17 Lisa Crescent, Richmond Hill呢個地址﹐我諗我地一家八口﹐熟到由尾背返上黎都唔會有問題。由我踏足加拿大既第一日起,我就住係呢間屋度﹐樓齡有十六年﹐我住左最少都有十四年。但因為住既人續漸減少﹐再無需要一間咁大既屋﹐而且又開始有好多地方需要維修﹐所以只好忍心放佢出去賣。2005年2月11日星期五﹐媽咪決定將呢幢樓交比Midland Group既King Lam放盤﹐2005年2月17日星期四﹐呢間屋就正式賣左比一個意大利既家庭。真係好唔捨得﹐呢度有太多既回憶﹐但係有合就有離﹐最少我知道將會有一對好好既couple搬入﹐知道有人會代替我地去照顧呢間屋﹐個心至舒服一o的。既然就快要搬走﹐當然要影返o的相﹐留個紀念﹐唔係我老人癡呆﹐唔駛五時三刻就又唔記得﹐大家歡迎參觀我間靚屋。 ^___^