Monday 21st May 2007 11:34:59 PM 5月21日 又轉[ 0 messages] General 近日再轉到 yahoo 寫 blog 啦! | ||||||||||||||||||||||||||||||||
Monday 07th May 2007 08:52:00 AM 5月7日 A Promise is A Promise[ 1 messages] General
呢個世界上只有一個 Oscar 同一個 Goofy, 我相信自己唔會好似愛 Oscar 同 Goofy 咁愛其他小狗啦, 所以同爸爸都決定左, 除左 Oscar 同 Goofy 之外, 唔會再養狗啦! 因為佢地係無野可以代替! | ||||||||||||||||||||||||||||||||
Sunday 06th May 2007 10:04:36 PM 5月6日何家三寶[ 0 messages] General
三個傻仔影張合照先啦! 今個 weekend 無去玩! 星期六睇蜘蛛俠3, 之後去大間百佳 big shopping ~~ 晚上食魚生 + bread. 星期日, 休閒咁過左一日, 晚上去 Coco Toby 度 dinner~~ | ||||||||||||||||||||||||||||||||
Friday 04th May 2007 09:25:26 AM 5月4日臭B[ 0 messages] General 今朝, Oscar 食雞肉+西芹+蒜頭+蘋果醋, 可能d野溝埋陣味好臭, Oscar 唔多想食, 但為食0既佢, 最後都清晒兜~~ keke… 又變左臭口B啦! Wakaka! | ||||||||||||||||||||||||||||||||
Thursday 03rd May 2007 11:40:46 PM 5月3日咬梳化...[ 0 messages] General 今日放工... 見到有個洞0係梳化張床單... 唉... Oscar 又咬梳化啦... 佢今日好好精神咁... 不過算啦, 橫豎張梳化都唔會搬過新屋, 由佢啦! 第時咬新果張就一定打佢! XD | ||||||||||||||||||||||||||||||||
Wednesday 02nd May 2007 01:00:41 PM 5月2日老土野[ 0 messages] General 老土d講下環保... 琴日去西灣游水, 本來除左岸上有好多海草之外, 水質係好好, 好清架, 但玩左一陣之後, 有幾架遊艇黎左, d水開始有陣燃油味... 再多一陣... 有d shampoo 泡泡同太陽油味 tim... 我自己都有搽太陽油, 所以覺得自己都係衰人... 不過, 以後我會好好保護環境架啦! 戒用太陽油, gel 同護膚品, 保護 Oscar 最愛0既海洋! | ||||||||||||||||||||||||||||||||
Wednesday 02nd May 2007 08:54:10 AM 5月1日西灣之旅[ 2 messages] General
呢次應該係今個夏天0既唯一一次西灣之旅! 因為路途好遠, 夏天行太辛苦啦! 今日我地一大班人: 我, 柏, Oscar, Auntie, 姨媽, 姨丈, 細佬, Coco, Toby, Chocolate family 同 Radium family 一齊闖西灣, 呢度真係好靚, d水好清~~ d豆腐花又正! 我地8點3個字出發, 用左45分鐘行入西灣, 一路游水游到1點幾先走. 之後等的士等左一粒鐘, 返到屋企都6點 lu~~ 車程中, Radium 0係 Oscar 面上搵到一隻吸血中0既牛B, 希望無事啦... Oscar 又開開心心游左一日水水啦! | ||||||||||||||||||||||||||||||||
Monday 30th April 2007 02:20:44 PM 4月30日到我 detox...[ 0 messages] General Oscar detox 完, 屙番靚靚屎啦, 但... 我自己就開始 detox... 差不多一個禮拜了... keep 住都肚仔唔舒服... 我都無食 raw... 點解會咁架... 今朝, 照原定0既餐單, Oscar 食左 raw garlic, 佢個口好大陣味, 臭死熟睡中0既爸爸. 哼, 鬼叫你個衰公放假, 臭死你! kekeke... | ||||||||||||||||||||||||||||||||
Sunday 29th April 2007 11:05:29 PM 4月29日命運就是...[ 0 messages] General 始終... Momo 都0係今日打左針. 我同爸爸趕去送佢最後一程. 眼見 Momo 爸爸媽媽心痛0既眼神, 我同爸爸都喊啦. Momo 一直0係我心目中係一個 gentleman. 佢d性格好似 Goofy 咁. 所以 Kenny 3位小朋友當中, 我比較鍾愛 Momo. 仲記得 Momo 一頭0既散髮, 0係佢跑步時隨風飛揚, 游水時就變左隻小水瀨. 可愛0既 Momo, 一路好走啦!~ 再見了 Momo! 送別 Momo 後, 我返屋企接埋 Oscar 一齊去 Dog House 晚飯, Nicole 同 Alec 帶埋 Brandon 黎, Oscar 又玩到好累! 仔, 媽媽唔可以比最好0既野你, 但我會全心全意咁照顧你, 令你成為最幸福0既一個! | ||||||||||||||||||||||||||||||||
Sunday 29th April 2007 01:37:05 PM 4月29日悠閒星期日[ 0 messages] General 本來去睇 Momo, 但 Kenny 改變主意, 讓 Momo 多活幾日... 希望小朋友唔太辛苦! 今朝爸爸要去拜山, 所以我就自己陪 Oscar! 早上7點幾, 同個仔去行下, 但一落到街先知落雨, 所以大大完就返屋企. 餵埋 Oscar 食早餐, 我就去左街市買野啦!~ 今日買左: 雞脾, 雞亦, 雞頸, 雞柳, 牛心, 牛仔骨同多春魚... 嘩... 勁重... 仲去左 Supermarket 買西芹, 南瓜, 蘋果同橙... Oscar 有好多野食! kekeke... 可以食兩個禮拜! 返到屋企, pack 好晒d野之後, 再同 Oscar 去碼頭行下... 行完自己再煮左 noodle 食, 都未夠一點半... 原來早起身, 一日可以好好用架!~ | ||||||||||||||||||||||||||||||||
Saturday 28th April 2007 06:14:54 PM 4月28日 化[ 0 messages] General
呢兩日同 Kenny 通電話, 得知 Momo 0既情況差左好多... Kenny 決定明日同 Momo 打針. 一個令人心痛0既消息... 到時我會去見小朋友最後一面! Momo, Carrie 姐姐會叫 Goofy 0係彩虹橋接你, 你可以同 Goofy 同埋你親哥哥 Lucky 一齊玩. 直到重聚0既一日! Momo, I will always remember u and miss u! | ||||||||||||||||||||||||||||||||
Friday 27th April 2007 10:42:57 AM 4月27日餐單[ 0 messages] General Oscar’s Meal Schedule Sunday Monday Tuesday Wednesday Thursday Friday Saturday Breakfast Veggie + Meat + Vitamin Pill Meat + Garlic Veggie + Europa + Offal Veggie + Europa + Meat Veggie + Meat + Vitamin Pill Meat + Garlic Veggie + Eurpoa + Offal Dinner RMB + 美毛油 RMB + 三文魚油 RMB + 美毛油 RMB + 美毛油 RMB + 美毛油 RMB + 三文魚油 RMB + 美毛油 Fruit Apple / Banana Yogurt Orange / Papaya Yogurt Apple / Banana Orange / Papaya Yogurt Weekly: 8 lbs Meat + Bones, 0.56 lbs Offal, 3 lbs Vegetable (as least 3 variety), 1 pack of yogurt, 2 types of Fruits | ||||||||||||||||||||||||||||||||
Friday 27th April 2007 08:39:15 AM 4月27日食左南瓜[ 0 messages] General 爸爸的確係一個傻佬... 琴晚叫佢放工買南瓜比個仔食, 佢竟然花上十幾蚊買我平時用三至五蚊就買到0既野... 不過, 佢買0既係好 high 0既日本南瓜 lor! 都唔知話佢錫個仔好定話佢傻好... kekeke... 早上, 爸爸放 Oscar 去大大, 爸爸話尾0個d大大好似 solid 番d啦. 唔知仲要 detox 幾耐呢?! | ||||||||||||||||||||||||||||||||
Friday 27th April 2007 12:11:59 AM 4月26日心情唔好時...[ 0 messages] General | ||||||||||||||||||||||||||||||||
Thursday 26th April 2007 11:48:19 AM 4月26日 BARF & Detox[ 0 messages] General 今朝 Anita 打電話比我, 佢話 Oscar 肚屙可能係佢開始 detox, 即係會屙林林同 sticky 架~ 但只要 keep 住活躍同肯食野就 ok! 希望 Oscar 真係 detox 同埋之後d skin 同 health 都會好d! | ||||||||||||||||||||||||||||||||
Thursday 26th April 2007 07:45:27 AM 4月26日再度肚屙[ 0 messages] General 0下... 點解會咁架? 明明琴日d大大正常番... 今朝又屙... 好擔心啊! Oscar 食左d咩呢... | ||||||||||||||||||||||||||||||||
Wednesday 25th April 2007 08:46:03 AM ４月２５日回復正常[ 2 messages] General 經過琴日肚屙左４次之後, Oscar 今日d大大回復正常啦! 佢都精神番好多啦! Thanks god! 呢一次皮膚敏感同肚屙後, 我比野 Oscar 食時會小心選擇架啦! 琴日朝真係嚇死我. BB第一次唔食雞片咋... 希望BB身體健康~~ | ||||||||||||||||||||||||||||||||
Tuesday 24th April 2007 08:44:36 AM 4月24日唔舒服[ 0 messages] General 今朝起身, Oscar 好似無咩精神咁... 又唔肯食新買果隻雞片. 其實好似食左一餐素菜 meal 之後就 keep 住好似好累... 會唔會d豆豆消化唔到, 攪到胃仔頂住, 定係天氣太熱呢? 唉... 希望天氣可以穩定d啦! 不過, 呢輪我自己都有d唔舒服, 覺得周身唔自在咁, 今晚要早d訓, 休息下先得! | ||||||||||||||||||||||||||||||||
Sunday 22nd April 2007 06:36:28 PM 4月21日又去游水水啦![ 1 messages] General
星期六早上, 我地一家人, 同 Moses Family & 呀璇一齊去白腊游水! 由於總覺得比左好貴車錢去白腊, 所以今次我地由早上11點玩到下午5點半先走. Oscar 同 Moses 兩個玩得好開心啊! 佢地好 friend 咁一齊沖浪! Moses 開始學埋 Oscar D絕技啦, keke... 玩飽之後, 我地放左兩個小朋友返屋企就去 TST 食 dinner! 仲去埋 City Super 買 ingredients 煮素菜 meal 比 Oscar 食. 晚上做晒家務同煮埋個素菜 meal... 攪到5點先訓啊! | ||||||||||||||||||||||||||||||||
Sunday 15th April 2007 02:29:06 PM 4月15日琴晚食左d咩?[ 0 messages] General 琴日係星期六, 爸爸同呀 Kay 都要去 exam, 所以我同 Oscar 就相約 Anita 同 Moses 去 TST 行下同食 tea 啦! Oscar 同 Moses 兩個都玩到好累! Oscar 仲第一次0係沖完涼吹毛0既時候訓左0係地... kekeke... 見個仔咁累, 比多dd肉佢食!
| ||||||||||||||||||||||||||||||||
Monday 09th April 2007 09:03:04 PM 4月9日假期完啦...[ 0 messages] General 今日係復活節假期0既最後一日, 我地一家人選擇左要黎休息~~ 其實琴日都係休息, 下午出左去同 Anita & Kay 唱 Karaoke. 之後就一齊放狗. 至於今日, 就訓到中午先同 Oscar 兩個二人世界去行碼頭. Oscar 好可愛咁擔住個水樽周圍走~~ 就係咁, 過左一個又有去玩, 又輕鬆0既復活節啦!
晚上, 同爸爸去今日 last day 0既菊池食 dinner, 姐姐送左支牛奶乳酸比我地. 之後再去 supermarket 買左d菜, 半隻雞同一盒雞腳比 Oscar, 仲有龍龍0既杏仁~~ | ||||||||||||||||||||||||||||||||
Saturday 07th April 2007 10:59:41 PM 4月7日龍龍...[ 0 messages] General
一對肥 pat~~ kekeke... 願兩個小朋友都健康快樂, 仲越黎越肥! | ||||||||||||||||||||||||||||||||
Saturday 07th April 2007 08:20:35 PM 4月7日白腊灣 lor[ 0 messages] General 琴晚同爸爸, Anita & Kay 去 Kowloon City 探望針炙0既 Momo, 焗左士多啤梨 cake 比佢食. Momo 錫左我一啖, 佢好似認得我. 希望小朋友情況會有好轉! 今日, 相約 T ma, Radium, Moses Family, Ding Ding Pazu Family, Milk Milk Family 同亨亨 Family 去白腊灣游水水. 過程中, Oscar 好開心咁不停游, 由頭玩到尾... 佢真係 belong to 海洋架... 又沖浪, 又游黎游去~~ keke... 另一個開心小朋友就係 Moses, 佢果d鬼祟避浪真係笑死人... wakaka!
玩左一日, Oscar 好累啦! 同爸爸雙雙訓到暈左, 晚餐只好叫台灣飯飯啦! | ||||||||||||||||||||||||||||||||
Friday 06th April 2007 03:17:33 PM 4月5日同 Toby Coco 去行山山[ 0 messages] General
今日係復活節假期0既第一日, 細佬請左假, 我地一家3口就同埋 Auntie, 細佬, Toby & Coco 去城門行山啦! 我地今次用左3個鐘行8km, 又唔係好累! Toby 同 Coco 跑黎跑去, 好開心, Oscar 當然都好開心啦! 玩完半日, 返屋企同 Oscar 沖完涼, 我去左剪頭髮, 有個貌似吳彥祖0既 stylist 同我剪頭髮, 期間我電話響, 我同佢講唔好意思, 之後佢好溫柔咁同我講唔緊要... 嘩... 我好耐無呢種面紅同起雞皮0既感覺... keke, 但都係習慣對住隻牛(爸爸)多d! | ||||||||||||||||||||||||||||||||
Wednesday 04th April 2007 10:17:55 PM 4月4日爸爸的生日晚餐[ 0 messages] General
一向唔識煮野食0既我, 再一次煮左一餐比爸爸食. 有芝士汁龍蝦同煙三文魚露荀卷. 好在都 ok 好味! 不過... 爸爸話無蛋糕喎... 人地邊有時間整喎... keke... 一陣落街買生日糖水啦! | ||||||||||||||||||||||||||||||||
Wednesday 04th April 2007 12:22:01 AM 4月4日爸爸生日快樂[ 0 messages] General 祝爸爸生日快樂, 日日都咁開心, 個仔越黎越乖~~ | ||||||||||||||||||||||||||||||||
Sunday 01st April 2007 02:21:36 PM 4月1日一星期回顧[ 0 messages] General 差不多一個星期無寫 blog 啦, 黎個回顧先! 3月26日星期一, 放工返屋企, Oscar 又起紅斑啦... 帶左佢去睇紅磡獸醫個女醫生, 由6點幾等到8點幾. 醫生好細心咁同 Oscar 做檢查, 佢話係有細菌感染. 又要食 anti-biotics 啦. 睇完醫生, 我地一家三口一齊去菊池食晚飯. 叫左一客三文魚比 Oscar 食, 佢仲食左青瓜同菜! 3月28日星期三, 大龍流口水情況實在太嚴重啦, 所以爸爸請左假同佢去大圍睇獸醫. 醫生一睇就知係牙仔問題, 結果同大龍脫左一隻牙同剪左幾隻牙仔. 爸爸7點幾去接大龍. 佢返到黎好累啊! 3月31日星期六, 我地陪 Moses 去 SAA 驗血, 之後就相約 Kenny 一家去南生圍, 想同 Momo 影多d相. Momo 証實患上 "Hereditary Myelopathy"... 希望佢可以唔洗咁辛苦... 早上, Moses 好叻仔咁做左第一隻驗血0既小狗. 之後 Kenny 車我地去食 lunch 同去佢屋企坐一陣, 就同我地去南生圍啦! 我請左 Momo 食我親手焗0既 Blueberry cake. 佢好鍾意啊! 真係 thanks god. 我怕自己影相影得唔好, 所以 call 埋 T ma 去影 Momo. 去到南生圍, Oscar 同 Moses 不停玩波波同樽樽, 玩到好開心. 當 Momo 一家到時, Oscar 已經開始累啦, 所以我同爸爸可以專心同 Momo 影相. Momo 開始失控... 周圍跑, 累又唔識停. 一路睇, 一路好心痛.
去完南生圍, 我地同 Moses family 去公平行買平 frontline, 之後, Kenny 車我地返屋企. 晚上, 相約 Anita & Kay 去文記 dinner. 好好味好飽啊! 佢地仲請左 Oscar 食牛骨. Oscar 食得好滋味. 4月1日星期日, 今朝我約 Anita & Kay 去街市買肉肉... 買左好多野比 Oscar 食, 有牛腩, 牛心, 雞柳, 雞腳, 雞脾, 多春魚, 龍利, 羊肉... 嘩... 好伙食過我... keke. | ||||||||||||||||||||||||||||||||
Sunday 25th March 2007 11:49:12 PM 3月25日大龍[ 1 messages] General 今日同 Oscar 出完街街, 返黎見到大龍隻手濕左, 行為怪怪的... 我驚佢會死... 雖然我有時會話唔想養d龍貓... 但... 其實我好錫佢地架... 我好唔開心, 真係好擔心啊! 香港識E龍貓0既獸E唔多架... | ||||||||||||||||||||||||||||||||
Sunday 25th March 2007 09:33:12 PM 3月25日兩日都去玩[ 0 messages] General 星期六, 相約 Ding Ding Pazu 同 Ellen 去行城門水塘, 行8km 果條路, 起程時落毛毛雨, 點知越行越大雨... 結果, 一行3人3狗都濕晒... 不過, 都幾好玩啦!
星期日, Nicole EE 車我同 Oscar 去赤柱同貝沙灣玩啊! 早上11點, 我地開車車去赤柱食 lunch 同影相, 仲約埋 Joey Baba tim! 不過 Joey 同 Bear Bear 無份黎玩啊!
食飽飽再行多一陣後, 我地就去貝沙灣跑草地, 約左 Ding Ding Pazu Family 同 Radium Family, 好熱鬧啊! Oscar 又不停玩水樽, 玩到好累同好 dirty... 不過, 有dd唔老泥, Oscar 比 Sophie 妹妹咬損左個後尾枕, 我仲比隻小狗屙左 vee vee 0係身... 後者令我好嬲啊, 因為... 如果唔係我嗌晒... 隻狗個主人都唔知自己隻狗0係人地度屙尿... 至於 Oscar, 我已經比左多d青瓜佢食黎安撫佢啦~~ 佢應該唔太痛, 係嚇親姐.
總括黎講, 我地都過左個 Happy Weekend! | ||||||||||||||||||||||||||||||||
Saturday 24th March 2007 12:47:02 AM 3月23日放工時...[ 0 messages] General 見到... 何小ca... 佢竟然... 咬 magazine, 仲要開埋櫃咬 tissue... 唔通, 比番個廁所佢用佢會開心好多... Oscar 又變回小時候0既破壞王了! | ||||||||||||||||||||||||||||||||
Saturday 24th March 2007 12:43:15 AM 3月23日簡單的快樂[ 0 messages] General 琴晚, 7點幾返屋企, Oscar 無攪事, 仲好乖咁0係籠度 vee 左好大篤! Good Boy 呀! 我當然即刻讚佢同帶佢去街街啦. 仲約埋 Moses 一齊玩. 之後等埋爸爸放工, 我地同 Anita & Kay 去左幸福食晚飯, 4個人食4碟餸, 好好味~~ 食食下, Edma 打電話比我話我知佢睇0岩左樓, 好快搬黎紅磡啦! 好野, 到時飯局就6人6餸啦! kekeke... 食飽飽一行4人一齊送 "Rainbow" 返黃埔. 又上去 Bebe 屋企玩左一陣貓. 晚上, 再約 Moses 一齊 dog walk. 帶左個水樽, 兩個小朋友玩水樽玩到好開心! 結果水樽比佢地咬破晒 lu! 回程時, 見到 Tacki 0既男主人, 佢可能要放棄養兩隻狗狗... 希望唔好咁啦... | ||||||||||||||||||||||||||||||||
Friday 23rd March 2007 01:33:51 AM 3月22日又黎...[ 0 messages] General 昨晚 Oscar 再次 lai 尿, 今次仲要屙到一床都係, 過晒底! 我一見到咁, 即刻走去買番個籠. 舅父特地走來紅磡幫我搬籠, 我好感恩, 自己有咁好0既家人. 仲有一班好朋友~! 特別係 Anita & Kay! 佢地兩個0係任何事上, 都義不容辭咁幫手! Anita 借左個 Rainbow 吸塵器比我地吸尿尿... 結果, 攪到兩點! 期間, 叫 Oscar 0係籠屙尿, 佢點都唔肯, 結果, 同佢落街用尿片印d尿放0係籠度. 今朝, Oscar 肯返入籠尿尿啦! Good Boy! | ||||||||||||||||||||||||||||||||
Thursday 22nd March 2007 07:50:44 AM 3月21日Crazy Life[ 0 messages] General My life is going crazy... I cannot withstand... When will everything be alright? | ||||||||||||||||||||||||||||||||
Tuesday 20th March 2007 01:13:08 AM 3月19日 Oscar 話...[ 0 messages] General
Oscar 話: Thank U Anita 姐姐d好味餅餅! | ||||||||||||||||||||||||||||||||
Monday 19th March 2007 09:55:50 PM 3月19日肥BB的晚餐[ 2 messages] General
今晚, Oscar 0既晚餐好正啊! 有大魚大肉又有菜! 食完正餐, 仲有爸爸洗0既雞頸食! 真係感受到爸爸的愛啊! | ||||||||||||||||||||||||||||||||
Sunday 18th March 2007 06:32:35 PM 3月18日食生肉啦[ 0 messages] General 眼見 Moses 食全 raw food 食得好好, 屎屎又靚, 毛色又令! 所以我都開始同 Oscar 轉食全 raw 啦! 今日仲去左街市買雞頸比個仔食. 十蚊已經有好多條啦! 又買左西芹同菠菜~~ Oscar 0既是日晚餐係: 雞胸肉, 雞頸, 三文魚, 糙米飯, 西芹粒 + 菠菜蓉, 好多野食啊! 希望 BB 食得招積啦! kekeke... | ||||||||||||||||||||||||||||||||
Sunday 18th March 2007 04:02:50 AM 3月17日周五狂熱 & 3個小朋友0既生日會[ 3 messages] General 16號星期五0既晚上, 約左 Nicole, Leona, Teddy, Anita & Kay 去唱K, 好開心啊!~ 好耐無唱咁耐, 由9點到4點, 足足唱左7粒鐘, kekeke... 可憐小 ca 0係屋企等我門無訓覺覺啊! 17號星期六, 為 T仔, Goofy 同 Joey 攪左個小型生日會! 下午, 同 T媽 & T仔, Edma & Goofy, Moses Family 同 Ding Ding Paxson Family 一齊去行左個好易行0既 Tuen Mun 山山!
玩到晚上, 原班人馬再相約 Nicole, Joey Bear Bear Family 同小白媽去 BBQ! 好好味啊! D Garlic bread 同豬串骨超正! 小朋友們就有好好味0既蛋糕食, Oscar 食左一舊半啊! Oscar 今日玩得好開心, 希望個個月都有生日會, kekeke... 同埋希望生日0既小朋友們會鍾意我送比佢地0既小禮物! | ||||||||||||||||||||||||||||||||
Thursday 15th March 2007 12:12:30 AM 3月14日晚上...[ 0 messages] General 心理障礙... 雖然件事已經過左一排... 但, 我依然有心理障礙... 今晚自己放狗時, 又見到0個個人... 佢拖住佢隻狗... 仲同我講野, 但... 我接受唔到... 我... 歇斯底里咁... 0係街上大叫... 大哭... | ||||||||||||||||||||||||||||||||
Thursday 15th March 2007 12:06:17 AM 3月14日吾...[ 0 messages] General 自從早左起身返工後, 朝早總會抽十幾分鐘時間黎摸下 Oscar 同陪佢傾計. 而 Oscar 朝朝都同我講一樣0既說話, 就係: 吾...吾...吾... kekeke... 其實, BB 想講d咩呢?! P.S. 當歸雞雞好好味啊! | ||||||||||||||||||||||||||||||||
Thursday 15th March 2007 12:01:43 AM 3月13日累了 [ 0 messages] General 琴日已經偷懶唔開 OT 架啦, 點解今日放工返到屋企仲會咁攰架. 琴日早左放工, Oscar 好開心啊! 可能佢都知我早左返去呱. 之後同個仔去街街. 佢都 keep 住開心0既心情. 小朋友真係易滿足, 如果我都可以學佢咁就好啦! 早上起身時, Oscar 好心急要食飯. 哈, 呢個細路越大越無耐性. 晚上, 約左 Moses 一齊行 dog walk. 之後佢地仲陪我去買飯煲. 希望有個好d 0既飯煲, 可以煮d好味d0既飯比 Oscar 食! Anita 送左隻當歸雞雞比我地, 好想快d食啊! | ||||||||||||||||||||||||||||||||
Sunday 11th March 2007 04:09:00 PM 3月11日我與他的親密關係[ 1 messages] General
漸漸發覺, 我同 Oscar 0既關係比起好多狗主同狗狗, 甚至媽媽同兒子0既關係都更加親密. 有時, 佢更代爸爸做我0既情人. 點解會咁呢... 好多人問過我呢個問題, 亦有人問我點解 Oscar 會周不時用含情脈脈0既眼神望住我. 我通常會答佢地, 係因為 Oscar 一見我就覺得有野食. 哈, 其實我知點解架! 係因為我又比 Oscar 上床訓, 食野時又分比佢, 好多時又同佢傾計, 仲會保護佢唔比d狗狗 un 佢. 所以, 0係 BB 心目中, 我係佢0既 hero, 但我都有責罵佢0既時候, 令佢對我又敬又畏. 我好珍惜同 Oscar 0既關係啊! 因為我好愛呢個小伙子! | ||||||||||||||||||||||||||||||||
Sunday 11th March 2007 01:52:13 AM 3月10日山頂遊[ 0 messages] General
又係星期六早上, 我地紅磡土瓜灣區0既"五天工作狗狗團"又出發去玩啦! 呢次我地上太平山頂! 我地0係山頂公園落車車, 玩一輪波波後, 就落番山頂廣場食 Lunch! 食左 Zen, 好好味啊! 我地仲有食雪榚, 我同爸爸兩個人, 食左3個雪榚球啊! 之後我地再由盧吉道行去香港大學. 行程一d都唔辛苦, Oscar 又玩得好開心~~ It is a GREAT day~~ 我地返到屋企, 同 Oscar 洗完白白同餵飽飽 BB 後, 我同爸爸就出左 TST, 買左部 iPod Nano, 我要左銀色架! 仲襯埋一 set 套~~ so nice! 之後我地去左 Silvercord 食 dinner. 晚上, 爸爸同我入晒d我至愛0既歌仔入 iPod Nano, 真係 Thank u baba la! 爸爸, 你成日係咁寵壞我, 你記住要寵我一世! 因為你係最好0既爸爸! | ||||||||||||||||||||||||||||||||
Friday 09th March 2007 07:40:26 AM 3月9 日開心心[ 0 messages] General Happy Friday! 今朝, 見 Oscar 食飯食得好開心啊! 令我都覺得好開心! kekeke... | ||||||||||||||||||||||||||||||||
Thursday 08th March 2007 08:52:18 AM 3月8日甜[ 1 messages] General 琴日下午, 我打電話比爸爸話好想飲熱好立克, 咁爸爸就叫我自己買啦! 我唯有去針水水飲... 轉頭返埋位, 一杯熱好立克放0係台! 真係好甜啊! 前晚, 爸爸仲洗碗 tim! 呢個爸爸真係 good boy 啦! kekeke... 琴晚放工返屋企, 一開門, 無事! 好在! Oscar, 要 keep 住 good boy. 媽媽要努力搵錢, 買玩具同 mum mum 比 BB! ^_^ 傻BB Oscar, 今朝打c憶呀! 叫佢飲水又唔飲, 正傻仔. 唔知係咪天氣涼左, 個仔特別鍾意 chi 住我訓. 唔洗被被都好暖! kekeke... | ||||||||||||||||||||||||||||||||
Wednesday 07th March 2007 09:27:52 AM 3月7日嚇死我[ 0 messages] General 琴晚同 Oscar 一齊過去爸爸外家拎廁所比個仔時, uncle 拎落樓比我, 咁佢放埋 Coco 同 Toby 落黎, 竟然唔帶頸圈同拖繩… 結果, Coco 好似 din 左咁周圍走… Toby 就過左條馬路追住我同 Oscar… 嚇死我啦… 點可能咁放狗架… 就算再服從0既狗, 都會比突發事影響, 更何況… Coco 同 Toby 都唔服從. 我有d自責… 覺得一開始就唔應該同佢地搵 Toby, 可能 Toby 會更幸福. 琴晚睇住 Toby 個樣, 佢好似好想跟我走… | ||||||||||||||||||||||||||||||||
Tuesday 06th March 2007 11:45:18 PM 3月6日晚上... 又 lai 尿[ 0 messages] General Oscar... 你知唔知自己已經五歲, 好命做左人地老豆啦... 點解... 仲會 lai 尿架... 唉... 算啦, 開番個廁所比你, 記住唔好再屙0係地, 梳化同床... 屙正d廁所啦唔該... | ||||||||||||||||||||||||||||||||
Tuesday 06th March 2007 02:24:03 PM 3月6日不知不覺長大了[ 0 messages] General 下午去完勝利小廚食海南雞飯, 走時, 行過 Bullmania 舊址, 向上望左一眼, 諗起 Oscar 小時候0既野啊!~ 由小伙子一歲多時第一次上Bullmania, 佢已經好鍾意0係中間條柱度屙尿尿… kekeke… 之後次次上去, 總會屙一篤大尿尿. 長大左0既 Oscar, 唔知仲會唔會做呢d野呢?! 不過, Bullmania已經關門大吉了! 大概因為鍾意去 dog cafe 0既人根本唔多. 仲記得 King’s Park 果條長樓梯, 唔知仲有無機會上去懷念一番呢… | ||||||||||||||||||||||||||||||||
Tuesday 06th March 2007 09:05:02 AM 3月6日生牛肉[ 0 messages] General 星期日晚上, 比左半磅生牛肉比 Oscar 食, 琴日下午, Oscar d大大個 form 同 colour 都好好! 效果真係唔錯. 但係我始終對雞肉有d懷疑, 唔敢比個仔食生雞肉. 因為 H5N1 問題好嚴重啊! 所以下次應該會比下生羊肉吧.
琴晚因為無野做, 所以無 OT, 5點幾就同 Oscar 落街玩. Oscar 好似好開心啊! 但一日0既早放工, 換黎連續4日要 OT… 快D做晒呢 30 個鐘就好啦!~
早上起身, 覺得有D cold 啦! 天氣怪怪的, 都唔知想點. 下午爸爸話去勝利道食海南雞飯, 順便可以買dd新玩具比個仔! Keke… | ||||||||||||||||||||||||||||||||
Tuesday 06th March 2007 12:08:50 AM 3月5日近來0既手機 Snap Shot[ 0 messages] General 覺覺豬篇:
傻仔篇:
美食篇:
| ||||||||||||||||||||||||||||||||
Monday 05th March 2007 04:33:16 PM 3月5日啟示[ 0 messages] General 今朝, 買左本 TVB 周刊, 裡面有一篇報導, 係廖啟志0既訪問, 文章提起佢過左身0既兒子, 文諾. 佢話佢唔係太傷心, 因為佢知道個仔去左一個“更喜樂0既地方”, 但佢有時都會感到難過, 因為唔可以再實在地去接觸兒子. 佢可以睇得開, 我諗係因為佢地一家人有0既信仰. 佢地都得到主0既祝福. 睇完, 覺得有點啟示! 再問自己一次, 如果比我再活一次, 我想 Goofy 從未出現0係我0既生命, 定想要同佢一齊生活呢一年半. 我好肯定, 答案係, 我願意用我下半生0既傷痛換呢一年半0既快樂時光! Goofy, 我愛你, 因為你是個可愛0既孩子. | ||||||||||||||||||||||||||||||||
Sunday 04th March 2007 09:49:50 PM 3月4日第一次的生牛肉[ 0 messages] General 眼見朋友d狗狗都食 raw 食得好好, 我就大膽d, 比 Oscar 試下生食啦... 中午12點幾, 起身, 放完 Oscar 落街同拎左衫去磅洗後, 我去左街市買肉肉比 Oscar 下星期食. 一共買左十磅多0既肉肉, 有: 雞胸柳 --- 2 packs 金錢牛展 --- 2 條 羊肉片 --- 1 磅 龍利柳 --- 2條 火雞腎 --- 1大粒 另外, 仲買左10蚊 mince 牛肉, 比 Oscar dinner 時生食. 今晚, Oscar 食左雞肉 (煮), 通粉同牛肉, 加埋d supplement, 好大兜啊~~ 一定可以填滿 BB 個大肚 dum 啦! 晚上, 帶埋 Oscar 去 Coco 屋企晚飯, 唔知點解, Toby 突然好乖. 呢個小朋友有古怪. 走0既時候, Oscar, Coco 同 Toby 都比對面屋個細路嚇親. 佢0否0係地下向上望住 Oscar 佢地, 佢地3個一齊吠同胡個細路. Oscar 仲唔敢出門口... 個細路太恐怖... 似鬼鬼... 返屋企途中, 去佳喜買湯圓做甜品, 元宵節 ma, 團團圓圓! ^_^ 又一個 weekend 啦, 五天工作真好~ | ||||||||||||||||||||||||||||||||
Sunday 04th March 2007 02:04:53 AM 3月3日晚上...[ 0 messages] General 我地好 high 咁去左豬骨煲打邊爐... 食到11點半... 返屋企時, 被 Oscar 罰... 佢... 屙左好大篤尿0係梳化同地下.............. T_T 我做餐死之後, Oscar 當然無罪釋放啦... 算啦, 只係佢游水水時飲得太多咸水. 清潔得到0既, 就唔係大問題. 只要 Oscar 乖乖同身體健康, 間唔中0既 lai 尿... 我原諒你啦! | ||||||||||||||||||||||||||||||||
Saturday 03rd March 2007 06:07:30 PM 3月3日之07下水禮[ 0 messages] General
今年天氣特別熱, 0係3月頭已經可以行下水禮啦. 今日係星期六, 我地一早就約左 Moses Family 同 朱古力 Family 去海下灣游水水啦! 一到海下, 我地嘆左個早餐, 之後就開始游水水啦! Oscar 一見到海灘就沖落水, 係咁執波波同暢游. 個仔好開心啊! 朱古力同拖肥就0係度搶水樽, 周毛毛就處男下海, 學識游水 tim! 玩完水, 我地食埋 lunch 就返屋企啦. Oscar 玩得好開心同好累啊~! | ||||||||||||||||||||||||||||||||
Thursday 01st March 2007 07:47:59 PM 3月1日乖乖小 ca ca[ 2 messages] General 琴晚放工返屋企, 見到 Oscar 除左個燈罩0係地, 仲擔晒d玩具出黎玩. 點解除到個燈罩架呢... 不過好在佢無咬手, 都算好 good boy! 傍晚放狗後, 捉個仔去用藥皂洗手, 佢越黎越唔鍾意沖涼啦. 黑晒面喎... 晚上, 同 Moses 一齊玩玩, Moses 開始學埋 Oscar D野, 0係度暴沖完先大大... kekeke... 今朝, 我開始返8點半啦. 一早起身, 原來訓少一個鐘差好遠... 不過同爸爸一齊返工有一大好處, 就係有人請食早餐. 爸爸呢個月開始, 早餐同 lunch 都比 double 啦! 出門口前, 同 Oscar 帶上燈罩, 佢個樣有一百個問號, 佢一定唔明點解要罩住個頭啦. 下午, 爸爸老闆請食飯, 我自己一個去完 bank in 支票後, 見仲有時間, 就 fly 小巴返去睇下 Oscar. 一開門, 見到一隻燈罩頭... Good BB, 無除到啊! 我帶左 Oscar 落街尿尿, 坐一陣, 又抱下個仔, 就坐小巴返 office 啦. 下午, 去完 sign contractor, 偷走返屋企. 4點前已經可以返到啦, kekeke... 一開門, Oscar 仲0係一大個燈罩頭... 仲 chi 左隻毛毛斑馬0係個燈罩度... 個口又咬住隻恐龍... 笑屎我啦... kekeke... 4點幾同 Oscar 去行天橋, 玩到好累啊! 之後就做晒d家務, 上上網咁... 晚上, 等爸爸放工請食飯~~ | ||||||||||||||||||||||||||||||||
Wednesday 28th February 2007 08:45:17 PM 2月28日 Lunch time @ Home[ 1 messages] General 放午飯時間返左屋企睇下 Oscar, 順便放 Oscar 落街尿尿同叫爸爸去 Petline 買個好d 0既燈罩比個仔用. Oscar 個樣好唔開心, 燈罩一定令佢好唔舒服啦. 爸爸買左燈罩同買埋飯上黎食. 一路食飯一路比左d雞雞同餅餅 Oscar, 又叫佢飲多啖水. 因為下午佢要帶住燈罩, 應該飲唔到水水啦. 返到 office, 個心好掛住個仔. 希望佢一個下午都訓覺訓得 lum D, 等我放工返去陪佢玩. | ||||||||||||||||||||||||||||||||
Wednesday 28th February 2007 08:44:43 PM 2月28日一個唔稱職0既媽媽[ 0 messages] General 越黎越覺得自己唔稱職. 今朝出門口返工前, 回望帶上燈罩0既 Oscar. 佢苦苦哀求我同佢除左個燈罩0既眼神, 令我覺得自己好無用, 只係一隻小狗我都照顧得唔好. 我真係好失敗啊! 對唔住呀仔. 我都知帶住燈罩好唔舒服, 但呢幾日一定要帶喎… 我想你快d好番可以去游水水 ma! 琴晚, 爸爸話今日下午 Lunch time一齊返屋企睇 Oscar, 都算佢有d良心. 回想起琴晚同爸爸0既爭執, 近來兩口子爭執多左好多. 因為爸爸屋企人0既煩惱, Oscar 又有d小問題. 兩個人總唔可以冷靜傾下. 對住呢個火爆男朋友, 我要自己學會控制情緒. 但, 佢真係一個幾好0既爸爸… 自從細佬過身後, 我實在覺得同兩個小朋友相聚0既時間太少. 計計下 Oscar 原來已經4歲半啦, 心裡有一個念頭. 我想0係 Oscar 10歲時, 暫停所有全職0既工作, 留0係屋企陪佢多D. 同爸爸商量過, 都覺得可行. 所以由依家開始, 要儲多d錢做小 ca 基金. 有呢個計劃, 就算到左心碎0既一刻0個陣, 我地都唔會有遺憾. 當然, 我唔希望有心碎0既一日… | ||||||||||||||||||||||||||||||||
Tuesday 27th February 2007 10:21:18 PM 2月27日男人真係個個都衰[ 2 messages] General 今日放工返屋企, 見到 Oscar 咬到自己隻左手損晒... 我即刻打比 Dr. Ian, 睇下佢得唔得閒睇下 Oscar. 佢話6點45分 ok, 於是我就即刻 book van 同 Oscar 去睇下d皮膚做咩. 令人心痛0既結果, 係細菌感染, Dr. Ian 話係去過0既地方有細菌... 打左兩支針, 一支 anti-biotics, 一支 pred... Oscar 好似好痛咁... 返到屋企, 打比爸爸, 爸爸放工連飯都唔食, 返黎同 Oscar 沖涼. 沖沖下, 佢話佢覺得 Dr. Ian 信唔過, 又質疑佢點解醫咁耐 Oscar D毛都未生晒. 其實, 呢d問題我一早問過, 亦同爸爸商量過. 唉, 男人真係, 一有d咩唔對路就覺得醫生唔好... 根本人地一早講左 Oscar D毛會生得慢... 我真係覺得爸爸好煩. | ||||||||||||||||||||||||||||||||
Monday 26th February 2007 09:45:27 PM 2月26日開始 Busy 啦[ 0 messages] General 今日開始多左野做, 時間過得快左~~ 呢份工真係好, 多野做, 但唔洗 OT, 做到夠鐘就走得, 到3月開始 OT 又有 pay~~ 總之 good 啦! | ||||||||||||||||||||||||||||||||
Monday 26th February 2007 12:28:52 AM 2月25日上左紅燈山啊[ 1 messages] General
今日, 我訓到12點幾1點, Anita 打電話比我, 話今日咁好天, 出唔出去玩. 我就話去行橋, 點知, Ellen 打黎話不如上紅燈山, 結果, 一行6人5狗, 一齊去左紅燈山玩啦! 呀 Kay 仲買左個5號波比小朋友們玩, 點知, 比 Pazu 咬爆波, 咬到一舊生根咁, kekeke... Oscar 同 Moses 唯有玩水樽啦! 下次出街真係要帶多兩個水樽旁身! wakakaka... Oscar 又過左一個愉快0既 Sunday 啦! | ||||||||||||||||||||||||||||||||
Sunday 25th February 2007 01:54:18 AM 2月24日又去行龍門徑啦![ 3 messages] General
今日, 我地同 Kay & Moses, Edma & Goofy 同 Ding Ding Pazu Family 去行城門水塘0既龍門徑! 唔知點解, 今日比起上次行得快好多! 所以落番公廁0個邊時, 我地去左玩水水同 hea 左一陣! Oscar 都有份落水玩飄移架, kekeke...
Oscar 真係好靚仔啊! kekeke... 行完之後, 我地去左 Dog House Cafe 同 Ellen 慶祝生日. EE 同 Anita 都買左 Chocolate Cake 呀, 但我食唔晒兩件... T_T 食飽飽, Oscar 同 Moses 仲未玩夠, 所以我地選擇步行返紅磡啦! 朋友聽到一定覺得我地係 din 架, 有車唔搭, 去邊都行路... wakaka... 返到屋企同 Oscar 沖完涼, 我同爸爸去左"佳寶"買肉肉比 Oscar 食, 我地買左: 1. 雞柳 --- 4 packs 2. 牛扒 (肉眼扒) --- 1 pack (共4件) 3. 龍利柳 --- 1 pack (共兩件) 埋單$105.XX, 一共 pack up 左8小 packs, 夠食8日啦!~ 之後仲買左一磅菊池0既三文魚比 Oscar 啊!
買晒小 ca D野, 我同爸爸就去左 Pokka 食晚飯, 仲去左 Jusco supermarket 買 snacks, 換到一隻 Winnie the Pig 啦! 雖然我唔太 like 呢隻野豬, 但換唔到之前兩隻, 唯有要呢隻啦! >.<
| ||||||||||||||||||||||||||||||||
Friday 23rd February 2007 09:33:39 PM 2月23日脫節啦...[ 0 messages] General 自從呢幾日0係公司無得上網後, 個人好似同時代脫左節咁... 傻更更0既爸爸, 有時會打電話講我知金毛會有咩新 post, kekeke... 漸漸咁覺得, 就算少d上網都無所謂, 反而自己可以更專心咁工作, 做野又快左. 從前0既我, 曾經為左一個人0係網上0既針對性言論覺得好唔開心, 更為左失去一班當時我當佢地係朋友0既人唔開心... 但依家諗起, 覺得自己好傻. 真正0既朋友, 唔係用利益維繫架! 到依家仍然關心我0既朋友, 大有人在! 我又何必執著0係d酒肉朋友身上. 但我都好希望果個"朋友"早日醒悟, 唔好再咁好勝. 因為人地總有一日會發現佢係一個咩人. 呢幾日諗起自己15年前受洗0既過程. 我曾經把自己交比神, 但自從媽媽離開左我, 我離棄左神... 一段好長0既時間, 我唔再祈禱, 唔再返教堂, 因為我感到無助, 我質疑神0既力量. 係我做錯左... 但, 原來神一直無離棄過我. 我一直努力為自己所愛生活, 活在當下, 有愛我同我愛0既人同事物, 已經好幸福. 呢d唔係我0既運氣, 係神給予0既神跡, 恩賜. 我出生0既時候, 就有著神0既祝福, 神更派遣兩位小天使黎我身邊, 教我咩係無私0既愛. 雖然, 有一位小天使已經返左神0既身邊, 但我得到0既比失去更多! 今朝出門口前, 同 Oscar 講左我要返工, 叫佢同爸爸訓多陣. 個傻仔點都唔肯去訓, 一直送到我出門口, 我覺得好溫暖. Oscar, 多謝你咁愛我. 我都好愛你啊! 午飯食左自己準備0既 lunch box... 雖然牛肉比較咸... 飯比較硬... 但總好過無得食... >.<... 不知不覺, 又到星期五, 五天工作真好! kekeke... | ||||||||||||||||||||||||||||||||
Thursday 22nd February 2007 10:27:11 PM 2月22日靜靜的工作間[ 0 messages] General 可能因為好多同事仲放緊新年假, 今日 office 仲好靜. 我特別鍾意寧靜0既感覺, 自己可以聽下歌, 0係自己0既世界裡面. 最開心就係我坐0既位置係獨立架. 有自己0既電話, 就算訓左都無人見到. kekeke... 今日爸爸放假, 所以午飯約左同學仔一齊食. 其實我唔係一個怕寂寞0既人, 我比較喜歡自己一個食晏, 等有點私人時間, 可以睇下書, 聽下歌. 但又未至於自閉啊! 今晚煮左炸菜蒸牛肉飯, 一盒比自己 tmr lunch, 一盒比大食0既爸爸 tmr 做 lunch (or tea... >.<). 又可以慳d錢同健康d! 近日, Oscar D毛毛好似滑左d! 唔知關唔關食 cooked food 事呢. 希望佢身體健康, skin problem 快d好番! | ||||||||||||||||||||||||||||||||
Wednesday 21st February 2007 09:57:15 PM 2月21日第一日返新工工 [ 3 messages] General 好似平時咁, 今朝我7點起身, 準備早餐比 Oscar, 等爸爸放完 Oscar 落街尿尿後, 我就同個仔 clean up D手腳, 再餵佢食早餐, 之後就返上床訓到8點先起身洗臉, 刷牙, 換衫返工. 今日我8點半出門口, 8點50分就返到 office 啦! 比起之前返銅鑼灣, 車程短左好多! 坐定定之後, 就0係個位度一直呆坐到中午12點15分, 約埋爸爸去 MK食 lunch. 我地食左"仙跡岩", 食飽飽就去睇下衫仔同行下 DC Fever, 之後, 返 office 再度呆坐. 坐到4點幾, 有個 T.O. 比左dd野我做, 仲叫我唔洗咁趕, 慢慢做. 就咁, 準時5點45分走人. 爸爸問我, 有無後悔轉工, 我好快咁答佢無. 因為始終搵多d錢重要過興趣. 仲係五天工作 tim! 星期六早上都可以同 Oscar 去玩! 不過, 最慘就係, 無得上網同 MSN 啦! T_T... | ||||||||||||||||||||||||||||||||
Tuesday 20th February 2007 11:16:32 PM 2月20日新年的活動[ 0 messages] General 大年初二, 我地同一班狗友去"元荃古道"行山, 路線由荃灣行到深井...
一開始有上山0既樓梯, 到中段幾辛苦0既落山 slope... 但, 風景真係好靚啊! 我地由11點行到4點半, 0係深井食左隻好好味0既燒鵝. 辛苦行完全程, 總覺得食0個一餐特別好味! 過左好開心0既一個下午! 晚上, 同屋企人食完開年飯, 再同 Anita, Kay, Ellen & Paxson 去 UA Whampoa 睇"翻生侏羅館". 套戲好好笑, 係近期佳作! kekeke... 年初三, 本來想去貝沙灣玩下, 但天色好差啊. 咁ee就一早帶埋 Brandon 黎搵 Oscar 玩啦! 玩到下午3點幾, 我地返左屋企一陣做埋d家務, 晚上同 Moses Family, Edma & Goofy 同ee 一齊行過 Dog House Cafe 食晚飯. 個衰爸爸就約左朋友去食飯! >.< 0亨! 食完晚飯, 同 Anita & Kay 去感謝 Jusco, 但我想要0既粉紅豬 Pooh 已經換晒啦... 算啦, 唯有等啡豬 Pooh 啦! | ||||||||||||||||||||||||||||||||
Sunday 18th February 2007 11:08:19 PM 2月18日新年啦[ 0 messages] General 琴晚, Oscar 0既超級團年飯好大兜啊! 材料有: 牛扒, 羊腿肉, 雞胸肉, 三文魚同飯飯... 一定好好味啦!
今朝起身, 同 Oscar 出街街拜年前, 我同爸爸封左大利是比 Oscar~~ 之後就同埋個仔去 Coco 屋企拜年, 然後去埋爸爸個姨媽度拜年, Oscar 一共有7封利是啊! kekeke... 佢可以自己比錢買牛扒啦!
| ||||||||||||||||||||||||||||||||
Saturday 17th February 2007 11:20:52 PM 2月17日又係行城門[ 0 messages] General
今日約左 Ding Ding Pazu Family, Tiroro & T ma, 同 Kay & Moses 去城門行山! 我地呢次行龍門徑, 沿途好靚, 又好行, 上上落落0既山路, Oscar 真係行得好開心! 行完山, 我地一齊去左 Dog House Cafe 食過 big lunch! So tasty! 之後返屋企同 Oscar 沖涼, 再過 Auntie 屋企食團年飯, 飽飽... 0聽日一早會同 Oscar 一齊去 Coco & Toby 屋企拜年! 一定好多利是, kekeke... | ||||||||||||||||||||||||||||||||
Friday 16th February 2007 12:30:18 AM 2月16日 Kung Hei Fat Choi[ 0 messages] General
Oscar 話: Kung Hei Fat Choi, kekeke... | ||||||||||||||||||||||||||||||||
Thursday 15th February 2007 03:02:18 PM 2月15日最後一日[ 1 messages] General 好野, 返埋今日, 就唔洗再老遠搭車返銅鑼灣啦! 何文田係好理想0既工作地點, keke... 希望呢半日平安渡過, 出埋糧同 reference letter 我就可以正式 bye bye 佢條尾! 0聽日本來想去西貢游水水, 但好似太 cold 啦, 都係上紅燈山行下算啦! 星期六約左 Ding Ding, Pazu, Moses & Tiroro 去城門行山, 又玩玩玩! Yeah~~ | ||||||||||||||||||||||||||||||||
Wednesday 14th February 2007 03:23:38 PM 2月14日情人節有咩攪架?[ 0 messages] General 今日係我同呀柏過0既第7個情人節, 亦都係大小龍0既回家3周年啦! 咁快就7年, 之前點慶祝我都唔記得啦! 但印象中我只收過一次花 lor! keke, 今年收到一個袋仔, 行山時可以襯番個 back pack 啦~ 我就無買禮物比呀柏啦, 不過我會煮西餐比佢食! 菜單係: 1. 蜜糖芥末汁西冷露筍卷
我0既第二情人, 何小 ca 0既菜單就係: 1. 雞胸羊腿肉通粉伴三文魚刺身
嘩, 何小 ca 呢餐一定好飽啦! wakaka... 至於... 大小龍... 比多兩粒木瓜佢啦! | ||||||||||||||||||||||||||||||||
Tuesday 13th February 2007 10:06:50 AM 2月13日磨薑...[ 0 messages] General 琴晚落街街時, Oscar 玩得太過開心啦... 結果, 動作太大引致磨薑... keke, 原因係 Oscar 已經唔夠長大左0既 Moses 玩啦! Stupid Oscar... 有兩個傷口, 一個0係手肘, 一個0係腳跟. 返到屋企, 個衰仔又扮晒痛, 攪到爸爸話我... 一出街就攪到個仔損手爛腳... >.< 都唔係好痛姐, 男子漢要有d傷痕先 man 架! kekeke... | ||||||||||||||||||||||||||||||||
Monday 12th February 2007 06:31:24 PM 2月12日攪笑[ 0 messages] General 今朝一返工, 3個同事 sick leave, 3個都腸胃炎, 3個都係老闆最 buy 0既... 睇到老闆黑足一個下午. 不過佢應該唔會照佢地 lungs 啦! keke... Scanner 總係同我過唔去, 好在仲有3日就 bye bye 佢啦! 耐心等埋3日... 會有一片新景象! | ||||||||||||||||||||||||||||||||
Sunday 11th February 2007 11:40:41 PM 2月11日 Busy Weekend[ 0 messages] General 琴日下午放工, 去左 MongKok 買衫買褲買鞋買袋過新年! 結果, 好豪咁一日洗左爸爸一個月0既 OT 錢... 我自己都覺得好豪...
下午茶食左 Italian Tomato~~ 正!
星期日一早去行城門水塘, 好好彩咁撞到屎人, 同我地一家三口影左新年相! 好靚啊!
今次行左好短路咋, 都仲未到我至愛果條樹路... 原因咪因為 Moses 個兄弟行唔掂 lor ... 我原來都好行得架! kekeke... 之後去左 Kowloon Park 個寵物年宵, 買左d野比 Oscar 過年食, kekeke... 仲買左支2百幾蚊0既 Salmon Oil, 何小 ca, 你要就住食...
下午同 Oscar 沖完涼, 我去左街市買肉肉比個仔. 今次買左8磅雞柳同2磅羊腿肉, 羊腿肉要 $56, 好貴~~ 不過 Oscar 食得開心, 間唔中一次都無所謂啦! 晚上, 去多次 Marcos 食鵝肝! 好好味啊! 今日好開心呀!
| ||||||||||||||||||||||||||||||||
Saturday 10th February 2007 09:36:23 AM 2月10日才女[ 0 messages] General 曲：林二汶@at17 詞：于逸堯@人山人海 編曲：梁基爵@人山人海 監製：蔡德才@人山人海 世界不知不覺無情地轉 勞碌找一個救生圈 靠美德博學還離岸很遠 用美色多勝算 可惜我只配談文字戀 強項得書信對白婉轉 講曲線體態自然落選 憑面相難完心願 蕭伯納 王爾德 但丁莎士比亞 馬奎(灰)斯 小仲馬 請指點我去用情書將心扣住 辛棄疾 矛盾 魯迅 蘇軾 求可體恤我筆尖的計算 長話盼 盡說短 人海中等惜字緣 交心的戀愛漸成歷史 唯獨我堅信愛像種子 悉心栽花卻換來白紙 才用眼淚來寫字 伊索 屠格涅(烈)夫 狄更斯歐威爾 艾可 卡爾維諾 幾本書的背後埋藏著我心事 張愛玲 曹禺 老舍 冰心 如果早幫我寫命運情節 從未怕 命太短 惟恐寫不好那段緣 盼成全 | ||||||||||||||||||||||||||||||||
Friday 09th February 2007 09:47:25 AM 2月9日琴晚食鵝肝[ 1 messages] General 琴晚放工前, 同 Anita MSN, 佢話晚餐要食好d, 仲叫埋我同爸爸一齊食. 結果, 去左 Marcos~~ 我同呀 Kay 食鵝肝牛柳, 爸爸同 Anita 就食龍蝦牛柳~~ 好好味啊, 一個 set $138, 一d都唔貴, 個 set 仲有龍蝦湯, 三文魚 tart, 同心太軟甜品... 好好味, 好豪, 好開心啊! 件鵝肝好大件又煎得好香, 一d都唔油! Thanks for Anita & Kay always bring us to good restaurants! | ||||||||||||||||||||||||||||||||
Thursday 08th February 2007 06:04:47 PM 2月8日改左改左[ 1 messages] General 由於人力流動關係, 依家個 plan 改左啦! 三十: 早上休息, 晚上去大腳板屋企食團年飯 初一: 拜年日, 去左大腳板屋企先, 再去呀公屋企 初二: 城門水塘 with Nicole EE, Edma, Cass 初三: 行山 (地點待定) --- Oscar Family, Tiroro Family, BJ Family, Pat Pat Family, Momo Smiffy Family, Edma 初四: 返工 初五: 返工 初六: 返工 初七: 淺水灣行山 --- Oscar Family, Pat Pat Family, Edma 初八: 休息日 初九: 返工 | ||||||||||||||||||||||||||||||||
Thursday 08th February 2007 11:21:48 AM 2月8日 Home Made Food[ 0 messages] General 連續食左兩日 Home Made Food 0既 Oscar 小朋友, 身上0既紅點點淡色左, 眼屎又少左, 仲飲少左水水, 但依然好多尿. 一個好開始啊! | ||||||||||||||||||||||||||||||||
Wednesday 07th February 2007 08:55:10 PM 2月7日失禮晒...[ 0 messages] General 琴晚蒸左雞雞同菜比 Oscar 今日食, 點知... 佢等食等到流晒口水... 真係失禮晒啦!
| ||||||||||||||||||||||||||||||||
Wednesday 07th February 2007 06:50:06 PM 2月7日轉變[ 1 messages] General 我0既人生又有一大轉變啦! 0聽日要返公司辭職啦! 第時就會有多d時間陪 Oscar. 今朝一早出左去, interview 後返到屋企... 何小ca 竟然擔左抽濕機個電制上梳化...... 好在返得切黎咋. 如果唔係, 電制0既下場... 我都唔敢諗. 約左呀同佢地食晏, 舊同學傾左一餐晏, 好開心啊! 之後去左街市買牛扒同龍利柳, 蒸左比 Oscar 0聽日食.
傍晚放狗, 買左雞條比 Oscar~~ Oscar 好開心呀! 又有正正飯食又有好味 snacks~~ | ||||||||||||||||||||||||||||||||
Tuesday 06th February 2007 10:01:52 AM 2月6日一個波波兩份玩[ 2 messages] General 近日愛上玩波波0既 Moses, 琴晚咬住個波波, 引 Oscar 追佢啊! 好野, 依家兩個小朋友都迷上咬住個波跑步. 等我今晚帶番 Oscar 個私家波波先! 今朝 Oscar 已經唔累啦! 一切回復正常, keke~~ | ||||||||||||||||||||||||||||||||
Monday 05th February 2007 06:21:52 PM 2月5日新年去玩玩計劃[ 0 messages] General 都唔係好 full 咋, keke~~ 三十: 早上休息, 晚上去大腳板屋企食團年飯 初一: 拜年日, 去左大腳板屋企先, 再去呀公屋企 初二: 休息日 or 城門水塘 with Nicole EE 初三: 西灣行山 --- Oscar Family, Ding Ding Pazu Family, Tiroro Family, BJ Family, Pat Pat Family, Momo Smiffy Family... 初四: 休息日 初五: 南Y島行山 --- Oscar Family, Pat Pat Family 初六: 休息日 初七: 淺水灣行山 --- Oscar Family, Pat Pat Family 初八: 休息日 初九: 休息日 初十: 開工 | ||||||||||||||||||||||||||||||||
Monday 05th February 2007 10:36:45 AM 2月5日何小ca暈左... [ 0 messages] General 今朝起身時, Oscar 竟然唔理我, 一直照訓0係佢張床... 平時0既佢, 應該 cheap cheap 咁走埋黎問我拎野食架. 我行埋去叫佢, 佢"唔"左一聲, 再訓過... 有無咁累呀~~ | ||||||||||||||||||||||||||||||||
Monday 05th February 2007 12:54:41 AM 2月4日大尾篤一游[ 2 messages] General
星期日0既早上, 我地同 Moses 一家去左大尾篤水壩行. 沿途有好多人踩單車, 我地唯有行左上個"博"位行啦. 好晒啊, 晒到我塊面紅左.
之後我地去左"大草原燒烤場"參加 Pat Pat 同小白0既生日會, Oscar 不停玩波波, 爸爸不停食食食... 我就不停影相相! 哈, 個傻仔又有好多奇怪樣啦! 玩到5點幾就返屋企洗白白 lu. 之後我同爸爸落左街行. 本來好開心0既, 但... 我係 izzue 買0既新 jacket, 竟然0係我地0係吉之島 shopping 時留低左搵唔番... =( 好嬲啊! 我今個星期已經第三次留低野啦... 我要小心d先得啦... 唯有叫爸爸買過兩件比我, 彌補我心靈上創傷啦! | ||||||||||||||||||||||||||||||||
Saturday 03rd February 2007 10:14:06 AM 2月3日何小ca食大餐[ 1 messages] General 今朝, 何小ca 開始食肉肉啦, 果磅半雞雞唔知夠唔夠填滿呀何生個大肚 dum 啦. 原來就咁溝埋d野都要攪一輪, 要早d起身先得啦! Oscar 今朝見到兜肉肉時, 好開心啊! 希望佢食得開心又健康! | ||||||||||||||||||||||||||||||||
Friday 02nd February 2007 07:17:23 PM 2月2日點解呢?[ 1 messages] General
點解何小 ca 咁唔聽話, 我仲要煮野佢食... 琴晚放工, 一返到屋企, 一地雪 (雪= cotton)... 呀何生你有咩唔 like 咪講 lor... 又咬爛野, 執死你媽媽啦! 由於琴日我胃仔唔舒服, 是日休假. 一早起身, 睇完醫生, 就去吉之島買野, 為 Oscar 0既 Home Made Food 作準備! 買左磅, 蒸籠, 食物盒同一個密實樽用黎擺 supplement. 之後仲去街市買左兩磅雞胸肉比 Oscar 0聽朝食! 我咁大個女都唔知有無去過十次街市... 我自己都覺得媽媽好偉大! 計過條數, 原來 Oscar 一日要食1.5磅肉. 頭先0係街市順便問埋價格~ 牛扒 --- $14.5 一磅 羊肉 --- $12 一磅 雞胸 --- $10 一磅 計落一個月要洗多 $500 左右, 都 ok~~ 最多自己平時慳d錢啦! 希望 Oscar 食得招積, keke...
| ||||||||||||||||||||||||||||||||
Friday 02nd February 2007 07:16:52 PM 2月1日 Thank u Pat Ma![ 1 messages] General
多謝 Pat Pat Ma 送3個波波比 Oscar~~ 我會叫 Oscar 錫你一啖架啦! | ||||||||||||||||||||||||||||||||
Thursday 01st February 2007 09:46:55 AM 2月1日大掃除大計[ 0 messages] General 大腳板怪, 首先, 我想話你知, 我知道你日日睇我個 blog 架, 睇到呢個 post 唔好扮唔知呀! 仲有兩個幾星期就新年啦, 開始計劃下有咩家務要做先. Plan 好d item, 再逼大腳板怪做d! 項目如下: --- Cleaning Windows --- Cleaning tiles in the living room --- Cleaning all the furnitures --- Cleaning the fan and air-conditioner --- Cleaning the kitchen --- Cleaning the toilet --- Choose the "old" clothes the throw away --- Cleaning the cage of Lung Lung --- Changing clothes for Alonzo --- Washing the bed of Oscar --- Washing the clothes of Oscar --- Take BIG bath for Oscar 大腳板怪, 比兩日時間你諗自己想做邊幾樣! 如果兩日後你未諗掂就我分配比你做啦~~ keke... | ||||||||||||||||||||||||||||||||
Wednesday 31st January 2007 11:44:15 PM 1月31日 Oscar: 鬧我, 我咬爛你d野![ 0 messages] General 今朝 Oscar 沖入屋, 我鬧佢... 放工返到屋企, 諗住同佢道歉... 點知, 我一入屋, Oscar 好熱烈咁歡迎我, 令我覺得... 佢一定又做左壞事. Check 過地下, 無野, 得d完整0既玩具, check 埋床, 都無野... Oscar 個 pat 0係我行入屋之後就無離開過梳化... 一定係... 叫左佢落地... 中... 咬爛梳化套... 真係 bear 一聲. 呢個小朋友, 暗示我知, 下次唔可以輕易鬧佢.
| ||||||||||||||||||||||||||||||||
Wednesday 31st January 2007 09:54:45 AM 1月31日兩隻毛毛怪物[ 0 messages] General
人養龍貓我養龍貓... 點解我果兩隻係 din 架?! 琴晚, 佢地又再一次玩爛個水樽... 唔通真係想新年換新樽... 煩死人啦! 今日放工要記住買個新水樽比兩隻死仔... 琴晚同 Moses Family 一齊放狗, Moses 乖左好多啊! 佢一跑番黎時, 表露出一個好想人讚0既神情, 我當然即刻讚佢啦! Good Boy Moses! Keep it up! Oscar 今朝落完街未 clean 腳就沖入屋, 結果又比我鬧... 呢個小朋友, 一食飯就咁心急... 失禮人... | ||||||||||||||||||||||||||||||||
Tuesday 30th January 2007 06:00:13 PM 1月30日小腳板的去向[ 0 messages] General 唉... 想好好地0係一間公司做野, 但無奈老闆越黎越多要求... 點好呢... 如果出面有機會, 人工又好d, 又5天工作, 會唔會令小腳板動搖呢? 個心好亂, 一方面想創一番事業, 一方面又想多d時間陪 Oscar... 我想要一個導航器! | ||||||||||||||||||||||||||||||||
Tuesday 30th January 2007 10:16:31 AM 1月30日一個決定[ 1 messages] General 琴晚點解買雪櫃呢? 係因為我同爸爸做左個重大決定. 我地決定比 "Home Made Food" Oscar 食. 近來, 出左隻叫做 Sojo Europa 0既 supplement 用黎溝埋d肉食, 咁就可以營養均衡啦. 今日下午會打比 Jamie 訂 Sojo Europa. 希望 natural food 可以令 Oscar D皮膚再 improve 好d, 同埋健康d啦! 咁以後就要買d肉肉放0係雪櫃, 買埋電蒸籠, 蒸肉肉比 Oscar 食啦! 係會花多左時間同錢, 但只要對 Oscar 好, 咩都無所謂啦! | ||||||||||||||||||||||||||||||||
Tuesday 30th January 2007 01:07:51 AM 1月29日我很富有...[ 0 messages] General 今日係我生日, 所以請左一日 No Pay Leave... 過左一個好貴0既生日! Hehe... 下午, 同 Oscar 行天橋, 我覺得自己好富有. 因為我有一個好乖0既仔, 何小ca, 又有一個好好0既男朋友, 仲有一班好朋友同好錫我0既家人... 我0既心裡面好富有啊!
晚上, 同大腳板去左行街街, 去左印尼餐廳食晚餐! 好好味! 食左: --- 串燒牛肉 --- Gado Gado --- 燒醬雞 --- 牛肉薯餅 --- 黑糯米
食飽飽, 返黃埔睇雪櫃. 買左啦, 星期六送貨! 好野, Oscar 可以轉食肉肉, 唔洗食狗糧啦! | ||||||||||||||||||||||||||||||||
Monday 29th January 2007 12:16:02 AM 1月28日熱鬧過後再行山山 [ 0 messages] General 星期六下午, 同 Moses 佢地去左 Dog House Cafe 食 tea, 食到5點幾6點先返屋企, 跟住又拿拿林去 set 頭, 換衫... 因為晚上要去飲 Joey baba 同 Jovi 果餐啊! 過左好熱鬧0既一個晚上! 祝一對新人白頭偕老! 今日, 係慶祝我生日0既行山日啊!~ 團員有: Carrie (Me), Pak, Suen, Oscar, Anita, Kay, Moses, Bebe! 一行5人3狗~~ 我地搭10點船去南丫島, 一到步就食早餐, 跟住由索罟灣出發行山山啦! 行到一半, 0係洪聖爺灣食豆腐花, 再上大風車... 跟住0係榕樹灣, 再食蛋糕. 0係 Shelly Express 度, Anita & Kay 比左個大驚喜我啊! 原來, 佢地訂左個好好味0既柚子 Cheese Cake 比我啊! Thank u so much! 我今年生日有好多朋友仔同我慶祝, 感謝主, 我過得好開心啊! 之後再食埋串燒先搭船返中環. 飽飽呀!
晚上, 同 Anita & Kay 一齊去菊池 Dinner, 好好味, 過左一個美味0既星期日! 今日, 3個小朋友都好累啦, 玩得好開心! Thank u my dear friends! | ||||||||||||||||||||||||||||||||
Friday 26th January 2007 06:15:13 PM 1月26日 My Ear[ 0 messages] General
無聊影下自己隻 ear... 帶左呀柏隻黑色 earring~~ | ||||||||||||||||||||||||||||||||
Friday 26th January 2007 09:42:30 AM 1月26日 Yesterday[ 3 messages] General 琴日, 有好多事發生啊! 下午, Teddy, Leona & Siva 請左我去易牙妙手食 lunch 慶祝生日! 好好味, 食得好開心. 多謝啊朋友仔! 記得 Teddy 話過我地係一家人. 我為你呢個家人搵到幸福覺得好開心! 祝你同佢日日都咁甜蜜啦! 返到 office, Jennifer 逐個人叫入房, 我仲擔心有d咩事... 原來... D先生咸豬手呀K小姐... 嘩... 好恐怖, 我仲坐佢側邊... 其實, 一直都覺得佢講野0既語氣同眼神好咸濕... 點知... 希望 Jennifer 會炒左佢啦! K小姐好慘... =( 6點幾, 我同K小姐一齊切蛋糕! Jennifer 叫S小姐買0既蛋糕~~ 今年生日好多個蛋糕啊! hehe~~ Jennifer 仲送左支 Bath Shampoo 比我啊!
晚上, 大腳板屋企人打電話黎, 話已經租到屋啦. 好在咋, 如果唔係, Coco & Toby 就慘啦! 放狗時, 約左 Moses. Moses 乖左好多! 唔通, Oscar 都要用0個條 choke chain... | ||||||||||||||||||||||||||||||||
Thursday 25th January 2007 10:00:24 AM 1月25日要點先肯改[ 0 messages] General 唉, 一個人要做錯幾多次要肯真心改過? 我地無判佢死刑, 但佢一d都唔珍惜佢身邊0既一切. 幸福唔係必然, 希望佢呢次真係會改過! 願主祝福同安慰佢地一家, 帶領佢地離開困境! 大腳板, 你要多d休息, 我唔會怪你! 我明白你無得選擇! 希望你可以從容面對, 唔好咩都屈0係心! 再困難0既日子我地都一齊面對過, 無論你有咩打算, 我同 Oscar 都會陪你走到最後! | ||||||||||||||||||||||||||||||||
Wednesday 24th January 2007 02:53:36 PM 1月24日香港時下設計[ 3 messages] General 設計, 由細細個開始就好鍾意啦! 中四開始就正式讀 Art & Design, 中六讀 Graphical Communication, 到大學, 選擇左 Architecture 做我0既 major. 結果, 做左五年野, 依家轉左做 Interior design. 一路做野, 一路覺得對 design 好失望... 生於香港, 我從未見過 Hong Kong Style... 唔好提d European 野, Asia 都有 Chinese Style, Thai Style, Japanese Style... 但點解無 Hong Kong Style 架! 我唔理, 我要世界各國0既人都知道 Hong Kong Style, 即係 Carrie Style! 努力啦小腳板! | ||||||||||||||||||||||||||||||||
Tuesday 23rd January 2007 09:37:48 PM 1月23日 Shopping @ Sogo Supermarket[ 2 messages] General
星期六0個日, Edma 送左張 Sogo Coupon 比我做 birthday gift~~ 所以我今日食完 lunch, 就去左 Sogo 0既超級市場買零食啦! 好開心, 買左我至愛0既牛油餅餅同虫虫糖! Thank u Edma~~ | ||||||||||||||||||||||||||||||||
Tuesday 23rd January 2007 06:39:03 PM 1月23日怪物爸爸[ 0 messages] General
琴日買左新牙刷... 支舊牙刷我同爸爸同時換架... 但佢果支用到爆炸頭咁... 原來, Oscar 有個怪物爸爸! | ||||||||||||||||||||||||||||||||
Monday 22nd January 2007 12:03:03 PM 1月22日何小ca大啖大啖咁食[ 0 messages] General 何小ca大啖大啖咁食d咩呢?
係西蘭花, 蕃茄仔同藍梅溝鴨味糧!
| ||||||||||||||||||||||||||||||||
Monday 22nd January 2007 10:46:45 AM 1月22日星期一的天氣[ 0 messages] General 今朝起身, 個天依然灰灰暗暗... 太陽先生... 你開工啦... 我好想去行山山啊! 星期一真係過得慢d, 又眼訓. 黎緊星期六想去城門行山, 跟住去飲金毛爸爸果餐, 星期日啦, 就去南Y島行山, 慶祝生日! Yeah~~ | ||||||||||||||||||||||||||||||||
Sunday 21st January 2007 06:38:00 PM 1月21日一家人去行街街[ 4 messages] General 今日天氣好 misty... 所以無出去玩. 訓到下午兩點左右, 就一家人去天橋行下!
爸爸的愛
溫馨地過左一日! | ||||||||||||||||||||||||||||||||
Sunday 21st January 2007 02:45:33 AM 1月20日提早慶祝生日[ 1 messages] General 多謝各位 多謝各位朋友! ^_^ 我好多年無試過同咁多人一齊切蛋糕啦!
頭先出席0既朋友: Pak, Suen, Siva, Siva baba, Edma, Ellen, Paxson, Nicole, Alec, Anita, Kay, Radium, Leona Thank u so much! 我過左一個好愉快0既晚上! 同埋, d野真係好好味啊! Super like 炒年糕!
又一個寵物用品展 下午放工就同 Edma 去旺角花墟球場0既慈善領養嘉年華, 又買左好多野啦! 買野 List: Chicken Soup 羊肉味餅餅 --- 2 packs : $55 為斯寶餅餅 --- 2 packs : $30 Nutrience 雜果味餅餅 --- 3 packs : $10 Dr. King 腸腸 --- 1 pack : $10 Dr. King 牛奶味 & 波菜味潔齒小食 --- 各1 pack : $20 Total : $125 (都唔係好失控姐... ) 相中其他果d係 Edma 買比 Goo Goo 架~~ ^_^
| ||||||||||||||||||||||||||||||||
Saturday 20th January 2007 10:03:09 AM 1月20日太陽先生[ 0 messages] General 太陽先生再次偷懶唔開工啦! 好掛住藍天白雲. 我諗係 Goofy 帶左太陽先生去彩虹橋玩啦! 因為細佬太鍾意晒太陽. 今朝一上網, 就見到一個金毛會會員0既狗狗離世0既消息. 雖然唔知原因, 亦無必要知. 只係希望狗狗一路好走. 到左彩虹橋可以同 Goofy 做好朋友. 亦希望狗狗0既親人唔好太傷心. 緣份就係咁. 想留都留唔住. 都係果句: 珍惜眼前人/狗 | ||||||||||||||||||||||||||||||||
Friday 19th January 2007 05:00:09 PM 1月19日熱切期待[ 0 messages] General 20號0既填鴨宴! 好期待啊! 又可以一大班朋友一齊晚飯! 早左9日慶祝我0既生日啦. 事關27號金毛會有大喜事! 慶祝自己0既生日之餘, 仲要慶祝一位女車神0既誕生! 弓喜晒喎, 朋友仔! 今年生日願望係一家人齊齊整整, 身體健康! 健康最緊要啊! | ||||||||||||||||||||||||||||||||
Thursday 18th January 2007 11:12:55 AM 1月18日清閒[ 2 messages] General 工作上依然清閒... 希望過左新年會多番d野做, 因為咁會好悶架, 時間又難過. 今朝再次發現何小ca lick 手... 佢好似對改變左0既生活有d唔慣. 我放工要快d趕返去陪佢先得啦! | ||||||||||||||||||||||||||||||||
Wednesday 17th January 2007 06:12:39 PM 1月17日支持唔住啦[ 0 messages] General 琴日朝0係 office 個頭已經好痛... 琴晚仲好夜先訓... 今日就... 暈左啦... 請左一日事假. 又要扣錢, 慘慘. 一路訓, 一路比d雨聲嘈住... 訓下醒下咁... 好在依家個頭都好左d... 唉, 財又唔多, 但身子差... 慘啊! 琴晚通渠叔叔做野時, Oscar 睇到實, 扮晒 supervisor, 正一傻仔! 結果佢自己就有大黑眼圈啦... >.< | ||||||||||||||||||||||||||||||||
Tuesday 16th January 2007 11:52:22 PM 1月16日大獲啦[ 2 messages] General 唉... 呢間屋真係多事... 果頭樓下爆食水管, 今日連屋入面個渠都"室"左... 何必呢... 爸爸, 快d通渠啦! 辛苦爸爸了... | ||||||||||||||||||||||||||||||||
Monday 15th January 2007 10:31:58 PM 1月15日Oscar 第三名禮物[ 0 messages] General
呀姨婆 (即係我呀姨) 知道 Oscar 星期六才藝比賽得到第三名, 今日就拎左一大袋零食送比 Oscar 啦! Oscar 你仲幸福過媽媽! 咁多人錫你! 禮物有4包雞肉麥支零食, 一大包 Wanpy 雞片, 兩包大 Sunrise 牛粉骨骨同一包砂肝小食... 嘩... 有排食啦! 零食櫃又爆倉啦!! | ||||||||||||||||||||||||||||||||
Monday 15th January 2007 04:34:18 PM 1月15日琴日0既爆水管驚魂[ 2 messages] General 紅磡爆食水管路面下陷 (明報) 01月 14日 星期日 09:25PM 紅磡寶其利街傍晚有食水管爆裂，造成路面下陷，運輸署呼籲駛車者改用其他道路。 現場往機利士南路方向，近明安街全線封閉，多條巴士路線改行明安街及必嘉街。水務署已派人搶修。 嚇鬼死我... 幾怕停水... 好在影響唔到供水. 不過諗起琴日, 直頭好似有洪水咁, 好恐怖. 好在我地入左 Lobby, 如果唔係, 沖走 Oscar 都似... | ||||||||||||||||||||||||||||||||
Monday 15th January 2007 02:25:19 PM 1月15日 Oscar 新衫衫[ 0 messages] General 琴晚又捉住 Oscar 著衫影相啦!
Oscar 個樣好似好委屈咁... 但唔緊要, 影完我有獎番佢架! | ||||||||||||||||||||||||||||||||
Sunday 14th January 2007 11:59:09 PM 1月14日今年的第一份生日禮物[ 0 messages] General
多謝晒 Radium, 張毯好靚啊! 我好好好鍾意! ^_^ | ||||||||||||||||||||||||||||||||
Sunday 14th January 2007 06:10:57 PM 1月14日城門水塘之旅[ 0 messages] General 本來諗住同呀姨一齊去貝沙灣, 但星期日始終怕太逼人, 所以上左城門水塘! 我地11點半起程... 一路上, Oscar, 豆豆同嘉嘉都行得好開心, 周圍搜索新事物. 豆豆同嘉嘉特別開心, 因為佢地好少行山架! 當然, 我地都有同波怪何小 ca 0係草地上玩下波波啦!
行到3點幾4點, 我地食完 tea, 就走 lu. 離開時, 撞到咸金, 屎人同 Vindy~~ 返到屋企 lobby, 突然見到出面爆街喉, 好擔心無水供應 tim... | ||||||||||||||||||||||||||||||||
Saturday 13th January 2007 10:58:12 PM 1月13日 Shopping Shopping[ 0 messages] General
Oscar win 左"寵物一叮"第三! 好叻仔! Oscar 係媽媽心目中0既 Number One! 雖然佢今日周圍 try 人地d野食好失禮, 但天才比賽的表現好好, I am so proud of u Oscar!
買野 List: NV Lamb Can Food : $20 x 2 三文魚小食 3 packs : $100 牛肉條 1kg : $50 Dog Chocolate : $15 Dog Candy : $7 Dog Milk Candy : $10 寶路牛肉圈圈 : $10 x 2 Dog One Life Clothes : $66 x 2 Chinchilla Water bottle : $38 Total: $412 Thank u List: Thank u Suen and Siva for coming to pet expo with me! Thank u Nicole and Cold Hen to take fotos and video for me! Thank u Leona for the snack to Oscar! Thank u Radium for the 毯! I love this birthday gift so much! Thank u Anita & Kay for changing the size of clothes for Oscar! And thanks for the toy! Thank u Edma to walk with us! Thank u baba for taking the stuff for me! Thanks everyone!! 晚上, 同呀璇 & Siva 0係屋企打邊爐, 好好味啊! 蕃茄+豬骨湯底, 正到爆! 之後仲放狗同食糖水~~ | ||||||||||||||||||||||||||||||||
Saturday 13th January 2007 10:10:02 AM 1月13日今日會去寵物展啊[ 0 messages] General 今日下午4點10分, Oscar 會玩"寵物一叮", 心情好緊張啊! 希望 Oscar 醒d! 不過志在參與! 希望多d野買啦, 多謝爸爸 sponsor 800 大元! hehe... | ||||||||||||||||||||||||||||||||
Saturday 13th January 2007 09:36:21 AM 1月12日晚上... 遇見死敵[ 1 messages] General 再善良0既狗, 都會有死敵啦... 何小ca 就有一隻死敵, 佢係一隻好肥0既巴塞亨... 琴晚又見到佢啦. 佢吠 Oscar, Oscar 就"樹"晒毛, 好似想打過咁... 其實點解會咁啦? Oscar 同隻巴塞亨又無對對方做過d咩... 不過, 人夾人緣, 狗夾狗緣, 總會有d人/狗做唔到朋友0既! | ||||||||||||||||||||||||||||||||
Friday 12th January 2007 05:46:12 PM 1月12日好悶啊[ 0 messages] General 今日0係 office (到現時為止), 都未有野做! 我好悶啊! 做d咩野好呢? 又上金毛會, 又MSN, 又睇鬼故事... 仲有咩可以做架... 咪... 寫下 blog lor... 唉... 快d放工放工放工放工放工放工... | ||||||||||||||||||||||||||||||||
Friday 12th January 2007 09:50:05 AM 1月12日期待20號0既填鴨宴[ 7 messages] General 時間: 2007年1月20號晚上7點正 地點: 西湖, 黃埔花園4期地下1, 2, 2A鋪 出席人物: Carrie, Pak, 璇, Siva, Siva baba, Edma, Anita, Kay, Ellen, Paxson, Leona, Radium, Nicole, Alec (一共14位) Menu: 江南八小碟 北京片皮鴨 文思豆腐羹 鴨崧生菜包或叉子餅 清炒河蝦仁 紅燒小元蹄 松子黃花魚 鮮茄什菌浸時蔬 醬炒年糕大閘蟹 招牌小籠包 高力豆沙 鮮果盆
| ||||||||||||||||||||||||||||||||
Thursday 11th January 2007 05:08:11 PM 1月11日給 Goofy 的信[ 1 messages] General 親愛的 Fyfy, 媽媽很想你! 但媽媽沒有讓自己沮喪, 崩潰, 因為我知道你不願看見這樣子的我. 早一陣子, 我想過找一位 Animal Communicator 跟你說話好嗎, 但最終我沒有這樣做. 因為, 要跟你說的我都已說了! 我們一起生活的日子雖然很短, 但天天都過得很精彩. 我和爸爸是百分百愛你的, 我們已把最好的都給了你, 相信你在世時已感受到啊! 媽媽一生人有幾個最大的恩賜, 第一是成為你婆婆的女兒, 第二是能遇上你的爸爸, 第三是有你和哥哥兩個好孩子! 現在寫信給你, 我想告訴你, 我, 爸爸和哥哥過得很好, 我們都想你, 我們都愛你! 希望你在天國過得好. 期待再見的一天! 愛你的媽媽 | ||||||||||||||||||||||||||||||||
Thursday 11th January 2007 09:41:57 AM 1月11日朋友0既探訪[ 2 messages] General 琴晚, 我最好0既朋友, 亦都係 Oscar 0既契媽, 呀璇黎左探我同 Oscar! 7點幾落車時, 呀璇打電話比我, 話見到我落車... 原來個傻婆0係對面. 跟住我地一齊上樓. Oscar 見到呀璇黎左, 佢都好開心啊! 我地一齊過碼頭放狗, 呀璇仲同 Oscar 玩捉迷藏~ Oscar 個傻仔, 玩到笑晒! 之後我地0係 Dice Harbour 食晚飯, 我食左牛肉 bao bao 同飲橙汁, 好好味啊! 返到屋企, 我地傾計, 睇電視... Thank u 呀璇! Me and Oscar had a great evening! 要多d過黎搵我! | ||||||||||||||||||||||||||||||||
Wednesday 10th January 2007 09:44:03 AM 1月10日一個朋友[ 0 messages] General 琴日同一個dee dee MSN, 佢話佢唔想拍拖啦. 我相信佢有咁0既決定, 一定有佢0既理由. 拍拖應該係開心甜蜜0既, 如果兩個人之間0既相處唔開心又無默契, 倒不如唔好阻住大家, 等對方可以搵一個更合適架啦! 祝呢個 dee dee 同0個個女仔早日搵到生命中注定0個位! | ||||||||||||||||||||||||||||||||
Tuesday 09th January 2007 10:55:26 AM 1月9日好累啊![ 0 messages] General 星期一至五, 放工返到屋企 7點10分, 換完衫即刻落街放狗, 放完大約8點, 返屋企拖地, 餵龍貓, 餵何小ca.... 攪晒大約8點幾9點, 沖涼, 食飯... 跟住爸爸就番... 睇一陣電視, 10點半再放狗... 放到12點... 訓啦... 日日都好充實啊! 但真係好累! 不過為左 Oscar, 值得啊! | ||||||||||||||||||||||||||||||||
Tuesday 09th January 2007 12:16:41 AM 1月8日何小ca 賴屎屎...[ 2 messages] General 今日放工, 何小ca 異常活躍, 一入門口, 我已經心知不妙了, 結果... 我見到... 一篤屎... 係好 dry 0既屎... 如果要我形容一下自己0既心情, 可以話係驚喜交集... 驚, 係篤屎有卒過0既痕跡... 喜, 係何小ca 只有屙左0係地下... 無卒上梳化同床. 執執下, 我喊了, 因為覺得 Oscar 無做錯, 佢只係好急, 但屋企又無廁所, 佢唯有屙0係地下, 但佢覺得自己做錯左, 仲食埋d屎屎... 好可憐啊... 何小ca 一直0既自責, 令我好心痛... Poor Baby~~ | ||||||||||||||||||||||||||||||||
Monday 08th January 2007 02:16:05 PM 1月8日心情...[ 0 messages] General 我不斷叫自己唔好諗咁多, 唔好不停諗 Goofy D野... 我話比自己知, 把一切交比主啦, 主自有安排! 但... 原來我呃緊自己. 我根本放唔底. 我心情好差啊... 想令自己開心d, 但可以做d咩... 朋友話: "神是我們的避難所, 是我們的力量, 是我們在患難中隨時的幫助." 主, 我應該點做?
從前的我不懂得什麼是幸福, 到失去了你, 才知你是我的幸福! | ||||||||||||||||||||||||||||||||
Sunday 07th January 2007 11:53:20 PM 1月7日天堂蛋糕與地獄蛋糕[ 0 messages] General 晚上, 焗蛋糕... 結果... 一半好靚, 係天堂蛋糕! 另一半 "lon" 左... 變左地獄蛋糕! 但好好味啊, tmr 拎d靚0既請同事食先!
| ||||||||||||||||||||||||||||||||
Sunday 07th January 2007 05:51:05 PM 1月7日 悠閒0既 Weekend[ 0 messages] General 琴日下午同 Oscar 去 Dr. Ian 度打針, Dr. Ian 話 Oscar 0既 Skin condition 好好, 一切正常, Keep 住食藥同沖藥皂就得啦! 又話 Oscar ok fit, 有 35.6kg, 比起之前 39kg fit 好多, 好野, 減肥成功! Dr. Ian 有問起 Goofy. 細佬, 放心吧, 我地同身邊所有人都無忘記你! 你活0係我地心裡面! 打完針, 約左 Siva 同 Pat Pat Family 去 Nana Cafe! d野幾好味! 仲 order 左 cheese muffin 比 Oscar 同 Pat Pat 食! Oscar 同 Pat Pat 好0岩 Key, 玩得好開心啊!
去完 Cafe, Oscar 好累啦, 返屋企覺豬啦! 晚上放狗, Anita & Kay 過左黎公園仔搵 Oscar, Oscar 真係好多人錫啊! 星期日早上, 我地一家人訓到1點幾, 我起身就開始煮 Oscar 今晚0既 Dinner, 煮左甘荀汁雞肉菜菜通粉, 仲煮左份比小Mo子 tim!
下午去左行碼頭, Oscar 又玩波波同捉迷藏! 哈哈, 平淡但開心0既一日! | ||||||||||||||||||||||||||||||||
Saturday 06th January 2007 09:41:21 AM 1月6日 Oscar 係醒目仔[ 0 messages] General 琴晚, 我地帶左 Oscar 過碼頭0既公園仔玩. 我地同佢玩捉迷藏, 我用波波引 Oscar, 爸爸就呢埋, 跟住我就問 Oscar: 爸爸呢? Oscar 個傻仔就周圍搵啦. 哈哈, 我發覺, 原來 Oscar 諗野好有羅輯架. 當玩第4次0既時候, Oscar 搵左第1次爸爸呢埋架地方先, 跟住再順序搵埋第二次同第三次爸爸呢埋架地方, 嘩, 真係好醒喎! 今朝唔記得較 alarm, 差d起唔到身返工. 天氣好冷啊, 要買件大褸先得啦! | ||||||||||||||||||||||||||||||||
Friday 05th January 2007 09:49:44 PM 1月5日晚餐[ 0 messages] General 簡單的幸福, 係自己一個人, 拖住 Oscar, 沿著碼頭一路行, 一路享受寧靜0既環境. 橙橙黃黃0既燈光, 令黑夜變得溫暖. 快樂的人生, 係懂得放鬆心情, 享受世界的一切. 晚飯時候, 飲左粟米湯, 好好味! 簡單0既粟米湯, 都係我0既小幸福! 世界有幾多人, 可以得到溫飽? 我相信, 我係幸福0既一個! | ||||||||||||||||||||||||||||||||
Friday 05th January 2007 04:35:52 PM 1月5日工作...再工作[ 0 messages] General 今日一返到公司, 工作接踵而來... 未有停過... 已經 wing wing 地0既我, 差不多暈倒... 快d放工啦, 我好累啊!
天氣開始涼啦! Oscar 今朝又卷蝦米. 我呢個24孝媽媽緊係即刻同佢著番件衫, 同埋比張被仔佢啦! | ||||||||||||||||||||||||||||||||
Friday 05th January 2007 12:37:08 AM 1月4日晚上[ 0 messages] General 晚上, 比我更懶0既爸爸唔肯落街放狗, 佢話自己好累喎! 於是, 我就自己帶 Oscar 去街啦! 約左呀 Kay 同 Moses 0係紅磡灣等, 跟住一齊行去碼頭. 今晚, 係 Moses "Goodbye 旦旦"0既前夕, 佢好似知道咁, 今晚勁 un 我地... 哈哈, 呢個小朋友好醒喎! 玩完一輪, 我去左買糖水食, 食左蛋白杏仁茶. 好香好滑, 果然係 Anita 至正推介. 明晚開始, Oscar 要自己玩玩啦, 因為 Moses 要休息一星期. | ||||||||||||||||||||||||||||||||
Thursday 04th January 2007 05:46:59 PM 1月4日我放自己一日假[ 2 messages] General 終於要休息下啦, 今朝起床, 覺得個頭好痛, 應該係琴晚放狗扮勁著得太少衫, 冷親啦! 早上打電話返公司請假, 連搵邊個同事都唔知... 真係 shot 左! 睇完醫生, 食左藥, 再訓到兩點幾, 好好多啦. 於是, 煮完 dinner 就同 Oscar 落街行. 今晚, 我同 Oscar 一樣食雞肉娃娃菜湯.
我地又去左碼頭行街街. Oscar 又玩左一輪波波, 玩得好開心!
去完街街, 比左聖誕 party 抽0既骨骨比 Oscar 咬, 個衰仔, 咬咬下唔肯咬...
| ||||||||||||||||||||||||||||||||
Wednesday 03rd January 2007 03:10:21 PM 1月3日訂左新 Collar[ 2 messages] General 放假前訂左0既新 collar, 今晚送貨啦! 我訂左藍色同紫色比 Oscar, 帶住一定好靚仔啦. 藍色仲襯番個 name tag. 唔得, 等我偷偷地訂多個紫色 name tag 比 Oscar 先! | ||||||||||||||||||||||||||||||||
Wednesday 03rd January 2007 12:12:42 PM 1月2日Oscar 要乖乖地[ 0 messages] General 星期二0既黃昏, 我自己帶 Oscar 去碼頭行街街. Oscar 好開心啊! 一路上, 佢都無搶繩, 又無走得遠遠咁. 真係好 good boy! 大約行左大半個鐘, 我地就返屋企啦. 我食左呀姨買0既墨魚波波, 同埋好好味0既 Puff, 之後已經食唔落 auntie 煮0既盒飯啦, 唯有留番第二日食啦. 餵完 Oscar, 拖左地, 我自己沖埋涼, 等呀等, 爸爸仲未返. 等到9點, 爸爸返啦, Oscar 好似唔多掛住爸爸 tim... 哈哈. 10點半, 又出街街. 到左放狗地方, Moses 一家已經到了. Oscar 又同 Moses 玩相 POK. 玩到12點, 返屋企, 燒埋碟比呀 Kay 就訓啦... 好累啊! | ||||||||||||||||||||||||||||||||
Wednesday 03rd January 2007 12:10:36 PM 1月1日新年新開始[ 0 messages] General 2007年0既第一日, 我地一家三口好平淡咁過. 貪睡0既爸爸, 訓到1點幾先起身, 0係爸爸訓醒前, 我同 Oscar 已經食左一個好甜好林0既啤梨啦! 3點左右, 我地就出左去行下, 行左去紅磡碼頭. 一路上, Oscar 都笑著, 好開心咁. Oscar 表情多多, 一時8掛, 一時傻更更!
下午, 爸爸0係屋企打機. 黃昏, 我同爸爸有dd arguement, 但爸爸過完佢屋企 dinner 後, 已經 tum 番我啦! 算佢啦, 如果唔係佢0既新年第一晚就要訓街啦! 晚上, 提早放狗, 因為爸爸要趕返屋企睇叱吒頒獎禮. 都係行左過碼頭. Oscar 追完爸爸又追我, 玩到好累啊! 返到屋企, 開左兩款新零食比 Oscar. Oscar 好開心! 陪爸爸睇完叱吒頒獎禮, 就訓啦. 平淡但幸福的一日! 是日推介飲料: Cream Soda + Milk, 好好味!
Tmr 開始, 我晚上放工要返屋企放狗啦, 因為爸爸要 OT 啦! |
三人行
自拍全家褔 
嘩!
