餓左山好耐好耐，終於忍唔住，見天氣咁好，點都要去行下山。今次同家姐、亞hei去左烏蛟騰，由於家姐未行過山，所以我決定行條易d既路，由烏蛟騰行去荔枝窩，呢條路真係好鬼易行，我地三個傻婆行得好慢，見野就影，可能係太耐冇得行山既關係吧！放假時，一係天氣唔好，一係就鬼咁多野做，走唔郁！今日真係天時地利人和呀！正！
我地開頭行得好慢，到左荔枝窩仲要食埋野先繼續行，所以搞到好晏，四點幾先係荔枝窩走人。於是我地要趁日落天黑前走返出去，咁我當然就駛出絕招係咁大步走！
本來行左3-4個鐘既路，而家個幾鐘行完，家姐差d冇命！返到屋企佢痛左幾日，可能下次唔肯同我再去行山lu！不過行山真係好玩！我真係好鍾意！
