原本今日諗住一早10點就入去狗公園游水架啦, 不過我唔知醒, 所以攪到成12:45先入到去 !  初時打算玩兩個鐘就返屋企, 跟住就執屋同睇法証先鋒大結局 !   不過Vincent就無端端買埋Lunch比我, 食完再玩, 玩玩下, 旦媽又同旦旦入黎, 不過因為太大雨, 所以入到黎佢地冇玩到, 轉為食Dinner !  去食Dinner前, 原本Goofy就入籠, 旦旦就入天字一號房, 不過因為我怕Goofy會整爛人地個籠, 所以就比佢同旦旦一整入狗房休息下先 !  到食完飯返黎時, 係窗口度見到Goofy係個窗度不斷望出黎搵緊我, 不過我地又要去Vincent屋企睇大結局, 所以冇理到佢就走左 !  點知, 我地走時, 入狗房接返Goofy, 就發現佢個心口手腳都濕晒, 心諗岩岩先沖完涼, 唔會痾左尿又係度玩, 攪到一身尿掛 ... 我再聞下, 都唔係尿黎既, 就更加奇怪, 佢地住果間狗房唔係用水兜, 係用水樽, 冇理由會玩水玩成咁 ... Vincent返黎之後, 疑團終於解開啦, 原來Goofy自己偷走左出黎  狗房果度, 已經閂好左門, 仲有狗房個大門又係出面鎖埋, 點會走左出黎架 ... 望晒個環境, 睇黎最大可能都係Goofy佢開左個窗, 再由窗口穿過窗花之出 !  點解我會有隻咁既狗架