2006年1月13日 (星期五)
行程: 代官山 > 下北沢 > 銀座 > 新宿
今日第一個目的地就係去左代官山先 ! 因為又係為左睇狗仔同狗仔野囉 ... wakaka ... 果度既人野就真係唔多岩我勒, 不過狗仔野就幾OK, 仲有間狗狗Bakery Shop添 ! 岩岩我去到, 仲有香港既記者係果度影緊相, 做緊訪問添 ! 亦都係果一區見到好多狗仔 ! 最後, 都係果度買左一個玩具比Goofy !
之後就去左下北澤 ! 果度真係好多立雜野睇, 又係有狗仔衫既專門店, 仲好大好靚, 不過d野就真係貴到買唔落手, 成5,6百蚊一件, 仲貴過人著既, 不過就真係好靚既~~
去到又係要買返d野走先似去過既, 不過因為狗仔店賣既野太貴, 所以就去左玩具店買左一set 3 個既Anpanman既波仔, 比Goofy夏天去游水用 !
跟住見仲有時間淨, 再去下一站銀座 ! 果度就真係似足中環區, 賣既大多數都係名牌, 完全唔岩我, 不過就真係志在去見識下囉 !
最後一站就係返新宿勒 ! 去食晚飯之前, 就去左Tokyu Hands度睇玩具 ! 真係好多新奇野睇 ! 好似下面呢款Lego .... 真係好佩服佢地呀 .... 有得賣架, 仲一d都唔貴, 不過我唔好Mickey, 所以冇買到, 影張相算 !
是日晚餐: (臨走仲拎埋佢地個 free既日曆)
戰利品:
(1)黃色果個奇怪形狀玩具就係o係代官山買既大約¥650 !
(2) 果三個麵包超人波咪就係下北澤果度買架囉, 因為平過香港好多, 所以先至買 !
(3) 呢個手袋仲巴閉, 平香港好多都唔在講, 最重要係我想買時, 因為帶唔夠錢, 所以有人送既 !