« March 2024 »
MoTuWeThFrSaSu
 123
45678910
11121314151617
18192021222324
25262728293031
Wednesday 24th May 2006 10:33:28 AM

有D主人好錫自己既狗狗, 當佢地有病或就快離開自己身邊時都會好唔捨得同心痛, 都會盼望狗狗會好快好番, 一定會醫到 !  但亦有D主人好狠心, 見狗狗出左少少問題, 居然放左係屋企兩個星期都仲唔理, 一理既就話要送佢地走~

上星期, 屋企樓下既診所, 黎左一隻郁都唔郁, 差D以為已經死左既好似唐狗既物體係度, 身體好臭, 好大陣咸魚味, 關節位有好多傷口, 成隻耳仔都係耳垢, 當時見到佢既感覺係生不如死~   不過再係Kathleen口中知道, 原來佢既主人其實想拎黎幫佢打針安樂死 !  不過醫生見佢身體狀況都不至於太壞, 所以就留左佢係度, 大家見佢咁辛苦, 所以就提議開一個大既狗籠比佢休息, 總好過訓一個唔岩Size既飛機兜入面 !   入左籠後, 終於睇清楚啦 ...佢原來係一隻Lab黎架~  都幾靚女, 又好好毛, 毛色又靚, 係年紀大左少少, 再問之下, 原來佢已經有17歲架啦, 完全唔似呀 ! 

呢隻Lab叫Jackie呀, 佢好乖架~  話說佢黎診所前, 都有一段小插曲 ....佢既主人原本係叫醫生去佢度幫佢打針死架~   不過去之前就炒左車, 所以醫生就覺, 總係有少少野, 好似叫佢唔好去咁, 所以佢就打比果個主人, 叫佢自己拎隻狗去診所, 去到診所, 個主人都係決定唔要佢, 但因為Jackie既求生意志真係非一般咁強, 如果大家都唔幫佢, 都會覺好可惜, 而且佢身體又未至於太差, 點解唔幫下佢o者 !  所以最後醫生留左Jackie係診所度照顧佢 !

Jackie佢已經留左係診所一個星期啦, 經過呢一個星期既治療, 佢已經由初初郁都郁唔到到而家可以自己轉動前半身, 好多既傷口都已經好轉及埋口, 由要人手餵佢食餵佢飲到而家可以自己主動去飲食, 而且仲越黎越精神, 只係差一步就係行路~ 唔知係因為佢年紀大, 關節有問題令佢行唔到, 又或者係佢大肥, 令到自己都支撐唔到自己, 嘗試幫助佢行, 不過佢始終仲未得, 抱返佢入籠後腳仔就不停震, 又氣喘得好緊要, 所以都知道企起身對佢黎講, 幾秒鐘都已經好辛苦, 不過希望佢好快可以行得返啦~ 

最後, 好想同個所謂主人講, 你都養左佢17年啦 ... 唔會咩感情都冇掛 ?!  你居然一個星期以來, 只係黎過一次, 仲要睇佢唔夠5分鐘, 仲要係因為路過附近先黎睇佢, 你有冇人性架?!  不過其實都希望你唔好再黎, 還掂你都唔要佢, 唔好比Jackie一個希望仲好 ! 

Wednesday 24th May 2006 12:56:19 PM
From: 蓮蓮
究竟Jackie 17年既日子係點過呢?

Wednesday 24th May 2006 10:54:40 AM
From: 牛丸凡
過份!!! 希望jackie 可以快d 行番 幫醫生守住個門口 ^^

Name
Security code
CAPTCHA Image Reload
Verify security code
Message