唉, 思想又再次陷入個死胡同度, 煩惱一d永遠都煩唔完既問題上, 似乎, 我真要好好學習一下正面咁諗野。
今日終於請左長假, 可以痛痛快快咁玩, 盡情地休息, 真係爽~~! 希望假期之後, 再轉換下新環境, 到時會有一種新既心情去面對正在處於既煩惱啦~
覺得依家自己既思想就好似生滿左雜草既植物, 唔係想搵野去填塞生活, 反而係好像從忙碌既生活入面抽走一d多餘既部份.......等自己既思維可以清析d, 我就係覺得自己依家既思維好混亂。
今日放左工就同d舊同學舊朋友食飯, 太耐無見, 好似層隔膜咁, 不過朋友呢d野, 順其自然啦, 我唔會望我地會好似以前咁咁好, 至少仲可以繼續保持聯絡, 久唔久食餐飯, 就算lor, 反正, 朋友就係咁, 有聚有散0架啦。
p.s. 差d唔記得講, 今日係公司打左個電話上電台玩遊戲, 好緊張! 如果贏左可以得到張去悉尼既機票, 我諗就算贏左都未必會去lor.... 無錢, 去到都要駛錢0架~~