我地9月7日放晚由深圳飛去成都，由Ken的朋友小楊帶路，食左一餐好得的川菜之後，就去訓。9月8日一早就開始行程，由成都飛九黃機場，玩第一個站黃龍。由於唔夠訓，阿聲同Ken都唔多妥，高原之下，朋友唔掂(仲要係最strong的兩個)，我竟然可以代佢地揹住部機同幾個鏡頭行足一日，嘩，奇跡呀!
p.s. 由於季節不合，黃龍無咩睇，連瀑布都無晒水呀......

9月9日，夜晚由九寨飛返成都，10日早上就開車去四姑娘山。沿路司機叔叔車左我地去熊貓保育區，woo~~好近呀...幾十隻熊貓0係你面前玩，超攪笑，我地玩得好開心。另外，沿路又附送雪山美景加上雲海，真係睇到我地哩d城市人嘩嘩聲。
p.s. 去到四姑娘山好夜，影唔到0野，唯有捱凍影星。不過，失敗收場。

9月11日一早起身，行四姑娘山。由於只有一日，我地都諗行邊個景區。事實上，個個都話雙橋溝好，不過我地又想行下山，加上多雲，d人話都見唔到四姑娘山，於是揀海子溝。哈，崩潰....行唔夠半小時，我就扯晒蝦，要租隻馬。拉馬哥哥好型，不過話唔識拉馬。下?唔係呀....
一問之下，先知拉馬的"袁二哥"只係回鄉探親，客串拉馬。佢正職係上海的登山俱樂部老板暨教練。佢今年先30，佢話幾年前已攀了珠峰，最愛就係玩攀冰同穿越，又成日參加五項鐵人賽....聽到我地啞晒。當日，我騎馬，其他人就行山，足足10個小時。期間，我地發現袁二哥行山路好似平路，仲快過隻馬......於是問佢有無覺累...佢話，佢當今日係"休息"，好"輕鬆"... =0="

9月13日，個天落住徵徵雨。我地去到丹巴的甲居藏寨。好多香港人。因為苗圃行動的朋友攪步行。我地一入村，去左桂花的家settle，就去影相。丹巴小朋友好頑皮，佢地不停要你俾$先俾你影，仲用樹枝打我地d機......哩個時候，身為青少年工作者的阿聲出手。佢唔洗20秒，就令小朋友乖乖放下樹枝，拖住佢，仲同我地玩到癲。真係有計。
下午，我地返回桂花的家，剛見佢妹妹大拉娒回家。由於我地從一名咸濕佬手中"救回"大拉娒，又送左兩張即影即有俾大拉娒。所以，佢好樂意做我地model，俾我地任影。期間，同行3位猛男不停讚"嘩...佢對眼識講0野架"，我就不停提醒"人地個仔五歲架啦"......
影完後，我地又跟村民去玉米田，又影相又割草.....玩到日落四山就返藏寨訓
p.s. 當日我地只係早上見到超靚女的小拉娒一眼，就唔見佢。希望之後見到佢啦。

9月14日，我地離開丹巴去塔公了。之前0個晚小拉娒好夜返，佢話第朝可以任影。點知我地懶訓，人地都返左工了.....哩個時間，我地發現藏寨內原來有個勁得意的小BB，哈，都好。於是我地就同佢玩，影左好多相。開車走時，woo...見到小拉娒啦!佢等緊游客呀!我地捉住佢影左幾張...heehee...好靚女呀佢
跟手我地到左塔公，唔知係唔係落雨，唔多見有喇嘛。oh，又好彩，撞到一個成個呂頌賢咁的型男喇嘛，佢除左用英文同我地溝通(因為佢想學好d)，仲帶我地參觀佢房間。我地交流左都幾耐，真係開心。
p.s. 我們發現了一個秘密。原來，大拉娒細我1年〝小拉娒細我3年......啋，我仲當人地"姐姐"添。

9月15日，我地經新都橋去康定。又係時候唔對，新都橋無想像中靚，不過我地又踫上了一個藏族小朋友。由於佢都好nice，我地未知要唔要$，就去左佢的家。家訪過程好開心，我地又試左牛乳，影左好多相。走時，小朋友真係問我拎$。不過哩個小朋友好乖，佢無lur我地，而且好有禮貌，不過因為無事先聲明，我只俾了$1佢。anyway，大家都無捐失，其實我們都好感謝佢地招待。
p.s. 同小朋友回家時，我們遇見了活佛。原來藏族人見到活佛，會好嚴肅敬禮。又大開眼界。

9月16日，出發去海鏍溝。又係天氣唔好，上到山，超級大霧，咩都睇唔到。大冰瀑布都望唔到。我地唯有靜靜的感受冰川的生命力。
.....原來靜聽落石沿冰川滾下，感覺真係好震撼。人，在大自然中顯得更為渺小。
p.s. Ken於冰川除衫影相的壯舉，僅同記於此。

今趟我地用左好幾千蚊去換取11日內遊川北及川西的機會，真係又貴又難得。於是，除左我自己，我仲帶左菠蘿油王子去四川。哈，佢川北時可能係高原反應，無出黎，去到川西先勁影相。你睇，佢背影幾型呀!

團友介紹﹕'
一號﹕"最年青的鬼祟殺人軍曹"阿Ken。佢仲有花名叫"香港之光"。嗜好係話人地"學藝不精"。
二號﹕"科研人員pose王阿sing"。佢最中意就係突然"抽大麻"同叫人俾多d pose。
三號﹕"香港小姐DEE后"阿芝，即係本人。我最中意就係玩啤牌同埋懶靚。
四號﹕"影會暨X男會長"阿政。佢最like做旁觀者同埋攪影會。

四個人年紀最大相差7年，性別又有異。唯一共同地方就係......操流利粗口。

攪下黑白先..HEE
p.s.雖然回來香港一星期有多，心仍在遠方....記掛美景、記掛瘋狂的玩樂、記掛同行友人...正!!!