今日下午再去上第三堂強制 ... 都係麻麻地, 建議要補5-6個鐘 !  我仲係鈄路準備開車時, 鬆Clutch過快, 死左火, 架車連人就向後流, 仲要個人都撐唔住, 企唔穩. 情況混亂, 想捉住前Break又唔夠實, 架車繼續向後流, 想放隻腳上車踩埋尾Break, 不過架車停唔到所以踩唔到, 最後唔夠力, 撞左埋亞Sir度!  拿 .... 我想跳車架, 不過左邊係欄杆冇位走, 右邊亞Sir又係度, 又走唔到咋!

因為尋日考試既內容同步驟只係試過兩次, 一定渣得唔好架啦, 但應該多d練習考試既野, 就會好快改善到 !  可能因為平時玩埋好多考試未考到既野, 所以都o徙左好多時間 !  好在而家排期排左去6月, 仲有好多時間練 !  熟能生巧, 希望只係習中練考試部份會過到骨啦~~ 到時Pass左強制, 練習既自己度就會大好多, 到時就可以真係借車出去自己練多d, 慳返d !  而家補鐘既錢, 點都要比架啦 ....

放左學, 就去左旺角打邊邊, 順便補祝埋Karen既生日 !  之後再去上樓Cafe度飲野 !  因為又約左Dr.Alex 既關係, 所以早走 !  去到 ... 今次我忍住冇再同佢食宵夜啦 ...淨係睇住佢食 !  食完之後, 佢就帶我去遊左轉車河 ...返黎比我既Comment就係 ...我連坐車都坐唔定 ... 不過只係開頭, 之後都定返好多 ! 仲要個死仔, 無端端係廣東道加速, 又一線直cut3線, 再返1線,嚇到我眼都突埋 ... 但只係行緊5~60/km !  話返比Eric知, 佢都話佢坐過爬雞都坐唔定又嚇到面都青, 因為seat位窄, 車身輕, 又高 , 重心重...

坐完車車, 都學到好多野, 佢一邊渣, 就一邊講解, 又可以留意下佢渣車既技巧, 希望再加埋補鐘, 可以Pass到強制試啦~~   Dr. Alex仲話, 如果考到, 我就可以出街渣,到時佢又同我上多幾堂添呀 ^.^ ... 不過, 佢5月就要去外國讀個短期course, 唔知返到黎時, 會唔會忙到冇時間教我呢 !