由於昨天行得太勁，所以我地今日將行程放慢，早上先去清水寺，我覺得這間寺比其他寺好玩，因為佢似係以寺廟為主題既主題公園多D！首先係我地見到一舊愛情石，只要你成功由一邊行到另一邊，咁你既愛情就會順順利利。我地見到個鬼仔試行，但佢D朋友勁好笑，又用手攔住佢、又喺佢腳前放個背包扮係舊石，睇到我笑到轆地！
跟住我地又去到一個叫音羽之滝既瀑布，人人都排隊飲水，話係乜野十大名水，有金水、延命水既美喻喎！其實我覺得最好玩係條水柱好勁，拎住嗰支長長既水勺，一不留神，跌左落水，就真係失禮死人lor！話時話佢地飲完水，會把水勺放在一個有紫外線射住既存放處，搞到好似好衛生咁，令遊人飲得放心！
跟住我地又行三年坂，傳說話如果在此絆倒，三年後就會死，真係邪到死呀！
跟住我地又去左銀閣寺，d旅遊書話必去，我地去到又覺得普普通通啫，可能又係果句lar！秋天先黎lar！
