2006年2月26日 (星期日)
出門口前就好鬼好太陽, 入到深涌就天都陰埋 ! 不過都叫做放過下狗, Goofy返到屋企都係死狗一隻 !
今日死仔又比佢執到死雞~ 仲要係大大大大大隻既糯米雞, 食得津津有味 ... 好在人家都係養狗人仕, 放左佢一碼 !
今日去既人就多啦~~ 有一早入左去玩既Yretta +2R, 同我夾車既Chloe + Jessie + 飛飛, Stanley + Emily + 囡囡, 西貢區菠蘿輋今次亦罕見地派出強大陣容出席, 有好久不見既Vivian + Yin + Woody + Pop, 台柱Rachel + 沙展, 仲有失蹤人口YY + Polo + MuiMui ! 又有明戀Goofy既妹妹 + 主人Kennis, 不過Goofy就慘啦 ..... 妹妹心情唔多All Right, 所以打到Goofy連肚都反埋 ! 其他狗狗代表就有懶人Jeff + DonDon + 友人甲 + 友人乙, 仲有仲有好朱古力色既朱古力 + 主人 X 2 !
玩就唔係好好玩, 甚至有點兒悶~ 不過難得見返一班少見既朋友, 傾下計, 放下狗, 都幾寫意, 最重要係狗仔玩到死晒狗就係最重要出黎既目的 ! 目的達到, 收隊返出市中心吃糖水~~