鍾意o左自自由行, 可以自己話晒事, 幾好丫, 真係要多謝各newsgroup同forum o既網友!!!今次o既日本之旅好充實, 好開心, 去o左好多地方, 亦重未試過去旅行去到咁累, 日日都晨早出去, 夜晚先返, 不過又好似每個地方都唔係行o左好耐, 有好多地方都可以再去。東京真係一個非常唔錯o既旅遊地方, d日本人大致上都好nice, 地方又乾淨, d o野又好食, 唔好o既就係d o野普遍o黎講比香港貴, 搭車貴, 朝早搭地鐵仲超迫添……日本真係會令人去上引架, 我返到香港之後都成日諗幾時會再去呢?去大阪, 定北海道好呢~~~哈哈!!! ~完~
|
From: darkside (Nov 21, 2004 00:53 HKT) 費用@: 出發前費用<1人> 安運package<包3晚酒店> $3,299 雜費 保險 $225 三鷹之森入場卷 $120 於日本費用<1人> 去到用o左約 $4500 當中包括: 民宿 <7,500yenx3>/2 = 11,250yen DisneyLand入場卷 5,400yen ... 全程約 $8,200 <1人> |
||||||||||||||||||||||||
|
|||||||||||||||||||||||||||||||||||||||