« October 2019 »
MoTuWeThFrSaSu
 123456
78910111213
14151617181920
21222324252627
28293031 
Thursday 15th September 2005 12:57:42 AM
計唔掂數....[ 1 messages] 
General

我發現我最盡只係可以羅$1,700黎交租...而唔係$2,000..................點算........

我發現自己d錢銀觀念真係太薄弱....花太多錢係食野方面....百零蚊一個餐竟然唔覺得肉痛, 每個禮拜都會豪一次....一個月淨係食都用左成千几二千蚊....天呀!!!點解你要我做人做得咁為食!!!???由細到大我既最大娛樂同滿足都同食有關...細個會好期待隔離屋姐姐兩、三個月一次既大食會, 同埋媽咪每次去完街市買餸之後既"手信", 如果果日無零食, 就會好唔開心.... 同姐弟可以為一塊薯片而打交...會將阿媽比弟弟食多一塊豬肉乾既事寫係牆上面警惕佢下次要買番多一塊比我食。試過靜靜偷屋企錢($20)黎買一大堆零食......如果一千隻炸雞同LV, 我會毫不猶豫地簡炸雞......會煽動弟弟令成個錢箱番學校為左買一包牛仔片......會專登為吃一件炸雞而專登係沙田撘村巴去馬鞍山, 會專登為吃一包撈麵而步行半個鐘去市中心買......... 關於我食的歷史, 其實要講就一萬字都講唔完.......... 我黎某人......從今天開始, 要戒甩七宗罪其中一項--為食......................我比一年時間自己...每個月將花係食既錢逐步減少, 直至足夠維持基本數額為止...

我呢份人工似乎真係唔係好夠用.........要搵多d 隨便爛屎或者扒是貪足黎做下先得喇........但係...乜我仲有多餘時間淨咩??

Wednesday 14th September 2005 02:47:34 AM
新project?[ 0 messages] 
General

今天收工後, 便陪vicky去旺角報course, 這個course要學半年, 費用也不平, 但她好像很堅決似的!

接著與她的朋友見面, 傾談合作的計劃, 最擔心是自己是否能應付得來...我已經有2個course要讀, 日頭要上班, 照顧兩隻貓, 時不時又要參加同人活動, 也跟另一個朋友合作另一份project...........我是否太多工作要做了? 真怕負擔不來.........

晚間, 在一個不相干的場合, 看到了一個不相干的人..................覺得很奇妙而且高興...............高興得使我不敢看第二眼.

Sunday 11th September 2005 09:18:16 PM
螢之祭[ 0 messages] 
General

一連兩天的螢之祭終於結束了, 會場太小而且檔位的SIZE太小了, 只夠擺三本書加一些POSTCARD就已經沒有位了.........銷售量和想像中差無幾, 朋友甲和乙的作品都賣出了少許, 而自己的就看的人多, 買的人少, 不過嘛, 我不會放棄的。

Saturday 10th September 2005 02:45:36 AM
無聊[ 0 messages] 
General

拉得太緊, 有d都應該做下d無聊野relax一下既~無聊一晚咁多啦~! 不過唔咁樣玩都唔知, 原來出面個世界真係咁多無聊既人....

Friday 09th September 2005 12:04:07 AM
決定左喇~~[ 0 messages] 
General

都係去報令一間學校啦, 學費平d, d時間好d!! 今次真係要努力喇!

Thursday 08th September 2005 02:36:05 AM
hea開有條路[ 0 messages] 
General

停左一個月學, 想轉校, 但係唔係我唔夠資格就係間學校唔0岩我, 兜兜轉轉都係讀番呢間喇....唉~好好醜醜捱多一年啦, 當我比錢買張沙紙算嘞, 都唔望真係學到d乜野, 學到果d米當係bonus lor, 乜都學唔到都預左0架啦!~ ~不過hea開, 係呢一個月先至令我重拾番少少人生樂趣(起碼有番d時間羅黎畫下野打下機吖~)突然又要番番學, 呢個心理關口都几難過~~不過做人都係放長雙眼好d, 我唔可以偷懶0架, 唔係就會好似童話故事入面果隻蟋蟀咁係冬天既時候餓死0架喇

Wednesday 07th September 2005 12:20:16 AM
PSP[ 0 messages] 
General

YEAH~~~~~~~~終於得到屬於自己既PSP喇~~哇哈哈哈~~~以後唔洗再咁乞衣係咁死扯住某V同事部機唔放喇~~ 近排竟然鐘意左玩三國志, 為左隻GAME仲想佢買番套三國誌黎睇TIM!(喂, 你唔好傻啦!~你呢挺三分鐘熱度既個性呀, 買左番黎米又係得個"擺"字! 屋企個書櫃書就多喇, 不過有几多本係真係完全睇曬0架?) 有呀, D漫畫同埋插圖冊我真係有睇曬0架!

仲之好高興喇~

Monday 05th September 2005 08:33:42 PM
牙痛慘過大病[ 1 messages] 
General

隻智慧齒靜左成年, 依輪又痛番! 攞命! 連喉嚨都痛埋, 吞口水都要就住就住!! 真係深切體會乜野叫做健康最重要, 一個健康既身體係成功既最基本, 無病無痛就最好0架喇~~~ 上網睇埋d醫療野, 先感覺到疾病、身體既問題會慢慢愈黎愈多, 如果唔趁早改變自己既飲食同生活習慣, 到時d病走曬出黎先黎後悔就會太遲, 所以由今天起我要盡量吃得清淡d, 多d吃菜同水果, 飲多d水, 同唔好飲凍野! 不過唔知我可以維持到几耐呢??

Sunday 04th September 2005 11:17:01 PM
[ 0 messages] 
General

最近很怕網上的社交活動...

ICQ和YAHOO MESSAGER都很久沒開了, E-MAIL也只是巡例檢查一下而矣, 面對朋友的問候, 我開始變得冷漠, 公式化地回應了事, 把別人的關心置之不理.... 這是懷事還是好事?! 是我厭倦了網上的虛擬生活了? 厭倦了網上的人文活動?

筒筒失踪了的事實我已經慢慢地接受了, 心情漸漸回復正常...我相信牠一定很安全、很健康、很快樂地在另一個地方繼續生活! 牠那麼可愛, 應該有很多人會收養牠吧~~(唉...這是最正面的想法...) 幸好還有花生米和tiger, 若不是的話, 恐怕我早撐不住了....

我覺得自己...有點兒精神失常了......沒有事做,沒有事想做, 內心開始有種慌張的感覺, 很怕這樣子的自己, 突然又再懷念三、四年前簡簡單單地生活的自己.... 發現自己愈來愈多很想碰但不能碰的人和事, 我總是無法拋開大部份不好的思想, 我總是在怕, 怕被拒絕, 怕被恥笑, 怕失儀, 怕落後, 怕被同化但又怕成為異類....我的確是那種在天平間游走的人....兩邊都談不上....這是放不開自尊的原因吧.... 以前會想很多事, 很多解釋, 很多原因, 但現在都不想在去想那麼多, 反而覺得以前的自己比較清晰....我覺得現在的我就像一泡混濁的尿一樣....很難理解我現在是心情好還是心情壞, 我時時都是這樣... 我想我應該找個心理醫生看看.

Sunday 04th September 2005 10:36:14 PM
揼朤[ 0 messages] 
General

禽日同VICKY同埋佢個FRIEND三個女仔一齊北上揼骨, 11點鐘先係沙田火車站等, 上到去都12點LU~ 一去到羅湖, 就搵地方醫肚, 行左好耐過左好多條驚險既馬路先至搵到間似樣D既酒樓度食野, 不過間酒樓麻麻地啦, D野食唔算係難食~但係就坐得我同VICKY個FRIEND都有D唔舒服! 我個腸胃就最靈KEN架喇, 有乜唔對路我都會第一個知道。食飽飽就跟VICKY去搵佢果個所謂"德哥推介"既好骨場, 我地行左好耐都搵唔到, 卒之都係要坐的士, 但係...個的士竟然去番我地求先食飯果度.....哈! 真係岸居!! 落左的士, 但係都唔見果間"德哥推介"好骨場, 唔搵LU, 就去左第二間。兩粒鐘揼骨+1粒鐘腳底按摩都只係98蚊, 都算抵啦~ 幫我地揼骨果三個骨女手勢都算OK, 不過我就私疑佢地...唔係好正經LOR, 條裙短到見到籮柚咁濟, 入面仲要只係著住條UNDER! 佢地話自己係正經, 我唔係好信LOR~ 以前幫襯果D都係上左年紀既女人同埋都唔會著裙既, 今次既係青春少女個個個樣都生得唔錯, 兼且又著裙呢!~ 佢地係度猛推介果個服務生, 又話佢靚仔, 純情, 仲20歲都未夠, 又問我地會唔會去其他地方玩, 我地問玩乜? 佢地話"叫鴨"! 佢地仲話自己係正經我真係打死都唔信!! 不過好彩都唔會hea你, 都交足功課, 無花無假既。佢地原來都好慘, 幫一個客揼只係得16蚊分帳, 揼足2粒鐘喎, 係香港做mc記都高人工過佢地la, 見佢地咁慘, 我地每人私人醒左廿蚊比佢地(廿蚊好多0架喇), 揼完之後都天光lu, 但係因為太眼訓, 所以答的去黃崗度坐直通車直番太子, 一落車就可以番屋企了

Sunday 04th September 2005 07:20:43 PM
@\ /@=3=3[ 0 messages] 
General

@\ /@=3=3 頂你個肺頂你個肺頂你個肺!!!!

Saturday 03rd September 2005 06:52:49 PM
超魚皮[ 0 messages] 
General

......收左工之後同牙、CM等人出旺角印野.... 搵左好耐, 終於搵到.... 間鋪好整齊, 地方乾淨脷落寬敞..之不過幫我印野果個人.....原來....................仲要認得我...........不過我都認得佢.............我講左好多白痴野同白痴行為........唉.....................................總之就想搵個窿捐啦~

Thursday 01st September 2005 11:33:26 PM
感性時分[ 0 messages] 
General

收工之後番到屋企樓下買左碗粥令上去食, 好耐無食過粥清下腸胃...

前面有個男人將一袋類似馬拉糕既物體塞係路邊個乞衣度, 個乞衣開心到係到不停講"多謝!多謝!多謝!"差d想跪埋佢.......個一個畫面令我覺得有種很慚愧既感覺, 一個人如果唔餓, 跟本唔會因為一件馬拉糕而開心成咁, 而我從來未注意過呢位乞衣, 我覺得自己好冷漠, 我無資格話其他人冷漠, 因為我自己都一樣!

依家開始穩定, 其實應該覺得好安心先0岩, 但係...失去左一d或許永遠得唔番既野, 始終令到我無法安得落心....

Wednesday 31st August 2005 08:33:37 PM
down[ 0 messages] 
General

筒筒的失蹤不至於令我死去活來, 但當我知道她失踪的罪魁禍首後, 我就無法不責備自己...只要我早兩個小時回家, 也許, 筒筒現在還會留在我身邊, 跟花生米仍然像糖黏豆一樣...

之前回過家看過美洲, 牠看來比我離家之前更加健康, 身體長胖了不少, 媽媽說牠認不到我了, 我說應該是我認不到牠才對!

Wednesday 31st August 2005 10:05:04 AM
又見工[ 0 messages] 
General

昨天一收工, 就走去隔離街度見第二份, 做既野差唔多, 但係要我做埋跟客order同埋度尺...咁麻煩, 人工唔多都唔做啦!~ 所以叫價叫到$1XXXX, 個老細問我係米無得減, 我話係! 之後佢話要再諗諗, 我都知佢唔會請我0架喇~ 就算佢真係肯呢個價請我, 我都要考慮下呀。

Monday 29th August 2005 11:20:49 PM
你在何方....[ 0 messages] 
General

見工順利, 但係就唔見左隻貓....都唔知係好運定唔好運....

Sunday 28th August 2005 11:45:02 PM
CW20[ 0 messages] 
General

今天去了CW會場擺檔, 但這回沒有我份次, 只是幫朋友看檔~ 朋友A的書早料到大賣, 而且她實在印得太少了~ 不過朋友B都不錯!! 她的手作仔銷量很好!! 這使我有點心癢在螢之祭也出些作品來賣~~ 我有時也會覺得我的人格其實很有問題, 會有很多邪惡的念頭....還要覺得很有趣...唔, 下次不要再犯了。 為求自保, 置身事外是很怯懦的行為吧... 但盲目地正義, 是愚蠢的, 那些人自然有他們自己的解決方法啊.

Saturday 27th August 2005 07:13:17 PM
早走早著![ 0 messages] 
General

今日訓死左無番工, 心血來潮去勞工處搵工, 打左上去問, 即日就話可以去見工, 見工果間OFFICE係元朗, 但係番工就係荃灣。答左好多程車先去到果度, 間公司睇落去規模几大, 正合我心意~ 見左半個鐘, 試做左半個鐘稿, 就叫我9月29號去荃灣番工! 出番黎果一刻我真係開心到彈起呀~ 我覺得自己都几LUCKY! 好LOR~ 過埋呢個9月就正式脫離齡與強果兩隻衰野既魔掌!

Saturday 27th August 2005 12:58:46 AM
結婚、媽媽恐懼症[ 0 messages] 
General

"結婚"這兩個字近年來經常在腦海中出現!來自家人的口中; 來自朋友的口中; 來自萍水相逢的人口中...
不知為甚麼我就是對這兩個字、這個儀式、這個人們所謂的人生必經階段就是沒有任何好感, 反而覺得非常反感....
為甚麼想辭職不幹就等於我要去結婚了!! 也許是我一直都在逃避要成為大人的命運吧,
又或者是我沒有自信可以組織一個快樂的家庭... 我寧願選擇自由, 也不選擇幸福, 而且結婚了也不代表就擁有幸褔,
反而加添了更多無謂的壓力和問題, 我不想面對。

前陣子接觸了一個十來歲就結婚產子的女孩子, 不知何解心裡有種既羨慕又恐懼的感覺, 我心裡雖然很佩服她的勇氣....
但有更多的是疑惑和不解...當我想到如果我像她一樣十來歲就結婚產子, 餘下來的十年、甚至更多的時間和心力,
都要毫無保留地奉獻給孩子, 我就感到這可不是隨隨便便放一個屁般簡單的事...
可知道二十至三十歲對於一個人(猶其是女人)有多重要! 我無法想像她, 竟然可以沒有工作, 每天做的事情根本和一個
普通的家庭主婦沒有分別, 早上送孩子上學, 然後跟其他媽媽飲茶, 接著買餸, 煮飯, 接孩子回家, 教孩子做功課....
這...這些不就是存在於我記憶裡媽媽的印像了嗎? 而她只有十九年歲...比我要年輕三歲....她看來是那麼稱職, 那麼成熟,
而我, 怎麼看, 性格還是那麼幼稚, 不成熟(或許是我跟本不原長大吧...)我一直都覺得這個角色永遠都不會換了自己去演出,
媽媽永遠是上一輩的人, 我永遠是孩子... 但她的故事使我拉到現實裡, 我原來一早已經可以當上媽媽這個偉大角色了,
身邊有個像魔鬼般的聲音, 時常走出來勸我, 要盡早演出, 但我就是感到非常恐懼, 所以一直都在拒演.... 我覺得我是患有甚麼
恐懼症了....

心內常常存在著很多茅盾, 使我無法認清下一步應該要做的, 簡單如逛過街, 看場戲, 吃餐飯我也可以產生茅盾...
我是我茅盾的人吧, 曾經玩過一個心理測驗, 我覺得說得很準, 它說我窮一生都在找"特殊"與"大眾"兩者的平衡點... 曾經有些時候,
我覺得自己找對了, 但轉眼間, 就像"筋肉擂台"中的其中一個環節--就是那個兩個人各在搖搖板的兩端找平衡的環節....
以為找對了的答案, 轉眼間, 又來出現新的疑問、新的不安感和新的難題... 我想我是不夠相信自己, 我對自己仍然未夠了解...
我想還要花好多些年, 才能夠真正的了解自己吧。

Friday 26th August 2005 07:48:24 PM
玩野[ 0 messages] 
General

公司又亂掉位喇~
呢一分鐘既局面係咁, 下一分鐘又唔知發生咩事....

近排交際慾係零, 完全無意慾開手提電話、無意慾開ICQ, 無意慾SEND E-MAIL...

Tuesday 23rd August 2005 11:31:37 PM
四隻企鵝[ 0 messages] 
General

終於比我儲齊曬五套荒失失奇兵特大扭蛋毛公仔喇~~企鵝同alex果兩套最難儲呀! 逐間逐間油站打去問, 間間都無貨, 最後比我係鑽石山火葬場比我剿到最後一隻!!!!!!!!!!

Tuesday 23rd August 2005 03:18:54 AM
虛驚[ 0 messages] 
General

去左柴灣了解情況, 原來只係虛驚一場~ 無事發生過無事發生過~ 大家繼續做野!

今日唔係几好老脾, 講親我半句唔順耳我就火都黎埋! EQ真係好差, 仲要係隨住年齡曾長而愈來愈差~ 我唔可以再咁容易比情緒影響到自己0架喇!

Monday 22nd August 2005 01:05:36 AM
朱古力掌門人[ 0 messages] 
General

睇左喇!!!無預期中咁好睇!!! 不過就比預期中更加痴線!!!! 呢齣戲雖然戲味唔夠強, 好似好散咁, 而且有D笑位都唔係好識笑...但係都值得睇, 睇佢有几玩野.... 睇佢有几痴線....每次果班同一個餅印既印度人樣小婑人一出場載歌載舞, 我就忍唔住爆笑!!! 都有D教育意味既, 好適合D家長同埋D細路一齊睇!

P.S. D歌真係正到無倫! 佢隻SOUNDTRACK買硬, 仲有平時johnny depp演果d型角色都無乜feeling, 反而呢類怪雞wokka既造型我覺得好正!!副大烏蠅眼鏡好襯佢!

Monday 22nd August 2005 12:56:48 AM
泰國華僑!!!???![ 0 messages] 
General

真係笑死! 我几時做左泰國華僑連自己都唔知!! BNO都可以話係泰國護照我真係無話可說!估唔到自己無害過人, 對人亦從來唔會立心不良, 都會無端端比人羅左黎做好似無線四十集長刻咁複雜既奸人! 我只不過係有時想維持自己既原則, 所以會保留一D唔想同人分享既事! 但唔係咁樣就代表我有古惑! 世上最險惡既事就係人與人之間既互相不信任!

Saturday 20th August 2005 11:01:00 PM
香港小姐[ 0 messages] 
General

唔好話比我聽...呢期興哨牙珍....出左兩個亞季軍都係哨牙既!

不過個冠軍真係好靚, 好有古典美呀。

Saturday 20th August 2005 07:06:49 PM
我究竟做錯左d乜野!!!![ 0 messages] 
General

我究竟做錯左d乜野? 老天爺你要咁樣拆磨我!!!!???

一放左工, 食左陣野, 就趕番屋企, 未踏入門口已經feel到黎料! 果然不出所料, 又水浸!! 浸到出車立口咁濟!

由兩點零鐘係咁唔停手索水, 索到五點鐘支力得濟頂唔順訓左陣... 之後比門d人聲嘈醒左... 我略略聽到佢話要告我....因為我d水浸埋落佢間屋度... 我果刻好不惶然, 感到自己就好似一隻無左縠既龜咁, 好不安, 果d人係咁拍門, 但係我竟然無膽去應門...

雖然好支力, 但係見d水又再出曬番黎, 都要頂硬上繼續...我一路索一路索, d雨又愈黎愈大, 落極都落唔完, 都唔知索到何年何月.... 雙手已經無知覺, 飯又未食....電腦power棧藍燈將我好無助既影子打左係牆上門, 果一刻覺得自己點解要攪成咁, 我倒底點解要咁折墮?! 我喊, 我唔可以喊, 因為就算喊得再慘, 都唔會有個大人走出黎幫我解決曬所有野...因為...我就係大人...

Friday 19th August 2005 08:09:48 PM
給雨季的信[ 0 messages] 
General

雨季,

我唔歡迎你呀~過主啦~!

你知唔知你好煩呀! 你黎無所謂呀,

唔好帶咁多手信過黎好喎! 你黎一黎

我要攪好多野0架! 我唔想屋企夠細0

架喇, 唔想多個泳池!

阿媽早雨日打過電話比我, 話賤精入

到大學, 有宿舍住, 要我搬番屋企住,

我要考慮下呀, 自己一個住左咁耐, 未

必適應到同人住番既果種束縛0架嘛~

同埋一搬, 又要帶多兩隻化骨龍, 美洲

未必接受到呢D生面口0架嘛~ 唔想嚇

親佢老人家

Friday 19th August 2005 08:03:14 PM
阿伯俱樂部[ 0 messages] 
General

今日公司黎左個新同事, 睇佢都有六七十歲, 可以話係一個阿怕黎! 唔係話歧視阿伯, 而係之前個同事反映話想公司有多個男人黎拆下貨, 唔洗我地呢d弱質纖纖既女子黎拆呀嘛, 點知, 佢竟然請個阿伯, 無野講啦!!我地好懷疑個阿伯跟本就係果兩隻野d friend黎~ 唉~ 公司依家五十歲以上既同事佔左60%呀! 仲唔係阿伯俱樂部係乜呀??!

Monday 15th August 2005 04:32:11 PM
回來了[ 0 messages] 
General

從馬來西亞回來~~很疲累啊~~

雖然說是五天團, 但其實只有三天的旅程~ 未出發前以為只不過是像長洲一般的沙灘吧, 所以沒有甚麼好期待, 但去過才知, 三個字:"非常棒!" 浮羅交怡真是一個人間天堂! 水清沙幼, 只要低一低頭, 一個個珊瑚清晰可見, 水是綠綠的, 魚兒多得就上香港馬路上的車子! 馬來西亞給我一種回到家的感覺, 不知為甚麼覺得這個地方要用"溫柔"兩個字來形容。今天有點疲累, 下次會再說多些旅程中的事及上載一些照片上來~

學業半荒廢了, 打算轉校兼轉課程, 無謂浪費時間, 這次是我給自己的最後一次機會!

事業半荒廢了, 轉工事在必行, 不過在此之前很想為自己爭取多一、兩個月的休息, 但目前條件仍未合符要求... 要再忍耐多一段時間...

假期, 我需要更多的假期!

Wednesday 10th August 2005 08:13:13 PM
抱歉[ 0 messages] 
General

和朋友的美男子計劃告摧了... 責任應該全由我來負。

其實我可以勉強自己, 但我知道, 即使是出了, 那最後也只不過是協著"美男子"之名而產生出來的怪獸, 我不想這樣浪費生命。

幸運地, 同伴們並沒有因為我這次自私的決定而埋怨, 真的不知怎樣感謝她們才好!

* * *

明天就要出發了,沒有興奮的感覺,去浮羅交怡的感覺就像去長洲的感覺一樣。

Wednesday 10th August 2005 12:51:13 AM
累斃[ 0 messages] 
General

過了今天, 明天開始就是一連六日的長假期~ 真高興~ ^口^~ 不過呢, 公司的手尾還沒跟好, 相信阿T應該應付不來.... 噢... 不管了!! 反正公司的死活對我來說已是無意義的事呢~~

放工後, 與域奇一起去買泳衣, 花了二百完, 對於不常游泳的我來說真的不值得啊! 不過嘛, 我就是常常用超出價值的金錢來買與該價值不相符的東西... 不擅理財的人.... 真擔心自己到一把年紀仍然儲不到一毛錢.... 想當年二千元一個月還要給五百元家用的日子我儲不到錢, 五千元一個月, 儲不到錢, 六千元一個月, 儲不到錢, 到了今天, XXXX一個月, 依舊是儲不到錢... 真叫人涉氣....

香港的十來二十歲人, 大概可以分成三大類型吧, 就是"聽中文歌的人","聽日文歌的人",和"聽英文歌的人"....今天被一位"聽日文歌的人"說某首域奇心愛的"中文歌"是粵曲... 雖說那首中文歌是舊, 但也是九十年代末的產物, 怎也未至於古老到能跟"粵曲"相提並論吧!~ 而且和那"聽日文歌的人"年齡也只不過差兩歲吧了...同是土生土長的香港人, 怎麼文化差異這麼大, 就好像兩個國家的人似的?!

Tuesday 09th August 2005 12:24:50 AM
疲於奔命[ 1 messages] 
General

昨晚回筲簊灣取護照, 原以為取了護照就安樂, 可是當我逍遙地吃粥的時候, 給我發現到期日就在今個月月底, 此時已心知不妙....

今天致電旅行社及經高人指點後, 知道今天早上要立刻到灣仔申請特區護照, 便連班也不上, 立即飛車趕至, 經過一輪波折, 護照總算能安排在星期三取得, 才飲得杯樂~

下班後, 與域奇到旅行社取回茶會資料, 然後在朗豪坊吃飯, 吃過飯後, 再到女人街購買旅行所需物品, 還沒有買到泳衣, 明天再續。

蓮打買比我果條太歲裂左, 唔知係米有d乜野唔吉利既徵兆....

Sunday 07th August 2005 02:06:45 AM
拼命趕稿[ 0 messages] 
General

今天拼了老命地趕稿! 人老了很容易攰, 只是趕了一會兒, 精神就忽然很疲倦了... 接著跟朋友去了吃飯, 那餐廳的水準很錯勁, 儘管我的確是非常地肚餓, 但還是只吃了一半就嚥不下去, 肚子感到不知是飽還是餓的...辛苦極了。吃過飯後, 便到深水埗看看物料, 就這樣便過了一晚, 有點悠閒..

Saturday 06th August 2005 01:10:09 AM
又憤怒.又開心[ 1 messages] 
General

放左工之後, 一心諗住約埋一齊食飯順便傾下去旅行d野, 竟然突然有兩個臨時縮沙! 依家先黎縮沙, 你唔好早d! 假都請曬, 唔通番去又同佢地話唔駛請呀~! 激到我震....當堂拂袖而去。

番到屋企, 心情好番d~ 見到d貓個人真係舒服番曬, 最攪笑係今日竟然見到筒筒同花生米無再追逐, 反而攬頭攬脛friend到你唔信! 花生米可能仲係bb仔, 竟然搵著阿筒筒黎當阿媽, 係咁啜佢個乳頭...大佬呀...筒筒唔係大你好多0架咋~~~~~

Thursday 04th August 2005 01:56:18 AM
煩惱[ 0 messages] 
General

唉, 思想又再次陷入個死胡同度, 煩惱一d永遠都煩唔完既問題上, 似乎, 我真要好好學習一下正面咁諗野。

今日終於請左長假, 可以痛痛快快咁玩, 盡情地休息, 真係爽~~! 希望假期之後, 再轉換下新環境, 到時會有一種新既心情去面對正在處於既煩惱啦~

覺得依家自己既思想就好似生滿左雜草既植物, 唔係想搵野去填塞生活, 反而係好像從忙碌既生活入面抽走一d多餘既部份.......等自己既思維可以清析d, 我就係覺得自己依家既思維好混亂。

今日放左工就同d舊同學舊朋友食飯, 太耐無見, 好似層隔膜咁, 不過朋友呢d野, 順其自然啦, 我唔會望我地會好似以前咁咁好, 至少仲可以繼續保持聯絡, 久唔久食餐飯, 就算lor, 反正, 朋友就係咁, 有聚有散0架啦。 

p.s. 差d唔記得講, 今日係公司打左個電話上電台玩遊戲, 好緊張! 如果贏左可以得到張去悉尼既機票, 我諗就算贏左都未必會去lor.... 無錢, 去到都要駛錢0架~~

Tuesday 02nd August 2005 01:23:52 AM
印度朋友[ 0 messages] 
General

今日係YAHOO MESSAGER同個印度朋友傾偈, 終於知道自己個名原來係解作"RUN OUT"既意思...

Tuesday 02nd August 2005 12:57:56 AM
花生米VS筒筒[ 0 messages] 
General

花生米和筒筒好像仍然處於水火不容的狀態, 真教我這個做主人的不放心......筒筒好像連我也嬲了....很不高興呢....

Tuesday 02nd August 2005 12:39:34 AM
廣州緣[ 0 messages] 
General

機緣巧合之下, 收音機接收到廣州的電台節目,無聊, 即管聽聽了解一下內地文化也好。除了偶爾會插播一些普通話的廣告之外, 風格上和香港的其實沒啥咪分別, 聽著聽著, 感到廣州同胞的和善, 覺得有種舒服的感覺, 突然有個以前從來沒想過的想法--到廣州居住.... 我想, 這僅限於此罷了, 這只不過基於一時三刻的衝動, 一時三刻的對廣州這麼一個跟香港那樣地接近的都市, 有了一個美麗的幻想罷。

小時候家貧, 媽媽總會在新年、聖誕暑假等長假時帶我們三姐弟回鄉探親順便遊玩, 我的故鄉正在廣州。其實說是探親遊玩, 倒不如說是內地生活指數較香港低, 在香港生活一天, 足夠在內地生活一個月, 在親情的背後, 原來玩有一串數目字要去算。小孩子不必理解大人的算術遊戲, 只管像野孩子般通山跑, 我記得故鄉的那條村子的深處, 有一座由垃圾堆積而成的小山, 我們三姐弟跟表哥表妹、堂哥堂妹總喜歡到這座山上玩過不奕樂乎...事實上, 不知那個原故, 小孩子總愛鑽到最髒、最惡劣的地方... 垃圾山未算最激, 最激的可是... 你能夠想像, 我們赤腳爬進糞渠, 看著身旁不夠兩分遠的地方, 有一些黃黃的半固體像小河般流動嗎? 你能夠想像, 數百隻蒼蠅一下子衝向天空的奇景嗎? 你也許想像不到, 可是我都親身感受、親眼見過。 當然, 我決不會再有下一次。 雖然幾乎每天都跟細菌打交道, 可是我對廣州的印像, 還不至於只有"骯髒"這個字, 還有一種像古時詩人題詩的美感。沒有錯, 它街道上的藍色大垃圾筒的確是前所未有的惡劣, 這留下了我永不磨滅的童年陰影, 但當我想起乘坐火車離開廣州時,看到窗外紅紅的太陽, 就不由得鼻酸, 原來在不知不覺間, 鄉愁已在我心中種下了根, 此時腦海裡就會播起Beyond那首老掉牙的曲子<<大地>>的那一句: 回望, 昨日在異鄉那門前, 唏噓的感慨一連連, 但日落日出永沒變遷... 這刻在望著父親笑容時, 竟不知不覺的無言, 讓日落霧色浸滿淚眼...

嗯, 很老土的情景! 但當我瀏覽珠江經濟台的網頁後, 更加... 不知不覺的...無言...版面怎麼可以熟面口的...好像在哪裡看過... 對, 沒錯! 肯定是... 是media player的其中一款介面... 這還不算... 當我看到DJ程朗的個人資料後...更加... 不知不覺的...無言...怎麼這個年代, 都2005年了, 仍然有人用這麼一句來形容自己出生的地方--"宇宙地球中國广东省广州西关"!!!

嗯.

http://www.e974.com/dj/chenglang.html

http://www.e974.com/

Monday 01st August 2005 03:41:23 AM
新房客[ 2 messages] 
General

我的家又多了一位新房客..... 這次來的都是貓, 看來只有不足一個月大....名稱還沒有想好, 暫時把牠稱作"花生米"吧~~ 筒筒昨晚在牠契奶媽家留宿, 牠契奶媽的妹妹也帶了另一隻貓BB到她的家, 本來以為筒筒會跟牠能夠成為好朋友, 可惜那隻貓BB很喜歡玩筒筒的尾巴, 筒筒本身又最避忌這回事, 所以牠們成為不了朋友之餘, 更打了一場足以至命的架....

Sunday 31st July 2005 06:01:23 AM
好討厭[ 0 messages] 
General

那些大蒼蠅總算剿滅了! 滿以為可以鬆一口氣, 殊不知餘孽未了... 繁殖能力強的大蒼蠅早已埋下了另一場戰爭的伏線.... 那就是"蛆"!

"蛆" ! 單聽名字已教我毛管直棟! 對我來說若然蟑螂的恐怖情度是二十, 蒼蠅的恐怖情度是十五... 那麼, 蛆的恐怖情度就是十八了! 我討厭那些一條條蠕動的白色小蟲蟲...小蟲蟲這稱呼實在把它們過份可愛化... 其實, 應該是說我討厭任何入侵人類居所的昆蟲!!

說昆蟲入侵我們的住所有點兒野蠻......事實上...昆蟲早在人類出現的數億年前已經出現.... 說它們入侵了我們的世界...其實...應該說是我們入侵了它們的世界才比較正確... 雖然深知這是事實.... 但我仍然是非常不願意跟昆蟲們打交道.....

時空門的出品公司好像有點不尋常.....http://www.interplay.com 作為一間曾出版無數電腦遊戲的公司...這樣的網頁未免太不像話.... 若然它結束了, 我想我會有點失落...因為這意味著時空門永遠無番身之日..........

Saturday 30th July 2005 01:02:31 AM
炸屋[ 0 messages] 
General

果兩條粉腸恰我地恰到上心口, 出曬面喇! 星期一全世界簽約喎! 簽你老祖! 我同域其一收工就渣渣林走去附近既公共圖書館利用佢地既免費上網服務, 上去勞工處個網頁度查"僱傭合約"既資料, 都查唔到d乜, 卒之都係要打上去佢地個hotline度兜口問, 好彩所有資料都對我地有利...咁我地都安心d! 唔好以為我地好似你地咁咁豬標先得0架!!! 哼哼哼!!! 星期一仲唔玩殘你地兩條契地!!

域其為筒筒既契媽, 都好識做咁買左條毛比筒筒玩, 一心諗住快D番屋企同筒筒聚天倫, 點知未入門口以經聞到一陣"茄"味! 番到入屋...OH MY GOD, 筒筒同TIGER個屎兜FULL曬! 都唔知攪乜鬼...果兩隻野可以柯咁多茄0架! 平時都無咁誇張, 係今日咁犀利!!! 

原本以為清一清就無事, 點知比我發現有好多烏蠅係度飛黎飛去, 仲隻隻手指公咁大! 嚇到我立即搵布包住個頭狂噴殺蟲水, 噴完殺蟲水D烏蠅仲癲, 到周圍撞, 雖然相比起小強, 烏蠅未算最驚, 但係咁大粒烏蠅就真係有d唔開胃..... 之後都係頂唔順衝左落街, 係流離失所之下, 最後都係決定係域其屋企過一晚避下...... 唉~~ 似乎真係要考慮一下點樣安置筒筒同tiger既屎兜喇~

Thursday 28th July 2005 08:15:23 PM
大步覽過[ 0 messages] 
General

知道個fd發生左d事...希望佢大步覽過! 醜既唔靈好既靈..........

而且真係要特別鳴謝域琪丈義幫忙!!!我真係懷疑你其實係華陀再世!!! 我欠你咁多人情債都唔知几事先還得清喇~~!!!!!+-+

Thursday 28th July 2005 07:49:13 PM
幼稚[ 0 messages] 
General

我開始有d可憐阿笨剿, 几十歲人, d思想仲停留係小學階段! 竟然同個舊員工用d小學生先會用既招數黎鬥氣...... 哈哈, 我真係掩住半邊咀偷笑..... 雖然我可憐佢, 但係戰場上係無"憐憫"兩個字既, 要贏你既敵人, 就要學識乜野叫"狠"! 如果我清楚知道, 若然我因為憐憫你而對你手下留情, 他日你只會嘲笑我! 當日你點樣嘲笑阿珊! 點樣欺負阿珊, 我要你十倍奉還!!

呢個世界其中一樣唔文明, 就係強迫別人分享自己既成功... 洗唔洗日日報導一次慌死人唔知呀? 先生, 我好似無訂過你地份電子報0架喎..... 

Thursday 28th July 2005 01:32:13 AM
忙碌[ 0 messages] 
General

很想放個假出國走走, 就算只是離開香港北上神州, 也足夠了, 至少可以暫時拋開那些永遠都應接不完的工作和應酬.... 不記得何時開始, 我愈來愈討厭城市生活而愈來愈嚮往寧靜悠悶的鄉間生活了... 晚飯時, 與舊同事相約八月中到九寨溝, 聽說那裡的風景很美, 很期待那天的來臨。

公司新來了兩位同事, 都是剛畢業的年輕人, 我發覺十七、八的這一代人都有個共通點... 很會練精學懶, 偷懶這一方面很聰明.... 不過, 我可不會管你那麼多, 你喜歡玩是你的是, 公司賺不到錢就是公司的事了! 我倒樂意看著公司沒有生意面臨倒閉, 那兩條粉腸的頹喪樣呢!

Sunday 24th July 2005 11:04:29 PM
唔得喎[ 0 messages] 
General

今日難得好乖無出街, 留係屋企睇電視... 睇到"香港先生"呢一個"萬眾期待"既選"美"節目, 呢個乸乸地既0靚仔就係"香港先生"??!!!? 係得個"高"字, 可能有少少似Rain啦, 0岩0岩食中佢條水尾! 去港九新界咁多間中學度隨手執都執都几件類似0架啦!!睇雲全晚, 得Tony Jaa比較似樣喎....

Sunday 24th July 2005 04:24:50 PM
書展[ 0 messages] 
General

去左書展, 好多人, 不過預左, 本來諗住無收鑊, 點知都買左兩本書<<印度遊記>>、<<一個藝妓的回憶>>,同埋一隻VCD,BBC既<<達文西>>。

我要檢討一下自己, 唔好成日衝口而出講D傷害人既說話仲以為自己好FUNNY!

Saturday 23rd July 2005 01:59:55 AM
西人[ 0 messages] 
General

未見過人做老闆, 佢做老闆, 做到咁X0架!! 阿珊今日比人鋸左, 我同VICKY都好難保!! 不過我寧願佢鋸我好過, 仲好啦! 你呢份咩野工咁狗屎呀? 比十萬九千七無左你唔得咩! 我先唔會同你硬碰硬, 我照樣軟皮蛇, 你鐘意既就放低一個月通知金, 我即刻係你面前消失。玩! 我同你玩到底!!我係唔會自己辭職咁岸居0架!

Thursday 21st July 2005 02:43:05 AM
明天[ 1 messages] 
General

煩...

厭...

壓力...

逃避...

這四詞是用來形容明天。

誰說明天總是美好的?!

拉他出來給我狠狠鞭打。

我明天可能會死

死因: 腦部因血壓突變膨脹, 迫爆天庭蓋出血過度至死。

當場暴斃於工作台上, 隔離的笨剿嚇得臉色鐵青...震抖著的手上仍拿著一份五吋厚的file....

Tuesday 19th July 2005 11:19:28 PM
噢, 新版面[ 0 messages] 
General

我真係覺得自己係痴線!

痴線0架!!!

我又係度改版喇...仲要唔係少改, 係大改! 不過更痴線既係... 我呢次改版行動並唔係依家諸位眼見既呢個版面之後既事... 應該咁講...係呢個版面之後, 我又開始整緊一個新既版面, 係果個新既版面完成到80%既時候, 我因為又諗到令一個更好玩既點子, 而將完成左80%既版面抹得一乾二淨, 轉而再用雙倍精力既整第二個版面...而且係一發不可收拾, 不能自拔, 連番工都諗住果隻! 如果我張呢d精力放係畫畫上面, 我諗...會比較實際...

Thursday 14th July 2005 08:07:52 PM
三十前的計劃(上集)[ 0 messages] 
General

想趁著離三十歲尚有一段日子, 四處闖蕩遊歷, 感受生命, 這才是無悔青春。

但談何容易? 要怎樣才能達成這個願望?

我想, 錢最重要...而且那絕非小數目,  節儉地遊歷一年, 粗略估計大概需花五萬至八萬元, 若然我的入息只有本港月入中位數8千元, 減去正常生活開支大概只淨2千元, 80,000 over 2,000 = 40,

即是我要儲40個月才夠, 也就是3年零3個月... 其實分分鐘不止8萬... 可能要更多的數目.... 恐怕到真正儲到錢的時候, 我已經超過30歲了。

Wednesday 13th July 2005 08:03:04 PM
不在狀態[ 0 messages] 
General

相比起前兩日, 今天的精神好像好轉了, 可是人有點渾噩, 好像不是自己似的... 總之, 就是不在狀態中... 媽怪辭職了, 我一點也不覺得驚訝, 那是早料到的事, 試問有哪一位可以忍受得到那兩位偉大的領導者飄忽的個性? 我覺得, 她走得算遲。

豁出去需要很大的勇氣, 其實更重要的是條件吧! 縱使我有多想辭職不幹, 但若然辭職對我的生活構成重大影響, 我也絕對不會冒這個險...我嘗試過那種窮滋味, 所以我知道我不能忍受窮貧帶來的痛苦...

要辭職, 我至少要找到一份穩定而又合乎自己技能的兼職.

今天回到家後, 見域奇好像很想見筒筒, 便難得的抱筒筒給她看了. 我、筒筒和她三人走到離家不遠的一片大草地上放牧, 若然是日間的話, 相信感覺會很不錯。 筒筒或許是甚少外出的原因吧, 好像十分驚慌似的四處亂鑽, 看到牠這副模樣, 也不敢久留, 速速又把牠抱回家去。

安頓好筒筒後, 便跟域奇一起去吃飯, 碰巧山崎也在附近, 便三人約好一起去吃飯了... 說起來, 自從我和山崎那次磨擦後, 就從來未三個人一起吃過飯, 甚至逛街...

我們今次去了一間位於旺角名叫咖哩大王的餐廳吃飯, 我一看招牌上寫著大大隻字"咖哩", 就知道這間餐廳正宗極有限... 但聽域奇說那間餐廳味道不錯, 心大心細之下還是進去坐下來了。

點了几道菜都是辣的, 近年來長期睡眠不足, 食無定時, 身體狀況已大不如前, 連消化系統也出現了毛病, 刺激性食物都不宜沾染, 辣, 當然也是刺激性食物, 但是見自己已很久沒嗜, 還是膽粗粗的去吃, 吃罷, 果然覺得胃部有種難以形容的痛苦, 好像有點虛脫似的.... 不過幸好, 多灌几杯水就能化解... 經此一奕後讓我知道... 其實我不適居住印度....

吃過飯後, 已經有點睡意, 各人同意之下, 各自返歸休息。

Tuesday 12th July 2005 10:45:45 PM
作病[ 2 messages] 
General

屋企歎冷氣, 答車歎冷氣, 番工歎冷氣, 番學歎冷氣, 全日根本都係係冷氣房生活, 都未乎吸過一滴街外面既新鮮空氣... 屋企養左兩隻貓, D大小二便味細菌塵蟎困住曬係間二百零三百尺既屋度, 烏蠅都唔知係邊度捐左几粒, 蚊滋一大堆.... 公司度又多塵...係呢d衛生環境咁惡劣兼且空氣又唔流通既地方都生活, 想唔病都几難! 

Saturday 09th July 2005 12:34:47 AM
觀念錯誤[ 0 messages] 
General

今天碰巧聽到"執著"二字, 她的"執著", 讓我想起了, 其實我也很"執著"於某事。

某事是, 無法改變的事。

我常常如此, 我總喜歡執著於所有無法改變的事情上。

例如, 我會執著在過去做錯了的几件錯事, 然後反反覆覆地責罰自己... 又例如, 我會執著地想回到童年, 夜蘭人靜的時候,  我總特別懷念那張小學雨天操長上的長椅子...還有那個孤獨地吃著麵包的小女孩...我仍然記得, 那只是一片白麵包, 那片白麵包, 是我一生中吃過最美味的食物, 我仍記得那時, 當我喝過彈弓水壼內的水後, 流露出滿足的表情, 為甚麼我現在做不到?

我又在執著了...

我想, 如果我能把這種"無法改變"的執著, 放在大多數"可以改變"的執著上, 我應該會是個成功的人...

「上帝不能造一塊祂搬不動的石頭!」<<這句....妙!

Saturday 09th July 2005 12:12:58 AM
地鐵一日遊[ 0 messages] 
General

超疲累的一天!!!~~/*口*\(<就快死的樣子!!!) 今日起身比平時早左, 但係始終都係遲到左10分鐘~~不過算好0架喇~平時起碼遲30分鐘以上~~我呢d劣根性要改呀~ 由於今日早左番工, 所以理所當然咁早D放工架啦~ LUNCH果陣時去羅番張噴畫, 然後放左工就番去學校交, 呢張係比賽用既作品黎, 主題係超視覺... 我畫左個剩番D內臟既"人", 我其實都唔知呢幅畫畫緊乜, 算啦~ 都畫左咯, 唔通唔交咩? 都唔抱咩期望, 出左力米算lor~~ 講開超視覺, 我發現我對一D錯體空間既慨念好薄弱, 上左咁耐堂, 都仲係掌握唔到固中竅門, 硬係要畫到佢正為止!(但人地之所以叫錯體, 就係要你畫到佢唔正丫嘛~~)唔知係米同我做呢行乜都要準確無誤有關呢? 所以已經習慣左睇..同埋做一D正常既空間同物件... 交完作品之後, 去左旺角, 陪個同事揀生日禮物比佢阿哥, 佢買左個相架, 本來佢想買45蚊果個掛牆相架, 點知遇著個好識得sell野既sales, 卒之45變330! 哈哈!! 揀完禮物就去味千食野, 由於早前已經塞左三個麵包落肚, 所以都無叫乜野食, 淨係食左個蟹籽大蝦沙律同埋鐵板燒元貝, 個鐵板燒元貝好鬼正~! 埋單都唔過100蚊~!

今日萬世巨星果個節目訪問SOLER, 終於解開左我地心目中既一個「謎」~~!!!就係話說我地公司有個女子都係澳門人, 不過落黎香港都好多年, 可能佢自己有時都會唔記得左自己係澳門人既呢個事實都未定, 因為佢落左黎咁耐都未番過一次去, 佢成日將個「襟」制個「襟」字, 講成"鶉"字, 講「求」先個「求」字, 會講成「仇」字, 我地笑佢之餘, 亦都會覺得好奇怪點怪會有D咁奇怪既口音, 今日SOLER講出左毎真相! 原來呢D「鶉」呀「仇」呀, 係澳門人講廣東話既口音! 當堂拍曬手掌笑爆咀! 咁多年既謎終於解開, 相信當時人都會覺得係一種解脫!

Thursday 07th July 2005 02:54:53 AM
討厭自己[ 0 messages] 
General

討厭「討厭自己」的自己。

我是個負面的人, 常被負面情緒困擾, 常會在心底裡萌生出「討厭自己」的念頭, 我知道這樣的自己, 是不會有出色的, 正因為如此, 使我更加的討厭自己。我也知道, 我之所以討厭自己, 其實是源於對其他人的倚賴性, 在不知不覺之間, 我發現我無法擺脫其他人的牽引, 我欺騙了大多數人, 我欺騙了自己...

從明日開始...我想學會欣賞自己...

今天在課堂上看了BBC一齣專題研究達文西一生的節目, 很不錯的節目! 猶其看到那些一閃而過的意大利美少年, 簡直...讓我為之驚嘆!! 完美二字在我腦海中浮現!! 難怪有人說意大利人盛產美男!! (人家在播達文西的一生...我的思想飄到哪裡去了?)

Tuesday 05th July 2005 01:46:55 PM
天朗氣清[ 1 messages] 
General

今日個天都算几清呀, 無乜雲, 好爽! 如果可以楂住架跑車係地平線上飛馳仲爽! 不過係香港都無乜可能可以實現到呢個願望0架喇~ 突然有一股考車牌既慾望... 不過無錢... 唉! 愁! 

剿屎禽日又召我入房, 出糧就出糧啦, 鵝鵝鵝! 好煩! 我知道自己將來想點, 要點去做, 唔駛你教呀, 我無必要同你透露咁多野lor! 九成係覺得我有意辭職, 所以想"chuck"我講野啦!~ 乜野當我係朋友咁同我講! 哈哈! 好好笑! 唔好當我係果D0岩0岩出黎社會做野既小豬先得0架!

Saturday 02nd July 2005 03:33:46 PM
陽光普照[ 0 messages] 
General

一連几日都唔係天陰陰就係落狗屎咁落雨, 好難得今日竟然咁猛太陽, 陽光普照, 熱就係熱左d, 不過心情變得開朗左~ 好耐都無試過好似今日咁咁梳乎, 星期六明明要番工, 因為訓過龍而唔洗番, 下個禮拜又唔駛交功課, 呢兩日終於可以稍為休息一下~ 之不下過, 都仲係唔可以放肆咁去偷懶...因為仲有稿未趕好....

Saturday 02nd July 2005 02:53:50 AM
BBQ[ 0 messages] 
General

今日同個同事同埋個FD一齊入西貢BBQ, 我地醉翁之意不在酒...在乎... 獵艷也! 不過可惜, 大多數都係叔父輩, 唔係咁易埋到堆, 燒左兩粒鐘見飽飽地就拍下個蘿柚走人, 不過都算几開心0架喇~ 燒完野食, 我地三個意猶味盡, 走去唱K, 因為其餘果兩個人都係住係沙田, 見平時佢地都成日讓我係旺角唱K, 所以今次到我就番佢地, 係沙田唱, 但係D器材認真唔掂呀, 把聲唔入咪, 喇叭又賊, D歌又寧舍少喎, 唉~ 下次都係係旺角唱好D喇~~ 唱到一點鐘, 見個FD話攰, 加上聽日自己都要早起身, 所以就埋單走人了。

Monday 27th June 2005 09:18:19 PM
壓力![ 0 messages] 
General

如果香港既樓價唔係咁貴, 我相信呢個社會會和階好多!
係香港生活, 無錢就千其唔好買樓, 千其唔好有車! 唔係命都短几年!
最好係羅公緩, 住公屋, 包你無咁多煩惱!! 香港政府淨係會維護有財有勢既人,
專欺壓升斗市民, D每個月羅成皮几野既公僕, 食飽飯無屎柯, 專捉你呢D處於
水深火熱既人! 區議員只係會幫兩種人, 一種, 係慘到貼地既人, 一種, 係可以
令佢既"豐功偉績"暴光既人, 如果你兩種都唔係, 你搵佢幫你, 多數都係吃閉門羮!
常言道, 笑既時候, 係最靚既, 好耐無見過自己真係笑得靚既樣... 就算我唔係傷
心, 兩條眉都係不知不覺之間,愈黏愈埋, 有時連訓覺, 都係眉頭深鎖... 我發覺
自己遲早會被壓迫得變成畸形怪物, 細心留意, 隔離鄰舍都為維護自己的利益, 而
架起好厚既一道冰牆!  D人話香港人冷漠, 我終於明白點解! 點解會冷漠! 因為我
再係咁樣既話, 我遲早都會變成好似佢地一樣! 我以前曾經暗地裡話比自己聽, 無
論香港變成點, 我都唔會離開! 但係我依家要改變主意, 有路既話, 我一定第一時
間走! 有咁遠, 走咁遠! 我唔想再留戀呢個令人只會感覺到壓力既地方, 我想找尋
生活既其他快樂! 我唔想癲!

Sunday 26th June 2005 02:04:29 PM
禮拜六[ 0 messages] 
General

禽日收工番一番太子, 都無羅到衫, he左一陣就出去旺角join個friend行下街, 雖然我依家住果度都近近地旺角, 但係都好耐無真係行旺角, 最多都係路經此地, 或者因為真係有野要買, 先特登走落去。我地去左好多好有文化既地方, 好似乜野同書既地方都去曬咁, 真係充滿文質賓賓既味道。之後就遊車河, 都唔知去邊度好, 求其去左西環, 千里迢迢去到西環, 都只不過係食左一餐元綠咁大把.... 然之後, 就唔知仲乜, 去左石澳個海灘, 之後就走了。

Saturday 25th June 2005 03:18:04 AM
頭文字D[ 3 messages] 
General

(我以經打左四次呢篇日記, 唔想再打, 拜託你今次乖乖地、生生性性、醒醒定定同我出現!)

(其實我大可以打係note pad度, 但係我唔鐘意)

話說我同事係頭文字D未落實邊月邊號上畫既時候, 佢已經MARK定我要約我去睇頭文字D, 唔知點解, 我一見到周杰倫三個字, 佢個招牌蒙豬眼, 例牌既歌聲, 我就對呢齣戲無乜興趣, 縱使我早前因為睇過2FAST2FURIOUS而對賽車片產生興趣....

不過, 作為一個好同事, 見佢咁盛意權權咁約我去睇, 我都無乜理由拒絕呀, 所以, 唔知點解, 就約左今晚去睇.... 由於旺角太多人, 間間戲院都爆曬, 爆淨一二三行, 到時D車係螢幕度係咁炒埋黎, 未免太過有壓迫感了吧?! 所以都係退而求其次, 我地選擇左黃埔UA, 點解係黃埔UA? 有去過既人都知道, 黃埔UA有几咁淨, 出面D戲院間間爆, 佢可以仲有九成都係吉, 你就知道, 黃埔UA, 確實係--靜! 不過作為消費者, 睇場戲, 全場滿, 都係咁大個螢幕, 兩條友, 又係咁大個螢幕, 咁多錢, 所以無乜所謂, 靜D反而仲好~ 好自然咁, 攞正第I行15、16中間果兩個位, 務求用最佳既觀看位置去得到最佳既視覺享受.

輪到講齣戲, 講真, 我覺得真係無乜點, 只係0岩0岩好合格, 不過不失, 話精彩又未算精彩, 都打左几個喊露, 話悶, 又唔係好悶, 無乜真係好悶既悶場, 真係ok咋lor~ 但係不得不佩服個導演, 真係夠膽死拍齣戲無乜其他景, 淨係得秋明山, 無乜其他故仔, 淨係一味飄移! 仲要拖到差唔多成兩個鐘! 不過呢.... 佢成日用埋d"fit 下fit下"、"閃下閃下"、"停下停下", 表面上係用黎凝造緊張氣氛、所謂既壓迫感, 事實上... 俗d咁講就係揼波鐘! 人家揼你波鐘就係一part一part咁黎揼, 佢揼你波鐘就係一秒一秒咁黎揼, 平常人未必會覺得有問題, 但係我地呢d燥底既, 就會不其然係心裡暗暗鬧:"fit完未呀?! 閃完未呀!? 停完未呀?! 個人好型咁走出黎fit兩下無所謂, zoom近佢塊臉又要fit兩野, 影個背脊, 又要fit兩野! 就連放係路邊果支旗仔, 都要fit下, 仲要同一個唔知做乜既畫面停頓左兩次, 每次為時零點五秒鐘....究竟...做乜即???! 不過, 亦都要講既係, 故仔真係無乜野, 主線情節, 好多卡通片都有類似鋪排, 精彩全部係曬d角色既性格同對白度, 係最吸引人既地方~ 好難想像, 如果無黃秋生、杜汶澤同鍾鎮濤得閒無事攪下笑, 呢齣戲會悶到咩野情度....

P.S. 個死人同事呀, 話我對眼生得似周杰倫(一樣都係一單一雙), 仲話單眼皮靚! 周杰倫全身最衰都係隻眼, 佢竟然話我似佢..... 男仔就話OK者, 我真係唔覺得, 有女仔會覺得有人話佢似周杰倫係讚緊佢LOR.....

Thursday 23rd June 2005 10:54:13 PM
[ 0 messages] 
General

唔知行咩衰運, 呢輪勁黑!! 真係要去車公廟轉下運先得喇!! 我以為間屋漏水麻煩到自己都無乜所謂0者, 竟然漏水漏到出去出面走廊, 仲要浸埋隔離間屋!! 麻煩到自己ok, good聲吞左佢米算lor, 麻煩到人地唔得吖嘛! 容乜易浸爛人地間屋d傢俬, 到時告我都有之! 公司果兩條木契愈黎愈玩野! 好, 我唔同你玩過我唔姓黎!!

Sunday 19th June 2005 11:18:40 PM
[ 0 messages] 
General

今日去左剪頭髮, 嫌high light好似太過惹人注目, 兼唔襯自己既image, 所以都係染番whole head, 果間店認真唔掂! 幫我染深啡色點知深到好似黑色咁! 仲要番染, 染左兩次, 都攪唔掂, 都係烏卒卒, 我都費事再攪佢喇, 個頭好傷...

之後個師傅幫我修下個頭, 一樣係唔掂! 好似D低能B, 載番眼鏡之後, 就好似不淪不類既C9...

唉! 心情突然好DOWN!

晚上, 同個FRIEND去左打羽毛球, 我地仲特登去D體育用品專門店度, 買左個價值兩舊水既球拍, 對於我呢挺唔多掂運動既人, 兩舊水都几貴下, 不過玩完一輪出左成身汗, 好似個人都輕左D咁~ 番到屋企, 仲煮左餐好健康既餸, 聽日可以BRING番公司食~

Saturday 18th June 2005 12:22:03 AM
四眼龜再現江胡[ 0 messages] 
General

今晚D時間好似過得特別慢咁, 一晚裡面做左好多好多野! 最重要係羅番副眼鏡

Thursday 16th June 2005 02:21:04 AM
徘徊在留底與離去之間[ 0 messages] 
General

每天上班第一件想到的事, 就是辭職, 嗯, 我對現在做的這份工已徹底地感到生厭與及絕望, 我知道我就算在這種公司裡再呆多十年, 都不會有甚麼得著! 我希望我的工作能夠充份地發揮我所長, 而不是機械人般重複又重複一些類似的作業。我仍然有所忌諱的, 是我的學業, 這是我仍然待在這裡的原因, 我怕萬一我辭了職一時找不到別的工作, 會重蹈當年的覆轍... 當年我尚有一點青春可以花得起, 但如今我不能夠再因為金錢問題而放棄學業! 我不想再成為沒用的人...雖然學成歸來也未必有用, 但至少有一個證明, 證明自己曾經努力過。

0.418067932129
General(65)

又憤怒.又開心陽光普照BBQ