 |
|||
|
|
|
|
|
||
|
www.fotop.net journal
|
|
|
||||||||||
|
|
|
|
|
|
|||||
|
||||||||||
| 4-25-05 (12:50pm) | 大力兄報料: 沙田區難食糖水鋪 | 519 |
| 見妳話都會去下沙田食野, 為免妳中招, 都要貼俾妳睇下: 好多朋友都話有的熱門糖水店唔係特別好食, 又唔係有咩特別,水溜溜都唔知點解收十幾蚊碗。其實我可以話俾你聽, 人地收十幾蚊,起碼交足貨, 心機都落唔少, 雖然講到好似賣廣告咁, 但係真既,當你食到一碗都係十幾蚊, 但係完全唔店檔既野, 你就會領略到。 近日係沙田, 試左一間都算新既甜品屋, 名就唔講, 無謂令人生意難做, 但佢如果仍然係呢個質數的話, 都應該好快會唔見到佢。 佢款式係好多, 所謂琳瑯滿目, 令人有眼花繚亂既感覺。花左的時間睇完餐牌, 女友就試朱古力暖心蛋糕跟雪榚, 呢個連個名都比較了能, 我自己去新店多數只會叫基本野, 所以只係叫左件藍莓芝士餅, 另加一個白果腐竹意米。 先上芝士餅, 賣相已經唔係好得, 頂層係藍莓者喱, 加幾粒超小型藍莓, 中層係接近白色既所謂芝士, 底層就係蛋糕層同墊底既餅底。先講頂層, 者喱係偏淡, 咬落係接近大菜榚既質感, 即係差不多有嗦嗦聲既爽脆感覺, 並不討好。中層係好甜既, 質感就如椰汁榚般, 甜到甩牙兼拿喉, 芝士既感覺真係 .... 好似無! 去到底既蛋糕同餅底, 真係更加無咩心機再去形容。 失敗! 到腐竹意米, 一上, 唔知係我對眼有問題, 定係佢地既用料有問題, 居然係灰灰地, 用匙一攪, 用料太足變成太杰, 好似粥仔一模。腐竹又未完全煲溶, 煲唔溶其實隔下佢咪好好多羅; 白果重要有的係開始爛既灰色, 到呢個時候, 可能估到點解碗糖水係有的灰色, 我以為對眼既白平衡有的壞, 重諗住要去調一下添!! 又一次失敗!! 最後, 個朱古力暖心蛋糕跟雪榚上, 先唔講味道, 賣相已經又係一個致命傷, 糖霜加到一座山仔咁, 真係想整鋪左雪既亞爾卑斯山咩? 好喇, 亞爾卑斯山都無所謂, 你個雪榚都襯番佢丫, 但佢居然加的七彩繽紛既糖碎, 同亞爾卑斯山襯咩? 真係唔知佢地諗咩.... 到味道, 呢個朱古力暖心, 本身已經係甜架喇, 重加咁多糖霜, 點入口呢? 個雪榚又襯番朱古力味, 噢, 點解唔襯一的清的淡口的既中和番呢! 再一次既失敗! 其實, 如果無能力兼顧咁多野, 先專攻一兩門特色野加的基本, 慢慢先再擴闊個範圍, 效果同效益可能都會好好多呢。 | ||
From: blue moon 4-25-05 (6:53pm)
大家響度吹下水交流下0者, 邊有咁大威力呀? 哈~~
我應該唔會去果頭, 唔係去試下有幾差都好~~
From: 大力 4-25-05 (4:51pm)
噢!!! 講到咁白, 好似踩人檔咁添!!
其實即係河畔花園後!
From: blue moon 4-25-05 (4:39pm)
交通城即係乜野/邊度? @@
From: 大力 4-25-05 (3:13pm)
係呀! 真人真事, 親身經歷!
間店係交通城左近 ...
From: blue moon 4-25-05 (12:56pm)
大力, 呢個係咪你親身經歷呀? 唔講邊間好難避架喎......
|
||||||||||
|
|
|
|
|
|
|||||
|
||||||||||
|
www.fotop.netjournal
|
|
|
||