(事源)

第一次同大佬龜龜文出門去個小旅行，本來無打算會去北京，

因為我6年前已經同朋友去過北京-山西-內蒙古玩，所以都唔想話重覆再去同一個地方，

但我地報左果個張家界團又咁唔好彩唔成團 :( 我地一心諗住去影下中國山水風景，

在於假期所限(我一定要3月18日之前返香港)，

所以無乜得選擇既情況之下就轉左今次衣個7日6夜既北京團喇 :O

★★★★★

去到北京，旅行社安排左一架大車比我地坐，1個人坐2個位都得，好舒服 :)

由第一個景點開始

中途車伕車我地去洗手間方個便先 :o 但我無去啊

參觀完四合院後，大家各自上番三輪車就回程了。

晚上，我地去左一間裝修得非常豪華既酒樓食晚飯 - 江南菜 :D (好好味, 8送1湯)。

食完晚飯就坐旅遊巴返酒店(位於郊區,離市區一個鐘車程),

當晚我地入住既係溫泉酒店, 但我對浸溫泉無乜興趣,

所以快快返房洗頭沖涼刷牙洗面做保濕面膜睇電視訓覺 :p

★★★★★

清晨既北京得零至2度左右, 個個著到成隻粽咁 :p 而我既水腫面就正式形成喇 >O< 都係味精所致啊！

去到, 導遊小姐比15分鐘時間我地係天安門廣場附近影相同行下,

影左幾張之後我地就跟隨大隊慢慢行入故宮裡面參觀。

入到故宮, 人山人海啊, 見到好多遊客, 有d外國人著到好古怪 :p

我地一路跟住導遊行下停下比時間我地影相, 不過都唔知點影,

度度都逼滿人 :O!

最後行埋個後花園, 以前只係比皇帝同皇后入去, 原來果時既皇帝皇后係咁悶既...。

入去睇下d怪石頭同埋d黐埋生既大樹就滿足lu 。

★★★★★

食完餐北京風味午餐後，唔記得左去過邊個購物點聽聽坐坐, 去完差唔多日落先黎去頤和園，激死人！ >0<

其實我都幾期待呀，因為係第一次去頤和園，果度比我想像中靚同埋地方好大。

不過裡面有d建築物可能要迎接2008年北京奧運，所以修輯緊，比d深綠色既網包住晒，失色左少少。

跟住，我地已經沿路急行，仲要一路聽住個好寢氣既導遊講解中國歷史，又唔比多d時間我地周圍逛下，

算了，最靚既景只好留係心裡面啦 :O !

★★★★★

離開頤和園，之後就去左睇茶藝表演，如果d茶好飲d我都會買返黎做手信架，不過好難飲 :p

晚上，去左間酒樓食"北京烤鴨"餐，食完就搭旅遊巴返酒店。

這間酒店就係我同龜龜文撞到鬼既酒店lu，仲要一連住足3晚，好驚險，嗚。

( 撞鬼既經過唔詳細講lu，費事你地驚丫)

因為當晚我都喊左好耐，多得龜龜文陪住我保護我先訓得著(零晨4點幾)，但佢就全晚無訓啊﹐跟住6點半又要起身！

之後果幾日，因為被撞鬼事件影響，所以就玩唔係幾開心lu :o

★★★★★

第二朝一訓醒，我打開窗簾布，哇！:O 個天咁樣既 :O ？(酒店房影出去)

嗚，我地最期待去長城果日先黎唔好天，又灰又暗。

食過自助早餐後，就出發去今天既第一個景點 - 寶樹堂 -_-" 6點半要人起身就係要帶我地班鴨仔去買中藥

經過一個半小時既折磨後，就再搭車出發去長城lu :D 好緊張呀！

雖然天色唔靚，但我同龜龜文都準備好晒，決定唔咩背郎上去, 一身輕便裝再帶多部DV同DC, 每人再有一部菲林機，

終於都去到lu，哇 :O 咁既？:O

簡直好難相信個水關長城原來係咁小兒科，嗚，好失望啊！

無靚景之如，d樓梯級又易行，行長城應該係好辛苦架嘛！

(我記得以前行居庸關長城時，行每一級都要好辛苦咁攀上去啊，咁先覺得係做過好漢嘛。)

一連行左三個關，我地都算犀利嫁喇 :p 好多人都淨係行到第一個關就落番去。

係長城既側邊(無攔干，差錯腳都會跌落山)，唔朱點解會有隻駱駝比人騎上去影相，

我好相信係無人會冒衣個生命危險啊！中國人做野真係有點匪而所思 :o

係上面逗留既時間實在太短，短到影過幾張風景相就要慢慢一級一級咁落番去，上就上得輕鬆，落黎就慘lu :p

到落番地面，我地買左頂好靚既帽 (本身120蚊講價講到30蚊)  :p 同埋長城既小擺設紀念品。

行長城之旅就此完結lu。

(待續)

.