由天津坐一晚通宵火車到泰山,清晨6點到站,去咗冒牌永和食早餐,之後搵巴士去紅門,俾錢搭環保車到中天門,然後正式開始登山。由中天門到南天門之間係有名的十八盤,全程畢直,石級又細又密,都幾難行。經過南天門就到天街,沿路行去玉皇頂,再到觀日台,慶幸無專程係度睇日出,因為個景實在麻麻。行完南天門去北天門,打算行去天燭峰再坐索道回南天門。但係去到北天門一個人都無,索道又無開,無論天氣同景觀都吸引唔到我繼續行,只好行返去南天門。見仲有時間,就沿山路行落去桃花源,呢段有部份唔係石級,好行好多,行石級真係好傷膝。無驚無險去到桃花源,坐環保車出返景區大門口,再轉巴士到市區,結束泰山之行。
見識完泰山之後,下一站係另一五嶽 -- 嵩山。
|