完本都冇唸住會睇波,淨係去個FC Barcelona Museum 就算,但係唸吓唸吓,橫掂嚟到,又咁多日响Barcelona,都係去睇啦。同右脾講話想去睇波,佢二話不說就話好,超dai錫!!但係講真好怕佢悶,點知.......

咁arm嗰個禮拜巴塞踢主場,yeah...有波睇...仲要好好彩地買到飛...唔係黄牛。

去到FC Barcelona Museum, 都預左係睇嗰d野,都幾好睇嘅，值得去。但係因為禮拜日嘅關係,2點半就關門。

攪左一大輪,終於揾到係邊到換飛,話係marked位,但係冇得揀位。

場波7點半先開始,5點半先俾入,我地唯有學啲鬼佬咁坐响個Gate前面等。好驚右脾冷親,好彩有啲太陽。右脾下面張相個樣好似South Park 入面其中一個,次次見到都想笑,哈哈。點會唔好睇過電視,我淨係嗰個PM都笑左好多次。

終於入到去啦,時間係17:42,個場仲超空,我地估應該唔爆...

球員入場啦....依家睇番個場....係超爆!

响我地前面有兩位公公婆婆,佢地自備私家巴塞色坐墊,超專業。

今場波係巴塞對貝迪絲,上半場亨利單刀入一粒。美絲實在太勁,冇人停到佢,結果好多罰球射,球球都係Ronaldinho。

佢都不負眾望,入左一球...

去到差唔多下半場一半,右脾問我仲有幾多場,我話冇啦,踢埋就冇啦,佢竟然話......吓...冇咁啦...セ咁快完桇....快過睇電視咁多架.....倒掛金鈎都未睇到....

我就話....足球小將咩...

講完冇好耐....Ronaldinho真係倒掛金鈎!!!!右脾狂尖叫...但係可惜唔入....佢仲整親唔知Shoulder or Neck....出左去一陣入番黎...

到左80幾分鐘,已經2比0...好多人開始走...我問右脾想唔想走...佢問會唔會再入波架...結果冇幾耐...Ronaldinho 又憑罰球見功...右脾又尖叫。

呢場波真係好好睇,右脾完全冇idle 過....完全冇唸過..哈。

Barcelona 首歌都好易唱,我同右脾都有一齊唱,但其實只係....Barca...Barca.....Bar......ca!

http://fcbnews.com/barca-3-betis-0/

 Barça 3 Betis 0 : 4 nov 2007

唔好意思悶親啲女Blog 友....右脾話聽日佢會講下西班牙美食。