edd :: 北 海 道 . 盛 夏 日 記 ~ edd's picture
Visits: 2407 times
Last changed: Jun 10, 2012
0 items in this album
 
                                                                                                                                                             
 
~   北 海 道 . 盛 夏 日 記   ~
 
 
 
 
每次一個人去旅行, 吃晚餐的時候, 都喜歡寫下當日行程的日記, 留下一點回憶.
此行 (7月20至28日) 去了北海道九天, 主要在美瑛和富良野地區遊玩.

如果想到北海道欣賞薰衣草, 通常大約最好是每年7月20日至8月第一個星期內.
 
 
day 1:
香港 -> 東京成田空港 轉機 東京成田空港 -> 札幌
 
(住札幌京王酒店)
 
 
day 2:
札幌 -> 旭川 -> 美馬牛 -> 新榮之丘展望公園
早上乘坐 JR Super White Arrow Limited Express由札幌至旭川, 到達後, 先到酒店 check-in 和放下行李,
吃過午餐, 馬上出發, 乘坐 JR 由旭川至美馬牛, 然後步行去新榮之丘展望公園, 2:30 pm 開始行 - 6:00 pm
到達. 沿途的風景很美,
 
 
 
 
又有雀和蝴蝶影.
 
 
 
 
到達新榮之丘展望公園, 已經開始覺得好凍, 好大風, 這裹是人稱觀看夕陽日本第一的地方.
 
 
 
 
一路睇位影相, 一路想找到來影日落的當地人幫手 call 的士, 剛好有架載客來影相的的士到來,
馬上走過去叫的士司機 call 上台, 落 order 叫的士在 7:10 來接我.
日落時間約在 7:05 pm) 到7:05pm的士準時來接我, 乘的士去 JR 美瑛站, 再乘 JR 回旭川.
 
(住旭川皇宮酒店)
 
 
day 3:
北西之丘展望公園
早上乘坐 JR 薰衣草號至美瑛, 步行去北西之丘展望公園, 開頭1.5km平路無乜o野影,
跟住 1.5km 上斜的馬路真要命, 沿途的馬路邊有幾隻弄蝶可影, 都叫做有番心機啦.
 
 
 
 
到達北西之丘展望公園, 要休息和吃午餐, 原來小賣部無麵無飯賣, 只好吃薯仔(唔係男爵),
燒栗米和北海道瓶裝牛奶做午餐. 剛好今日有一對新人在這裹舉行婚禮, 個場好正無得頂.
 
 
 
 
 
 
全日都多雲無乜陽光, 影到三時回程.
 
(住旭川皇宮酒店)
 
 
day 4:
彩香之里, 富田農場
早上乘坐 JR 至中富良野, 先去彩香之里, 影了個多小時, 正想收機去下一站時, 發現有鳳蝶出現.
(幾日以來看見的第一隻鳳蝶) 我唔係跑, 直頭係飛過去一樣, 影相 .. 走失 .. 發現 .. 追住影 .. ,  
就是這樣影了個多小時, 未 preview lcd 已經知道剛剛影的中焦率高於 80%, 心裹開心到爆燈,
牠的名字 : 拦揚羽鳳蝶.
 
 
 
 
到小賣部吃完喬麥麵, 叫事頭婆幫手 call 的士, 去富田農場, 下午個天好陰,
 
 
 
 
影到四時回程.
 
(住旭川皇宮酒店)
 
 
day 5:
旭川 旭山動物園
天氣報告, 今天多雲有細雨, 所以選擇去旭山動物園影生態,
 
 
 
 
 
 
好在早去, 越來越多人, 下午一時半回程返酒店. 吃完午餐和下午茶後, 就睡了, 要保留體力過幾日用,
天氣報告預告, 明日開始一連三日會好好天. 晚上例牌會到酒店內的日本料理吃晚餐, 職員都認得我
呢個日文好屎既麻煩友, 這裹的食物好好味, 結帳找錢 (紙幣) 一定係新銀紙, 這種情況在日本很常見,
是一種極度尊重客人的表現.
 
(住旭川皇宮酒店)
 
 
day 6:
四季彩之丘
早上乘坐 JR 至美馬牛, 步行去四季彩之丘, 沿途的風景很美,
 
 
 
 
感覺好自由, 好舒服. 到達四季彩之丘時, 比效多雲, 去吃午餐先吧, 本來想上小賣部樓上 2F 的餐廳吃,
可以舒舒服服吃一個午餐和休息一陣, 點知通告寫 … “至各賓客, 本日25日, 因廚房需要修理,
本餐廳休息一天, 不便之處 ..…” 只好去小賣部買薯餅和牛奶做午餐, 去到日本吃薯餅做午餐,
真係比人笑到暈. 下午好好陽光, 好少雲, 不停地影個痛快, 爽呀.
 
 
 
 
 
 
 
到五時回程.
 
(住旭川皇宮酒店)
 
 
day 7:
日之出公園, 町營薰衣草園
早上乘坐 JR 至上富良野, 步行去日之出公園, 好近. 那些地圖有時信唔過, 有時話就話2km 行 20 分鐘,
乜都無背住, 跑就還可以20分鐘到, 有時寫2km 就真係背住重裝都可以15分鐘行完. 日之出公園用 wide 鏡
影相好好 feel, 天氣又好, 一流.
 
 
 
 
 
 
 
影了個多小時, 又到午餐時間, 好在有個小賣部有牛肉飯和拉麵賣, 今日唔使食薯餅/仔,燒栗米啦掛!!
吃一碗牛肉飯加一支凍綠茶就真係夠幸福啦掛!! 但係牛肉飯沽清 … 唔係掛, 未到 1pm 牛肉飯沽清,
只好吃拉麵, 座位只有戶外的, 好大風, 還吹到有些湯落條褲, 無言..…下午去了中富良野的町營薰衣草園,
背光的, 個景好難影得靚, 算吧, 唔影相, 坐下來, 放下裝備, 享受涼風和欣賞遠處的十勝丘, 很多蜻蜓
在周圍飛舞, 感覺好寧靜好自由. 五時回程.
 
(住旭川皇宮酒店)
 
 
day 8:
旭川 -> 札幌 -> 小樽
早上乘坐 JR Lilac Limited Express 由旭川至札幌, 返酒店 check-in 和放下行李, 再出發去小樽.
明日開始一連三日, 在小樽三號碼頭有祭活動, 今天的小樽比較冷清. 到達小樽後, 第一時間去吃午餐,
今次選擇到旭壽司吃海膽飯, 好正!!
 
 
 
 
吃完飯就去行街街,
 
 
 
 
 
 
 
買些手信比老婆大人啦. 買完手信又未食得落下午茶, 走了去小樽三號碼頭影黑尾鷗.
 
 
 
 
在小樽飲下午茶, 每次都喜歡到銀之鐘六號館, 因為好少人, 比較清靜. 影到七時回程.
 
 
 
 
(住札幌京王酒店)
 
 
day 9:
札幌 -> 東京羽田空港 吃完午餐乘巴士 東京成田空港 -> 香港
全程選乘 全日空, 服務一流.
 
 
     
 
 
Japan . Hokkaido Travel Diary . 2006 ~ edd's picture
All Images © Copyright By Eddy Wong. All Rights Reserved.
 
Contact e-mail : eddyxeddy@yahoo.com.hk
 
 
 
[leave message] [email album]



7 0.00288701057434 0.109600067139