今日約左一大班比高好友去香港狗公園度BBQ同埋游水, 最開心既, 當然係Goofy啦, 佢成個月冇去過玩啦~  佢游到唔願上水, 連Shirley都話佢好肯自己玩~  咁我都開心既, 因為有幾個新加入比高會既Family帶埋佢地既狗狗黎出席我地既活動, 識多左幾個狗友 !  印象最深既, 就一定係Flora佢地一家啦~  因為佢隻比高係泳池度已經不斷發揮佢為食既本色 ... 再加上佢帶埋隻我最愛既Greyhound黎, 所以有好多野都想知, 好多野都想問 !   除左一班原本約好左既朋友仔之外, 連Goofy既細佬fyfy同埋佢buddy Oscar都有黎游水, 佢地仲同埋一班長腳既狗狗朋友MOMO (亞富汗) 同埋 Ola (Borzoi)黎玩 !

上半場因為要服侍左亞高飛哥去游水先, 所以要佢游完水先有得去影相 !  所以今日影左好少相, 但好在出黎既色, 都比之前影人既好 !  冇再咁多雜訊既出現 !  亦都因為我得好少時間影相, 所以只係主力影兩隻唔多郁既狗狗Snoopy & Phoebe !  其他既狗狗 ...Sorry呀, 下次先再幫你地影過啦 !

夜晚個天都算幾多, 冇落雨之餘, 仲有d風, 所以燒野食都唔算太辛苦 !  食完之後 ... 又留係Vincent度過夜 ... 因為我又冇車返出九龍

p.s 今次要多謝表哥幫Goofy影左一張態勢非常之Prefect既跳水相 !  同埋要多謝表弟車我同Goofy入狗公園