今朝約了個客十一點半，所以都迫住早點工作，咁都好既，如果唔係個人真係越來越懶了！但時間過得好快，做少少野之嘛又已經四點幾五點，好像有永遠做不完的工作！五點幾去另一個客度影相，因為有幾間分舖，所以都行左幾多路，但想不到老闆又請我地試食，本來問我地想食乜，一人一碗，不過我地又趕時間，而且都唔想太麻煩佢，所以就一齊試食最後影的那碗手轆魚麵，魚麵雖然唔係第一次食，但我覺得真係幾好味丫！特別在好夠味而不是淡而無味的，我食野都係比較喜歡濃味！
放工後就同Simon去佢朋友的婚宴，在美麗華酒店擺，環境服務食物都不錯，又是擺了廿幾圍，都算幾熱鬧，但氣氛麻麻地，因為兩個司儀都唔係咁識講野又不懂搞氣氛喎！甚至連玩新郎新娘的遊戲都無既！但最動人的一刻就是新郎唱歌，除了一顯佢的歌喉外，更唱出佢的心聲佢的愛，真係好動聽，全場都歡呼，旁人也感受到新郎對新娘的愛意，如果我是新娘，相信我又忍不住會感動到流淚！
昨晚同舅母傾談了差不多一小時，為了欣欣的事她竟然哭了，平時見佢好堅強，其實都只是強忍於心裡，始終做父母的都捨不得兒女不在身邊！欣欣又係佢送走的，什麼後果都要佢一力承擔，所以她的壓力也不少！平時她是開通的，可惜我們的家庭有時都幾複雜，過於保守！我也不會偏幫那一方，以事論事，其實欣欣同佢父母都有不對的地方！本來舅父舅母的關心是出自內心的擔心，怕欣欣一個女仔人家孤單在外會唔開心會寂寞，始終以前衣食無憂，什麼家務也不用做，可以算是嬌生慣養，真的怕佢會一時之間不適應！可惜，這種過份的關心卻帶給欣欣壓力，做子女的總是覺得父母嚕囌麻煩，好似我咁啦，都已經咁大個人了，但在父母眼中仍然是一個永遠長不大的細路，有時我都成日話媽咪好煩，會對佢發脾氣，但好快又會無野啦！其實這也是人之常情，最緊要互相體諒，有什麼問題都可以拿出來討論，一齊改善就最好了，但試問有幾多家庭又可以做到如此融洽呢！
