9月11日一早起身，行四姑娘山。由於只有一日，我地都諗行邊個景區。事實上，個個都話雙橋溝好，不過我地又想行下山，加上多雲，d人話都見唔到四姑娘山，於是揀海子溝。哈，崩潰....行唔夠半小時，我就扯晒蝦，要租隻馬。拉馬哥哥好型，不過話唔識拉馬。下?唔係呀....
一問之下，先知拉馬的"袁二哥"只係回鄉探親，客串拉馬。佢正職係上海的登山俱樂部老板暨教練。佢今年先30，佢話幾年前已攀了珠峰，最愛就係玩攀冰同穿越，又成日參加五項鐵人賽....聽到我地啞晒。當日，我騎馬，其他人就行山，足足10個小時。期間，我地發現袁二哥行山路好似平路，仲快過隻馬......於是問佢有無覺累...佢話，佢當今日係"休息"，好"輕鬆"... =0="