今日原先都無諗住會打牌既，明明Tiffany之前都話要考完試先打，所以咪照常返工，點知十二點幾佢打來問係咪打牌喎！幾少有呀！最後為了打牌就早收工！三點返到屋企一路食家鄉雞一路打牌！由於今晚個個都要早走，所以只打了六圈！但我贏了$1.9成為全場冠軍！
夜晚就去左大家樂打邊爐，食到超飽，我覺得那些魚麵麻麻地唶！但唔知係咪d菜洗得唔乾淨，食完我竟然肚痛又肚痾喎！以我所知，Pat Pat今晚屋企都係打邊爐，覺得佢地好似每星期總會有一日打邊爐咁既！我就唔多鐘意係屋企打邊爐，同大雜燴無咩分別，而且材料來來去去都是那幾樣，又無雞又無牛，似打仗咁既款囉！
之後係屋企睇台慶，終於有左結果了，不過覺得今年頒獎好似好求其咁！五強都無各自出來表演及講心聲既！話頒就頒，沒有一些緊張氣氛！
結果：
1. 最佳男主角：郭晉安 (阿旺新傳)
2. 最佳女主角：汪明荃 (我的野蠻奶奶)
3. 飛躍進步男藝員：黃宗澤 (我的野蠻奶奶)
4. 飛躍進步女藝員：周麗淇 (秀才遇著兵)
5. 最佳男配角：夏雨 (甜酸爺爺)
6. 最佳女配角：湯盈盈 (阿旺新傳)
7. 最佳節目主持：鄭裕玲 (百法百眾)
8. 最佳劇集：我的野蠻奶奶
9. 最佳綜藝資訊節目：殘酷一叮
我估中左三個獎，嘻嘻，不過自己無獎！其實有些都心入面估到了，但估同支持唔同嘛！