今次旅行都PLAN左成年, 但因轉了工的關係, 怕再一次失約(上次2月的黃山之旅已告吹), 所以在拿大假之前已經不住禱告!

結果順利地拿了大假及平安地完成整個TRIP!

謝謝Roy同Chris上網做了很多資料搜集, 機票, 酒店, 包車等安排.....令我只需要帶個人, 帶部相機就去到, 真係very good!

到了目的地頭2日, 都是天灰灰, 仲落雨.....心諗: 唔好掛, 咁遠黎到, 唔好咁啦, 陰天邊有心機影.....

結果又禱告, 希望神安排有適當的天氣.....當然祂也沒有令我失望, 到亞丁的下午就已經係藍天白雲!!

聽旅館的大姐講, 那裡已經有幾天落大雪同大霧, 咩都睇唔到.....我地真是好好彩!

幾天的亞丁, 都是夜晚落雪, 早上有霧之後再出藍天白雲, 咁既安排, 真係比自己所想像得到的更好! 自己也好好的上了信心的一課!

今次旅行, 除左可以去到一個咁靚既地方, 影到自己滿意既相, 最最最大既得著就係俾自己一D思想既時間, 思想一下人生目標, 思想一下神的事情!

因為在香港, 日日都係忙到爆炸, 除左要應付繁重既工作, 仲要處理複雜的人際關係, 跟本冇一D時間係可以停下來, 思想一番, 呢個其實都係大部份香港人的景況!

所以, 我好贊成定期一定要放下假, 去下旅行, 就算唔去都好, 坐在家中發下白日夢, 俾自己一D思想既空間!

有宗教信仰又好, 冇宗教信仰都好....人總係需要一D安靜的時間, 好好保養一下心靈, 對嗎?