埃及旅行小Tips

1埃及鎊(B) 約等如1.35港幣

當地天氣乾燥晴朗, 不自覺身上會染了不少沙塵的, 一出門必要塗防灑

當地買野時流通的貨幣係埃及鎊(B), 美金或歐羅, 不過美金歐羅面額大, 講價時唔多著數

當地人如果影佢相無論大小都會走埋來要你俾tips

當地可以以物換物的, 如果你有d 香港帶去特別的東西可以同當地人交換的

到埃及安全嗎?
埃及幾年前發生過恐怖份子躲在旅遊景點(哈克米爾女皇大殿)向旅客亂槍殺人事件, 事後當地政府為確保國家最大收入來源, 在所有有旅客到的地方設了關卡, 視線範圍內必見有手拿機關槍的旅遊軍警, 事實上到目前為至都再沒有同類事情再發生, 當地的人民好良善, 比我既感覺係比上深圳安全得多, 如果都覺得危險的話, 我想只有香港係無天災人禍的

旅遊區要小心扒手, 搶野就唔會有的(四周有軍警麻)

埃及買野要講價, 1元的東西人家會開價10元, 成交價如何就要睇你既牙力, 多數人懂基本英語講價

有什麼東西手信可買?
差不多所有景點都會見到類似的遊客紀念品, 小飾物甲蟲鏈,銀器,木器,金字塔(1B - 20B),當地色彩服裝(50-200B), 名信片(1-10B), 大小的香水樽(3-20B), 絲巾, 布, 石雕石像壁畫, 水煙, 香水, 香料, 當地食品水果無乜packing, 所以好難當手信, 市集會比較多唔同或未見過的東西買

所有景點都要俾入場費, 費用10-70B不等, 跟團就包埋

所有地方都要經過X光機檢查行李, 包括上落船, 酒店, 機場, 博物館

所有地方去廁所(除了機場)都有人收tips 1B(當然你可以wet難面唔俾ge), 大多數食野地方都唔會有食水供應, 要買水飲 (5-10B 一支大水, 有可樂或其他的)

當地沒有玩樂設施(除了紅海外), 主要係睇宏偉建築古蹟(除了金字塔, 還有不少神殿), 風土人情

當地跟團9至10日既洗費, 如果唔購買一些假假地既古董的話, 應該一個人用50-150美金左右

跟團必會坐幾日船, 船道無浪好定的, 水面好平靜, 好似係陸地咁, 船上有酒吧, 甲板通常會有個小水池可以浸下水, 船上有洗衫乾衫服務

當地有些景點有鋪頭售賣菲林,SD,CF 卡的