~   荷 蘭 . 旅 遊 手 記   ~
 

 

 
己經十多年沒有踏足過歐洲了, 今次一個人去的歐遊行程, 第一站是荷蘭,
在荷蘭有位老友與我會合, 並會帶我到處遊覽.

在此要再三感謝老友基哥及他的家人, 對我的熱情招代. 這次歐遊玩得好開心, 盡興.

不如就用這張紅外線的風車照作為開始吧.
 

 

 

Day 1


早上乘坐荷蘭皇家航空 KLM 由香港直航去荷蘭, 航程大約 12小時. 一落機,
未出登機閘口已經好似有料到, 有輯毒犬偵輯, 逐個旅客被關員檢查證件.
這是我第二次遇過這種情況, 上一次是由肯雅回港的時候.


老友基哥接我機之後, 先去酒店 check-in 放下行李, 及後我們去了阿姆斯特丹
的唐人街吃飯, 今次行程全程由基哥駕車帶我周圍去玩, 這餐在唐人街吃的晚飯,
由東道主基哥請客, 在吃飯前當然要先泊車, 泊車是街邊咪錶位, 每小時 EUR5,
等同 HK$60, 好貴呀. 首次食回鍋羊肉, 肉質好鮮, 美味可口, 又叫了鮮蝦水餃,
是真的鮮蝦, 新鮮可口, 這餐晚飯有驚喜.  
 

 

 

 

 

 

飯後, 行了一陣唐人街和紅燈區, 阿姆斯特丹的唐人街和紅燈區是同一區域,
以前的冶安好差, 時有當街老粒發生, 現在的情形可能好轉了, 經常見到有警察巡邏,
不過我們出外旅遊, 無論到那裹都要留心個人財物.


日落時間大約是 10:30pm, 我們到運河區影日落和夜景, 基哥好熟路, 帶我去了
很多位置影相. 歐洲是位於北半球, 夏令日照時間會比較長, 全年最長的日照時間
日子是 6月 21日, 而最短的日照時間日子則是 12月 21日.

 

 

 

 

 

 

 

 

 

今次到歐洲旅遊使錢, 發覺港圓貶值得令人吃不消. 我經常到日本旅遊都沒有發覺,
原來到日本旅遊使錢已經係好平好平好平的一回事. 今次到歐洲的酒店住宿, 好唔習慣,
無熱水煲, 無免費咖啡及茶包, 無風筒, 無床頭鐘, 無床頭紙筆, 無牙刷牙膏, 無拖鞋,
無睡袍, 無免費行李寄存, 我住宿的三星級酒店鄰近機場, 每晚單/雙人房收費最平要
八十幾歐羅, 這個價錢未包早餐, 如果加早餐的話, 每位另加 EUR14-. 如果選擇到
阿姆斯特丹市中心的酒店住宿, 價錢會仲貴.


住宿 : Hotel IBIS Amsterdam Airport



Day 2


今日第一個行程是到 Zaanse Schans 影風車, 可惜陰天和落雨, 無乜心機影相,
那裹的洗手間是要收費的, 每位收 Eur0.5 即是 HK$6 . . . 誰說香港的消費昂貴呢.

 

 

 

午餐到 Burger King 吃, 最平的套餐賣 Eur4.95 即是 HK$60, 而且做事的效率
慢過香港好多.

 

 

 

餐後到Volendam 遊覽, 這是個漁港, 可惜天氣沒有好轉, 沒有藍天白雲,
影了數張到此一遊的照片作罷. 基哥介紹了地道的魚生 Dutch Herring (Haring),
和海鮮小吃 Broodje Paling & Dutch Shrimp Roll, 每種都好鮮美, 好味道.

 

 

 

 

 

 

 

 

 

 

 

 

 

 

 

 

 

 

 

 

 

 

及後到 Amsterdam 運河 Prinsen Gracht 一帶遊覽, 時間尚早, 未到影日落和
夜景的時候, 又未夠餓吃晚飯, 到酒吧的露天雅座飲番杯先, 我們沒有選擇
荷蘭出產的喜力啤, 選擇了比利時出產的 Leffe Blond Beer, 味道帶點清甜,
很不錯, 一杯 0.25L 賣 Eur3 即是 HK$37. 坐在運河旁邊的露天雅座飲番杯,
與好友談天說地, 天南地北, 快樂時光, 莫過於此.

 

 

 

晚餐到一間 Take Away 店子, 吃 Indonesia Food, 我選了辣味牛肉炒飯, 味道
好夠辣, 經濟美味, 好正. 吃完飯後, 大約 10pm 開始到運河區等日落影相,
一到 Magic Hour, 不停走了好多個位影相, 有一點收獲吧.

 

 

 

 

 

 

住宿 : Hotel IBIS Amsterdam Airport



Day 3


今日是星期五, 在 Alkmaar 埠的 Waagplein 舉行每星期一次的芝士買賣會,
時間是逢星期五的早上十時至中午十二時, 吸引了很多遊人到來觀看, 有場會有
一些芝士品牌的靚女職員拿著芝士給人們試食, 有興趣的可以買一點芝士做手信.
至於放在地上的圖型芝士磚, 想買做手信的話, 相信會有一點難度, 並不是價錢
的問題, 而是重量平均達到 12-14kg 一個, 比平常使用的相機背囊入滿 full gear
還要重.

 

 

 

 

 

 

 

 

 

 

 

 

 

 

 

午餐又係食 Haring 魚生, 吃飽後返回 Amsterdam 食雪糕, 基哥帶我去一間由意大利
人開的雪糕店, 這間雪糕店的雪糕好唔好食?? . . . 我先唔答這個問題, 剩係知道
這間在 1987年開業的雪糕店, 名叫 Venetie, 只會在夏季前後的五個月開門營業,
即是每年十二個月只開門五個月做生意, 其餘的七個月會關門唔做生意, 店主等人
會返回意大利渡假, 一間這樣的雪糕店, 所賣的雪糕好唔好食呢?? 我的答案是 :
是我有生以來吃過最好味的雪糕, 夠滑, 味濃, 唔會好快溶.

 

 

 

下午到 Amsterdam 的運河區影相.

 

 

 

開車去 Kinderdijk 影風車日落 Magic, 先吃晚餐, 這個晚餐每人 Eur15, 即 HK$184,
在結單的價錢當中有一個收費是 Tomaten Ketchup = Eur1.4, 與香港的文化真的很不同,
連番茄汁都要收錢, 仲每位收 Eur1.4, 即 HK$17, 剩係番茄汁每位收十幾蚊港圓呀,
誰說香港的東西貴呢??

 

 

 

Kinderdijk這個地方有 19座大風車, 剛好今日的 Magic天氣良好, 算做有點收獲吧.

 

 

 

Magic過後, 開車趕去海牙影夜景, 到海牙影夜景, Binnenhof (國會議事堂) 是個例牌
的影位. 夜裹的歐洲氣溫會比較凍, 雖然我已經著多了一件多套, 但都是感覺有點凍,
拿拿聲快手快腳地影相.

 

 

 

今影影完相, 基哥開車送我返到酒店, 已經是半夜一時了, 疲倦得可以, 今日只
不過是行程的 Day 3 乍.


住宿 : Hotel IBIS Amsterdam Airport



Day 4


經過昨日的行程, 實在太倦了, 今日中午十二時才出發. 第一個行程 . . . 係去 Supermarket
買東西, 買的主要是食物, 因為明日我們會駕車去瑞士玩一個星期, 買的食物是帶去
瑞士用的, 我們在瑞士是住民宿 Apartment, 可以自己煮食的, 如果餐餐出街食,
這個行程的使費一定超出預算呢. 順手買多兩個蘋果批和鮮奶做午餐, 荷蘭的鮮奶
味道都係普通, 遠遠不及日本的好飲.

 

 

 

下午到 Amsterdam 的運河區遊覽. 講講荷蘭的街頭公共洗手間, 未見過有女仕用的,
男的分有兩種, 一種豪華型, 一種進取型, 可能我比較保守, 進取型確實不適合我.

 

 

 

 

 

 

 

 

 

 

 

 

 

 

遊覽花街 Singel 及 RijksMuseum, RijksMuseum 門外設有一行大字 I amsterdam,
是個遊人例牌影相留念的位置. 在街頭有些地方會有一些人仕下棋, 好寫意.

 

 

 

 

 

 

 

 

 

下午茶時間又去飲番杯先, 今日試了都係比利時出產的啤酒, 名叫 Palm Beer,
ok 幾好飲, 味道比喜力濃一點, 在酒吧一支細的售價是 Eur4.5, 即 HK$55.

 

 

 

基哥邀請我到他家中作客吃晚餐, 與他的家人邊吃邊閒話家常, 樂透.
飯後我們又去Venetie Ys 吃雪糕, 今日試了其他唔同口味的雪糕, 水準同樣地高.

今晚無去影 Magic 和夜景, 需要早點回酒店休息, 因為明早五時開車前住瑞士.

住宿 : Hotel IBIS Amsterdam Airport



Day 5 – Day 12

由荷蘭經德國前往瑞士遊覽.



Day 13

下午乘坐荷蘭皇家航空 KLM 由荷蘭直航返回香港, 到達香港的時間是 Day 14 - 0830am.

 

 

 

 

 

 

** 荷蘭慢香港 5個小時.

** 荷蘭用歐羅, Eur1 大約等於 HK$12.33

** 荷蘭的自來水可以直接飲用.

** 持香港特區護照入境不用簽証. (出發前最好再問清楚旅行社)

** 有部份地方的冶安可能麻麻, 要加倍小心.

** 在街上找免費的洗手間好難, 凡其是女仕. 公眾場所的洗手間大多要收錢, 由 Eur0.2 – Eur0.5 不等.

** 街邊泊車費比香港貴好多, 越近市中心越貴, 有的最貴每小時 Eur5.

** 路上有很多單車行駛, 小心睇路.

** 部份的歐洲人做事好慢, 包容一點吧.

** 歐洲的消費比香港貴好多, 除非跟團乜都唔使煩, 如果是自由行, 最好做足功課, 否則好容易超出預算.