因為下個星期會放一個星期假,所以都要做好晒所有野先走得,攪下攪下, 就攪到差不多兩點先正式做好晒公司野 !   做完野就即刻搭火車入大學搵Sasa同表哥食lunch, 之後就去大埔火車博物館影相 !  影完就入甘小文屋企BBQ~   玩下玩下 ... 玩到成12:30先走, 出到去最後一班巴士都成個鐘前走左! 最後,唯有就跟表哥車出大學, 再由SaSa車我出旺角, 再轉巴士返屋企 !  原本已經好攰, 好想快D返屋企, 點知上著架運吉車, 有個8婆自己戇居居上車又O都一次 落車又O都一次, 之後就話自己入多左錢, 要問司機拎返錢, 當然司機唔會比佢啦, 個8婆就死都唔肯落車, 又要係度嘈, 攪到成車都係起晒哄 ... 攪左一大輪, 第二班車都埋左站, 個女人最後就比D乘客趕左佢落車, 攪到我成2:30先返到屋企 !   原本諗住一返到去沖個涼就訓, 點知個死仔又唔生性, 走左入廚房玩, 打爛野, 一遍混亂 ... 唉 ... 真係唔知講咩好 ... 好在佢冇整親, 但我就要執餐死囉 !  佢點解入到去攪攪震 ??? 咪就係佢甩左個collar, 自己跳過個欄入去攪囉~~  其實都冇咩攪到野, 只係佢摷野時d垃圾膠袋玩左出黎同埋打爛玻璃咁o者 !

而今朝我訓都未訓醒, 老豆就好大聲係度叫 ... 原來個衰仔嘔到一地都係, 又要我起身清理 ... 佢早兩日都嘔過次架啦 ... 今日將佢送返去佐敦, 都唔知睇唔睇得掂佢 ... 又唔知佢有冇病 ... 但明天又要出門, 真係放心唔落 ...