今日一早起身, 一如所料, 打極比Suyi個八婆都唔知醒 !  由我起身, 換好衫, 再同Goofy換埋衫, 再食多個Brunch, 都仲未搵到佢, 又唔想就咁冇左一日, 所以最後同YY一致決定唔好等佢, 我地自己出發去玩先 !  我地決定左入西貢, 因為近近地嘛~  今日再次約埋Uncle一齊去, 3個人5隻狗, 好開心咁係西貢兜左個圈玩左陣 !  之後就正啦 ... 下午茶時間, 我地去左食海鮮呀 !! 

真係好好食呀 ... 食左 :
(1) 蒸老虎斑
(2) 辣辣花螺煲
(3) 椒鹽特大賴尿蝦
(4) 白灼蝦
(5) 炒芥蘭

全部都好新鮮好好食, 好耐都未食過咁新鮮既海鮮~  埋單都差不多位位三百, 都算幾豪架 !  Goofy都唔執輸, 係搣蝦時比佢搶左隻 ...真係想死呀佢 !!

食完海鮮, 大家都仲未夠喉, 去埋滿記食糖水, 真係爽呀 !  好開心咁又食又玩咁玩左一日 !  Suyi就真係抵佢死, 冇得食 ... 等你訓訓訓丫o拿 ... 哼 !!