Friday 01st June 2007 12:21:59 AM
 今晚同ah py 補祝生日 , 你老豆我最近好忙 , 所以今日先同你慶祝 , 知你都唔會嬲老豆 , 因你都唔知自己幾時生日 , 係得我知 , hahaha~ ~ 養左你都四年喇 , 當初買番黎屋企時好細隻 , 成日仲可以抱住 , 無諗過宜家咁大隻 , 抱你都好吃力 , 曾幾何時有諗過放棄你 , 你會帶比我好多好多唔好既回憶 , 我都知唔關你事 , 最終都無放棄你 , 好彩亞媽都接受到你 , 但又頂唔順你既活躍程度 , 真係無時停 , 連我都頂唔順你既活躍 .
試過兩次打你打到好金 第一次係放工番屋企 , 見到成屋亂哂 , 望住你果樣又鬼咁得戚 , 呢次係我第一次開拖旭你 , 我知打到你好金 , 仲宿埋一邊 , 成晚都唔敢行埋黎 . 第二次就係我坐係梳化上 , 你一跳上黎撞到我個下巴 , 撞到好似甩甩地咁 , 我 d 無名火即時標升 , 起身即時**立野**打到你叫到烏烏聲 , 唔係亞媽拉住我 , 我諗我會打瓜你 , 事後都好後悔 , 完全都唔係你錯 , 只係我心情唔好 , 發洩係你身上 , 之後我同自己講唔會再秋你 ……………….咁金果隻 , 事隔至今都兩年 , 都再無認認真真咁打你 , 仲越黎越愛你 , 越黎越錫你 , 成家人都好錫你 .
唔係養 ah py 我唔會認識到一班狗友 , 有 d 仲變埋屋企人咁添 , 有 d 變為知己 , 有 d 變為好朋友 , 都好開心架 . Ah py 你老喇 , 唔好再成日吠 , 係要吠到我上黎先肯收聲 , 隔籬屋以為你痴痴地 .
|
