« October 2019 »
MoTuWeThFrSaSu
 123456
78910111213
14151617181920
21222324252627
28293031 
Sunday 18th February 2007 10:28:55 PM
又搬啦[ 0 messages] 
General

又搬家啦,

只要到fotop頁首click一下下面既logo就去到架啦!

Saturday 17th February 2007 01:33:58 PM
多謝[ 0 messages] 
General

昨日幫媽媽大掃除,

當然做我最"拿手"既家務——抹窗hehe

因為之前太多有關抹窗失足跌落街既新聞啦,

所以我一直抹窗時,媽咪就在後面監督住我,

起碼有咩事上來有個照應。

在我抹窗既時候,

跟媽媽說了很多心底話,

好多謝媽咪既提醒,

也多謝她對我的稱讚,

原來我差點遺忘自己曾說過既話,遺忘自己的心。

時間越長,

發現更多,

驗証更多,

想法更深,

如能過關,

一切美好。

Friday 16th February 2007 10:36:25 PM
選擇[ 0 messages] 
General

William Glasser's Reality Therapy
強調人對自己的行為和所導致的結果負責。
其實自己的執迷及不快,
一直都是自己所選擇的後果。
在工作上的不滿,
也是自己執迷上的藉口。

學習如何處理學生的問題之餘,
還能將理論用在自己身上,
是一舉兩得?
還是很可笑呢?

Wednesday 14th February 2007 09:46:53 AM
情人節前夕[ 0 messages] 
General

情人節前夕的Time Square,
佈滿趕著買情人節禮物的男女,
特別是CitySuper裡一間專買擺設、禮物包裝的鋪頭,
看著好多女仔搶攻心型禮物盒,
男仔就手執好多粉紅色絲帶及禮物包裝紙,
全部堆在cashier等俾錢,
場面都好可觀!
我本來路經想入去睇下d精品,
但最後都係比人迫返出來.....

另一個多人聚集既地方,
就係CitySuper supermarket擺放朱古力既貨架,
又係有好多男女在研究買邊隻朱古力,
在這樣的氣氛下我也沒有執輸,
唔知隻朱古力好唔好味呢?

Tuesday 13th February 2007 01:03:44 AM
金鳳餐廳[ 0 messages] 
General

今日去左荔枝角道的金鳳餐廳据扒,
未行到去門口已見到好多人係度等位,
幸好好快就有位,
我叫左個T骨牛扒,
除左大塊外d肉仲好淋又夠嫩,
果然係名不虛傳。

Sunday 11th February 2007 12:58:57 PM
放假[ 0 messages] 
General

終於放假啦,
不用再困在一個焗促納悶的環境,
也不用做一些自己不享受的事情,
心情即刻唔同晒,
起碼睡得熟一點,
笑容都多一點。

心態有如此的改變,
大家驚訝嗎?

Sunday 11th February 2007 01:36:19 AM
Madonna[ 0 messages] 
General

其實我唔係特別喜歡Madonna,

但佢能一直保持住一姐地位,

我相信佢一定有令人迷戀既地方。

The Confessions Tour DVD

睇下會唔會令我著迷先!

Thursday 08th February 2007 01:27:34 AM
前程[ 0 messages] 
General

懶左成個星期,

今日終於"的"起心肝睇下幾間大學主修中文既碩士課程,

唔係工作上既需要,

真係唔想讀language,

亦唔想唔停咁讀書。

想完進修,

亦要計劃下自已既前程,

究竟係咪決定定位?

還是要做被人辭退既預備功夫?

係咪在一個不健康既心態下繼續工作?

睇來依個假期,

我都要好好想出一個決定!

Tuesday 06th February 2007 12:18:17 AM
早來的朱古力 [ 0 messages] 
General

打開家門,

見到親身送來既朱古力。

見你一身朱古力痕跡,

知你做得好辛苦呢!

雖然朱古力外形好有趣,

但味道卻一點也不苦澀,

越吃越甜.....

Monday 05th February 2007 12:10:27 AM
香水[ 0 messages] 
General

今日睇埋《香水》,
終於將上一輪想睇既戲全部睇晒啦!

戲中主角迷戀各種「氣味」,
追求保存氣味既方法,
到最終執迷地要整造全世界獨一無二既香水,
當願望達成後才發覺自己要尋求的是愛人與被愛,
導演絕對能將主角對氣味既偏執表達得淋漓盡致,
也能夠將「嗅覺」(氣味)具體地用「視覺」(電影)帶出來。

主角追隨他愛既氣味遇上他的初戀,
到最後氣味喚醒了他所欠缺既就是愛,
從沒想過氣味對人來說是那麼重要,
細想一層,
我也喜愛身邊既人某種氣味,
這種氣味也能讓我感受到那人既溫暖。

其實好多時眾人認為「好看」既電影,
往往就是導演能成功地將「愛」表達出來,
雖然現今既人每日都為追求名利、地位、財富而奮鬥著,
但我相信每個人既內心深處,
還是希望能好好愛人,
也能好好被人愛著吧!

Sunday 04th February 2007 03:04:24 PM
主動出擊[ 0 messages] 
General

一直被動既我,
不知是否受到holiday mood的影響,
也耐不住來一趟主動出擊!!

週五走堂
先約預科同學食飯,
談談大家工作近況,
報告最新戀情發展,
還談到一個新話題——參加別人婚禮時既趣事。
週六去學整蛋糕,
眾所周知我既烹調技術有幾「高」,
但幸好我都唔係最「手忙腳亂」既一個,
無嚇壞身旁既partner,
但整過兩次cakes,
下次想整另一類美食,
挑戰下高難度。
週日約左一個best friend,
去睇戲食飯,
繼續聯誼一番!

Wednesday 31st January 2007 12:31:27 AM
[ 0 messages] 
General

今日行經Sogo旭屋書店,
見到《太陽之歌》女角YUI主唱的多首該電影音樂的樂譜,
忍不住買了一本,
雖然睇左依套戲都有兩三個星期,
但對依套戲的主題曲仍好深印象,
可能依首歌打動到我吧!

跟住又見到一本好得意的Kitty書,
睇多兩睇又將佢買埋,
返到屋企先發現本書寫左適合2-4歲小朋友睇haha...
唔緊要啦,
買完之後個人開心就得啦!

Sunday 28th January 2007 10:52:56 PM
加油[ 0 messages] 
General

以為忙完依個月,可以抖返一排添...
明日開始下學期啦,又係忙碌既開始,
大量既上學期完結報告同下學期計劃書要做,
希望快d可以完成!

昨日終於睇左《血鑽》,
比我想像中好看。
依期好多電影都想睇,
但有無時間睇呢?!
比起電影,
我更想同d朋友仔聚會,

hAy幾時得閒打邊爐?
BHJS幾時又可一大班人聚首一堂?

最近見你為實習埋首苦幹,
希望你能好好加油!
你充足既準備及之前既試教經驗,
我相信後日既睇堂實能順利過關!

Saturday 27th January 2007 01:40:31 AM
看透....[ 0 messages] 
General

依兩個星期,
又再令我睇清楚身邊既人和事,
他們講過既說話,
他們既沉默,
我一定唔會忘記,
因為咁先能提醒自己任何事情下都要自強!

今日難得早放半天,
又去小肥羊食任點任食下午茶,
第一次見到兩位猛男既食量真係好驚人,
我亦都未試過一次過叫成三四十碟點心,
今餐大開眼界之餘亦食得好抵!


終於儲齊kitty祈福系列,
真係好艱難先儲得齊,
依家新一套都順其自然算啦,
因為實在出得太密,
勞民傷財......

Wednesday 24th January 2007 11:09:13 PM
交代[ 0 messages] 
General

我算是完美主義者嗎?

對於大事,我好多時都盡力而為,順其自然,有時甚至得過且過。
但對於微不足道既事,我絕不容許自己出錯外,我亦有一定既要求及目標。

有人話我應該係一個奇怪既人,因為對一些係人都會緊張既事又唔緊,但對一些小事就好緊張,睇得好重。
突然想起院長.......(唔係似佢嗎?!?!)

其實,說都底,我都覺得係自己執著,尤其是係有野激發起我既時候,我想做到既,係120分既表現。

明天,我就要做到120分既表現,我要為我講過既說話,也為我當初「自以為為人切想既做法」有個交代。


努力!

Monday 22nd January 2007 01:22:17 AM
多謝[ 0 messages] 
General

為左工作而放假都唔出街,

一直都唔係我風格,

但最近既工作實在太多太多啦,

所以一定要在家閉關完成工作,

幸好今日完成到一大半工作,

都無白費到我付出既假期。

最可惜既係你難得週日放假,

我都唔可以同你出去行下,

真係唔好意思,

多謝你既體諒。

Sunday 21st January 2007 02:54:56 AM
[ 0 messages] 
General

今日將自己困在圖書館四小時,
用高速消滅左幾份試卷,
當中仲有我最憎改既作文卷,
改完好開心!
我諗如果我留0係屋企改,
可能改八個鐘先改得完呢!

改完去左大吃一頓,
兼且仲打左一大輪機,
用慳返來既時間去左娛樂一番,
叉足電再繼續開工,
做起野上來都特別快手!

7仔又有新一輪kitty襟章換,
之前既新年特別版我都未換過就又出新野.......
出得咁密真係太狼死,
根本好難追得切......

日本又有新kitty系列,
依個將其他出名公仔crossover既系列實在好掂!
但凡依d特別系列香港sanrio一定唔會入貨,
可惜,可惜!

Saturday 20th January 2007 02:03:33 AM
連鎖反應[ 0 messages] 
General

一個活動,
引發的
竟是連鎖反應。

每天,
腦海裡重重覆覆一連串的問題,
自以為解了一個又一個既結,
倒頭來我是在自己身上打結。

每個結既背後,
係一個又一個好現實既問題,
亦係一個又一個我想避開既問題......
同時亦反映住我既前路去向。


我只希望
連鎖反應下
出現

連鎖答案。

Saturday 20th January 2007 12:54:37 AM
山水有相逢[ 0 messages] 
General

18/1/2007

一句「山水有相逢。」
哭滿淚痕的臉始露出笑容。

雖然,唔知要等到幾時先會應驗,
但係只要我記住參加既目的就可以了,
就如同當初選擇以沉默既態度去面對一切一樣,
我清楚自己既原因就可以了。

Tuesday 16th January 2007 01:23:11 AM
太陽之歌[ 0 messages] 
General

突如其來的優先場戲票,
晚上走去睇《太陽之歌》。

看到海報上的介紹,
自然想起前年的電影《向世界中心呼喚愛》,
一套我好喜歡的電影,
喜歡佢既故事,
喜歡電影既女角柴崎幸。

今次依套《太陽之歌》,
雖然不及《向世界中心呼喚愛》,
但戲中既唱作女新人YUI的歌聲,
非常吸引,
至少,
在歸家既路途中,
我既腦海裡,
還清楚地留下佢唱既電影主題曲《Goodbye Days》

http://www.youtube.com/watch?v=sxzNhPiyTOc&mode=related&search=

Monday 15th January 2007 01:26:24 AM
一樣米養百樣人[ 0 messages] 
General

最近,腦同口中不停出現既都係有關學校既人和事,
當中涉及既有不同既人格、行為、本性。

「一樣米養百樣人」依個道理我好耐之前已經明白,
但係對於一個人既行為反應所反映佢既人的本質,
我還是好執迷地去想......

想到,以為自己睇化,
想到,以為自己失去知覺,
想到,以為自己變得無情。

但係,原來自己還是會大動肝火,
還是會忿忿不平,
還是會避而不想,

只是間中

能一笑置之吧!

「江山易改,品性難移。」
可能,這是我既性格,難以改變。

或者,
再碰多幾次更差既事,
待我人生經驗更多既時候,
我既執迷就會下降吧!

Saturday 13th January 2007 01:00:28 PM
電影[ 0 messages] 
General

《Babel》 &《 Blood Diamond》終於上啦,依兩套電影都係我喜愛既題材,好期待!

Wednesday 10th January 2007 01:01:14 AM
[ 0 messages] 
General

學期尾,
係工作的高峰期。

每天密密手去做,
但仍然有一堆工作等住我。

還有一個月......


是我太仁慈,
還是我太坦白?!
是因為我當黑,
還是命運對我的考驗?!


只有

出現問題嗎?

Saturday 06th January 2007 09:55:03 PM
月映寒松[ 0 messages] 
General

昨晚去睇祖堯新上既drama,
原來依一年來佢做既drama我都有去捧場,
我已做左佢既fans..haha
今次既drama係一個全新嘗試——
日本能劇模式+中國戲曲手法+鬼魅故事,
所以新鮮感十足,
但可能亦都係依種「非傳統」既演繹手法,
所以就有悶場。
但我都係第一次睇drama睇到驚發惡夢,
因為有幾個情節確實幾恐怖,
音響及演員都應記一功!

一直以來祖堯既drama都差不多full house,
今晚出奇地中間靚位飛全空,
但側面、最前最後既座位就full晒,
原來佢地因為城市電腦售票網的職員疏忽,
所以令依d靚位飛block晒,
好可憐呢!
希望之前買唔到飛既人知依個消息後會去買返飛睇!

今晚,「珍寶獎」終於揭曉,
surprised!!!
多謝~~~~~

Friday 05th January 2007 01:17:12 AM
陷阱[ 0 messages] 
General

中午的一些小爭論,
又讓我陷入矛盾之中。
但今次的矛盾背後,
帶有點點不服。

所謂「解決方法」,
又會衍生另一問題,
問題又會顯出老師的不能,
因此,問題由始之終都無解決。

算吧!
做好本份,
免墜入陷阱。

Wednesday 03rd January 2007 07:57:28 PM
新一年 第一天 上班[ 0 messages] 
General

昨晚,
假期後遺症,
半夜三點幾,
都未有睡意。

最後,
要迫自已訓,
(好可憐,睡覺應該係享受!)
結果訓左兩小時,
又起身返工啦。

雖然只睡了兩小時,
但一點也不累,
可能想起有好多好多工作要做,
所以咩睡意都無晒。

這冷淡的對話,
不錯吧!
沒有觸動各自的情感,
沒有引起無謂的哀恨,
但願大家都能維持這樣的關係。

Tuesday 02nd January 2007 03:17:03 AM
元旦夜[ 0 messages] 
General

元旦日的晚上,
我同家人去左燒烤。

在我地左右兩旁的都是圍數有約廿人的家庭組織,
他們同樣地都是舉行BBQ派對,
同樣地喝著紅酒,
同樣地燒著鱸魚、紅衫魚,
夾在中間的我們,
顯得更人丁單薄,
但我地既心情比平日更輕鬆自在,
可能今晚既天氣好清爽,
加上環境好舒服又優美吧!
所以我同妹妹既食量超出平日既兩三倍外,
媽咪爸爸更在燒烤途中睡著了。

突然想起06年元旦夜都是燒烤渡過,
但就係圍數十多個既中學同學,
唔知幾時我地又有相聚既機會?
期待在來緊既農曆年假可以一聚吧!

Monday 01st January 2007 04:11:12 AM
平安 倒數[ 0 messages] 
General

06年最後一天,
去左一直想去的屯門市廣場Kitty展,
沒有特別的驚喜吧!
在香港舉行的kitty展覽都沒有太大的變化呢....好可惜。

襯有點空檔,去左看《傷城》,
可能好耐無看金城武既戲,
所以覺得有點新鮮感,
且覺得佢比以前更有味道。

晚上幾個人一齊燒野食,
講下食下咁就過左十二點,
雖然唔係好熱鬧,
但我反而喜歡簡簡單單地過。

Sunday 31st December 2006 03:25:34 AM
孤星淚[ 0 messages] 
General

今日一時興起,
在姐夫的帶頭下,
入左要西貢食lunch+遊車河,
當然旅途中仍係笑料百出,
我地亦發現西貢唔太岩我地—家人住,
因為我地既嬉笑聲絕對會破壞左西貢咁寧靜既環境。hehe

晚上看了中英劇團的《孤星淚》,
一開始見到做成三小時都怕會悶,
但幸好整套劇好流暢,
加上部份以喜劇手法去演繹悲慘的故事,
所以都幾好睇。

我最欣賞的是演員除了要演出,
還要輪流充任現場樂師,
站在台前時就演戲,
回到台後時就奏樂,
個個都能演能奏。

Friday 29th December 2006 01:59:30 AM
[ 0 messages] 
General

一早"的"起心肝,

返左大埔教院搵資料做功課及出卷,

d資料都搵得七七八八  ^0^

今日從網上得知朋友仔過左個好平安、開心既聖誕,

仲夾到隻$2 kitty公仔,

真替她高興,

但可惜睇唔到d相,

遲d問妳睇返!

Thursday 28th December 2006 07:40:09 PM
地震 前後[ 0 messages] 
General

1226

台灣發生地震,

當晚我正同家人在家中吃晚飯,

當我們邊吃飯邊看電視之際,

我們感覺到張飯桌在搖晃,

還我到吊燈上懸掛的聖誕飾物在左右搖擺,

接著,

門外走廊傳來嘈吵的聲音,

原來鄰人們都因受驚而跑出家門外並紛紛議論一番,

結果,

鄰人們都決定走到家樓下,

只剩下我家。

 

其實我們都很害怕,

我妹妹更因此食唔落飯,(即使有佢最愛喜的雞翼)

但我們覺得走到家樓下也不見得安全吧!

所以最終都留在家中。

 

還記得南亞海嘯都是在1226發生,

兩年後的今天,

又有天災發生,

不禁覺得有點可悲,

難道天喜歡作弄人嗎?

 

地震造成本港網絡連線受到影響,

我家的電腦也只能瀏覽yahoo首頁  haha

本來我計劃了的工作(出卷和完成教院功課)也不能如期完成,

只怪放假前我無好好努力吧!

Tuesday 26th December 2006 08:33:06 PM
聖誕假日[ 0 messages] 
General

放假前十分忙,
一放假又走左去大陸玩,
所以都無時間寫日誌,
但依幾日都有d好開心既事想記下來:

22/12
今日有2個party,
一個就係學校小三班既班會,
今年我整左咖哩魚蛋俾佢地食,
依班學生一開頭就不停食,
但好快就停晒手,
跟住又周圍跑(全班既特性),
跑埋去隔離班添!
好彩食物剛剛夠,
唔會造成浪費食物。

晚上我家就有造冬party,
我地亦同過往一樣帶左份禮物來做大抽獎。
媽咪準備既R菜以中式為主,
當然又食到我地Lam Lam c!
而我今年抽到細佬份禮物 —— 一大袋零食
但入面有好多野都是我細妹鐘意食既haha~~

23/12
一早起身就坐直通車去番禺,
今次雖然跟團去,
但最主要既目標係去長隆香江動物園同睇佢既國際級大馬戲,
果然兩樣野都無令我失望,
特別是馬戲表演,
比國外既一點都不遜色,
有部份表演更令人睇到目定口呆。

24/12
今日就去左中山玩,
雖然今日無乜特別有特色既景點,
但整日都好遊閒、舒服,
至於晚上特別安排的聖誕show,
只想講:哈哈!

25/12
下午自己出返去澳門玩,
第一次去漁人碼頭,
我覺得「只可遠觀,不可近看之」。
重臨旅遊塔,
又有新既主題展覽,
唔怪得去咁多次都咁多人,又唔厭。
晚上的葡國餐,
如同Haagen daza一樣,
有著那情意結吧!

Friday 22nd December 2006 01:11:15 AM
舒一口氣[ 0 messages] 
General

依兩個星期都十個忙,
一個人去面對工作真的不容易,
但所學的比從前更多,
我仍會堅持著,
我相信只要有心去幹,無困難是解不開的。


今天聽到同事的小讚賞,
即時舒一口氣。
我知道要控制他們的表現是好困難,
更何況要改善他們的態度,
但從以前的經驗,我總算掌握了小技巧,
我會嘗試去做好,
因為
下學期
還有更精彩的事等著他們!

晚上去左教協掃左一大堆聖誕禮物,
準備在明日的班會party上搞大抽獎!
點知又俾我見到我的至愛啦,
佢每年只在12月至2月先有得賣,
我當然唔放過啦!
跟住約左詩詩食飯^0^
我們去左試旺角的北海道活壽司,
價錢ok之餘(平過元綠)食物又美味,
遲d我實會再去呢!

今晚俾人話做左隻「開籠雀」,
我都唔察覺自己開心時就有依個表現添hehe!

Tuesday 19th December 2006 12:31:13 AM
洗腦[ 0 messages] 
General

隨著天氣越冷,

心都越冷,

連表情都僵硬。

 

固執?

要求高?

偏見?

逃避?

壓力?

 

怎樣也好,

反正入左腦,

揮之不去。

 

只想快點過埋依幾天,

我真的需要休息,

我要洗腦!

Monday 18th December 2006 12:52:28 AM
滿足[ 0 messages] 
General

今日同家人飲下午茶,
原來小肥羊在2-4p.m.出左個任叫任食既下午茶時段,
加埋一都每人只需$50,
d點心都唔馬虎架(但我媽咪就話銅鑼灣分店既點心比旺角既好味同多款式好多),
所以我地都食得好飽。
跟住我又繼續四處張羅我既聖誕禮物,
由旺角行到去又一城,
終於俾我找到一份合心意既聖誕禮物,
睇下今週五晚既party上邊個抽度先hehe

晚上,心血來潮,
將去年既聖誕裝飾品全部找出來,
並將客廳佈置一番,
佈置完後,覺得好滿足^o^

Sunday 17th December 2006 12:29:59 AM
冷效應[ 0 messages] 
General

天氣冷了,
胃口大增。

依6天裡,
我吃了一次buffet + 打了2次邊爐,
今晚亦吃了兩大隻牛油雞翼 + 一個羊腩煲....
或許我想用最天然既東西(脂肪)去保暖吧!

今日下午隨意在街上行逛,
竟遇到兩份合心意既聖經禮物,
希望他們都喜歡呢!
我都買左一份聖誕禮物俾自己,
就係上年己經睇中但唔捨得買既briker款式既外套,
好彩今個月提早出糧,
假期唔駛節衣縮食。

知道你為了兼顧工作及進修既功課,
壓力好大之外,亦無乜時間休息,
只希望你都要小心身子,
繼續好好加油!
挨過今次之後,將來就更得心應手!

Friday 15th December 2006 01:10:16 AM
冷 感[ 1 messages] 
General

每天返工都係去清d工作,
清極m清唔完......
仲有一星期放假啦,
點算?


經過今天放學既面談,
我先知道較是前申請既project係咁大型的,

既要做學校同校外團體既溝通橋樑,
又要動用咁大量既老師幫手參與,
真係唔擔心就假啦!
尤其係後者,
邊有人會聽我講?haha


怎樣也好,
我已經不再怕這些挑戰,
因為,
更難挨的,
我也遇過。


想著寫著,
原來
有些原因
已經改變。

Wednesday 13th December 2006 10:38:25 PM
人冷亦懶[ 0 messages] 
General

天氣冷了,人也懶了。
上網,都覺得煩,
只想,睡覺。

工作上,
有幾件大事要去完成,
但總係力不從心,
只好訂下死線。

要用行動

去證明一切。


今天沒有嬲怒,
只知再看清楚一點事實,
也知道,有時要恨心一點吧!

Monday 11th December 2006 01:00:35 AM
寒風起 打邊爐[ 0 messages] 
General

一包小肥羊湯料,
促成今晚即興去家姐家打邊爐。

當一切都準備就緒既時候,
點知個電池爐又出「古惑」招數,
滾下又停下.....
依個電池爐買左3年,
用過4次,
次次都係咁....
結果,
我地開多個爐——煤氣爐,
兩邊一齊來,
先完成今晚餐飯。

明晚既大餐,
經過依幾日既熱身,
我諗可以回復以往最勁既記錄。

明天再分享戰果!

Sunday 10th December 2006 01:11:44 AM
全面 改變[ 0 messages] 
General

最近,在工作時,對人處事的態度上,有明顯的改變。

自己都有點驚訝這個轉變(算是進步嗎?),
但想深一層,
我己經工作第四年了,
在角色、態度、思想上既改變,
是很自然的事吧!
加上自己的怪誕思維(別人也這樣說!),
又成日碰釘,
我想改變,是必然的!

我只希望這個改變,能更全面.....


今天跟好友通電,
得知她在籌備明年婚禮既過程順利,
也替她開心!

今日有幸看到莎莎在地鐵中既Kitty產品廣告板,
想起週四詩詩的電話,
仍然覺得好攪笑,
詩詩,妳仍是那麼可愛^0^

Thursday 07th December 2006 11:48:34 PM
炎熱的12月[ 0 messages] 
General

依個星期既下午
都熱得好利害呢
仲以為夏天還未過

始終寒風配上聖誕節
才能讓聖誕更添氣氛
希望天氣快點轉涼呢!

Monday 04th December 2006 06:49:46 PM
告一段落[ 0 messages] 
General

終於

告一段落....

返埋今日學,

週一暫時唔駛返學!

週一依個老師實在太悶太"hea"啦,

真係頂唔順!

其實,

今年依個120小時既part time,

真的是好好的熱身,

讓我好好想清楚明年繼續讀書既事。

Monday 04th December 2006 02:32:42 AM
[ 0 messages] 
General

由下午一時至晚上九時。

由第一張至第一百六十張。

由理工到尖東海旁到海港城門口。

 

除去旅行外,都未試過一日內影咁多相,

恭喜Jerry畢業,

好開心有朋友同我同一屆畢業,

多謝Vic的花,

唔刻晒Mike同我咱爬角曈央A

多謝張明百忙中抽時間來。

 

還有在遠方的hAy

同唔到妳影畢業相十分可惜,

希望妳一返來快d同我食飯行街補數^0^

 

 

今晚再收到好友喜訊,

依一個月內收到第三單啦,

全部都是好closed的朋友呢!

其中仲有邀請我做伴娘

雖然以前做過,但我都好緊張,hehe

再一次恭喜妳地!

Sunday 03rd December 2006 12:36:04 AM
CHristmas is COMing[ 0 messages] 
General

走到街上,看見四周都係以聖經為主題的裝飾,真係好開心,因為我最鐘意既節日又來啦!!!!!

今年好多商場都落重本去佈置,仲有地方以kitty為主題添,聽聞都幾靚,好想快d去.......

Saturday 02nd December 2006 12:11:15 AM
[ 0 messages] 
General

十分疲累~~~~

今日本來有3堂空堂,但因要代堂,加上要補返之前帶隊而無上既堂,所以今日連上7堂,放學還有個全體教師必要出席既分享會,真的差點頂唔住。

放工在apm偶然遇到Kenix在開show,聽左一陣,佢第一首既開聲歌竟是jay的「菊花台」,加上第一次見佢彈結他,都幾驚喜呢!

**如看不到之前的日誌,可先click左方啡色字體「無分類」一下。

 

 

 

Thursday 30th November 2006 11:52:30 PM
[ 0 messages] 
General

睡到半夜,媽媽從後攬著我,問我有甚麼心事。

我沒有說甚麼,我甚麼都不想再想。

 

起床時,媽媽摸著我的臉,再問我有甚麼心事。

我仍是沒有說甚麼,回答這問題實在太費力了。

 

回校,帶學生去參加朗誦比賽。

練了兩個月,最想是看見他們有盡全力去做好表現,

結果,他們沒有讓我失望,

可惜,偷唔到時間帶他們去吃東西,來獎勵他們。

 

放學前,與她狹路相逢,竟對我「秒」嘴,

都唔明關佢鬼事,

更唔明點解一個人的影響力可以咁大。

 

放學,去左萬寧,

如超人所講真係有好多kitty產品,

忍痛只揀了其中三款。

 

跟住去左Pokka Cafe食左個tea set

唔好味又貴,

但志不在此,

所以無所謂。

Wednesday 29th November 2006 02:28:51 AM
遇上塔羅牌殺手[ 0 messages] 
General

今晚看了《遇上塔羅牌殺手》。

看戲名似是一套懸疑驚慄片,但其實是喜劇成份具多,因為戲中有很多帶有嘲諷意味的精彩對白,加上Woody Allen的傻奸奸表情,雙映成趣。

故事其實好普通,但勝在每個角色性格獨特又能互相擦出火花,且節奏明快,所以唔會悶。

我最討厭的是戲中的配樂差不多全是classical music

我想是個人的偏好吧,我較喜歡一套電影、drama會用不同風格的配樂(classicaljazzrockmoderned),有度身訂造的音樂就更好。

我不反對用classical music,但都唔好全部都用最大路的作品呢,戲中有多首巧合地在我最近聽的古典音樂演奏會出現過。

我覺得最有趣的部份是「投胎船」——由死神駕駛著的,載著剛去世的人去投胎的船,總覺得這個情節不會在西片出現。另外,看著戲中的Scarlett Johansson & Hugh Jackman,讓我不停想著他們都有份既《The Prestige》的情節,腦海片段遊走兩戲之間,感覺都幾得意。

Tuesday 28th November 2006 12:06:51 AM
[ 2 messages] 
General

病了已經一個星期了,

還未完全康復,

一回到心光,

偏頭痛、胃痛就來,

好討厭!!!

是學校多病菌,

還是另有原因?

放學後發生件好討厭的事,

我竟在她面前大頭蝦!

抵打!!!!

我講過我既失誤率要去到零,

特別在他們面前!

我既固執又來啦…..

在教院混亂的措施下,

下年度既兩個單元都被安排在週五上堂,

都算是件喜事,

但我既「宿命」,

睇來難逃一轉的命運。

 

 

 

Sunday 26th November 2006 05:03:42 PM
藥到病除[ 0 messages] 
General

經過加油充氣

我的病好得多了

真的不得不承認

今次既病真係因心結而起

還有四週才放假呢

好好加油!!

 

 

Thursday 23rd November 2006 11:17:16 PM
漏氣氣球[ 1 messages] 
General

「妳最近好似漏左氣既氣球咁......」

 

漏左氣既氣球嗎

係咪就係無哩朝氣、無哩語氣、無哩表情?!

可能真係啦!

 

但對於個「錯」字,

還能用堅決既語氣say No!!

可能,

內心既我對依個字已經極度厭惡。

 

知道超人最近為了card reader及學琴既事煩惱著,

我都無乜點同佢傾下,開解下佢添……

錢財身外物,唔好為了一個學生而咁勞氣,唔值!

學琴方面,多多加油吧!只要有興趣,我相信你實能做得好的!但記住唔好心急呢!

Tuesday 21st November 2006 08:20:56 PM
打敗仗[ 2 messages] 
General

好難過呀!

 

早上乘車時,腳軟、頭痛、胃痛、眼前曾有一白。猶疑之際,都係回校先算。

放學去睇醫生,雨好大,家樓下條斜坡好似缺堤咁,只是3分鐘既路程,我半身已經濕晒。

 

睇完醫生先知原來發燒,仲有喉嚨又發炎,十個討厭!!!!

 

我依家只想快點好返,因為今週四同週五都要帶outing 呢!

 

410日出生的人會真心熱愛他們的職業,再加上喜歡獨立的特性,所以,要他們過正常的家庭生活,可能是件很不容易的事。矛盾的是,他們又很需要安定感,非常依賴善解人意的伴侶或朋友,希望隨時都有人相伴左右。或許更正確的說法是,他們需要的兩性關係是屬於比較非傳統形式的,具備了足夠的愛,卻又不會彼此約束。

 

像我嗎?hehe

我倒覺得說出了自己的心底話。

Monday 20th November 2006 10:49:24 PM
舌頭如火[ 0 messages] 
General

學校依個月既早會講題就是「舌頭如火」。

每次聽到講員講依個題目,我都百感交集。

「對」?「錯」?問題已經唔再係咁簡單啦,但事實係點,我都唔想再講,亦都唔想再想,我已經想得透了。

…… 同學,你地講野前要好好想清楚,如果唔係會傷害人架。….

聽後,眼淚禁不住流下來。

淚來自心痛也好,來自不服氣也好,我知,極限已到,係時候要鐵石心腸。

不能再影響大家既心情。

踏入繁忙既兩個月,

要做既事多得很呢,

不能再亂花自已既精神、氣力了。

Monday 20th November 2006 02:27:01 AM
死纏爛打[ 0 messages] 
General

今早雖然起左身,但昨晚既夢仍在眼前,究竟自己係咪真係「醒」左呢?!

回校既路上,那個夢仍纏繞著我,心情真的糟得很,因此買左本最八既週刊來分散下注意力, 但結果,情況比今早還要糟......

家長日開始前既一小時,夢仍在腦海裡盤旋,我不斷催促自己要收拾心情,但身處既環境太難令我可回復心情。幸好,見完一個又—個既家長後,我既「外在」表現還算過了骨。

回家既路上,夢又再重來,直至一碗熱呼呼既香芋西米露既出現,暫時解開了我的夢。

夢會否重來,我還未知道。

我只知道,好完又破既傷口,為我帶來了新既目標吧!

Sunday 19th November 2006 02:39:14 AM
[ 0 messages] 
General

昨晚看到的一句,

成為我昨晚的「美夢」。

夢中既情景,

有朝一日會發生嗎?

我何時會有撐不住的一天?

Saturday 18th November 2006 04:25:25 AM
沖喜[ 0 messages] 
General

依兩個星期,思想錯亂。

病徵:沉默、離群、心痛、不停工作。

病因,到現在,還是不明。

只知今天行過畢業禮後,腦內那縱橫交錯既思路,突然回復正常。

難道這是老人家所講既「沖喜」?!

Saturday 18th November 2006 03:56:54 AM
第一次 上場[ 2 messages] 
General

新blog..終於面世。

放低yahoo blog,真的有點不捨,畢竟,那裡留下了不少我既心誌。

但是,當你知道,自己既blog是唔知幾多個不知名人仕茶餘飯後既話題;

當你寫blog時每句要左度右度一輪,心驚膽跳怕又俾人誤會,又俾人定罪一輪;

當想講自己既說話,但又欲言又止時,講得唔爽時;

咁我就下定決心要搬家啦!

雖然這裡好難用到我既kitty底紙,

但是好容易放到好多相,

好多野,都有得必有失的,

正如,早一輪叮左一聲,對於「十月抗戰」訂下了個新目標,

心,真的舒服了很多,

換來的,是一個人吧,

或許

你們覺得我在逃避,

但是

衝量過兩面既後果,

我最終都是做了這個選擇。

不錯吧!

切合我既性格

haha

0.324580907822
General(56)

情人節前夕前程香水書加油多謝讚太陽之歌電影月映寒松陷阱舒一口氣感遇上塔羅牌殺手感藥到病除漏氣氣球打敗仗舌頭如火死纏爛打