再次有機會為Vinncy及她的家人拍家庭照, 今次我地去左挪亞方舟.
這個地方幾特別! 又夠新鮮! 幾適合一家大細一齊去玩!
裡面d遊樂設備都係為親子而設, 仲有原來挪亞方舟象徵「愛」與「生命」，
透過一系列多元化設施及活動，宣揚方舟八大「愛」的精神!

透過這幾次同Vinncy及她的家人拍家庭照, 我深深體會到做父母真係唔容易!
每時每刻都要照顧小朋友, 要百份之百的付出! 特別係看到凱藍家姐仔學行樓梯,
凱藍的爸爸小心地捉住凱藍一對小手仔, 讓凱藍嘗試去學行樓梯. 我真係幾佩服佢!
我亦感受到做父母無比的快樂, 能夠看到子女健康快樂成長，我相信作為父母已經很滿足了。
 
好感激遇到Vinncy及她的家人, 他們讓我分享到佢地一家人的快樂!
從每張照片都能深深感受到一家人的快樂和歡欣! 我能夠有機會將每張温馨的面記下,
不止記錄在照片上, 而係記錄在我的心裡!

P.S.好感激Vinncy, 凱藍同凱然的爸爸, 凱藍家姐仔, 凱然弟弟, 同埋Vinncy的媽媽! 冇你地的支持和鼓勵, 係冇可能有這輯作品!